Pentovit

QO‘LLASH BO‘YICHA YO‘RIQNOMA

PENTOVIT

Preparatning savdo nomi: Pentovit

Dori shakli: qobiq bilan qoplangan tabletkalar

Tarkibi:

Bir tabletka quyidagilarni saqlaydi:

tiamin xloridi (V₁ vitamini) – 0,01 g,

piridoksin gidroxloridi (V₆ vitamini) – 0,005 g,

nikotinamid – 0,02 g,

folat kislotasi – 0,0004 g,

sianokobalamin (V₁₂ vitamini) – 0,00005 g,

Yordamchi moddalar: qand (saxaroza), talk, kalsiy stearati, kartoshka kraxmali, asalari mumi, magniy karbonat asosi, bug‘doy uni, metilsellyuloza, ozuqa jelatini, titan dioksidi.

Ta‘rifi:

Dumaloq, ikki tomoni qavariq, oq rangli qobiq bilan qoplangan tabletkalar.

Farmakoterapevtik guruhi

Polivitamin.

ATX kodi: [A11VA]

Farmakologik ta‘siri:

Polivitamin preparati, ta‘siri uning tarkibiga kiruvchi vitaminlarning xususiyatlari bilan bog‘liq. Ushbu vitaminlarning kombinasiyasi uchun asos markaziy va periferik nerv tizimining funksional holatiga yig‘indi ta‘siri hisoblanadi.

Qo‘llanilishi:

Periferik (radikulit, nevralgiyalar nevritlar) va markaziy nerv tizimining kasalliklarini majmuaviy davolash, turli genezli astenik holatlarda qo‘llanadi.

Qo‘llash mumkin bo‘lmagan holatlar:

Preparatning komponentlariga yuqori sezuvchanlik, homiladorlikda qo‘llash mumkin emas.

Qo‘llash usuli va dozalari:

Ichga, 2-4 tabletkadan kuniga 3 marta (ovqatdan keyin) buyuriladi. Davolash kursi – 3-4 hafta. Takroriy kurslar shifokor tavsiyasi bo‘yicha.

Nojo‘ya ta‘siri:

Allergik reaksiyalar bo‘lishi mumkin.

Dorilarning o‘zaro ta‘siri:

Ushbu majmua tarkibiga kiruvchi V₆ vitamini levodopaning parkinsonizmga qarshi ta‘sirini pasaytiradi. Alkogol V₁ vitaminining so‘rilishini keskin pasaytiradi.

Maxsus ko‘rsatmalar:

Tavsiya etilgan sutkalik doza oshirilmasin. Tarkibida V guruhi vitaminlarni saqlovchi polivitamin majmualari bilan bir vaqtda qabul qilish tavsiya qilinmaydi.

Chiqarilishi shakli:

10, 50 tabletkadan kontur uyali o‘ramda. 10 tabletkali 1, 2, 3, 4, 5 kontur uyali o‘ram qo‘llash bo‘yicha yo‘riqnomasi bilan birga karton qutiga joylanadi.

50 tabletkadan kontur uyali o‘ramlar qo‘llash bo‘yicha yo‘riqnomalari bilan birga (o‘ramlar soni bo‘yicha) qutisiz guruh o‘ramiga joylanadi.

Saqlash sharoiti:

Yorug‘likdan himoyalangan joyda, 25°S dan yuqori bo‘lmagan haroratda.

Yaroqlilik muddati:

3 yil. Preparatni o‘ramida ko‘rsatilgan sanasigacha ishlatish kerak.

Dorixonalardan berish tartibi:

Reseptsiz.