LEVOMETRIN

QO‘LLASH BO‘YICHA YO‘RIQNOMA

LEVOMETRIN

LEVOMETRIN

Preparatning savdo nomi: Levometrin

Ta‘sir etuvchi modda (XPN): metronidazol, xloramfenikol, nistatin

Dori shakli: vaginal suppozitoriylar.

Tarkibi:

1 suppozitoriy quyidagilarni saqlaydi:

faol moddalar: 225 mg metronidazol, 100 mg xloramfenikol, 75 mg nistatin;

yordamchi moddalar: kattik yog‘lar.

Ta‘rifi: silindrik shaklli, sariq rangli suppozitoriylar.

Farmakoterapevtik guruhi: Asosan akusherstvo va ginekologiyada qo‘llaniladigan vositalar.

ATX kodi: G01AX

Farmakologik xususiyatlari

Mikroblarga qarshi, zamburug‘larga qarshi va protozoylarga qarshi ta‘sirga ega majmuaviy preparat.

Farmakodinamikasi

Metronidazol – protozoylarga qarshi antibakterial ta‘sirga ega bo‘lgan 5-imidazolning hosilasi. Fakultativ anaerob – Gardnerella vaginalis; sodda hayvonlarlar: Trichomonas vaginalis, Giardia intestinalis, Entamoeba histolytica; anaerob grammanfiy bakteriyalar: Bacteroides spp (B. fragilis, B. distasonis, B. ovatis, B. thetaiotaomicron, B. vulgaris), Fusobacterium spp., Provetella spp. (P. bivia, P. buccae, P. disiens); anaerob gramusbat bakteriyalar: Clostridium spp., Eubacterium spp.; anaerob gramusbat kokklar: Peptococcus spp., Peptostreptococcus spp. ga nisbatan faol. Metronidazolga aerob mikroorganizmlar va fakultativ anaeroblar chidamli. Ta‘sir mexanizmi anaerob mikroorganizmlar va sodda hayvonlarning hujayra ichki transport proteinlari tomonidan metronidazolning 5-nitroguruhini biokimyoviy tiklanishi bilan bog‘liq. Metronidazolning tiklangan 5-nitroguruhi mikroorganizmlar hujayrasining DNK si bilan o‘zaro ta‘sir qilib, ularning nuklein kislotalari sintezini ingibisiya qiladi, bu bakteriyalarni nobud bo‘lishiga olib keladi.

Xloramfenikol – keng ta‘sir doirasiga ega antibiotik. Bakteriostatik ta‘sir ko‘rsatadi. Grammusbat bakteriyalar: Staphylococcus spp , Streptococcus spp ; grammanfiy bakteriyalar: Neisseria gonorrhoeae, Neisseria meningitides, Escherichia coli, Haemophilus influenzae, Salmonella spp., Shigella spp., Klebsiella spp., Serratia spp., Yersinia spp., Proteusspp., Rickettsia spp. ga nisbatan faol, shuningdek Spirochaetaceae, ayrim yirik viruslarga nisbatan faol. Mikrob hujayralarning ribosomal 50S subbirligini va oqsil sintezini bostirib, bakteriyalarning o‘sishi va ko‘payishini izdan chiqaradi.

Nistatin – Candida va Aspergillis zamburug‘lariga nisbatan zamburug‘larga qarshi faollikka ega polien antibiotigi. Preparatning fungisid va fungistatik ta‘siri zamburug‘larning sitoplazmatik membranasining stearin tuzilmalariga tropligi bilan bog‘liq. Nistatinning molekulasi zamburug‘larning sitoplazmatik membranasining strukturalariga kirib, suv va elektrolitlarni nazoratsiz kirishiga yordam beruvchi ko‘psonli kanallarni shakllantiradi. Hujayra tashqi osmotik omillarga qarshiligini yo‘qotadi va nobud bo‘ladi.

Farmakokinetikasi

Intravaginal yuborilganida metronidazolning biokiraolishligi 20% ni tashkil qiladi. Gematoensefalik va yo‘ldosh to‘siqlar orqali o‘tadi, ko‘krak sutiga kiradi. Jigarda metabolizmga uchraydi. Gidroksil metabolitlari faol. Metronidazolning yarim chiqarilish davri 6-11 soatni tashkil qiladi. Buyraklar orqali (taxminan 20% o‘zgarmagan holda) va ichak orqali chiqariladi.

Xloramfenikol intravaginal qo‘llanganda shilliq qavatlar orqali ahamiyatsiz darajada so‘riladi va tizimli ta‘sir ko‘rsatmaydi.

Sirtga va mahalliy qo‘llanganda nistatin teri qoplamalari yoki shilliq qavatlar orqali so‘rilmaydi.

Qo‘llanilishi

Bakterial, trixomonadali, zamburug‘li yoki aralash etiologiyaga ega vaginitlar. Kortikosteroidlar, immunosupressorlar, sitostatiklar, antibiotiklar bilan davolashda qin superinfeksiyasini oldini olish; invaziv muolajalar va ginekologik operasiyalar (abort, bachadon bo‘ynining diatermokoagulyasiyasi, gisterografiya, bachadon ichki spiralini o‘rnatish) dan oldin va keyin qo‘llanadi.

Qo‘llash usuli va dozalari

Intravaginal buyuriladi.

O‘tkir vaginitlar: 1 suppozitoydan sutkada 2 marta (ertalab va tunga), 3-4 kun davomida, so‘ngra sutkada 1 suppozitoriydan tunga. Davolash kursi 7-10 kun.

Surunkali vaginitlar: sutkada 1 suppozitoriydan tunga. Davolash kursi 14 kun.

Ginekologik operasiyalar va invaziv muolajalardan oldin va keyin: bir marta, bitta suppozitoriydan tunga.

Kortikosteroidlar, immunosupressorlar, sitostatiklar, antibiotiklar bilan davolaganda profilaktika maqsadida: 1 suppozitoriydan kechkurun, xar 3-7 kunda buyuriladi.

Nojo‘ya ta‘sirlari

Mahalliy reaksiyalar: achishish, qichishish, ayniqsa davolashning boshida, biroq ular davolashni to‘xtatishni talab etmaydi va qinning yallig‘langan shilliq qavatiga preparatning ta‘siri bilan belgilanadi.

Me‘da-ichak yo‘llari tomonidan: qorinda og‘riqi va spazmlar, og‘izda metall ta‘mi, og‘izni qurishi, qabziyat, diareya, ishtahani yo‘qolishi, ko‘ngil aynishi, qusish.

Nerv tizimi tomonidan: bosh og‘rig‘i, harakat buzilishlari (ataksiya), bosh aylanishi, psixoemosional buzilishlar, periferik nevropatiya (preparat uzoq muddat qabul qilinganida), tirishishlar;

Qon yaratish tizimi tomonidan: leykopeniya;

Allergik reaksiyalar: teri toshmalari, shu jumladan eshakemi.

Qo‘llash mumkin bo‘lmagan holatlar

Preparatning komponentlariga o‘ta yuqori sezuvchanlik, homiladorlikning I uch oyligi, laktasiya davri, 18 yoshgacha bo‘lgan bolalarda qo‘llash mumkin emas.

Dorilarning o‘zaro ta‘siri

Bir vaqtda qo‘llanganida bilvosita antikoagulyantlarning ta‘sirini kuchaytiradi; disulfiram bilan bir vaqtda qo‘llanganida MNT tomonidan buzilishlar (ruhiy reaksiyalar) kuzatilishi mumkin; fenitoin bilan bir vaqtda qo‘llanganida, qonda fenitoinning darajasi oshadi, qonda metronidazolning darajasi esa kamayadi; litiy preparatlari bilan bir vaqtda qo‘llanganida litiyningtoksikliligi oshishi mumkin; fenobarbital bilan bir vaqtda qo‘llanganida, metronidazolning qondagi darajasi pasayadi; simetidin bilan bir vaqtda qo‘llanganida, metronidazolning qondagi darajasi oshishi mumkin.

Maxsus ko‘rsatmalar

Jigar faoliyatining og‘ir buzilishlarida (shu jumladan porfiriyada), qon yaratilishining buzilishida va periferik va markaziy nerv tizimi kasalliklarida ehtiyotkorlik bilan qo‘llanadi.

Preparat qo‘llanganida jinsiy aloqadan saqlanish lozim.

Suppozitoriylarni qo‘llash, suppozitoriylarning asosini lateks yoki kauchuk bilan o‘zaro ta‘siri hisobiga mexanik kontrasepsiya (prezervativlar, vaginal diafragmalar) ning ishonchliligini kamaytirishi mumkin.

Takroriy infeksiyalanishni oldini olish maqsadida jinsiy sherikni xam bir vaqtda davolash, trixomonadli vaginitlarda esa – ichga qabul qilish uchun preparatlari bilan davolash lozim.

Davolanish vaqtida va davolash kursi tugagandan keyin 24-48 soat davomida alkogolni o‘zlashtiraolmaslik (disulfiramga o‘xshash reaksiyalar) rivojlanishi mumkinligi tufayli, alkogolni iste‘mol qilmaslik lozim.

Preparat qo‘llanganida qonda jigar fermentlari va glyukozaning darjasini (uni geksokinaz usuli yordamida aniqlashda) o‘zgarishi kuzatilishi mumkin.

Pediatriyada qo‘llanishi: preparatni 18 yoshdan boshlab buyurish mumkin.

Homiladorlik va laktasiya davrida qo‘llanishi

Preparatni homiladorlikning I uch oyligida va laktasiya davrida qo‘llash mumkin emas. Homiladorlikning II va III uch oyliklarida faqat, agar ona uchun potensial foyda, homila uchun bo‘lishi mumkin bo‘lgan xavfdan ustun bo‘lgandagina qo‘llash mumkin. Preparatni laktasiya davrida qo‘llashning zarurati tug‘ilganda emizishni to‘xtatish kerak. Emizishni davolash tugagandan keyin 24-48 soat o‘tgach boshlash mumkin.

Avtomobilni va murakkab mexanizmlarni boshqarish qobiliyatiga ta‘siri

Avtotransportni haydash va murakkab mexanizmlarni boshqarish qobiliyatiga salbiy ta‘sir etishi mumkinligini inkor etib bo‘lmaydi.

Bunga o‘xshash samaralar preparatni mahalliy buyurilganda past tizimli biokiraolishligi tufayli juda kam uchraydi.

Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Preparatning dozasini oshirib yuborish hollari to‘g‘risida xabar berilmagan.

Bo‘lishi mumkin bo‘lgan simptomlar: ko‘ngil aynishi, qusish, qorin og‘rig‘i, diareya, qichishish, og‘izda metall ta‘mi, ataksiya, bosh og‘rig‘i, bosh aylanishi, paresteziyalar, tirishishlar, leykopeniya, siydikni to‘q rangga bo‘yalishi (metronidazolning dozasini oshirib yuborilishi bilan bog‘liq).

Davolash: simptomatik davolash, ichga tasodifan qabul qilinganda – me‘dani yuvish.

Chiqarilish shakli

225 mg metronidazol, 100 mg xloramfenikol, 75 mg nistatin saqlovchi suppozitoriylar; 5 suppozitoriydan PVX/PE plyonkali kontur uyali o‘ramda. 2 kontur uyali o‘ramdan qo‘llash bo‘yicha yo‘riqnomasi bilan birga karton qutida.

Saqlash sharoiti

Quruq va yorug‘likdan himoyalangan joyda, 25˚S dan yuqori bo‘lmagan haroratda saqlansin.

Muzlatilmasin.

Yaroqlilik muddati

3 yil.

Dorixonalardan berish tartibi

Resept bo‘yicha.