Utrojestan dori vositasi O'zbekiston dori vositalari reestrida ro'yxatdan o'tganmi?

Ha, preparat O'zbekiston dori vositalari reestrida ro'yxatdan o'tgan.

Utrojestan dori vositasi ishlab chiqaruvchisi kim va u qaysi davlatda ishlab chiqarilgan?

Utrojestan dori vositasi Sindea Farma SL, Ispaniya po zakazu Bezen Xelskea SA, Belgiya tomonidan Ispaniya/Belgiya mamlakatida ishlab chiqarilgan.

Bosh sahifa / Dori vositalari / Utrojestan

Utrojestan

Name: Utrojestan
Rating: 4.56 (9 reviews)

Chiqarish shakllari Qo'llanma Narxlar Analoglar Barcha rasmlar Savollar Fikr-mulohazalar

Utrojestan chiqarilish shakllari

Retseptli

UTROJESTAN kapsulalar 100mg N28

Ispaniya/Belgiya

Ishlab chiqaruvchi:

Sindea Farma SL, Ispaniya po zakazu Bezen Xelskea SA, Belgiya

•107 ta dorixonada bor

Narxi

90 315 so'm dan

UTROJESTAN kapsulalar 200mg N14

Ispaniya/Belgiya

Ishlab chiqaruvchi:

Sindea Farma SL, Ispaniya po zakazu Bezen Xelskea SA, Belgiya

•112 ta dorixonada bor

Narxi

119 500 so'm dan

- Utrojestan qabul qilish bo'yicha ma'lumot

- Utrojestanning tarkibi

- Utrojestan ko'rsatmalar va qarshi ko'rsatmalar

- Utrojestan narxi Toshkent dorixonalarida

Utrojestan haqida qo'llanma

Qo‘llash ko‘rsatmalari

Ayollarda progesteron tanqisligi holatlari: Peroral yuborish yo'li: -lyutein yetishmovchiligi oqibatidagi bepushtlik -hayz ko'rishdan oldingi sindrom -ovulyatsiya buzilishi yoki anovulyatsiya oqibatidagi hayz tsikli buzilishlari -fibroz-kistoz mastopatiya -premenopauza -peri- va postmenopauzada o'rinbosar gormonal terapiya (OGT) (estrogen saqlovchi preparatlar bilan birga) Vaginal yuborish yo'li: -ishlamaydigan (yo'q bo'lgan) tuxumdonlarda progesteron tanqisligi hollarida OGT (tuxum hujayralar donorligi) -xavf guruhidagi ayollarda (bachadon bo'yni qisqarishi va/yoki anamnezida muddatidan oldin tug'ruq va/yoki homila pardalarining muddatidan oldin yorilishi ma'lumotlari bo'lganda) muddatidan oldin tug'ruqni oldini olish (profilaktika) -ekstrakorporal urug'lantirishga tayyorgarlik vaqtida lyutein fazani qo'llab-quvvatlash -spontan yoki indutsirlangan hayz tsiklida lyutein fazani qo'llab-quvvatlash -muddatidan oldin menopauza -OGT (estrogen saqlovchi preparatlar bilan birga) -lyutein yetishmovchiligi oqibatidagi bepushtlik

Qo'llanilishi mumkin bo'lmagan holatlar

Jigar yoki buyrak funksiyasining og‘ir buzilishlari, gepatit, tromboembolik kasalliklar, noaniq genezli vaginal qon ketishlar, sut bezi karsinomasi (progesteron ushbu kasallikning kombinatsiyalangan terapiyasi tarkibida qo‘llaniladigan hollar bundan mustasno). Homiladorlik va emizish davrida qo‘llanilishi: O‘ta zarur hollarda sariq tana gormonlari yetishmovchiligi aniqlanganda homiladorlikda progesteronni qo‘llash mumkin. Progesteron yaqin vaqt ichida homiladorlikni rejalashtirayotgan ayollarda qo‘llanilmaydi. Jigar funksiyasi buzilishlarida qo‘llanilishi: Jigar funksiyasining og‘ir buzilishlarida, gepatitda mumkin emas. Jigar funksiyasining o‘rtacha yoki yengil buzilishlari bo‘lgan bemorlarda ehtiyotkorlik bilan qo‘llaniladi. Buyrak funksiyasi buzilishlarida qo‘llanilishi: Buyrak funksiyasining og‘ir buzilishlarida mumkin emas. Buyrak funksiyasining o‘rtacha yoki yengil buzilishlari bo‘lgan bemorlarda ehtiyotkorlik bilan qo‘llaniladi.

Tarkibi

1 kapsulada: ta'sir etuvchi modda: tabiiy mikronizatsiyalangan progesteron 100 mg Yordamchi moddalar: kungaboqar moyi 149 mg, soya letsitini 1 mg; kapsula - jelatin 76.88 mg, glitserin 31.45 mg, titan dioksidi 1.67 mg 1 kapsulada: ta'sir etuvchi modda: tabiiy mikronizatsiyalangan progesteron 200 mg Yordamchi moddalar: kungaboqar moyi 298 mg, soya letsitini 1 mg; kapsula - jelatin 153.76 mg, glitserin 62.9 mg, titan dioksidi 3.34 mg

Утрожестан^®препаратининг таъсир этувчи моддаси бўлиб прогестерон ҳисобланади, тухумдонлар сариқ танасининг табиий гормонидир. Нишон аъзо ҳужайралари юзасидаги рецепторлар билан боғланиб, ядрога киради, шу ерда ДНК ни фаоллаштириб, РНК синтезини рағбатлантиради. Фолликуляр гормони чақирадиган бачадон шиллиқ қаватининг пролиферация давридан секретор даврига, уруғлангандан кейин эса, уруғланган тухум ҳужайрани ривожланиши учун қулай ҳолатга ўтишини таъминлайди. Бачадон ва бачадон найлари мушакларининг қўзғалувчанлиги ва қисқарувчанлигини камайтиради, сут безларининг охирги элементларининг ривожланишини рағбатлантиради.

Нормал эндометрийни ҳосил бўлишига ёрдам беради. Сут безининг охирги элементларини ривожланишини рағбатлантиради ва лактацияни индукциялайди.

Farmakokinetikasi

Ichga qabul qilinganda. So‘rilishi: Mikronizatsiyalangan progesteron me'da-ichak traktidan absorbtsiya qilinadi. Qon plazmasida progesteron konsentratsiyasi birinchi soat davomida asta-sekin oshadi, qonda maksimal konsentratsiya (S max) qabul qilingandan so‘ng 1-3 soatdan keyin qayd etiladi. Qon plazmasida progesteron konsentratsiyasi 1 soatdan keyin 0,13 ng/ml dan 4,25 ng/ml gacha, 2 soatdan keyin 11,75 ng/ml gacha oshadi va 3 soatdan keyin 8,37 ng/ml, 6 soatdan keyin 2 ng/ml va 8 soatdan keyin 1,64 ng/ml ni tashkil qiladi. Metabolizmi: Qon plazmasida aniqlanadigan asosiy metabolitlar 20-alfa-gidroksi-delta-4-alfa-pregnanolon va 5-alfa-digidroprogesteron hisoblanadi. Chiqarilishi: Siydik bilan metabolitlar ko‘rinishida chiqariladi, ularning 95% ini glyukuronkon'yugatsiyalangan metabolitlar, asosan 3-alfa, 5-beta-pregnandiol (pregnandion) tashkil qiladi. Qon plazmasi va siydikda aniqlanadigan ushbu metabolitlar sariq tananing fiziologik sekretsiyasida hosil bo‘ladigan moddalarga o‘xshash. Vaginal yuborilganda. So‘rilishi: Absorbtsiya tez sodir bo‘ladi, progesteron bachadonda to‘planadi, qon plazmasida progesteronning yuqori darajasi yuborilgandan so‘ng 1 soat o‘tgach kuzatiladi. Qon plazmasida progesteronning Сmах yuborilgandan so‘ng 2-6 soatdan keyin erishiladi. Preparat 100 mg dan sutkasiga 2 marta yuborilganda o‘rtacha konsentratsiya 24 soat davomida 9,7 ng/ml darajasida saqlanib turadi. 200 mg/sut dan ortiq dozalarda yuborilganda progesteron konsentratsiyasi homiladorlikning I trimestriga mos keladi. Metabolizmi: Asosan 3-alfa, 5-beta-pregnandiol hosil bo‘lishi bilan metabolizmga uchraydi. Plazmada 5-beta-pregnanolon darajasi oshmaydi. Chiqarilishi: Siydik bilan metabolitlar ko‘rinishida chiqariladi, asosiy qismini 3-alfa, 5-beta-pregnandiol (pregnandion) tashkil qiladi. Bu uning konsentratsiyasining doimiy oshishi bilan tasdiqlanadi (6 soatdan keyin Сmax 142 ng/ml).

Farmakologik ta'siri

Gestagen, sariq tana gormoni. Nishon-a'zolar hujayralari yuzasidagi retseptorlar bilan bog'lanib, yadroga kiradi, u erda DNK ni faollashtirib, RNK sintezini rag'batlantiradi. Bachadon shilliq qavatining follikulyar gormon keltirib chiqargan proliferatsiya fazasidan sekretor fazaga, urug'langandan keyin esa - urug'langan tuxum hujayra rivojlanishi uchun zarur bo'lgan holatga o'tishiga yordam beradi. Bachadon va bachadon naychalari mushaklarining qo'zg'aluvchanligi va qisqaruvchanligini kamaytiradi, sut bezining oxirgi elementlari rivojlanishini rag'batlantiradi. Proteinlipazani rag'batlantirib, yog' zaxiralarini oshiradi; glyukoza utilizatsiyasini oshiradi; bazal va stimullangan insulin kontsentratsiyasini oshirib, jigarda glikogen to'planishiga yordam beradi; gipofiz gonadotrop gormonlari ishlab chiqarilishini oshiradi; azotemiyani kamaytiradi, siydik bilan azot chiqarilishini oshiradi. Sut bezlari atsineslarining sekretor bo'limi o'sishini faollashtiradi va laktatsiyani induktsiya qiladi. Normal endometriy hosil bo'lishiga yordam beradi.

Nojo'ya ta'sirlar

Allergik reaktsiyalar. Ichga qabul qilinganda - uyquchanlik, o'tkinchi bosh aylanishi (preparat qabul qilingandan 1-3 soat o'tgach), o'ta kamdan-kam hollarda - hayzlararo qon ketish, qindan ajralmalar, bo'g'imlarda og'riqlar, hayz oldi sindromi, suyuqlik tutilishi, tana vaznining o'zgarishi, alopetsiya, tromboz, o'tkir pankreatit, tungi soatlarda ko'p terlash. Bu noxush ta'sirlar odatda doza oshirib yuborilganligining birinchi belgilari hisoblanadi. Uyquchanlik va/yoki o'tkinchi bosh aylanishi, xususan, hamroh gipoestrogeniya holatida kuzatiladi. Dozani kamaytirish yoki yuqoriroq estrogenizatsiyani tiklash progesteronning terapevtik samarasini pasaytirmasdan bu hodisalarni darhol bartaraf etadi. Agar davolash kursi juda erta boshlansa (hayz tsiklining birinchi yarmida, ayniqsa 15-kungacha), hayz tsiklining qisqarishi yoki atsiklik qon ketishlar bo'lishi mumkin. Qayd etiladigan hayz tsiklining o'zgarishlari, amenoreya yoki atsiklik qon ketishlar barcha progestagenlarga xosdir. Klinik amaliyotda qo'llanilishi Postmarketing qo'llashda progesteron peroral qo'llanilganda quyidagi noxush ko'rinishlar qayd etilgan: uyqusizlik; hayz oldi sindromi; sut bezlarida taranglik; qindan ajralmalar; bo'g'imlarda og'riq; gipertermiya; tungi soatlarda ko'p terlash; suyuqlik tutilishi; tana vaznining o'zgarishi; o'tkir pankreatit; alopetsiya, girsutizm; libido o'zgarishi; tromboz va tromboembolik asoratlar (estrogen saqlovchi preparatlar bilan birga O'BT o'tkazilganda); arterial qon bosimining oshishi. Preparat tarkibiga soya letsitini kiradi, u yuqori sezuvchanlik reaktsiyalarini (eshakemi va anafilaktik shok) keltirib chiqarishi mumkin. Vaginal qo'llash usulida Preparat tarkibiy qismlariga (xususan, soya letsitiniga) qin shilliq qavati giperemiyasi, achishish, qichishish, moyli ajralmalar ko'rinishidagi mahalliy o'zlashtira olmaslik reaktsiyalari rivojlanishining alohida holatlari haqida xabar berilgan. Preparat tavsiya etilgan dozalarda intravaginal qo'llanilganda tizimli nojo'ya ta'sirlar, xususan, uyquchanlik yoki bosh aylanishi (preparat peroral qo'llanilganda kuzatiladigan) qayd etilmagan.

Dozirovkasi

100 mg 200 mg

Dozani oshirib yuborilishi

Davolash: uyquchanlik yoki bosh aylanishi paydo bo‘lgan taqdirda sutkalik dozani kamaytirish yoki preparatni hayz siklining 10 kuni davomida uyqudan oldin qabul qilishni tayinlash kerak; hayz sikli qisqarganda yoki «surkaluvchi» qonli ajralmalarda davolashni boshlashni siklning kechroq kuniga (masalan, 17-kun o‘rniga 19-kunga) ko‘chirish tavsiya etiladi; perimenopauzada va postmenopauzada ZGT da estradiol konsentratsiyasi optimal ekanligiga ishonch hosil qilish kerak. Doza oshirib yuborilganda zarurat bo‘lsa simptomatik davolash o‘tkaziladi.

Dori shaklining ta'rifi

Yumshoq jelatin kapsulalar, dumaloq, yaltiroq, sarg'ish rangli; kapsula ichidagisi - ko'rinadigan fazalarga ajralishsiz oqish gomogen moyli suspenziya. Yumshoq jelatin kapsulalar, oval, yaltiroq, sarg'ish rangli; kapsula ichidagisi - ko'rinadigan fazalarga ajralishsiz oqish gomogen moyli suspenziya

Maxsus ko‘rsatmalari

Утрожестан^®препаратни контрацепция мақсадида қўллаш мумкин эмас.

Препаратни овқат билан бирга қўллаш мумкин эмас, чунки овқатни қабул қилиш прогестероннинг биокираолишини оширади.

Утрожестан^®препаратини суюқликни тутилиши ҳолатлари чуқурлашадиган ҳолатлар ва касалликлари бўлган (артериал гипертензия, юрак-қон томир касалликлари, сурункали буйрак етишмовчилиги, тутқаноқ, мигрень, бронхиал астма) пациентларда; қандли диабети бўлган пациентларда; жигар функциясининг енгил ва ўрта оғирлик даражадаги бузилишлари; ёруғликка сезгирлиги бўлган пациентларда эҳтиёткорлик билан қўллаш лозим.

Анамнезида депрессияси бўлган пациентларни кузатиш зарур, ва депрессиянинг оғир даражаси ривожланиши ҳолатида препаратни бекор қилиш лозим.

Утрожестан^®препаратининг таркибига сояли лецитин киради, бу ўта юқори сезувчанлик реакцияларини чақириши мумкин (эшакеми ва анафилактик шок).

Юрак -қон томир касалликлари бўлган ва анамнезида улар мавжуд бўлган пациентларни мувофиқ шифокор томонидан даврий равишда назоратни ўтказиш лозим.

Ҳомиладорликнинг I уч ойлигидан сўнг Утрожестан^®препаратини қўллаш холестаз ривожланишига олиб келиши мумкин.

Прогестерон билан узоқ муддат даволанганда доимо тиббий кўрикларни ўтказиб туриш лозим (шу жумладан жигар функцияларининг тадқиқотлари); жигарнинг функционал синамалари кўрсаткичларини нормадан орқада қолиши ёки холестатик сариқлик кузатилса даволашни тўхтатиш лозим.

Прогестеронни қўллашда глюкозага толерантлик пасайиши мумкин ва бунинг натижасида қандли диабети бўлган пациентларда инсулин ва бошқа гипогликемик препаратларга эҳтиёж ошиши мумкин.

Даволаниш жараёнида аменорея пайдо бўлиши ҳолатида, ҳомиладорлик мавжуд бўлганда уни бекор қилиш лозим.

Агар даволаш курси бир ойлик циклнинг бошида ҳаддан ташқари эрта бошланса, айниқса 15-чи кунгача, цикл қисқариши ва/ёки ациклик қон кетишлар кузатилиши мумкин. Ациклик қон кетиши ҳолатларида сабабни аниқламагунча, шу жумладан эндометрийни гистологик текширмагунча препаратни қўллаш мумкин эмас.

Анамнезида хлоазма мавжуд бўлса ёки унинг ривожланишига мойиллик бўлганда, пациентларга УБ-нурланишдан сақланиш тавсия этилади.

Ҳомиладорликнинг эрта ўзи-ўзидан ҳомила ташлашнинг 50% дан кўпроғи генетик бузилишлар билан изоҳланади. Бундан ташқари, инфекцион жараёнлар ва механик шикастланишлар ҳомиладорликнинг эрта муддатларида ҳомилани тушишига сабаб бўлиши мумкин. Бундай ҳолларда Утрожестан® препаратини қўллаш фақат яшаш қобилиятига эга бўлмаган уруғланган тухум ҳужайрани кўчиши ва эвакуациясини кечиктириши мумкин. Шундай қилиб, фақат прогестерон етишмовчилиги ҳолатларида хавф солувчи абортни олдини олиш мақсадида Утрожестан® препаратини қўллаш мумкин.

Перименопауза даврида эстрогенлар билан МГД ўтказишда Утрожестан® препаратини хайз циклининг камида 12 куни давомида қўллаш тавсия этилади.

Постменопаузада МГДнинг узлуксиз тартибида препаратни эстрогенларни қабул қилишнинг биринчи кунидан бошлаб қўлланади.

МГД ни ўтказишда веноз тромбоэмболия (чуқур веналарнинг тромбози ёки ўпка артерияларининг тромбоэмболияси), ишемик инсульт, юрак ишемик касаллигининг ривожланиш хавфи ошади.

Тромбоэмболик асоратларнинг ривожланишининг хавфи туфайли қуйидаги ҳолатлар пайдо бўлишида: яъни кўришни хиралашиши, экзофтальм, кўришни икки хил бўлиши, тўр парданинг томирли шикастланишлари; мигрень, веноз тромбоэмболия ёки тромботик асоратлар, уларнинг жойлашган жойидан қатъий назар препаратни қабул қилишни тўхтатиш лозим.

Анамнезида тромбофлебит мавжуд бўлса, пациент синчков кузатув остида бўлиши лозим.

Утрожестан® препаратини эстроген сақловчи препаратлар билан бирга қўллашда веноз тромбоэмболиянинг хавфига тегишли уларни қўллаш бўйича йўриқномасига амал қилиш зарур.

Women Health Initiative Study (WHI) клиник тадқиқотларининг натижаларида эстроген сақловчи препаратларни гестогенлар билан узоқ муддат, 5 йилдан ортиқ қўлланганида кўкрак безининг ўсмаларини хавфини бироз ошиши хақида хабар берилган.

Постменопаузада эстроген сақловчи препаратларни прогестерон билан биргаликда МГД ни ўтказишда аёлларда кўкрак безининг ўсмасини чақириш хавфини ошириши мумкинлиги номаълум.

Шунингдек, WHI тадқиқотларининг натижалари 65 ёшдан катта беморларда МГД ни бошида деменциянинг ривожланиш хавфини оширишини аниқлади.

МГД ни бошлашдан аввал ва уни ўтказиш вақтида даволанишни ўтказишга қарши кўрсатмаларни аниқлаш учун аёллар доимо назорат қилиниши лозим. Клиник кўрсатмалар мавжуд бўлганда сут безлари текширилиши ва гинекологик текширув ўтказилиши керак.

Прогестеронни қўллаш айрим лаборатор ташхисларнинг натижалари, жумладан жигар, қалқонсимон бези функцияларининг кўрсаткичлари; коагуляция параметрлари; прегнандиол концентрациясига таъсир кўрсатиши мумкин.

Тарнспорт воситалари ва механизмларни бошқариш қобилиятига таъсири

Перорал қабул қилинганида автотранспортни бошқариш ва диққатни жамлаш ва психомотор реакциялар тезлини талаб қилувчи бошқа потенциал хавфли фаолиятлар билан шуғулланишда эҳтиёткорликка риоя қилиш керак.

Dori vositalarining o'zaro ta'siri

Peroral qo‘llanilganda Progesteron diuretiklar, gipotenziv dori vositalari, immunodepressantlar, antikoagulyantlar ta’sirini kuchaytiradi. Oksitotsinning laktogen samarasini kamaytiradi. Barbituratlar, tutqanoqqa qarshi preparatlar (fenitoin), rifampitsin, fenilbutazon, spironolakton, grizeofulvin kabi CYP3A4 jigar mikrosomal fermentlari induktorlari preparatlari bilan bir vaqtda qo‘llash jigarda progesteron metabolizmi tezlashishi bilan kechadi. Progesteronni ba’zi antibiotiklar (penitsillinlar, tetrasiklinlar) bilan bir vaqtda qabul qilish ichak mikroflorasi o‘zgarishi oqibatida jinsiy gormonlarning ichak-jigar retsirkulyatsiyasi buzilishi tufayli uning samaradorligi pasayishiga olib kelishi mumkin. Ko‘rsatilgan o‘zaro ta’sirlarning yaqqollik darajasi turli bemorlarda farq qilishi mumkin, shuning uchun sanab o‘tilgan o‘zaro ta’sirlarning klinik samaralarini prognoz qilish qiyin. Ketokonazol progesteron biokiraolishligini oshirishi mumkin. Progesteron ketokonazol va siklosporin konsentratsiyasini oshirishi mumkin. Progesteron bromokriptin samaradorligini pasaytirishi mumkin. Progesteron glyukozaga tolerantlik pasayishini chaqirishi mumkin, buning oqibatida — qandli diabeti bo‘lgan bemorlarda insulinga yoki boshqa gipoglikemik preparatlarga bo‘lgan ehtiyojni oshirishi mumkin. Progesteron biokiraolishligi chekuvchi bemorlarda va alkogol haddan tashqari iste’mol qilinganda pasayishi mumkin. Intravaginal qo‘llanilganda. Progesteron intravaginal qo‘llanilganda boshqa dori vositalari bilan o‘zaro ta’siri baholanmagan. Progesteron ajralib chiqishi va so‘rilishi buzilishiga yo‘l qo‘ymaslik uchun intravaginal qo‘llaniladigan boshqa dori vositalarini bir vaqtda qo‘llashdan saqlanish kerak.

Saqlash sharoitlari

25 °C дан юқори бўлмаган ҳароратда сақлансин.

Qo‘llash usuli va dozirovkasi

DozalashPeroral

Preparat ichga kechqurun yotishdan oldin, suv bilan ichib qabul qilinadi.

Ko'pchilik hollarda progesteron yetishmovchiligida Utrojestan® preparatining sutkalik dozasi 200-300 mg ni tashkil qiladi, 2 qabulga bo'lingan holda (200 mg kechqurun yotishdan oldin va 100 mg ertalab, zarurat bo'lganda).

-Homila tushishi xavfida yoki progesteron yetishmovchiligi oqibatida odatiy homila tushishini oldini olish uchun: homiladorlikning I va II trimestrlarida har kuni 200-600 mg sutkasiga. Utrojestan® preparatini keyingi qo'llash homilador ayolning klinik ma'lumotlarini baholash asosida davolovchi shifokor tayinlovi bo'yicha mumkin.

-Lyutein faza yetishmovchiligida (hayz oldi sindromi,

fibroz-kistoz mastopatiya, dismenoreya, menopauzal o'tish davri) sutkalik doza 200 yoki 400 mg ni tashkil qiladi, 10 kun davomida qabul qilinadi (odatda siklning 17-kunidan 26-kunigacha).

-Perimenopauzada MGT da estrogenlarni qabul qilish fonida Utrojestan® preparati

12 kun davomida sutkasiga 200 mg dan qo'llaniladi.

-Postmenopauzada MGT da uzluksiz rejimda Utrojestan® preparati

estrogen saqlovchi preparatlarni qabul qilishning birinchi kunidan boshlab 100-200 mg dozada qo'llaniladi. Dozani tanlash individual amalga oshiriladi.

Intravaginal

Kapsulalar qinga chuqur kiritiladi.

-Xavf guruhidagi ayollarda (bachadon bo'yni qisqarishi va/yoki anamnezda muddatidan oldin tug'ruq va/yoki homila pardalarining muddatidan oldin yorilishi ma'lumotlari mavjud bo'lganda) muddatidan oldin tug'ruqni oldini olish (profilaktika): odatdagi doza 200 mg ni tashkil qiladi yotishdan oldin, homiladorlikning 22-haftasidan 34-haftasigacha.

-Faoliyat ko'rsatmaydigan (yo'q) tuxumdonlarga ega ayollarda progesteronning to'liq yo'qligi

(tuxum hujayralar donorligi): estrogenlar bilan terapiya fonida siklning 13 va 14-kunlari sutkasiga 100 mg dan, keyin siklning 15-kunidan 25-kunigacha sutkasiga 2 marta 100 mg dan, 26-kundan boshlab va homiladorlik aniqlangan taqdirda doza har hafta sutkasiga 100 mg ga oshib, sutkasiga maksimal 600 mg gacha yetadi, 3 qabulga bo'lingan holda. Ko'rsatilgan doza 60 kun davomida qo'llanilishi mumkin.

-Ekstrakorporal urug'lantirish siklini o'tkazish vaqtida lyutein fazani ushlab turish:

xorionik gonadotropin inyeksiyasi qilingan kundan boshlab homiladorlikning I va II trimestri davomida sutkasiga 200 dan 600 mg gacha qo'llash tavsiya etiladi.

-Sariq tana funksiyasi buzilishi bilan bog'liq bepushtlikda spontan yoki induktsiyalangan hayz siklida

lyutein fazani ushlab turish: siklning 17-kunidan boshlab 10 kun davomida sutkasiga 200-300 mg qo'llash tavsiya etiladi, hayz kechikishi va homiladorlik tashxisi qo'yilgan taqdirda davolashni davom ettirish kerak.

-Progesteron yetishmovchiligi fonida yuzaga keladigan homila tushishi xavfi yoki odatiy homila tushishini oldini olish maqsadida:

homiladorlikning I va II trimestrlarida har kuni sutkasiga 200-400 mg 2 qabulda.Dozani oshirib yuborishSimptomlari: uyquchanlik, o'tkinchi bosh aylanishi, eyforiya, hayz siklining qisqarishi, dismenoreya.

Ba'zi bemorlarda o'rtacha terapevtik doza mavjud bo'lgan yoki yuzaga kelgan progesteronning beqaror endogen sekretsiyasi, preparatga alohida sezgirlik yoki estradiolning juda past konsentratsiyasi tufayli haddan tashqari ko'p bo'lishi mumkin.

Davolash:

- uyquchanlik yoki bosh aylanishi yuzaga kelganda sutkalik dozani kamaytirish yoki preparatni hayz siklining 10 kuni davomida yotishdan oldin tayinlash zarur;

- hayz sikli qisqarganda yoki «surkaladigan» qonli ajralmalarda davolash boshlanishini siklning kechroq kuniga (masalan, 17-kun o'rniga 19-kunga) ko'chirish tavsiya etiladi;

- perimenopauzada va postmenopauzada MGT da estradiol konsentratsiyasi optimal ekanligiga ishonch hosil qilish zarur.

Dozani oshirib yuborishda zarurat bo'lganda simptomatik davolash o'tkaziladi.

Diqqat: ushbu sahifadagi preparat tavsifi rasmiy yo‘riqnomaning soddalashtirilgan va to‘ldirilgan versiyasidir. Ma’lumot faqat tanishish maqsadida taqdim etilgan va o‘z-o‘zini davolash uchun qo‘llanma sifatida foydalanilmasligi kerak. Utrojestan preparatini qabul qilishdan oldin albatta shifokor bilan maslahatlashing

Manbalar ro‘yxati: