TIROZOL tabletkalari 10mg N50
TIROZOL tabletkalari 10mg N50 qo'llanmasi
Farmakokinetikasi
So'rilishi
Preparat ichga qabul qilingandan so'ng tiamazol tez va deyarli to'liq so'riladi. Plazmada Сmax 0,4-1,2 soat ichida erishiladi.
Taqsimlanishi
Qon plazmasi oqsillari bilan deyarli bog'lanmaydi. Qalqonsimon bezda to'planadi.
Tiamazolning oz miqdori ko'krak sutida aniqlanadi.
Metabolizmi
Qalqonsimon bezda, shuningdek buyraklar va jigarda sekin metabolizmga uchraydi.
Chiqarilishi
T taxminan 3-6 soatni tashkil qiladi. Tiamazol siydik bilan (24 soat ichida preparatning 70% i, bunda 7-12% i o'zgarmagan holda) va safro bilan chiqariladi.
Maxsus klinik holatlarda farmakokinetikasi
Jigar yetishmovchiligi bo'lgan bemorlarda T ortadi.
Preparatning farmakokinetik ko'rsatkichlari qalqonsimon bezning funktsional holatiga bog'liq emas.
Farmakologik ta'siri
Antitireoid preparat. Qalqonsimon bezda tironinni yodlashda ishtirok etuvchi peroksidaza fermentini bloklab, triyod- va tetrayodtironin hosil bo'lishi bilan qalqonsimon bez gormonlari sintezini buzadi. Shuning uchun preparat tireotoksikozni simptomatik davolashda samarali (radioaktiv yod bilan davolashdan keyin yoki tireoiditda qalqonsimon bez hujayralari parchalanishidan keyin gormonlar ajralib chiqishi oqibatida kasallik rivojlanishi holatlari bundan mustasno).
Tirozol® qalqonsimon bez follikulalaridan sintez qilingan tironinlarning ajralib chiqish jarayoniga ta'sir qilmaydi. Bu qon plazmasida T3 va T4 darajasini me'yorlashtirishdan, ya'ni klinik manzara yaxshilanishidan oldin bo'lishi mumkin bo'lgan turli davomiylikdagi latent davrni tushuntiradi.
Preparat asosiy almashinuvni pasaytiradi, qalqonsimon bezdan yodidlar chiqarilishini tezlashtiradi, gipofiz tomonidan TTG sintezi va sekretsiyasining retsiprok faollashuvini oshiradi, bu qalqonsimon bezning biroz giperplaziyasi bilan birga kechishi mumkin.
Bir marta qabul qilingandan keyin preparatning ta'sir davomiyligi deyarli 24 soatni tashkil qiladi.
Nojo'ya samaralari
Nojo'ya samaralar uchrash tezligini aniqlash: juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kamdan-kam (≥1/10 000, <1/1000), juda kamdan-kam (<1/10 000).
Qon yaratish tizimi tomonidan: tez-tez emas - agranulotsitoz (simptomlar hatto davolash boshlanganidan haftalar va oylar o'tib ham paydo bo'lishi va preparatni bekor qilish zaruratiga olib kelishi mumkin); juda kamdan-kam - generalizatsiyalangan limfadenopatiya, trombotsitopeniya, pansitopeniya.
Endokrin tizim tomonidan: juda kamdan-kam - gipoglikemiya bilan insulinli autoimmun sindrom.
Nerv tizimi tomonidan: kamdan-kam - ta'm bilishning qaytuvchan o'zgarishi, bosh aylanishi; juda kamdan-kam - nevrit, polinevropatiya.
Ovqat hazm qilish tizimi tomonidan: juda kamdan-kam - so'lak bezlarining kattalashishi, qusish.
Jigar va o't chiqarish yo'llari tomonidan: juda kamdan-kam - xolestatik sariqlik va toksik gepatit.
Teri va teri osti to'qimalari tomonidan: juda kamdan-kam - terida generalizatsiyalangan toshmalar, alopesiya, yuguriksimon sindrom.
Allergik reaksiyalar: teri ko'rinishlari (qichishish, qizarish, toshmalar).
Suyak-mushak tizimi tomonidan: tez-tez - artritning klinik belgilarisiz sekin rivojlanuvchi artralgiya.
Umumiy reaksiyalar: kamdan-kam - harorat oshishi, holsizlik, tana vaznining ortishi.
Maxsus saqlash sharoitlari
Qalqonsimon bezi sezilarli kattalashgan, traxeya bo‘shlig‘ini toraytirgan bemorlarga Tirozol® levotiroksin natriy bilan kombinatsiyada qisqa muddatga tayinlanadi, chunki uzoq muddat qo‘llanilganda buqoq kattalashishi va traxeyaning yanada ko‘proq siqilishi mumkin. Bemor ustidan sinchkov kuzatuv o‘tkazish zarur (TTG darajasi va traxeya bo‘shlig‘ini nazorat qilish).
Preparat bilan davolash davrida periferik qon manzarasini muntazam nazorat qilish zarur.
Tiamazol va tiomochevina hosilalari qalqonsimon bez to‘qimasining nur terapiyasiga sezgirligini pasaytirishi mumkin.
Agar preparat bilan davolash vaqtida to‘satdan tomoqda og‘riqlar, yutishning qiyinlashishi, tana haroratining ko‘tarilishi, stomatit belgilari yoki furunkulyoz (agranulotsitozning ehtimoliy simptomlari) paydo bo‘lsa, preparatni qabul qilishni to‘xtatish va darhol shifokorga murojaat qilish kerak.
Davolash vaqtida teri ostiga qon quyilishlar yoki noma'lum genezli qon ketishlar, generalizatsiyalangan teri toshmasi va qichishish, qaysar ko‘ngil aynishi yoki qusish, sariqlik, epigastral sohada kuchli og‘riqlar va yaqqol holsizlik paydo bo‘lganda preparatni bekor qilish talab etiladi.
Davolash erta to‘xtatilganda kasallik qaytalanishi mumkin.
Endokrin oftalmopatiya paydo bo‘lishi yoki kechishining yomonlashishi Tirozol® preparati bilan tegishli tarzda o‘tkazilgan adekvat davolashning nojo‘ya ta'siri hisoblanmaydi.
Kamdan-kam hollarda davolash tugagandan so‘ng kechki gipotireoz yuzaga kelishi mumkin, bu preparatning nojo‘ya ta'siri hisoblanmaydi, balki asosiy kasallik doirasida kechuvchi qalqonsimon bez to‘qimasidagi yallig‘lanish va destruktiv jarayonlar bilan bog‘liq.
Avtotransportni haydash va mexanizmlarni boshqarish qobiliyatiga ta'siri
Tiamazol transport vositalarini va mexanizmlarni boshqarish qobiliyatiga ta'sir qilmaydi.
Qo'llanilishi mumkin bo'lmagan holatlar
- preparat komponentlariga va tiomochevina hosilalariga yuqori sezuvchanlik;
- avval karbimazol yoki tiamazol bilan o‘tkazilgan davolash vaqtidagi agranulotsitoz;
- granulotsitopeniya (shu jumladan anamnezda);
- davolashni boshlashdan oldingi xolestaz;
- homiladorlikda levotiroksin bilan kombinatsiyada tiamazol bilan davolash;
- 3 yoshgacha bo‘lgan bolalar.
Tirozol® laktozani saqlaydi, shuning uchun uni galaktozani o‘zlashtira olmaslik, laktaza yetishmovchiligi yoki glyukoza-galaktoza malabsorbtsiyasi sindromi bilan bog‘liq kam uchraydigan irsiy kasalliklari bo‘lgan bemorlarda qo‘llash tavsiya etilmaydi.
Traxeya torayishi bilan kechuvchi juda katta o‘lchamdagi buqoqda (faqat operatsiyaga tayyorlash davrida qisqa muddatli davolash), jigar yetishmovchiligida preparatni ehtiyotkorlik bilan qo‘llash kerak.
Dori vositalarining o'zaro ta'siri
Preparatni yod saqlovchi rentgenokontrast vositalarni yuqori dozada qo'llagandan keyin tayinlanganda tiamazol ta'sirining susayishi mumkin.
Yod tanqisligi tiamazol ta'sirini kuchaytiradi.
Tireotoksikoz bo'yicha TirozolВ® qabul qilayotgan bemorlarda eutiroid holatga (qon zardobida qalqonsimon bez gormonlari miqdorining normallashuvi) erishilgandan so'ng yurak glikozidlari (digoksin va digitoksin), aminofillin dozalarini kamaytirish, shuningdek varfarin va boshqa antikoagulyantlar - kumarin va indandion hosilalari dozalarini oshirish zarurati tug'ilishi mumkin (farmakodinamik o'zaro ta'sir).
Litiy preparatlari, beta-adrenoblokatorlar, rezerpin, amiodaron tiamazol samarasini oshiradi (uning dozasini to'g'irlash talab etiladi).
Sulfanilamidlar, natriy metamizol va mielotoksik dori vositalari bilan bir vaqtda qo'llanilganda leykopeniya rivojlanish xavfi ortadi.
Leykogen va foliy kislotasi tiamazol bilan bir vaqtda qo'llanilganda leykopeniya rivojlanish xavfini kamaytiradi.
Gentamitsin tiamazolning antitireoid ta'sirini kuchaytiradi.
Boshqa dori vositalarining preparat farmakokinetikasi va farmakodinamikasiga ta'siri to'g'risida ma'lumotlar yo'q. Biroq, tireotoksikozda moddalar metabolizmi va eliminatsiyasi tezlashishini yodda tutish kerak. Shuning uchun bir qator hollarda boshqa preparatlar dozasini to'g'irlash zarur.
Dozirovkasi
Preparat ichga ovqatdan keyin qabul qilinadi. Tabletkalarni chaynamasdan, yetarli miqdordagi suyuqlik bilan ichish kerak.
Sutkalik doza 1 qabulda tayinlanadi yoki 2-3 bir martalik dozaga bo'linadi. Davolash boshida bir martalik dozalar kun davomida qat'iy belgilangan vaqtda qabul qilinadi. Ushlab turuvchi dozani bir qabulda nonushtadan keyin qabul qilish kerak.
Tireotoksikozda kasallik og'irligiga qarab preparat 20-40 mg/sut dozada 3-6 hafta davomida tayinlanadi. Qalqonsimon bez funksiyasi normallashgandan keyin (odatda 3-8 haftadan so'ng) ushlab turuvchi doza 5-20 mg/sut ga o'tiladi. Shu vaqtdan boshlab natriy levotiroksinini qo'shimcha qabul qilish tavsiya etiladi.
Tireotoksikozni jarrohlik yo'li bilan davolashga tayyorgarlikda 20-40 mg/sut dan eutiroid holatga erishilguncha tayinlanadi. Shu vaqtdan boshlab natriy levotiroksinini qo'shimcha qabul qilish tavsiya etiladi. Operatsiyaga tayyorgarlik uchun zarur bo'lgan vaqtni qisqartirish maqsadida qo'shimcha ravishda beta-adrenoblokatorlar va yod preparatlari tayinlanadi.
Radioaktiv yod bilan davolashga tayyorgarlikda 20-40 mg/sut dan eutiroid holatga erishilguncha tayinlanadi.
Radioaktiv yod ta'sirining latent davrida terapiyada kasallik og'irligiga qarab 5-20 mg/sut dan radioaktiv yod ta'siri boshlanguncha (4-6 oy) tayinlanadi.
Uzoq muddatli tireostatik ushlab turuvchi terapiyada Tirozol® 1,25-2,5-10 mg/sut dozalarda natriy levotiroksinini kichik dozalarda qo'shimcha qabul qilish bilan tayinlanadi. Tireotoksikozni davolashda terapiya davomiyligi 1,5 yildan 2 yilgachani tashkil qiladi.
Yod preparatlari tayinlanganda (shu jumladan yod saqlovchi rentgenokontrast vositalarni qo'llash hollarida) latent tireotoksikoz, avtonom adenomalar yoki anamnezda tireotoksikoz mavjud bo'lganda tireotoksikozni oldini olish maqsadida Tirozol® 10-20 mg/sut dozada va kaliy perxlorat 1 g/sut dozada yod saqlovchi vositalarni qabul qilishdan 8-10 kun oldin tayinlanadi.
3 yoshdan 17 yoshgacha bo'lgan bolalarga Tirozol® 0,3-0,5 mg/kg tana vazniga boshlang'ich dozada 2-3 teng bo'lingan dozalarda har kuni tayinlanadi. Tana vazni 80 kg dan ortiq bo'lgan bolalar uchun maksimal tavsiya etilgan doza - 40 mg/sut. Ushlab turuvchi doza - 0,2-0,3 mg/kg/sut. Zarurat bo'lganda qo'shimcha ravishda natriy levotiroksini tayinlanadi.
0 dan 3 yoshgacha bo'lgan bolalarda qo'llash tavsiya etilmaydi.
Homiladorlikda preparat minimal dozalarda tayinlanadi: bir martalik - 2,5 mg, sutkalik - 10 mg.
Jigar yetishmovchiligida preparat minimal samarali dozada shifokorning qattiq nazorati ostida tayinlanadi.
Tireotoksikoz bo'lgan bemorlarni operatsiyaga tayyorlashda preparat bilan davolash rejalashtirilgan operatsiya kunigacha 3-4 hafta davomida eutiroid holatga erishilguncha (ayrim hollarda - uzoqroq) o'tkaziladi va undan bir kun oldin tugatiladi.
Hajm/og'irlik
TIROZOL tabletkalari 10mg N50 o'xshash dorilari
Tirozol boshqa chiqarish shakllari
TIROZOL tabletkalari 10mg N50 analoglari
TIROZOL tabletkalari 10mg N50 narxlari va Toshkentdagi dorixonalardagi mavjudligi
{
"data": {
"id": 68860,
"stores_apteka_id": 303811,
"slug": "tirozol-tabletki-pokrytye-plyenochnoy-obolochkoy-10-mg-n50",
"stores_apteka_slug": "tirozol-tab-10mg-n50",
"name": "TIROZOL tabletkalari 10mg N50",
"brand_name": "TIROZOL",
"image": "uploads/iblock/8e7/8e7525a1fe4439c90218b43205b25200.webp",
"atx_code": "H03ВВ02",
"drug_form_id": 1,
"over_the_counter": false,
"prescription_type": "prescription",
"availability": "available",
"reviews_count": 0,
"reviews_rating": 0,
"has_pickup": true,
"has_delivery": true,
"manufacturer": null,
"manufacturer_plain": "Merck KGaA",
"representative": null,
"representative_plain": null,
"distributor": null,
"distributor_plain": null,
"is_manufacturer_advertiser": false,
"is_representative_advertiser": false,
"is_dietary_supplement": false,
"is_medical_device": false,
"category": {
"id": 486,
"slug": "gormonalnye",
"name": "Gormonal vositalar",
"external_link_title": null,
"external_link": null
},
"drug_group": {
"id": 5104,
"slug": "tirozol",
"name": "Tirozol"
},
"is_purchasable": true,
"country": {
"id": 2,
"slug": "germaniya",
"name": "Germaniya"
},
"active_ingredients": [
{
"id": 9110,
"slug": "tiamazol",
"name": "Tiamazol"
}
],
"tags": []
}
}
