TIROZOL tabletkalari 5mg N50
TIROZOL tabletkalari 5mg N50 qo'llanmasi
Farmakokinetikasi
So'rilishi
Preparat ichga qabul qilingandan so'ng tiamazol tez va deyarli to'liq so'riladi. Plazmadagi Сmax ga 0,4-1,2 soat ichida erishiladi.
Taqsimlanishi
Qon plazmasi oqsillari bilan deyarli bog'lanmaydi. Qalqonsimon bezda to'planadi.
Ko'krak sutida tiamazolning oz miqdori aniqlanadi.
Metabolizmi
Qalqonsimon bezda, shuningdek buyraklar va jigarda sekin metabollanadi.
Chiqarilishi
T taxminan 3-6 soatni tashkil qiladi. Tiamazol siydik (24 soat ichida preparatning 70%, bunda 7-12% o'zgarmagan holda) va safro bilan chiqariladi.
Maxsus klinik holatlarda farmakokinetikasi
Jigar yetishmovchiligi bo'lgan bemorlarda T uzayadi.
Preparatning farmakokinetik ko'rsatkichlari qalqonsimon bezning funktsional holatiga bog'liq emas.
Farmakologik ta'siri
Tireostatik (qalqonsimon bezga qarshi) preparat. Qalqonsimon bezda tironin yodlanishida ishtirok etuvchi peroksidaza fermentini bloklab, triyod- va tetrayodtironin hosil bo‘lishi bilan kechuvchi qalqonsimon bez gormonlari sintezini buzadi. Shuning uchun preparat tireotoksikozning simptomatik davolashda samarali (radioaktiv yod bilan davolashdan keyin yoki tireoiditda qalqonsimon bez hujayralari parchalanishidan keyin gormonlar ajralib chiqishi oqibatida kasallik rivojlanishi hollari bundan mustasno).
Tirozol® qalqonsimon bez follikulalaridan sintezlangan tironinlar ajralib chiqishi jarayoniga ta’sir qilmaydi. Bu qon plazmasida T va T darajasi normallashuvidan, ya’ni klinik manzara yaxshilanishidan oldin bo‘lishi mumkin bo‘lgan turli davomiylikdagi latent davr bilan tushuntiriladi.
Preparat asosiy almashinuvni pasaytiradi, qalqonsimon bezdan yodidlar chiqarilishini tezlashtiradi, gipofiz tomonidan TTG sintezi va sekretsiyasining retsiprok faollashuvini oshiradi, bu qalqonsimon bezning biroz giperplaziyasi bilan kechishi mumkin.
Preparatning bir marta qabul qilingandan keyingi ta’sir davomiyligi deyarli 24 soatni tashkil etadi.
Nojo'ya samaralari
Nojo'ya ta'sirlar chastotasini aniqlash: juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kamdan-kam hollarda (≥1/10 000, <1/1000), juda kam hollarda (<1/10 000).
Qon yaratish tizimi tomonidan: tez-tez emas - agranulotsitoz (simptomlar davolash boshlangandan keyin hatto haftalar va oylar o'tgach ham paydo bo'lishi va preparatni bekor qilish zaruratiga olib kelishi mumkin); juda kam hollarda - generalizatsiyalangan limfadenopatiya, trombotsitopeniya, pantsitopeniya.
Endokrin tizimi tomonidan: juda kam hollarda - gipoglikemiya bilan kechuvchi insulin autoimmun sindromi.
Asab tizimi tomonidan: kamdan-kam hollarda - ta'm bilishning qaytuvchan o'zgarishi, bosh aylanishi; juda kam hollarda - nevrit, polinevropatiya.
Ovqat hazm qilish tizimi tomonidan: juda kam hollarda - so'lak bezlarining kattalashishi, qusish.
Jigar va o't yo'llari tomonidan: juda kam hollarda - xolestatik sariqlik va toksik gepatit.
Teri va teri osti to'qimalari tomonidan: juda kam hollarda - terida generalizatsiyalangan toshmalar, alopetsiya, qizil yuguriksimon sindrom.
Allergik reaksiyalar: teri ko'rinishlari (qichishish, qizarish, toshmalar).
Suyak-mushak tizimi tomonidan: tez-tez - artrit klinik belgilarisiz sekin avj oluvchi artralgiya.
Umumiy reaksiyalar: kamdan-kam hollarda - harorat ko'tarilishi, holsizlik, tana vaznining oshishi.
Maxsus saqlash sharoitlari
Qalqonsimon bezi sezilarli kattalashgan, traxeya bo'shlig'ini toraytiruvchi bemorlarga Tirozol® qisqa muddatga levotiroksin natriy bilan kombinatsiyada tayinlanadi, chunki uzoq muddat qo'llanilganda buqoq kattalashishi va traxeya yanada ko'proq siqilishi mumkin. Bemor ustidan sinchkovlik bilan kuzatuv o'tkazish zarur (TTG darajasi va traxeya bo'shlig'ini nazorat qilish).
Preparat bilan davolash davrida periferik qon manzarasini muntazam nazorat qilish zarur.
Tiamazol va tiomochevina hosilalari qalqonsimon bez to'qimasining nur terapiyasiga sezuvchanligini pasaytirishi mumkin.
Agar preparat bilan davolash vaqtida to'satdan tomoq og'rig'i, yutish qiyinlashishi, tana harorati ko'tarilishi, stomatit belgilari yoki furunkulyoz (agranulotsitozning ehtimoliy simptomlari) paydo bo'lsa, preparat qabul qilishni to'xtatish va darhol shifokorga murojaat qilish kerak.
Davolash vaqtida teri ostiga qon quyilishlari yoki genezi noaniq qon ketishlar, tarqalgan teri toshmasi va qichishish, qaysar ko'ngil aynishi yoki qusish, sariqlik, epigastral sohada kuchli og'riqlar va yaqqol holsizlik paydo bo'lganda preparatni bekor qilish talab etiladi.
Davolash erta to'xtatilganda kasallik retsidivi bo'lishi mumkin.
Endokrin oftalmopatiya paydo bo'lishi yoki kechishi yomonlashishi Tirozol® preparati bilan tegishli ravishda o'tkazilgan adekvat davolashning nojo'ya ta'siri hisoblanmaydi.
Kamdan-kam hollarda davolash tugaganidan keyin kechki gipotireoz paydo bo'lishi mumkin, bu preparatning nojo'ya ta'siri emas, balki asosiy kasallik doirasida kechuvchi qalqonsimon bez to'qimasidagi yallig'lanish va destruktiv jarayonlar bilan bog'liq.
Avtotransportni haydash va mexanizmlarni boshqarish qobiliyatiga ta'siri
Tiamazol transport vositalarini va mexanizmlarni boshqarish qobiliyatiga ta'sir qilmaydi.
Qo'llanilishi mumkin bo'lmagan holatlar
- preparat tarkibiy qismlariga va tiomochevina hosilalariga yuqori sezuvchanlik;
- karbimazol yoki tiamazol bilan avvalgi davolash vaqtidagi agranulotsitoz;
- granulotsitopeniya (shu jumladan anamnezda);
- davolash boshlanishidan oldingi xolestaz;
- homiladorlikda tiamazolni levotiroksin bilan birga qo'llash;
- 3 yoshgacha bo'lgan bolalar.
Tirozol® laktoza saqlaydi, shuning uchun uni galaktoza o'zlashtira olmaslik, laktaza yetishmovchiligi yoki glyukoza-galaktoza malabsorbsiyasi sindromi bilan bog'liq kam uchraydigan irsiy kasalliklari bo'lgan bemorlarda qo'llash tavsiya etilmaydi.
Trafeya torayishi bilan kechuvchi juda katta o'lchamdagi buqoqda (faqat operatsiyaga tayyorgarlik davrida qisqa muddatli davolash), jigar yetishmovchiligida preparatni ehtiyotkorlik bilan qo'llash kerak.
Dori vositalarining o'zaro ta'siri
Preparatni yod saqlovchi rentgenokontrast vositalarni yuqori dozada qo'llagandan keyin tayinlanganda tiamazol ta'sirining susayishi mumkin.
Yod tanqisligi tiamazol ta'sirini kuchaytiradi.
Tireotoksikoz bo'yicha TirozolВ® qabul qilayotgan bemorlarda eutiroid holatga (qon zardobida qalqonsimon bez gormonlari miqdorining normallashuvi) erishilgandan so'ng yurak glikozidlari (digoksin va digitoksin), aminofillin dozalarini kamaytirish, shuningdek varfarin va boshqa antikoagulyantlar - kumarin va indandion hosilalari dozalarini oshirish zarurati tug'ilishi mumkin (farmakodinamik o'zaro ta'sir).
Litiy preparatlari, beta-adrenoblokatorlar, rezerpin, amiodaron tiamazol samarasini oshiradi (uning dozasini to'g'irlash talab etiladi).
Sulfanilamidlar, natriy metamizol va mielotoksik dori vositalari bilan bir vaqtda qo'llanilganda leykopeniya rivojlanish xavfi ortadi.
Leykogen va foliy kislotasi tiamazol bilan bir vaqtda qo'llanilganda leykopeniya rivojlanish xavfini kamaytiradi.
Gentamitsin tiamazolning antitireoid ta'sirini kuchaytiradi.
Boshqa dori vositalarining preparat farmakokinetikasi va farmakodinamikasiga ta'siri to'g'risida ma'lumotlar yo'q. Biroq, tireotoksikozda moddalar metabolizmi va eliminatsiyasi tezlashishini yodda tutish kerak. Shuning uchun bir qator hollarda boshqa preparatlar dozasini to'g'irlash zarur.
Dozirovkasi
Preparat ovqatdan keyin ichga qabul qilinadi. Tabletkalarni chaynamasdan, yetarli miqdordagi suyuqlik bilan qabul qilish kerak.
Sutkalik doza 1 qabulga buyuriladi yoki 2-3 bir martalik dozalarga bo'linadi. Davolash boshida bir martalik dozalar kun davomida qat'iy belgilangan vaqtda qabul qilinadi. Tutib turuvchi doza nonushtadan keyin bir qabulda qabul qilinishi kerak.
Tireotoksikozda kasallikning og'irligiga qarab preparat 3-6 hafta davomida sutkasiga 20-40 mg dozada buyuriladi. Qalqonsimon bez funksiyasi normallashgandan so'ng (odatda 3-8 haftadan keyin) sutkasiga 5-20 mg tutib turuvchi dozani qabul qilishga o'tiladi. Shu vaqtdan boshlab qo'shimcha ravishda levotiroksin natriyni qabul qilish tavsiya etiladi.
Tireotoksikozni jarrohlik yo'li bilan davolashga tayyorgarlikda euthyroid holatga erishilgunga qadar sutkasiga 20-40 mg buyuriladi. Shu vaqtdan boshlab qo'shimcha ravishda levotiroksin natriyni qabul qilish tavsiya etiladi. Operatsiyaga tayyorgarlik ko'rish uchun zarur bo'lgan vaqtni qisqartirish maqsadida qo'shimcha ravishda beta-adrenoblokatorlar va yod preparatlari buyuriladi.
Radioaktiv yod bilan davolashga tayyorgarlikda euthyroid holatga erishilgunga qadar sutkasiga 20-40 mg buyuriladi.
Radioaktiv yod ta'sirining latent davridagi terapiyada kasallikning og'irligiga qarab radioaktiv yod ta'siri boshlangunga qadar (4-6 oy) sutkasiga 5-20 mg buyuriladi.
Uzoq muddatli tireostatik tutib turuvchi terapiyada Tirozol® sutkasiga 1,25-2,5-10 mg dozalarda, qo'shimcha ravishda kichik dozalarda levotiroksin natriy bilan birga buyuriladi. Tireotoksikozni davolashda terapiya davomiyligi 1,5 dan 2 yilgachani tashkil qiladi.
Yod preparatlarini (shu jumladan yod saqlagan rentgenokontrast vositalarni qo'llash holatlari) buyurishda latent tireotoksikoz, avtonom adenomalar yoki anamnezda tireotoksikoz mavjud bo'lganda tireotoksikozning oldini olish maqsadida Tirozol® 10-20 mg/sut dozada va kaliy perxlorat 1 g/sut dozada yod saqlagan vositalarni qabul qilishdan 8-10 kun oldin buyuriladi.
3 yoshdan 17 yoshgacha bo'lgan bolalarga Tirozol® har kuni 2-3 teng bo'lingan dozalarda tana vaznining har kg uchun 0,3-0,5 mg boshlang'ich dozada buyuriladi. Tana vazni 80 kg dan ortiq bo'lgan bolalar uchun maksimal tavsiya etilgan doza - 40 mg/sut. Tutib turuvchi doza - 0,2-0,3 mg/kg/sut. Zarurat bo'lganda qo'shimcha ravishda levotiroksin natriy buyuriladi.
0 dan 3 yoshgacha bo'lgan bolalarda qo'llash tavsiya etilmaydi.
Homiladorlikda preparat minimal dozalarda buyuriladi: bir martalik - 2,5 mg, sutkalik - 10 mg.
Jigar yetishmovchiligida preparat shifokorning qat'iy nazorati ostida minimal samarali dozada buyuriladi.
Tireotoksikozi bo'lgan bemorlarni operatsiyaga tayyorlashda preparat bilan davolash rejalashtirilgan operatsiya kunidan 3-4 hafta oldin (ayrim hollarda - uzoqroq) euthyroid holatga erishilgunga qadar o'tkaziladi va undan bir kun oldin tugatiladi.
TIROZOL tabletkalari 5mg N50 o'xshash dorilari
Tirozol boshqa chiqarish shakllari
TIROZOL tabletkalari 5mg N50 analoglari
TIROZOL tabletkalari 5mg N50 narxlari va Toshkentdagi dorixonalardagi mavjudligi
{
"data": {
"id": 58549,
"stores_apteka_id": 346118,
"slug": "tirozol-tabletki",
"stores_apteka_slug": "tirozol-tab-5mg-n50",
"name": "TIROZOL tabletkalari 5mg N50",
"brand_name": "TIROZOL",
"image": "uploads/iblock/61d/61da98539b5059e95e825f178d549a01.webp",
"atx_code": "H03ВВ02",
"drug_form_id": 1,
"over_the_counter": false,
"prescription_type": "prescription",
"availability": "available",
"reviews_count": 0,
"reviews_rating": 0,
"has_pickup": true,
"has_delivery": true,
"manufacturer": null,
"manufacturer_plain": "Merck KGaA",
"representative": null,
"representative_plain": null,
"distributor": null,
"distributor_plain": null,
"is_manufacturer_advertiser": false,
"is_representative_advertiser": false,
"is_dietary_supplement": false,
"is_medical_device": false,
"category": {
"id": 486,
"slug": "gormonalnye",
"name": "Gormonal vositalar",
"external_link_title": null,
"external_link": null
},
"drug_group": {
"id": 5104,
"slug": "tirozol",
"name": "Tirozol"
},
"is_purchasable": true,
"country": {
"id": 2,
"slug": "germaniya",
"name": "Germaniya"
},
"active_ingredients": [
{
"id": 9110,
"slug": "tiamazol",
"name": "Tiamazol"
}
],
"tags": []
}
}
