Kanamitsin
Kanamitsin chiqarilish shakllari
Retseptli
Xitoy
Ishlab chiqaruvchi:
Reyoung Pharmaceutical Co., Ltd
•2 ta dorixonada bor
Narxi
3 000 so'm dan
- Kanamitsin qabul qilish bo'yicha ma'lumot
- Kanamitsinning tarkibi
- Kanamitsin ko'rsatmalar va qarshi ko'rsatmalar
- Kanamitsin narxi Toshkent dorixonalarida
Kanamitsin haqida qo'llanma
Qo‘llash ko‘rsatmalari
- Og'ir yiringli-septik kasalliklarni (sepsis, meningit, peritonit, septik endokardit), nafas olish a'zolari infektsion-yallig'lanish kasalliklarini (pnevmoniya, plevra empiemasi, o'pka xo'ppozi), buyrak va siydik chiqarish yo'llari infektsiyalarini (pielonefrit, tsistit, uretrit) davolash, operatsiyadan keyingi davrdagi yiringli asoratlarni, infektsiyalangan kuyishlarni va asosan grammanfiy mikroorganizmlar (E.coli, Enterobacter aerogenes, Serratia, Salmonella, KL.pneumonia, Proteus spp., Shigella va b.) chaqirgan, boshqa antibiotiklarga chidamli yoki grammusbat va grammanfiy qo'zg'atuvchilar assotsiatsiyasi chaqirgan boshqa kasalliklarni davolash. I va II qator silga qarshi preparatlarga va florimitsindan tashqari boshqa silga qarshi preparatlarga chidamli sil mikobakteriyalari chaqirgan o'pka sili va boshqa a'zolar sil kasalliklari.
Qo'llanilishi mumkin bo'lmagan holatlar
- Yuqori sezuvchanlik (shu jumladan anamnezda boshqa aminoglikozidlarga), azotemiya va uremiya bilan kechuvchi og‘ir surunkali buyrak yetishmovchiligi, kalla-miya nervlari VIII juftligi nevriti, homiladorlik. Ehtiyotkorlik bilan - miasteniya, parkinsonizm, botulizm (aminoglikozidlar nerv-mushak o‘tkazuvchanligi buzilishini chaqirishi mumkin, bu esa skelet mushaklarining yanada kuchsizlanishiga olib keladi), buyrak yetishmovchiligi, keksa yosh, chala tug‘ilgan bolalar, yangi tug‘ilganlik davri (1 oygacha), laktatsiya davri.
Tarkibi
- 1 fl. kanamitsin (monosulfat shaklida) 1 g faol modda: kanamitsin disulfati (kanamitsinga qayta hisoblanganda) - 1,0 g kanamitsin 1,0g kanamitsin sulfati (kanamitsinga qayta hisoblanganda) - 1 g.
Farmakokinetikasi
Ichga qabul qilinganda deyarli absorbtsiya qilinmaydi (ichakning shikastlanmagan shilliq qavati orqali atigi taxminan 1% so‘riladi, MIYning shikastlangan yoki yaralangan shilliq qavati orqali esa katta miqdorlar so‘rilishi mumkin), mahalliy ta'sir ko‘rsatadi. M/o yuborilganda Cmax ga erishish vaqti - 0,5-1,5 soat, 30 daqiqalik v/i infuziyadan so‘ng – 30 daqiqa, 60 daqiqalik v/i infuziyadan so‘ng – 15 daqiqa. 7,5 mg/kg v/i yoki m/o yuborilgandan so‘ng Cmax – 22 mkg/ml. Plevral bo‘shliq, limfatik, sinovial va peritoneal suyuqliklar, qon zardobi, bronxial sekret va safroga o‘tadi. Safroda Cmax 6 soatdan keyin erishiladi. Siydikda yuqori konsentratsiyalar aniqlanadi; safro, ko‘krak suti, suvli namlik, bronxial sekret, balg‘am va orqa miya suyuqligida past konsentratsiyalar. Organizmining barcha to‘qimalariga yaxshi o‘tadi, u yerda hujayra ichida to‘planadi; yuqori konsentratsiyalar qon bilan yaxshi ta'minlangan organlarda: o‘pka, jigar, miokard, taloq va ayniqsa buyraklarda (po‘stloq moddasida to‘planadi) qayd etiladi, pastroq konsentratsiyalar – mushaklar, yog‘ to‘qimasi va suyaklarda. Normada kanamitsin GEB orqali o‘tmaydi, biroq miya qobiqlari yallig‘lanishida orqa miya suyuqligidagi preparat konsentratsiyasi plazmadagining 30-60% igacha yetadi. Yangi tug‘ilgan chaqaloqlarda kattalarga qaraganda orqa miya suyuqligida yuqoriroq konsentratsiyalar hosil bo‘ladi. Yo‘ldosh to‘sig‘i orqali o‘tadi, homila qoni va amniotik suyuqlikda aniqlanadi. Vd kattalarda – 0,26 l/kg, bolalarda – 0,2-0,4 l/kg, 1 haftalikdan kichik va tana vazni 1,5 kg dan kam bo‘lgan yangi tug‘ilgan chaqaloqlarda - 0,68 l/kg gacha, 1 haftalikdan kichik va tana vazni 1,5 kg dan ortiq bo‘lganlarda - 0,58 l/kg gacha, mukovitsidoz bilan og‘rigan bemorlarda – 0,3-0,39 l/kg. Metabolizmga uchramaydi. T1/2 kattalarda – 2-4 soat, yangi tug‘ilgan chaqaloqlarda – 5-8 soat, katta yoshdagi bolalarda – 2,5-4 soat. Yakuniy T1/2 – 100 soatdan ortiq (hujayra ichidagi depolardan ajralib chiqishi). Parenteral yuborilgandan so‘ng buyraklar orqali kalavalar filtratsiyasi yo‘li bilan asosan o‘zgarmagan holda (24 soatdan keyin siydikda 70-95% aniqlanadi), ichga qabul qilinganda – axlat bilan chiqariladi. Buyrak funktsiyasi buzilganda kattalarda T1/2 funktsiya buzilishi darajasiga qarab 100 soatgacha o‘zgarib turadi, mukovitsidoz bilan og‘rigan bemorlarda – 1-2 soat, kuyish va gipertermiya bo‘lgan bemorlarda T1/2 yuqori klirens tufayli o‘rtacha ko‘rsatkichlarga nisbatan qisqaroq bo‘lishi mumkin. Gemodializda chiqariladi (4-6 soat ichida 50%), peritoneal dializ kamroq samarasiz (48-72 soat ichida 25%).
Farmakologik ta'siri
Aminoglikozidlar guruhiga kiruvchi keng ta'sir doirasiga ega antibiotik. Past kontsentratsiyalarda bakteriostatik ta'sir (mikrob hujayralarida oqsil sintezining buzilishi hisobiga), yuqori kontsentratsiyalarda - bakteritsid (mikrob hujayrasining sitoplazmatik membranalarini shikastlaydi) ta'sir ko'rsatadi. Mikrob hujayrasiga kirib, 30S ribosomal subbirlikdagi o'ziga xos oqsil-retseptorlar bilan bog'lanadi. Transport va matritsa RNK kompleksi (ribosomaning 30S subbirligi bilan) hosil bo'lishini buzadi va proteinlar sintezini to'xtatadi. Ko'pchilik grammusbat va grammanfiy mikroorganizmlarga, shuningdek kislotaga chidamli bakteriyalarga: Mycobacterium tuberculosis (shu jumladan streptomitsin, PASK, izoniazid va viomitsindan tashqari boshqa silga qarshi preparatlarga chidamli), Escherichia coli, Shigella spp., Salmonella spp., Proteus spp., Enterobacter spp., Klebsiella pneumoniae, Neisseria gonorrhoeae et meningitidis, Staphylococcus spp. ga nisbatan samarali. Ushbu mikroorganizmlarning tetratsiklin, eritromitsin, xloramfenikol, benzilpenitsillin, streptomitsin va boshqalarga chidamli shtammlari ko'pchilik hollarda kanamitsinga sezgirligini saqlab qoladi. Pseudomonas aeruginosa, Streptococcus spp., Bacteroides va boshqa anaerob bakteriyalar, achitqisimon zamburug'lar, viruslar va sodda jonivorlarga ta'sir qilmaydi. Streptococcus spp. ga nisbatan kuchsiz faol.
Nojo'ya ta'sirlar
- Ovqat hazm qilish tizimi tomonidan: ko'ngil aynishi, qusish, diareya, jigar funktsiyasining buzilishi ("jigar" transaminazalari faolligining oshishi, giperbilirubinemiya); uzoq muddat ichga qabul qilinganda - malabsorbtsiya sindromi (diareya, meteorizm, och rangli, ko'pikli, moyli axlat). Qon yaratish organlari tomonidan: anemiya, leykopeniya, granulotsitopeniya, trombotsitopeniya. Asab tizimi tomonidan: bosh og'rig'i, uyquchanlik, holsizlik, neyrotoksik ta'sir (mushaklarning tortishishi, uvishish hissi, sanchish, paresteziyalar, epileptik xurujlar), nerv-mushak o'tkazuvchanligining buzilishi (nafas to'xtashi). Sezgi a'zolari tomonidan: ototoksiklik (quloqlarda jaranglash yoki bitish hissi, eshitishning pasayishi, qaytmas karlikkacha), vestibulyar apparatga toksik ta'sir (harakatlar koordinatsiyasining buzilishi, bosh aylanishi, ko'ngil aynishi, qusish). Siydik chiqarish tizimi tomonidan: nefrotoksiklik - buyrak funktsiyasining buzilishi (siydik ajralishining tezlashishi yoki kamayishi, chanqoqlik, tsilindruriya, mikrogematuriya, albuminuriya). Allergik reaktsiyalar: teri toshmasi, qichishish va teri giperemiyasi, isitma, angionevrotik shish. Agar yo'riqnomada ko'rsatilgan har qanday nojo'ya ta'sirlar kuchaysa, yoki yo'riqnomada ko'rsatilmagan boshqa har qanday nojo'ya ta'sirlar qayd etilsa, darhol bu haqda shifokorga xabar berish kerak.
Dozirovkasi
- 0,5 g 0,5g, 1g 1 g 1,0 g
Dozani oshirib yuborilishi
Belgilari: toksik reaksiyalar (eshitishning yo‘qolishi, ataksiya, bosh aylanishi, siyishning buzilishi, chanqoq, ishtahaning pasayishi, ko‘ngil aynishi, qusish, quloqlarda jaranglash yoki bitib qolish hissi, nafas olishning buzilishi). Davolash: nerv-mushak o‘tkazuvchanligi blokadasini va uning oqibatlarini bartaraf etish uchun - gemodializ yoki peritoneal dializ, xolinesteraza ingibitorlari, kalsiy tuzlari, o‘pkaning sun’iy ventilyatsiyasi, boshqa simptomatik va tutib turuvchi terapiya.
Dori shaklining ta'rifi
- Oq yoki deyarli oq rangli kukun. Gigroskopik Mushak ichiga va vena ichiga yuborish uchun eritma tayyorlash uchun kukun Mushak ichiga va vena ichiga yuborish uchun eritma tayyorlash uchun kukun Mushak ichiga yuborish uchun eritma tayyorlash uchun kukun Mushak ichiga yuborish uchun eritma tayyorlash uchun kukun
Maxsus ko‘rsatmalari
Ototoksik va nefrotoksik xususiyatlarga ega boshqa antibiotiklar (shu jumladan streptomitsin, monomitsin, neomitsin, gentamitsin, florimitsin), diuretiklar (shu jumladan furosemid, mannitol) va miorelaksantlar (miorelaksatsiyaning kuchayishi va davomiyligi uzayishi) bilan bir vaqtda yoki ketma-ket qo'llash mumkin emas.
Miasteniya, parkinsonizm, botulizm (aminoglikozidlar nerv-mushak o'tkazuvchanligi buzilishini chaqirishi mumkin, bu skelet mushaklari yanada kuchsizlanishiga olib keladi), buyrak yetishmovchiligi, keksa yoshdagi bemorlarda ehtiyotkorlik bilan va faqat hayotiy ko'rsatmalar bo'yicha qo'llash kerak.
Nojo'ya ta'sir belgilari paydo bo'lganda kanamitsinni bekor qilish kerak.
Davolash davrida buyrak funksiyasini nazorat qilish va audiometriya o'tkazish tavsiya etiladi - sil bo'lmagan etiologiyali infektsiyalarni davolashda haftada kamida 1 marta va silni davolashda oyda kamida 1 marta.
V/i yoki plevra ichiga yuborilganda nafas olish susayishi belgilari paydo bo'lgan taqdirda kanamitsin yuborishni to'xtatish va darhol v/i kalsiy xlorid eritmasini va t/o atropin bilan prozerin eritmasini yuborish kerak. Zarurat tug'ilganda bemor boshqariladigan nafasga o'tkaziladi.
Siydik chiqarish yo'llarining yuqumli-yallig'lanish kasalliklari bo'lgan bemorlarga ko'p miqdorda suyuqlik ichish tavsiya etiladi. Ijobiy klinik dinamika bo'lmaganda rezistent mikroorganizmlar rivojlanishi mumkinligini yodda tutish kerak. Bunday hollarda davolashni bekor qilish va tegishli terapiya o'tkazishni boshlash zarur. Nerv-mushak blokadasi rivojlanish ehtimoli tufayli suyultirilmagan kanamitsinni v/i yuborish tavsiya etilmaydi. Jigar komasida ammiak intoksikatsiyasini kamaytirish uchun ichak florasi bakteriyalarini uzoq muddat bostirish maqsadida qo'llaniladi.
Chala tug'ilgan chaqaloqlarda, 1 oylikkacha bo'lgan bolalarda ehtiyotkorlik bilan va faqat hayotiy ko'rsatmalar bo'yicha qo'llash kerak.
Dori vositalarining o'zaro ta'siri
Miasteniyaga qarshi DV samarasini pasaytiradi. Kuraresimon DV, umumiy anestetiklar va polimiksinlarning miorelaksatsiyalovchi ta’sirini kuchaytiradi. Farmatsevtik jihatdan streptomitsin, gentamitsin, monomitsin, penitsillinlar, geparin, sefalosporinlar, kapreomitsin, amfoteritsin V, eritromitsin, nitrofurantoin, viomitsin bilan mos kelmaydi. Beta-laktam antibiotiklar (sefalosporinlar, penitsillinlar) og‘ir surunkali buyrak yetishmovchiligi bo‘lgan bemorlarda aminoglikozidlar samarasini pasaytiradi. Nalidiks kislotasi, polimiksin, sisplatin va vankomitsin oto- va nefrotoksiklik rivojlanish xavfini oshiradi. Diuretiklar (ayniqsa furosemid), sefalosporinlar, penitsillinlar, sulfanilamidlar va nosteroid yallig‘lanishga qarshi preparatlar nefron kanalchalarida faol sekretsiya uchun raqobatlashib, aminoglikozidlar eliminatsiyasini bloklaydi, ularning qon zardobidagi konsentratsiyasini oshiradi, nefro- va neyrotoksiklikni kuchaytiradi. Siklopropan kanamitsin qorin bo‘shlig‘iga yuborilganda apnoe rivojlanish xavfini oshiradi. Indometatsinni parenteral yuborish aminoglikozidlarning toksik ta’sirlari rivojlanish xavfini oshiradi (T? uzayishi va klirens pasayishi). Metoksifluran, parenteral yuborish uchun polimiksinlar va nerv-mushak o‘tkazuvchanligini bloklovchi boshqa DV (ingalyatsion anesteziya uchun DV sifatida galogenlangan uglevodorodlar, narkotik analgetiklar, sitratli konservantlar bilan katta miqdorda qon quyish) nefrotoksik ta’sir va nafas to‘xtashi (kuchaygan nerv-mushak blokadasi natijasida) yuzaga kelish xavfini oshiradi.
Qo‘llash usuli va dozirovkasi
Muayyan preparatning qo'llash usuli va dozalash rejimi uning chiqarilish shakli va boshqa omillarga bog'liq. Optimal dozalash rejimini shifokor belgilaydi. Muayyan preparatning qo'llaniladigan dori shaklining qo'llash ko'rsatmalariga va dozalash rejimiga qat'iy rioya qilish kerak.
Diqqat: ushbu sahifadagi preparat tavsifi rasmiy yo‘riqnomaning soddalashtirilgan va to‘ldirilgan versiyasidir. Ma’lumot faqat tanishish maqsadida taqdim etilgan va o‘z-o‘zini davolash uchun qo‘llanma sifatida foydalanilmasligi kerak. Kanamitsin preparatini qabul qilishdan oldin albatta shifokor bilan maslahatlashing
Manbalar ro‘yxati:
- 1. Dori vositalari va tibbiy buyumlar Davlat reestri (O‘zbekiston Respublikasi)
- 2. Ishlab chiqaruvchining rasmiy yo‘riqnomasi
- 3. Anatomik-terapevtik-kimyoviy tasnif (ATX)
Kanamitsin haqida savollar
Kanamitsin haqida fikr-mulohazalar
Reyting 0, 0 ta sharh asosida
