Retabolil

QO‘LLASH BO‘YICHA YO‘RIQNOMA

RETABOLIL

RETABOLIL

1. PREPARATNING NOMI

RETABOLIL in‘eksiya uchun moyli eritma

RETABOLIL

2. SIFAT VA MIQDORIY TARKIBI

50 mg nandrolon dekanoati 1 ml in‘eksiya uchun moyli eritmada.

Yordamchi moddalarning ro‘yhati 6.1. bo‘limda keltirilgan

3. DORI SHAKLI va ta‘rifi

In‘eksiya uchun moyli eritma.

Sariq, mexanik kiritmalardan holi bo‘lgan tiniq moyli eritma.

4. KLINIK XUSUSIYATLARI

4.1.      Qo‘llanilishi

Rekonvalessensiya davri. Surunkali buyrak yetishmovchiligi natijasidagi anemiya.

4.2.      Qo‘llash usuli va dozalar

Anemiya:

Kattalarga: har haftada, mushak ichiga, mushakka chuqur yuboriladi, ayollarga 100 mg dan, erkaklarga – 200 mg dan buyuriladi. Terapevtik samarasi shaxsiy xarakterga ega. 3-6 oy qo‘llanganidan keyin terapevtik samara bo‘lmagan holda davolashni to‘xtatish kerak.

Qon manzarasi muvofiq ravishda yaxshilanganidan yoki uning ko‘rsatkichlari normallashganidan keyin gematologik ko‘rsatkichlarning muntazam nazorati ostida dozani asta-sekin pasaytirish kerak. Dozani pasaytirish vaqtida yoki davolash tugaganidan keyin ko‘rsatkichlarni yomonlashishi davolashni qayta boshlashga ko‘rsatma bo‘lib xizmat qilishi mumkin.

Rekonvalessensiya:

Kattalarga 50 mg dan har 3-4 haftada, mushak ichiga, mushakka chuqur yuboriladi.

Preparatni  bolalarga buyurish mumkin emas!

4.3.      Qo‘llash mumkin bo‘lmagan holatlar

Homiladorlik, laktasiya davri; prostata bezining karsinomasi; erkaklarda ko‘krak bezining karsinomasi; preparatning komponentlaridan biriga yuqori sezuvchanlik, bolalarda qo‘llash mumkin emas.

• Maxsus ko‘rsatmalar va ehtiyotkorlik choralari

Tavsiya qilingan dozalarni oshirish ta‘qiqlanadi. Preparat ayollarga buyurilganida preparatning androgen ta‘sirini nazarda tutib, davolashdan kutiladigan foyda va zararni baholash kerak. Preparat miokard disfunksiyasida, gipertoniyada, jigar va buyraklar faoliyatini buzilishida, tutqanoqda, migren va glaukomada (shu jumladan anamnezdagi) ehtiyotkorlik bilan buyuriladi. Davolanish vaqtida organizmda natriy va suvni tutilishi mumkinligi tufayli, ko‘z ichki bosimini nazorat qilish tavsiya qilinadi.

Jigar faoliyatini (masalan, bromsulftaleinning darajasi) o‘zgarishi mumkin, shuning uchun 4-haftalik davolash kursidan keyin, uning faoliyatini nazoratini o‘tkazish tavsiya qilinadi. Davolashga kirishishdan oldin va keyinchalik davolash vaqtida muntazam prostata bezini rektal tekshiruvini o‘tkazish kerak. Qandli diabetda antidiabetik preparatlarning dozasini qayta ko‘rib chiqish kerak. Rivojlanib boruvchi xavfli o‘smalarda buyrak sinamalari va bemorning holatini hisobi bilan davolashni ko‘rib chiqish lozim.

4.5.      Dorilarning o‘zaro ta‘siri va o‘zaro ta‘sirning boshqa turlari

Antidiabetik vositalar va kumarin hosilalari bilan bir vaqtda buyurilganida, bu preparatlarning ta‘siri kuchayishi mumkinligi tufayli ehtiyotkorlik namoyon qilish kerak.

4.6. Homiladorlik va laktasiya vaqtida qo‘llanishi

Homiladorlik vaqtida va laktasiya davrida preparatni qo‘llash mumkin emas.

4.7. Preparatni avtomobilni va boshqa mexanizmlarni boshqarish qobiliyatiga ta‘siri

Preparatni avtotransport va ishchi mexanizmlarni boshqarish uchun zarur bo‘lgan qobiliyatga ta‘siri tekshirilmagan.

4.8. Nojo‘ya ta‘sirlari

Ikkala jinsdagi pasientlarda: jig‘ildon qaynashi, ishtahani yomonlashishi, tilda achishish hissi, gonadotropinning sekresiyasini bostirilishi, xolestaz, sariqlik, organizmda azot, natriy va suvni tutilishi, shishlar, terining kuchli vaskulyarizasiyasi, giperkalsiemiya (birinchi navbatda bemorni immobilizasiyasida, ayollarda ko‘krak bezining metastatik rakida), ayollarda virilizasiya (xusnbuzar, girsutizm, erkaklarnikidek sochni to‘kilishi, tovush tembrini qaytmas pasayishi, hayz ko‘rish siklini buzilishi, klitorni gipertrofiyasi), erkaklarda – moyaklar faoliyatini bostirilishi, oligospermiya, ginekomastiya.

4.9.      Dozani oshirib yuborilishi

Dozani oshirib yuborilishi to‘g‘risida ma‘lumotlar yo‘q.

Nandrolon saqlovchi preparatlar suiiste‘mol qilingan (metabolik vosita sifatida katta dozalar qabul qilinganda) holda og‘ir endokrin, metabolik va ruhiy nojo‘ya reaksiyalar kuzatilgan.

5. FARMAKOLOGIK XUSUSIYATLARI

5.1. Farmakodinamik xususiyatlari

Farmakoterapevtik guruhi: Steroid anabolik vosita.

ATX kodi: A14A V01.

Nandrolon testosteronning hosilasidir. Testosterondan farqli ravishda yanada yaqqol anabolik va kuchsiz androgen ta‘sirga ega (ma‘lumotlar reseptorlarda o‘tkazilgan tadqiqotlar vaqtida, shuningdek klinikaoldi va klinik tadqiqotlar vaqtida olingan.).

Nandrolon, ehtimol, suyak ko‘migining eritropoetik o‘zak hujayralariga bevosita ta‘siri natijasida va eritropoetinning sekresiyasini kuchaytirishi natijasida hayvonlarda eritropoezga rag‘batlantiruvchi ta‘sir ko‘rsatadi. Suyak ko‘migini sitotoksik moddalarning susaytiruvchi ta‘siridan himoyasini ta‘minlaydi.

Nandrolon odamda eritropoezni rag‘batlantiradi, buni eritrositlarning sonini oshishi, gematokrit va gemoglobinning darajasini oshishi ko‘rsatadi. Bu samarasi suyak ko‘migining gipoplaziyasi bilan yoki kimyoterapiya natijasida eritropoetinni ishlab chiqarilishini pasayishi bilan bog‘liq anemiyalarni davolash uchun terapevtik maqsadlarda ishlatiladi. Aplastik anemiyada javob eritropoezi ko‘pincha leykopoez va trombopoez bilan birga kechadi. Tavsiya qilingan dozalarga amal qilinganda androgen samara (masalan, virilizasiya) kam kuzatiladi. Nandrolon jigar faoliyatini buzilishiga va xolestazni rivojlanishiga olib keluvchi S17 α-alkil guruhini saqlamaydi.

• Farmakokinetik xususiyatlari

Nandrolon dekanoati in‘eksiya joyidan asta-sekin ajralib chiqadi va qonga tushadi, yarim chiqarilish davri 6 kun. Efir qonda yarim chiqarilish davri ≤1 soat bo‘lgan nondrolonga tezda aylanadi. Nandrolon dekanoatining umumiy gidroliz vaqti, nandrolonni taqsimlanishi va chiqarilishi 4,3 soat. Nandrolon jigarda metabolizmga uchraydi. Nandrolonning metabolitlari – 19-norandrosteron, 19-noretioxolanolon va 19-norepiandrosteron, siydikda aniqlanadi. Ularning farmakologik faolligi aniqlanmagan.

• Xavfsizligi bo‘yicha klinika oldi ma‘lumotlari

Qo‘shimcha ma‘lumotlar yo‘q.

6. FARMASEVTIK MA‘LUMOTLAR

6.1.      Yordamchi moddalar

benzil spirti, izopropil spirti, in‘eksiya uchun kungaboqar moyi.

6.2.      Nomutanosiblik

–

6.3.      Yaroqlilik muddati

5 yil.

6.4. Saqlash

Yorug‘likdan himoyalangan joyda, +15⁰S dan +25⁰S gacha haroratda saqlansin.

6.5.      O‘rami

1 ml in‘eksiya uchun moyli eritma rangsiz shisha ampulada.

1 ampula plastmassa shaklda, ilova qilingan qo‘llash bo‘yicha yo‘riqnomasi bilan birga karton qutida.

6.6. Berish tartibi

Shifokor resepti bo‘yicha beriladi.