Neyromultivit

QO‘LLASH BO‘YICHA YO‘RIQNOMA

NEYROMULTIVIT^®

NEUROMULTIVIT

Preparatning savdo nomi: Neyromultivit ^®

Dori shakli: plyonka qobiq bilan qoplangan tabletkalar

Tarkibi:

Bir tabletka quyidagilarni saqlaydi:

faol moddalar:         tiamin gidroxloridi (V₁vitamini) ……….100 mg,

                                   piridoksin gidroxloridi (V₆ vitamini) .200 mg,

                                   sianokobalamin (V₁₂  vitamini)……………..0,24¹ mg,

yordamchi moddalar: mikrokristall sellyuloza, magniy stearati, povidon.

qobiq tarkibi: makrogol 6000, titan dioksidi (Ye171), talk, gipromelloza, poliakrilat 30% li dispersiyasi².

¹ Miqdori 20% ortiqchasini o‘z ichiga oladi:

² 2,25 mg quruq modda 7,5 mg suspenziyaga mos keladi.

Ta‘rifi: oqdan yoki deyarli oq rangligacha bo‘lgan, ikki tomoni qavariq yuzali, dumaloq, plyonka qobiq bilan qoplangan tabletkalar.

Farmakoterapevtik guruhi: V₁ vitaminining V₆ va V₁₂ vitaminlari bilan majmuasi.

ATX kodi: A11DB.

Farmakologik xususiyatlari

Farmakodinamikasi

Farmakologik xususiyatlari preparatning tarkibiga kiruvchi vitaminlarning hususiyatlari bilan belgilanadi.

Tiamin (V₁ vitamini) odam organizmida fosforlanish jarayonlari natijasida kokarboksilazaga aylanadi, u ko‘pchilik ferment reaksiyalarining kofermentidir. Tiamin uglevod, oqsil va yog‘ almashinuvida muhim rol o‘ynaydi. Sinapslarda nerv qo‘zg‘alishlarini o‘tkazish jarayonlarida faol qatnashadi.

Piridoksin (V₆ vitamini) markaziy va periferik nerv tizimini normal faoliyat ko‘rsatishi uchun zarurdir. Fosforlangan holda aminokislotalar metabolizmining (dekarboksillanish, pereaminlanish va boshqalarda) kofermenti hisoblanadi Nerv to‘qimalarida faoliyat ko‘rsatuvchi muhim fermentlarning kofermenti sifatida namoyon bo‘ladi. Dopamin, noradrenalin, adrenalin, gistamin va GAMK kabi ko‘pchilik neyromediatorlarning biosintezida ishtirok etadi, glutamin kislotasi almashinuvida ishtirok etadi.

Sianokobalamin (V₁₂ vitamini) normal qon hosil bo‘lishi va eritrositlarni yetilishi uchun zarur, shuningdek organizmning hayot faoliyatini ta‘minlovchi qator biokimyoviy reaksiyalarda: metil guruhlarini tashib o‘tilishida, nuklein kislotalar, oqsillar sintezida, aminokislotalar, uglevodlar, lipidlar almashinuvida ishtirok etadi. Nerv tizimidagi jarayonlarga (nuklein kislotalarini sintezida va serebrozidlar va fosfolipidlarni lipid tarkibiga) ijobiy ta‘sir ko‘rsatadi. Sianokobalaminning koferment shakllari – metilkobalamin va adenozilkobalamin xujayralarni replikasiyasi va o‘sishi uchun zarur.

Farmakokinetikasi

Preparatning komponentlari suvda eruvchan vitaminlar hisoblanadi, bu ularni organizmga to‘planib qolish ehtimolini istisno qiladi.

Tiamin va piridoksin ichakning yuqori qismida so‘riladi, so‘rilish darajasi dozaga bog‘liq. Sianokobalaminni so‘rilishi me‘dadan boshlanadi, sianokobalaminni to‘qimalarga yetkazib berilishi transkobalamin II transport oqsili yordamida amalga oshiriladi. Preparatning tarkibiga kiruvchi hamma vitaminlar jigarda metabolizmga uchraydi.

Tiamin va piridoksinni organizmdan chiqarilishi buyrak orqali amalga oshiriladi (taxminan 8-10% o‘zgarmagan ko‘rinishda chiqariladi).

Sianokobalamin asosan safro bilan chiqariladi, uning buyraklar orqali chiqarilishi 6% dan 30% gachani tashkil qiladi.

Qo‘llanilishi

• turli etiologiyali (diabetik, alkogol va boshqa) polineyropatiyalar;
• nevritlar va nevralgiyalar;
• umurtqa pog‘onasining degenerativ o‘zagarishlari fonidagi radikulitlar;
• bel sindromi;
• bo‘yin sindromi;
• ishias, lyumbago;
• pleksitlar;
• qovurg‘alararo nevralgiya;
• uchlamchi nerv nevralgiyasi;
• yuz nervining falajida qo‘llaniladi.

Qo‘llash usuli va dozalari

Tabletkalarni ovqatdan keyin, chaynamasdan va ko‘p bo‘lmagan miqdordagi suyuqlik bilan  qabul qilish lozim.

Odatda 1 tabletkadan sutkada 1-3 marta buyuriladi.

6 yoshdan katta bolalarga shifokor tavsiyasiga ko‘ra, 1 tabletkadan sutkada 1-3 martadan buyuriladi.

Kurs davomiyligi odatda 2-3 haftani (shifokor tavsiyasi bo‘yicha) tashkil qiladi.

Nojo‘ya ta‘sirlari

Preparat bemorlar tomonidan yaxshi o‘zlashtiriladi.

Kam hollarda:

• bosh og‘rig‘i, bosh aylanishi
• ko‘ngil aynishi

Juda kam hollarda:

• V₆ vitaminini juda katta dozalarda noto‘g‘ri qo‘llanganda sezuvchanlikni buzilishi
• qichishish va urtikar toshma ko‘rinishidagi o‘ta yuqori sezuvchanlik reaksiyalari kuzatiladi.

Qo‘llash mumkin bo‘lmagan holatlar

• preparatning komponentlariga yuqori sezuvchanlik.
• homiladorlik va laktasiya davrida qo‘llash mumkin emas.

Dorilarning o‘zaro ta‘siri

• levodopa bilan birga qo‘llanganda neyromultivit levodopaning parkinsonizmga qarshi samarasini pasaytiradi.
• etanol bilan – tiaminni so‘rilishini keskin pasaytiradi.

Neyromultivitni qabul qilish vaqtida tarkibida V guruhi vitaminlari bo‘lgan polivitamin komplekslarini qabul qilish tavsiya qilinmaydi.

Maxsus ko‘rsatmalar

Nevrologik simptomlarni boshlanishi mumkinligi sababli, preparatning yuqori dozalari bilan 4 haftadan ortiq vaqt davomida davolash tavsiya qilinmaydi. V₁₂ vitaminini saqlaydigan preparatlar funikulyar mieloz va xafvli anemiyaning klinik manzarasini va laboratoriya tekshirishlari natijalarini yashirishi mumkin.

Dori vositasini transport vositalari va potensial xavfli mexanizmlarni boshqarish qobiliyati ta‘sirining o‘ziga xosligi.

Ta‘siri aniqlanmagan.

Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari: ataksiya va sezuvchanlikni buzilishlari bilan kechuvchi nevropatiya, EEG dagi o‘zgarishlar bilan kechuvchi serebral tirishishlar, allergik reaksiyalar.

Davolash: dozani oshirib yuborilishini ko‘rinishlarini og‘irligiga bog‘liq holda o‘tkaziladi. Me‘dani yuvish, faollashtirilgan ko‘mirni buyurish, keyinchalik simptomatik davolash.

Chiqarilish shakli va o‘rami

20 tabletkadan polivinilxlorid/polivinildenxlorid plyonkali va laklangan, chop etilgan alyumin folga konturuyali o‘ramda tibbiyotda qo‘llash bo‘yicha yo‘riqnomasi bilan birga karton qutiga joylanadi.

1 kontur uyali o‘ram davlat va rus tillaridagi tiiyotda qo‘llash bo‘yicha yo‘riqnomasi bilan karton qutida.

Saqlash sharoiti

Quruq, yorug‘likdan himoyalangan joyda, 25^oS dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Reseptsiz.