Tirozol

• — tireotoksikoz; — tireotoksikozni jarrohlik davolashga tayyorlash; — tireotoksikozni radioaktiv yod bilan davolashga tayyorlash; — radioaktiv yod ta'sirining latent davridagi terapiya (radioaktiv yod ta'siri boshlangunga qadar o'tkaziladi /4-6 oy davomida/); — alohida hollarda tireotoksikozni uzoq muddatli tutib turuvchi terapiya, agar umumiy holat tufayli yoki individual sabablarga ko'ra radikal davolashni amalga oshirish imkoni bo'lmasa; — yashirin tireotoksikoz, avtonom adenomalar yoki anamnezda tireotoksikoz bo'lganda yod preparatlari buyurilganda (yod saqlovchi rentgenokontrast vositalarni qo'llash hollarini qo'shganda) tireotoksikoz profilaktikasi

• — oldin karbimazol yoki tiamazol bilan o‘tkazilgan terapiya vaqtida agranulotsitoz; — granulotsitopeniya (shu jumladan anamnezda); — davolash boshlanishidan oldin xolestaz; — homiladorlikda levotiroksin bilan kombinatsiyada tiamazol bilan terapiya; — tiamazolga yoki tiomochevina hosilalariga yuqori sezuvchanlik. Nisbiy qarshi ko‘rsatma: anamnezda tiomochevina hosilalariga teri allergik reaksiyalari. Traxeya torayishi bilan kechadigan juda katta o‘lchamdagi buqoqda (faqat operatsiyaga tayyorlash davrida qisqa muddatli davolash), jigar yetishmovchiligida preparatni ehtiyotkorlik bilan qo‘llash kerak.

• tiamazol 10 mg Yordamchi moddalar: kolloid kremniy dioksidi, natriy karboksimetilkraxmal, magniy stearati, gipromelloza 2910/15, talk, tsellyuloza (kukun), makkajo‘xori kraxmali, laktoza monogidrati, temir oksidi sariq, temir oksidi qizil, dimetikon 100, makrogol 400, titan dioksidi. tiamazol 5 mg Yordamchi moddalar: kolloid kremniy dioksidi, natriy karboksimetilkraxmal, magniy stearati, gipromelloza 2910/15, talk, tsellyuloza (kukun), makkajo‘xori kraxmali, laktoza monogidrati, temir oksidi sariq, dimetikon 100, makrogol 400, titan dioksidi

• Ba'zida - allergik teri reaktsiyalari (qichishish, qizarish, toshmalar), qusish, artralgiya, bosh aylanishi, holsizlik. Kamdan-kam hollarda - harorat ko'tarilishi, ta'm bilishning o'zgarishi (qaytuvchan hisoblanadi). Taxminan 0.3-0.6% hollarda - agranulotsitoz (simptomlar davolash boshlangandan keyin haftalar va oylar o'tib ham paydo bo'lishi va preparatni bekor qilish zaruratiga olib kelishi mumkin). Yakka hollarda - xolestatik sariqlik, toksik gepatit, artralgiyalar (odatda sekin va asta-sekin, davolash boshlangandan bir necha oy o'tgach rivojlanadi; artritning klinik belgilari bo'lmagan). Alohida hollarda - generalizatsiyalangan limfadenopatiya, so'lak bezlarining o'tkir kattalashishi, trombotsitopeniya, pantsitopeniya, nevrit, polinevropatiya, bo'richasimon reaktsiya, gipoglikemiya bilan autoimmun sindrom. Tana vaznining oshishi. Subklinik va klinik gipotireoz preparat yuqori dozalarda qabul qilinganda rivojlanishi mumkin. Shuningdek qalqonsimon bezning kattalashishi boshlanishi mumkin, bu qonda TTG miqdorining oshishi bilan bog'liq.

• 10 mg 5 mg 5mg, 10mg

• Och-sariq rangli parda qobiq bilan qoplangan tabletkalar, dumaloq, ikki tomonlama qavariq, bir tomonida chiziqchasi bor; siniqda oq yoki deyarli oq massa ko'rinishiga ega. Kulrang-zarg'aldoq rangli parda qobiq bilan qoplangan tabletkalar, dumaloq, ikki tomonlama qavariq, bir tomonida chiziqchasi bor; siniqda oq yoki deyarli oq massa ko'rinishiga ega.

Qalqonsimon bezi sezilarli kattalashgan, traxeya bo‘shlig‘ini toraytirgan bemorlarga Tirozol^® levotiroksin natriy bilan kombinatsiyada qisqa muddatga tayinlanadi, chunki uzoq muddat qo‘llanilganda buqoq kattalashishi va traxeyaning yanada ko‘proq siqilishi mumkin. Bemor ustidan sinchkov kuzatuv o‘tkazish zarur (TTG darajasi va traxeya bo‘shlig‘ini nazorat qilish).

Preparat bilan davolash davrida periferik qon manzarasini muntazam nazorat qilish zarur.

Tiamazol va tiomochevina hosilalari qalqonsimon bez to‘qimasining nur terapiyasiga sezgirligini pasaytirishi mumkin.

Agar preparat bilan davolash vaqtida to‘satdan tomoqda og‘riqlar, yutishning qiyinlashishi, tana haroratining ko‘tarilishi, stomatit belgilari yoki furunkulyoz (agranulotsitozning ehtimoliy simptomlari) paydo bo‘lsa, preparatni qabul qilishni to‘xtatish va darhol shifokorga murojaat qilish kerak.

Davolash vaqtida teri ostiga qon quyilishlar yoki noma'lum genezli qon ketishlar, generalizatsiyalangan teri toshmasi va qichishish, qaysar ko‘ngil aynishi yoki qusish, sariqlik, epigastral sohada kuchli og‘riqlar va yaqqol holsizlik paydo bo‘lganda preparatni bekor qilish talab etiladi.

Davolash erta to‘xtatilganda kasallik qaytalanishi mumkin.

Endokrin oftalmopatiya paydo bo‘lishi yoki kechishining yomonlashishi Tirozol^® preparati bilan tegishli tarzda o‘tkazilgan adekvat davolashning nojo‘ya ta'siri hisoblanmaydi.

Kamdan-kam hollarda davolash tugagandan so‘ng kechki gipotireoz yuzaga kelishi mumkin, bu preparatning nojo‘ya ta'siri hisoblanmaydi, balki asosiy kasallik doirasida kechuvchi qalqonsimon bez to‘qimasidagi yallig‘lanish va destruktiv jarayonlar bilan bog‘liq.

Avtotransportni haydash va mexanizmlarni boshqarish qobiliyatiga ta'siri

Tiamazol transport vositalarini va mexanizmlarni boshqarish qobiliyatiga ta'sir qilmaydi.

Nojo'ya samaralar uchrash tezligini aniqlash: juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kamdan-kam (≥1/10 000, <1/1000), juda kamdan-kam (<1/10 000).

Qon yaratish tizimi tomonidan: tez-tez emas - agranulotsitoz (simptomlar hatto davolash boshlanganidan haftalar va oylar o'tib ham paydo bo'lishi va preparatni bekor qilish zaruratiga olib kelishi mumkin); juda kamdan-kam - generalizatsiyalangan limfadenopatiya, trombotsitopeniya, pansitopeniya.

Endokrin tizim tomonidan: juda kamdan-kam - gipoglikemiya bilan insulinli autoimmun sindrom.

Nerv tizimi tomonidan: kamdan-kam - ta'm bilishning qaytuvchan o'zgarishi, bosh aylanishi; juda kamdan-kam - nevrit, polinevropatiya.

Ovqat hazm qilish tizimi tomonidan: juda kamdan-kam - so'lak bezlarining kattalashishi, qusish.

Jigar va o't chiqarish yo'llari tomonidan: juda kamdan-kam - xolestatik sariqlik va toksik gepatit.

Teri va teri osti to'qimalari tomonidan: juda kamdan-kam - terida generalizatsiyalangan toshmalar, alopesiya, yuguriksimon sindrom.

Allergik reaksiyalar: teri ko'rinishlari (qichishish, qizarish, toshmalar).

Suyak-mushak tizimi tomonidan: tez-tez - artritning klinik belgilarisiz sekin rivojlanuvchi artralgiya.

Umumiy reaksiyalar: kamdan-kam - harorat oshishi, holsizlik, tana vaznining ortishi.