Tiasin

• dori vositasining har qanday komponentiga allergiya (o‘ta yuqori sezuvchanlik); 

• dekompensatsiyalangan yurak yetishmovchiligini o‘tkir va og‘ir shakllari; 

• politsitemiya (qonda eritrotsitlar miqdorini oshishi); 

• rak oldi kasalliklari;

2 ml eritma quyidagilarni saqlaydi:

faol moddalar:

tiamin gidroxloridi (V1 vitamini) 20 mg; 

riboflavin fosfat natriy (V2 vitamini) 4 mg; 

piridoksin gidroxloridi (V6 vitamini) 10 mg; 

nikotinamid (RR vitamini yoki V3 vitamini) 150 mg; 

dekspantenol (V5 vitamini) 10 mg.

yordamchi moddalar: dinatriy edetati, natriy metabisulfiti, suvsiz natriy atsetati, dietanolamin, 90% monotioglitserol, benzil spirti, in’eksiya uchun suv.

V kompleksining barcha vitaminlari enzim tizimlarining guruhidir. Ular metabolizm jarayonlarida faol qatnashadilar va bir-birini to‘ldirib, sinergik ta’sir qiladilar. Suvda eruvchan V vitaminlari guruhining asosiy omillari aralashmasi tabiiy miqdorlar nisbatida jamlangan. Alohida faqat bitta vitamin bilan bog‘liq avitaminozlar kam kuzatiladi va ular asosan majmuaviy holda uchraydilar. Ushbu vitaminlarni majmuaviy holda qo‘llash umumiy moddalar almashinuvini normallashishiga yordam beradi va nospetsifik umumiy terapiya hisoblanadi. 

V1 vitamini – tiamin gidroxloridi – sintetik preparat bo‘lib, suvda eruvchan vitaminlarga kiradi. Jigarda fosforlanish jarayonlari natijasida ko‘pchilik fermentativ reaksiyalarning kofermenti bo‘lgan kokarboksilazaga aylanadi. V1 vitamini uglevodlar, oqsillar va yog‘lar almashinuvini boshqarishda, shuningdek sinapslarda nerv qo‘zg‘aluvchanligini o‘tkazish jarayonlarida muhim rol o‘ynaydi, anemik miokardiodistrofiyada miokardiotsitlarning metabolizmini va ularning qisqarish faoliyatini yaxshilashga yordam beradi. 

V2 vitamini – riboflavin metabolik ta’sir ko‘rsatadi; ATF bilan o‘zaro ta’sirlashib, flavinproteinlarning koenzimlarini hosil qiladi. Oksidlanish-qaytarilish jarayonlarini boshqaradi, N+ tashishda, to‘qima nafasida, uglevodlar, oqsillar va yog‘lar almashinuvida, ko‘zlarni normal ko‘rish faoliyatini tutib turishda, gemoglobin va eritropoetin sintezida ishtirok etadi. Normal ichak mikroflorasi tomonidan sintezlanadi va uning o‘zi normal mikroflorani tutib turish uchun zarur. 

V6 vitamini – piridoksin organizm tomonidan to‘yinmagan yog‘ kislotalarini ishlatilishini yaxshilaydi, nerv tizimi, jigar, qon yaratilish faoliyatiga ijobiy ta’sir qiladi. Piridoksin nerv-mushak o‘tkazuvchanligi, mushaklarni qisqarishini normallashtiradigan, tirishishlarni rivojlanishiga qarshi ta’sir ko‘rsatadigan, oltingugurt saqlovchi aminokislotalar – taurin (metionindan va sisteindan) sinteziga yordam beradi. Triptofan, metionin, sistein, glutamin va boshqa aminokislotalar almashinuvida ishtirok etadi. Gistamin almashinuvida muhim rol o‘ynaydi. Lipidlar almashinuvini normallashishiga yordam beradi. 

Nikotinamid - nikotin kislotasining amidi (RR vitamini) - spetsifik pellagraga qarshi vosita bo‘lib, organizm hayot faoliyatida muhim rol o‘ynaydi, oksidlanish - qaytarilish jarayonlarini amalga oshiruvchi fermentlarning prostetik guruhidir. Karbonsuvlar, azot almashinuvini yaxshilaydi, yuqori dozalarda qondagi lipidlar va lipoproteidlarning aterogen fraksiyalarini kamaytiradi. Shuningdek qisqa muddatli yaqqol tomirlarni kengaytiruvchi ta’sir ham ko‘rsatadi.

Dekspantenol pantoten kislotasining tanqisligini to‘ldiradi, yallig‘lanishga qarshi ta’sirga ega, regeneratsiya jarayonlari, ichak peristaltikasini rag‘batlantiradi. Organizmda A kofermenti sintezini substrat stimulyatori hisoblangan faol metabolit – pantoten kislotasini hosil qiladi, barcha metabolik jarayonlarda ishtirok etadi, kortikosteroidlarni hosil bo‘lishini, xolinni atsetillanishini ta’minlaydi, ichakning normal sekretor va kinetik faoliyatini tutib turadi.

V1 vitamini – preparat parenteral yuborilganida qonga tez tushadi, a’zolar va to‘qimalar o‘rtasida nisbatan bir xil taqsimlanadi. Fosforlanishi jigarda amalga oshadi. Jigar, yurak, miya, buyraklar, taloqda to‘planadi. Jigar va buyraklar orqali chiqariladi, taxminan 8-10% o‘zgarmagan holda chiqariladi. 

V2 vitamini – barcha a’zo va to‘qimalarga taqsimlanadi, mushak to‘qimasi, jigar, taloq, buyraklar va miokardda to‘planadi. Yo‘ldosh orqali o‘tadi va ko‘krak sutiga kiradi. Jigarda metabolizmga uchraydi. T1/2 66-84 minutni tashkil etadi. Buyraklar orqali deyarli butunlay metabolitlar ko‘rinishida chiqariladi, katta dozalarda qabul qilinganida – asosan o‘zgarmagan holda chiqariladi. Axlat bilan ahamiyatsiz darajada chiqariladi. Gemodializ yordamida chiqariladi, ammo buyrak ekskretsiyasiga nisbatan ancha sekin chiqariladi. 

V6 vitamini – V6 vitaminining katta bo‘lmagan konsentratsiyalari jigarda va miokardda aniqlanadi, chunki u yerda u to‘planadi. V6 vitaminini katta qismi buyraklarda aniqlanadi. Yo‘ldosh orqali o‘tadi, ko‘krak suti bilan ajralib chiqadi. T1/2 15-20 kunni tashkil etadi. Buyraklar orqali chiqariladi, vena ichiga yuborilganida – 2% safro bilan chiqariladi, shuningdek gemodializ vaqtida ham ajralib chiqadi. 

Nikotinamid – mushak ichiga yuborilganida nikotinamid tez va to‘liq so‘riladi. Barcha a’zo va to‘qimalar bo‘ylab yetarli darajada bir tekis taqsimlanadi. Juda oz qismi buyraklar orqali o‘zgarmagan holda chiqariladi.

D-pantenol yaxshi so‘riladi va organizmning barcha a’zo va to‘qimalar bo‘ylab bir tekis taqsimlanadi. Asosan siydik chiqarish yo‘llari orqali chiqariladi.

Tiatsin preparati shifokorning tavsiyasi bo‘yicha qo‘llanadi. Qo‘llash davomiyligi va preparatning dozasini shifokor belgilaydi.

Tiatsin ni vena ichiga yoki mushak ichiga yuborish mumkin.

Preparat mushak ichiga 2 ml (bitta ampula) dan kuniga bir marta chuqur yuboriladi.

Vena ichiga tomchilab yuborish uchun, bevosita yuborishdan oldin preparat 100-250 ml 0,9% natriy xloridi eritmasi yoki 5% glyukoza eritmasida suyultirish kerak. 

Kasallikning yengil shakllarida shifokorning ko‘rsatmasiga ko‘ra preparatning dozasi 2 ml (bitta ampula) dan har 2-3 kunda bir martagacha kamaytirilishi mumkin.

V guruh vitaminlari suvda eruvchanligi va ortiqcha miqdori siydik bilan chiqarilishi tufayli dozani oshirib yuborilish hollari juda kamdir. Bunda piridoksinning katta dozalarini uzoq vaqt davomida qo‘llash o‘tkir periferik nevropatiyalarni rivojlanishiga olib keladi. 
Quyidagi simptomlar: qo‘l, oyoqlar yoki boshqa sohalarda spazm va achishish, uvishish, sanchish, yengil tegilganida yoki termik ta’sir ko‘rsatilganida sezuvchanlikni kamayishi yoki oshishi, muvozanatni kamayishi yoki yo‘qolishi, koordinatsiyani buzilishini rivojlanishi preparatning dozasini oshirib yuborilganligidan dalolat berishi mumkin. Bunday simptomlar paydo bo‘lganida zudlik bilan shifokorga murojaat qilish kerak.

V1 vitamini ishqoriy eritmada oson parchalanadi. Agarda uni ishqoriy preparatlar, masalan, natriy bikarbonati yoki natriy sitrati bilan ishlatilsa, u yomon ta’sir qilishi mumkin.

Preparat ayrim adrenoblokatorlarning antigipertenziv samarasini kamaytirishi, shuningdek barbituratlar va glyutetimidlarning uxlatuvchi samarasini susaytirishi mumkin. Xlorpromazin V2 vitaminini siydik bilan chiqarilishini oshiradi. Probenetsid V2 vitaminini tubulyar (naychalar orqali) chiqarilishini va qayta so‘rilishini ingibirlab, uni siydik bilan chiqarilishini kamaytiradi. V6 vitamini Levodopaning antiparkinsonik ta’sirini pasaytiradi. V6 vitaminining qondagi konsentratsiyasi oral kontratseptiv vositalar, izoniazid, penitsilamin, sikloserin va tiosemikarbazonlar bir vaqtda qo‘llanganda pasayadi.

Chiqarilish shakli 

Eritma 2 ml dan to‘q rangli shisha ampulalarda. 5 ampula qo‘llash bo‘yicha yo‘riqnomasi bilan birga karton qutiga joylangan.

Vitaminlar

• V1, V2, V3, V5 va V6 vitaminlarini gipo- va avitaminozlari; 

• nerv tizimini, periferik nevritlar va polinevritlar, nevralgiyalar, periferik parez va falajlar, nerv ildizi nevritlari, retrobulbar nevritlar, o‘rab oluvchi gerpes, lyumbago, pleksitlar, qovurg‘alararo nevralgiyalar, yuz nervini parezlari, uch shoxli va yuz nervlarini nevralgiyasi, amiotrofik yon sklerozi, bolalar serebral falaji, markaziy va periferik nerv tizimini jarohatlari, kabi kasalliklarini simptomatik davolash; 

• ensefalopatiya (diabetik, alkogolli, posttravmatik va boshqalar);

• teri kasalliklari (nevrogen yo‘l bilan rivojlangan ekzema va dermatozlar, dermatitlar va neyrodermitlar, psoriaz); 

• pernitsioz anemiyalar, gastrektomiyadan keyingi yoki me’da-ichak buzilishlari oqibatida rivojlangan parapernitsioz megaloblast anemiyalar, gepatit bilan xastalangan bemorlardagi anemiya, toksiko-infeksion anemiyalar va temir preparatlari bilan davolashga chidamli bo‘lgan eritroblast, gipoxrom anemiyalar. 

• artritlar, osteoartritlar, revmatizm, revmatoid artrit kabi bo‘g‘im kasalliklari; 

• gemeralopiya, kon’yunktivit, keratit, irit, katarakta, shox pardani yarasi kabi oftalmologik kasalliklar; 

• jismoniy harakatlar oshganida; 

• tuberkulyozga qarshi dori vositalar (izoniazid qatori), antibiotiklarni qabul qilishda preparatni qo‘llash mumkin emas.

Tiniq sariq rangli eritma.

Preparat qo‘llanganida, gipervitaminozni oldini olish maqsadida V guruh vitaminlarini boshqa manbalardan iste’mol qilinishini inobatga olish kerak, garchi bunday holatlar, V guruh vitaminlari suvda eruvchan va ortiqcha miqdori siydik bilan chiqarilishi sababli, kam kuzatiladi. 

V guruh vitaminlarining katta konsentratsiyalari bo‘lgan preparatlarni takroran in’eksiya qilish anafilaktik shokni rivojlanish havfini oshirishi mumkin. Yengil allergik reaksiyalar: aksirish yoki bronxial astmani yengil shakli, preparatning navbatdagi in’eksiyalari anafilaktik shokni rivojlanishiga olib kelishi mumkin bo‘lgan belgilar bo‘lishi mumkin. 

Riboflavinning katta dozalari siydikning rangini o‘zgarishiga (yorqin sariq-yashil rangli) olib kelishi mumkin, bu ba’zi laborator sinamalarga ta’sir qilishi mumkin.

Homiladorlik va emizish davrida qo‘llanishi 

Homiladorlikda va laktatsiya davrida preparatni ona uchun kutilgan foyda homila / emizikli bola uchun kuzatilishi mumkin bo‘lgan havfdan ustun bo‘lgan holdagina qo‘llash mumkin. 

Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.