Venofer

QO‘LLASH BO‘YICHA YO‘RIQNOMA

VENOFER^®

VENOFER^®

 

Preparatning savdo nomi: Venofer^® (Venofer^®)

Ta‘sir etuvchi modda (XPN): temir (III) gidroksidi saxaroza kompleksi

Dori shakli: vena ichiga yuborish uchun eritma 20 mg/ml

Tarkibi:

1 ml quyidagilarni saqlaydi:

Faol modda: temir (III)	20 mg
temir (III) gidroksidi saxaroza kompleksi shaklida	510-570 mg

Yordamchi moddalar:

natriy gidroksidi	0-5 mg
10% natriy gidroksid eritmasi shaklida	q.s. pH 10,5-11,0 gacha
in‘eksiya uchun suyuqlik	580-640 mg

Ta‘rifi: jigarrang rangli suvli eritma.

Farmakoterapevtik guruhi: Antianemik preparatlar. parenteral qo‘llash uchun temir preparatlari.

ATX kodi: V03AS.

Farmakologik xususiyatlari

Farmakodinamikasi

Ta‘sir mexanizmi

Venofer^® preparatining faol komponenti – temir-saxaroz majmuasi – saxarozaning kovalentsiz bog‘langan katta miqdordagi molekulalari bilan o‘ralgan ko‘p yadroli temir (III) gidroksidi yadrosidan iborat. Ushbu majmuaning molekulyar og‘irligi (MO) taxminan 43 kDa ga teng. Ko‘p yadroli temir saqlovchi yadroning tuzilishi ferritin oqsili yadrosiga temirning fiziologik deposiga o‘xshash. Ushbu majmua organizmda temirni (muvofiq transferrin va ferritinni) tashilishi va to‘planishiga javob beruvchi oqsillar uchun yo‘qotiladigan temirning boshqariladigan manbasini hosil qilish uchun mo‘ljallangan.

Vena ichiga yuborilgandan so‘ng ushbu majmua asosan jigar, taloq va suyak ko‘migi tomonidan qamrab olinadi. Keyingi bosqichda temir gemoglobin, mioglobin va boshqa temir saqlovchi fermentlarni sintezlash uchun ishlatiladi, yoki ferritin shaklida jigarda saqlanadi.

Farmakokinetikasi

Taqsimlanishi

⁵²Fe va ⁵⁹Fe bilan nishonlangan temir-saxaroz kompleksining ferrokinetikasini anemiyasi va surunkali buyrak yetishmovchiligi bo‘lgan 6 pasientda baholangan. Birinchi  6–8 soat davomida ⁵²Fe jigar, taloq va suyak ko‘migi tomonidan qamrab olingan. Radioaktiv nishonni makrofaglarga boy bo‘lgan taloq tomonidan qamrab olinishi temirni retikuloendotelial tizim tomonidan qamrab olinishi uchun xarakterli hisoblanadi.

Temir-saxaroz kompleksining 100 mg temir saqlovchi dozasini sog‘lom ko‘ngillilarga bir marta vena ichiga in‘eksiya qilinganidan keyin qon zardobida temirning maksimal umumiy konsentrasiyalari, in‘eksiyadan keyin 10 minutdan so‘ng olindi va o‘rtacha
538 mkmol/l ni tashkil etdi. Markaziy kompartmentdagi taqsimlanish hajmi plazma hajmiga aniq muvofiq kelgan (taxminan 3 litrga to‘g‘ri kelgan).

Biotransformasiyasi

In‘eksiyadan keyin saxarozaning katta qismi dissosiasiyalanadi va ko‘p yadroli temir saqlovchi yadro asosan jigar, taloq va suyak ko‘migining retikuloendotelial tizimi tomonidan qamrab olinadi. Yuborilgandan keyin 4 haftadan so‘ng eritrositlar tomonidan utilizasiyasi 59% dan 97% gachani tashkil etdi.

Chiqarilishi

Temir-saxaroz kompleksining o‘rtacha molekulyar massasi (MM) taxminan 43 kDa ga teng, bu buyrak orqali chiqarib yuborilishini oldini olish uchun yetarli darajada ko‘pdir. Venofer^® ning 100 mg temir saqlovchi dozasi in‘eksiya qilingandan keyin birinchi 4 soat davomida yuz beruvchi temirni buyrak orqali chiqarilishi, yuborilgan dozaning 5% dan kamiga muvofiq kelgan. 24 soatdan keyin zardobdagi temirning umumiy  konsentrasiyasi preparatni yuborishdan oldin aniqlangan darajagacha pasaygan. Buyrak orqali saxarozani chiqarilishi yuborilgan dozaning taxminan 75% ni tashkil etgan.

Qo‘llanilishi

Venofer^® quyidagi hollarda temir tanqisligi holatlarni davolash uchun mo‘ljallangan:

• temir zahiralarini tez to‘ldirishning klinik zarurati bo‘lganida;
• temirning peroral preparatlarini o‘zlashtiraolmaydigan yoki davolash tartibiga amal qilmaydigan pasientlarda;
• og‘iz orqali qabul qilinadigan temir preparatlari samarasiz bo‘lganda, ichakning faol yallig‘lanish kasalliklarida.

Qo‘llash usuli va dozalari

Qo‘llanilishi

Venofer^® faqat vena ichiga yuboriladi. U tomchilab infuziya ko‘rinishida, sekin in‘eksiya qilish yo‘li bilan yoki bevosita dializ tizimining venoz sohasiga yuboriladi.

Ishlatishdan oldin ampulalar/flakonlarni cho‘kma yoki shikastlar yo‘qligi yuzasidan tekshirib chiqish lozim. Faqat cho‘kma saqlamaydigan bir xil jigarrang eritmasi bo‘lgan ampulalar/flakonlarni ishlatish kerak.

Venofer^® preparatining har bir ampula/flakoni faqat bir marta ishlatish uchun mo‘ljallangan. Ishlatilmagan dori preparatining har qanday qoldiqlari yoki uning qoldiqlari mahalliy talablarga muvofiq utilizasiya qilinishi lozim.

Vena ichiga tomchilab infuziya qilish

Venofer^® faqat steril 0,9% li (massa/hajm) natriy xloridi (NaCl) eritmasida suyultiriladi. Suyultirilan eritma tiniq, jigarrang bo‘lishi lozim. Suyultirishni bevosita infuziya oldidan amalga oshirish, olingan eritmani esa quyidagi tarzda yuborish lozim:

Venofer® preparatining dozasi (mg temir)	Venofer® preparatining dozasi (Venofer® preparatning ml)	Suyultirish uchun steril 0,9% li (massa/hajm) NaCl eritmasining maksimal hajmi	Infuziyaning minimal vaqti
100 mg	5 ml	100 ml	15 minut
200 mg	10 ml	200 ml	30 minut
300 mg	15 ml	300 ml	1,5 soat
400 mg	20 ml	400 ml	2,5 soat
500 mg	25 ml	500 ml	3,5 soat

Preparatni temirning yanada pastroq konsentrasiyalarigacha suyultirish, eritmaning barqarorligi bilan bog‘liq sabablarga ko‘ra mumkin emas.

Vena ichiga in‘eksiya qilish

Venofer^® asta-sekin vena ichiga in‘eksiya qilish yo‘li bilan minutiga suyultirilmagan eritmaning 1 ml yuborish tezligida yuborish mumkin va uning dozasi 1 in‘eksiya uchun
10 ml (200 mg temir) dan oshmasligi kerak.

Dializ tizimining vena qon tomiriga ulangan sohasiga yuborish

Venofer^® ni gemodializ seansi vaqtida vena ichiga in‘eksiya qilish qoidalariga qat‘iy rioya qilgan holda bevosita dializ tizimining venoz sohasiga yuborish mumkin.

Dozalar

Har bir pasient uchun Venofer^® preparatining kumulyativ dozasini shaxsiy ravishda hisoblab chiqish va uni oshirmaslik lozim.

Dozani hisoblash

Umumiy temir tanqisligiga (mg) ekvivalent bo‘lgan Venofer^® preparatining umumiy kumulyativ dozasi gemoglobin (Hb) darajasi va tana vazni (TV) ga asoslanib aniqlanadi. Har bir pasient uchun Venofer^® preparatining dozasini umumiy temir tanqisligiga muvofiq quyida keltirilgan Ganzoni formulasi bo‘yicha hisoblanadi, masalan:

Umumiy temir tanqisligi [mg] = MT [kg] × (Hb maqsadli darajasi–Hb) haqiqiy darajasi [g/dl] x 2,4* + zahiraga kirgan temir [mg]
Tana vazni 35 kg dan kam bo‘lganida:	Hb maqsadli darajasi = 13 g/dl, zahiraga kirgan temir miqdori = 15 mg/kg tana vazni
Tana vazni 35 kg va undan ortiq bo‘lganida:	Hb maqsadli darajasi = 15 g/dl, zahiraga kirgan temir miqdori = 500 mg
* Koeffisient 2,4 = 0,0034 (Hb dagi temir miqdori = 0,34%) × 0,07 (qon hajmi = tana vaznidan 7%) × 1000 ([g] ni [mg] ga o‘tkazish) × 10
Venofer® preparatining yuborish kerak bo‘lgan umumiy miqdori (ml da) =		Umumiy temir tanqisligi [mg]
		20 mg temir/ml

Tana vazni, Hb haqiqiy darajasi va Hb maqsadli darajasiga qarab, Venofer^® preparatining yuborish kerak bo‘lgan umumiy miqdori (ml)^*:

TV	Venofer® preparatining yuborish kerak bo‘lgan umumiy miqdori (1 ml ga 20 mg temir): (Venofer® preparatining 1 ampulasi 5 ml ga to‘g‘ri keladi)
	Hb 6,0 g/dl		Hb 7,5 g/dl		Hb 9,0 g/dl		Hb 10,5 g/dl
	mg Fe	ml	mg Fe	ml	mg Fe	ml	mg Fe	ml
5 kg	160	8	140	7	120	6	100	5
10 kg	320	16	280	14	240	12	220	11
15 kg	480	24	420	21	380	19	320	16
20 kg	640	32	560	28	500	25	420	21
25 kg	800	40	700	35	620	31	520	26
30 kg	960	48	840	42	740	37	640	32
35 kg	1260	63	1140	57	1000	50	880	44
40 kg	1360	68	1220	61	1080	54	940	47

45 kg	1480	74	1320	66	1140	57	980	49
50 kg	1580	79	1400	70	1220	61	1040	52
55 kg	1680	84	1500	75	1300	65	1100	55
60 kg	1800	90	1580	79	1360	68	1140	57
65 kg	1900	95	1680	84	1440	72	1200	60
70 kg	2020	101	1760	88	1500	75	1260	63
75 kg	2120	106	1860	93	1580	79	1320	66
80 kg	2220	111	1940	97	1660	83	1360	68
85 kg	2340	117	2040	102	1720	86	1420	71
90 kg	2440	122	2120	106	1800	90	1480	74

*Tana vazni 35 kg dan kam bo‘lganida:	Hb maqsadli darajasi = 13 g/dl
Tana vazni 35 kg va undan ortiq bo‘lganida:	Hb maqsadli darajasi = 15 g/dl

Hb (mmol) ni Hb (g/dl) ga o‘tkazish uchun birinchi qiymatni 1,6 ga ko‘paytiring.

Agar umumiy kerakli bo‘lgan doza ruxsat berilgan bir martalik dozadan ortiq bo‘lsa, unda uni bir necha marta yuborishga bo‘lish kerak.

Agar 1-2 haftadan keyin gematologik parametrlar tomonidan javob kuzatilmasa, boshlang‘ich tashxisni qayta ko‘rib chiqish lozim.

Qon yo‘qotishda yoki autologik qon topshirilganda temir zahiralarini o‘rnini to‘ldirish uchun dozani hisoblash

Venofer^® preparatining temir tanqisligini kompensasiya qilish uchun zarur bo‘lgan dozani quyidagi formulalar bo‘yicha hisoblash mumkin:

Agar yo‘qotilgan qon hajmi ma‘lum bo‘lsa: 200 mg temir (Venofer^® preparatining 10 ml) ni yuborish Hb konsentrasiyasini taxminan xuddi 1 porsiya qonni (Hb = 15,0 g/dl konsentrasiyadagi 400 ml) quyilgandagidek oshishiga olib keladi.

O‘rnini to‘ldirish lozim bo‘lgan temir miqdori [mg]	= yo‘qotilgan qon porsiyasining miqdori × 200 mg yoki
Venofer® preparatining kerakli miqdori [ml]	= yo‘qotilgan qon porsiyasining miqdori × 10 ml

Agar Hb darajasi istalganidan past bo‘lsa: Formula temir deposini to‘ldirish talab etilmaydi deb taxmin qiladi. O‘rnini to‘ldirish lozim bo‘lgan temir miqdori [mg] = MT [kg] x 2,4 x (Hb maqsadli darajasi – Hb haqiqiy darajasi) [g/dl]

Misol: TV = 60 kg va Hb darajasi pasayganda = 1 g/dl	Þ ≈ 150 mg temir o‘rnini to‘ldirish kerak
	Þ Venofer® preparatining 7,5 ml kerak bo‘ladi

Maksimal o‘zlashtira olinadigan bir martalik va haftalik dozalar «Standart dozalar» va «Maksimal o‘zlashtira olinadigan bir martalik va haftalik dozalar» bo‘limlarida ko‘rsatilgan.

Standart dozalar

Katta va keksa yoshdagi pasientlar

Venofer^® preparatining 5–10 ml (100–200 mg temir) haftada 1–3 marta buyuriladi. Preparatni yuborish vaqti va suyultirish usuli «Qo‘llash usuli» bo‘limida keltirilgan.

Bolalar

Preparatni bolalarda qo‘llanishi to‘g‘risida klinik tadqiqotlar doirasida cheklangan ma‘lumotlar bor xolos. Klinik qo‘llash zarurati tug‘ilganda haftada ko‘pi bilan 3 marta Venofer^® preparatining tana vazni kg ga 0,15 ml (3 mg temir) dan oshirish tavsiya etilmaydi.

Maksimal o‘zlashtira olinadigan bir martalik va haftalik dozalar