KOAMOZEF

Faol moddalarga va har qanday penisillinlarga o'ta yuqori sezuvchanlik.

Boshqa beta-laktam preparatlariga (masalan, tsefalosporinlar, karbapenemlar yoki monobaktamlarga) zudlik bilan kechuvchi og'ir o'ta yuqori sezuvchanlik reaktsiyalari.

Sariqlik yoki anamnezida amoksisillin/klavulan kislotasini qo'llash fonida jigarni boshqa shikastlanishi.

1 flakon quyidagilarni saqlaydi:

faol modda: natriyli tuzi shaklida 1000 mg amoksisillin va kaliyli tuzi shaklida 200 mg klavulan kislotasi saqlaydi.

yordamchi moddalar: mavjud emas.

Keng ta'sir doirasiga ega antibiotik, amoksisillin va beta-laktamazalar ingibitori klavulan kislotasining majmuaviy preparati.

Amoksisillin bakterisid ta'sir qiladi, bakteriya hujayrasi devori peptidoglikanining sintezini susaytiradi. Grammusbat va grammanfiy mikroorganizmlarga nisbatan faol. Preparat tarkibiga kiruvchi klavulan kislotasi beta-laktamazalarning II, III, IV va V turlarini bostiradi, Enterobacter spp., Pseudomonas aeruginosa, Serratia spp., Acinetobacter spp lar ishlab chiqaradigan beta-laktamazalarni I turiga nisbatan faol emas.

Faollik spektori

Grammusbat bakteriyalar

Aeroblar: Streptococcus spp., Staphylococcus spp. (metisillinga chidamlilaridan tashqari) Enterococcus spp., Corynebacterium spp., Bacillus anthracis, Listeria monocytogenes;

Anaeroblar: Clostridium spp. (Clostridium difficile dan tashqari), Peptococcus spp., Peptostreptococcus spp.;

Grammanfiy bakteriyalar:

Aeroblar: Escherichia coli, Kebsiella spp., Proteus spp., Yersinia enterocolitica, Salmonella spp., Shigella spp., Haemophilus influenzae, Haemophilus ducreyi, Neisseria gonorrhoeae, Neisseria meningitides, Bordetella pertussis, Moraxella catarrhalis, Gardnerella vaginalis, Brucella spp., Pasteurella multocida, Vibrio cholerae, Helicobacter pylori;

Anaeroblar: Bacteroides spp., shu jumladan Bacteroides fregilis, Fusobacterium spp.

Hayvonlarda (sichqonlar va kalamushlar) peroral Koamozef bilan tug'ilishni tekshirishlar teratogen samaralarni ko'rsatmadi. Embrional membrananing barvaqt yirtilishi (pPROM) tashxisi bo'lgan ayollarda o'tkazilgan yagona tadqiqotda, Koamozef bilan profilaktika maqsadida davolash yangi tug'ilgan chaqaloqlarda nekrotik enterokolitni rivojlanish xavfini oshishi bilan bog'liq bo'lishi mumkinligi to'g'risida xabarlar berilgan. Barcha dorilar bilan bo'lgani kabi, preparatni homiladorlikda qo'llashdan, agarda u asosiy davolash vositasida sifatida qaralmayotgan bo'lsa, saqlanish kerak.

Emizish vaqtida qo'llanishi: Koamozefni emizish davrida buyurish mumkin. Ko'krak sutiga juda oz miqdorda chiqarilishi bilan bog'liq sensitizasiya xavfidan tashqari, emizikli bola uchun qandaydir nojo'ya samarani yo'qligi to'g'risida hech qanday ma'lumot yo'q.

Infektsiyalarni davolash uchun dozalar

Kattalar va 12 yoshdan oshgan bolalar. Odatda 1200 mg dan har 8 soatda buyuriladi. Jiddiyroq infektsiyalarda intervallarni 6 soatgacha qisqartiring.

3 oylikdan 12 yoshgacha bo'lgan bolalar: odatda Koamozef tana vazniga 30 mg/kg dan har
8 soatda buyuriladi. jiddiyroq infektsiyalarda interallarni 6 soatgacha qisqartiring.

3 oylikkacha bo'lgan bolalar: Koamozef tana vazniga 30 mg/kg* har 12 soatda, muddatidan oldin yoki keyin tug'ilgan bolalarda perinatal davr vaqtida intervallar 8 soatgacha qisqartiriladi.

* Har 30 mg koamozef 5 mg Klavulon kislotasi va 25 mg amoksisillin saqlaydi.

Jarrohlik aralashuvlaridan keyingi infektsiyalarda dozalash: infektsiyaning yuqori xavfi bo'lgan anesteziya bilan kechuvchi operasiyalarda Koamozefning odatdagi dozasi 0,2 g ni tashkil qiladi. Masalan, kolorektal jarrohlik 24 soatli davr ichida vena ichiga 1,2 g Koamozefning uchtadan to'rttagacha dozasini talab qilishi mumkin. Bu dozalar odatda 0, 8, 16 va 24 soatda qabul qilinadi. Agar muolaja infektsiyaning xavfini ahamiyatli oshirgan bo'lsa, bir necha kun davomida shunday davom etishi mumkin.

Buyrak etishmovchiligida dozalash:

Kattalarga: dozani boshqarish Amoksisillinning maksimal tavsiya qilingan darajasiga asoslangan.

Jigar etishmovchiligida dozalash: Ehtiyotkorlik bilan dozalash kerak.

Kattalarda ham, bolalarda ham jigar faoliyatini nazorat qiling.

Qo'llash usuli

Eritma tayyorlash uchun 20 ml in'ektsiya uchun suv (yakuniy hajmi 20.9 ml) kerak.

Eritish vaqtida pushti rang paydo bo'lishi mumkin.

Tayyorlangan eritma och-somon rangli bo'ladi.

Koamozef preparati eritmasining barqarorligi kontsentrasiyaga bog'liq va shuning uchun uni darhol 3-4 minut davomida ishlatish kerak.

Koamozef preparatining vena ichiga yuboriladigan eritmalari eritma tayyorlanganidan keyin 20 minut davomida ishlatilishi kerak. Koamozef vena ichiga oqim bilan yoki tomchilab yuborilishi mumkin.

Koamozefni vena ichiga in'ektsiya uchun suv yoki 0,9% natriy xloridi eritmasida yuborish mumkin. 600 mg Koamozef preparatini vena ichiga tomchilab yuborish uchun 50 ml 0,9% li natriy xloridi eritmasi kerak, 1200 mg Koamozef preparati uchun 100 ml 0,9% li natriy xloridi eritmasi kerak bo'ladi.

Eritma tayyorlangandan keyin darhol ishlatish lozim.

Davolash parenteral yuborish bilan boshlanishi va peroral qabul qilish bilan davom ettirilishi mumkin.

Mutanosiblik va barqarorlik

Doza oshirib yuborilganida ko'p bo'lmagan miqdordagi pasientlarda me'da-ichak faoliyatining buzilishlari, shu jumladan stomatit va qorin og'rig'i, qusish, diareya kuzatiladi. Yuqori qo'zg'aluvchanlik yoki uyquchanlik.

Davolash: doza oshirib yuborilganida preparatni qabul qiilishni to'xtatish, simptomatik davolash, o'rnini bosuvchi choralarni o'tkazish kerak.

Probenesidni birga qo'llash tavsiya qilinmaydi. Probenesidlar amoksisillinning buyrak naylari orqali chiqarilishini kamaytiradi. Koamozef bilan birga ishlatilishi, klavulan kislotasining emas, balki qonda Amoksisillinning miqdorini uzoq vaqt yuqori darajada bo'lishiga olib kelishi mumkin.

Amoksisillin bilan davolash vaqtida allopurinolni birga qo'llash terida allergik reaktsiyalarning ehtimolini oshirishi mumkin. Koamozef va allopurinolni birga qo'llash bo'yicha xech qanday ma'lumotlar yo'q.

Barcha boshqa antibiotiklar kabi Koamozef xam peroral homilaga qarshi vositalarning samaradorligini pasaytirishi mumkin va pasientlarni muvofiq ravishda ogohlantirish kerak.

Eritma tayyorlash uchun kukun, rezina tiqinli va plastmassa qopqoqli rangsiz shisha flakonlarda. 1 flakon qo'llash bo'yicha yo'riqnomasi bilan karton qutida.

Umumiy va kam uchraydigan noxush ta'sirlarni aniqlash uchun ko'pchilik klinik ma'lumotlar ishlatilgan. Barcha boshqa noxush samaralarning tez-tezligi (ya'ni <1/10000 da yuz beradigan), asosan postmarketing ma'lumotlarni ishlatib, aniqlangan va haqiqiy tez-tezligiga emas, balki xabarlar darajasiga taalluqli.

Tez-tezlikning tasnifi uchun quyidagi mezonlar ishlatilgan:

Juda keng tarqalgan >1/10, tarqalgan >1/100 va <1/10, noodatiy >1/1000 va <1/100, kam hollarda >1/10000 va <1/1000, juda kam hollarda <1/10000.

Infektsiyalar va invaziyalar:

Umumiy teri va shilliq qavat kandidozi.

Qon va limfatik tizimi:

Kam hollarda qaytuvchi leykopeniya (shu jumladan neytropeniya) va trombositopeniya.

Juda kam qaytuvchi agranulositoz va gemolitik anemiya. Protrombin vaqtini uzayishi.

Immun tizimi:

Juda kam angionevrotik shish, anafilaksiya, zardob kasalligiga o'xshash sindrom, qon tomirlarining devorini allergik yallig'lanishi.

Nerv tizimi:

Noodatiy Bosh aylanishi, bosh og'rig'i.

Juda kam qaytuvchi giperreaktivlik va tirishishlar. Tirishishlar buyrak faoliyati susaygan pasientlarda yoki katta dozalarni olayotgan pasientlarda yuz berishi mumkin.

Tomir buzilishlari:

Kam hollarda –in'ektsiya joyida tromboflebit

Vena ichiga yuborilgandan keyin me'da-ichak buzilishlari:

Umumiy – diareya, ko'ngil aynishi, qusish, me'dada buzilishlar.

Kolit (shu jumladan soxtamembranoz kolit va gemorragik kolit) – parenteral yuborilgandan keyin juda kam hollarda kuzatiladi.

Gepatobiliar buzilishlar:

Juda kam – gepatit va xolestatik sariqlik. Bu ko'rinishlar penisillinlar va tsefalosporinlar bilan davolanishda ham kuzatilgan. Jigarga ta'siri ko'proq erkaklarda va keksa pasientlarda aniqlangan va uzoq muddatli davolash bilan bog'liq bo'lishi mumkin. Bu ko'rinishlar juda kam hollarda bolalarda ham kuzatilgan.

Teri va teri osti to'qimalari:

Kam – ko'p shaklli eritema.

Juda kam –Stivens-Djonson sindromi, toksik epidermal nekroliz, bullyoz dermatit.

Buyrak va siydik chiqarish yo'llari:

Juda kam – interstisial nefrit, kristalluriya.

Koamozef quyidagi sohalarda joylashgan bakterial infektsiyalarni davolash uchun mo'ljallangan.

Yuqori nafas yo'llarining infektsiyalari (shu jumladan LOR): masalan, angina, sinusit, o'rta otit.

Quyi nafas yo'llarining infektsiyalari, masalan, surunkali bronxitni zo'rayishi, pnevmoniyalar va bronxopnevmoniyalar.

Siydik-jinsiy tizimining infektsiyalari, masalan, tsistit, uretrit, pielonefrit, ayollar jinsiy a'zolarining infektsiyalari.

Teri va yumshoq to'qimalarning infektsiyalari: masalan yaralar, yiringli yaralar, tsellyulitlar, jarohat infektsiyalari.

Suyak va bo'g'imlarning infektsiyalari: masalan, osteomielit.

Boshqa infektsiyalar: masalan, qorin bo'shlig'i infektsiyalari, sepsis.

Koamozef shuningdek me'da-ichak yo'llari, chanoq sohasi, bosh va bo'yin, yurak, buyraklar, o't-safro yo'llaridagi operasiyalar bilan bog'liq infektsiyalarni oldini olish uchun vena ichiga buyuriladi.

Koamozefni vena ichiga yuborish uchun quyidagi eritmalar bilan suyultirish mumkin. Agarda eritmalar xona haroratida tayyorlansa va saqlansa, unda vena ichiga yuborishlar keltirilgan vaqt chegaralarida tugatilishi lozim.

Koamozef glyukoza, dekstran yoki bikarbonatlarni saqlovchi eritmalarda kamroq barqarordir.

5⁰S haroratda saqlash uchun eritmalar oldindan sovutilgan, venaga yuborish uchun idishlarga qo'shilishi kerak, ular 8 soatgacha saqlanishi mumkin