ZERALGO

Preparatning faol yoki yordamchi moddalarga o'ta yuqori sezuvchanlik, me'da-ichak yo'llari a'zolarining eroziv-yarali kasalliklari (shu jumladan, me'da va 12-barmoq ichak yara kasalligining zo'rayish bosqichi, peptik yara, Kron kasalligi – yarali kolit), anamnezida NYaQP qabul qilish bilan bog'liq perforatsiya bo'lganligi, bronxial astma, qaytalanuvchi burun va burun atrofidagi bo'shliqlar polipozini to'liq yoki qisman birga kechishi va atsetilsalitsil kislotasi yoki boshqa nosteroid yallig'lanishga qarshi preparatlarni (shu jumladan, anamnezda) o'zlashtiraolmaslik, qon ivishini buzilishi (shu jumladan gemofiliya, qon ketish vaqtini uzayishi, qon ketishlarga moyillik, gemorragik diatez), me'da-ichak yo'llaridan faol qon ketishi; og'ir darajali buyrak yetishmovchiligi (kreatinin klirensi minutiga 30 ml dan kam), buyrak kasalligini avj olishi, og'ir darajali jigar yetishmovchiligi yoki jigarning faol kasalligi, aortokoronar shuntlashdan keyingi holat, tasdiqlangan giperkaliyemiya, ichakning yallig'lanishli kasalliklari, homiladorlik, laktatsiya.
Ehtiyotkorlik bilan: portal gipertenziya bilan kechuvchi jigar sirrozi, giperbilirubinemiya, me'da va 12-barmoq ichak yara kasalligi (anamnezida), gastrit, enterit, kolit; jigar va/yoki buyrak yetishmovchiligi, nefrotik sindrom; surunkali yurak yetishmovchiligi, arterial gipertenziya; yurak ishemik kasalligi, serebrovaskulyar kasalliklar, dislipidemiya/giperlipidemiya, qandli diabet, periferik arteriyalarning kasalliklari, chekish, surunkali buyrak yetishmovchiligi (kreatinin klirensi 30-60 ml/minut), H. Pylori infektsiyasini mavjudligi, NYaQP ni uzoq muddat qo'llash, alkogolizm, og'ir darajali somatik kasalliklar, peroral glyukokortikosteroidlarni (shu jumladan, prednizolonni), antikoagulyantlarni (shu jumladan, varfarinni), antiagregantlarni (shu jumladan, klopidogrelni), serotoninni qayta qamrab olishni selektiv ingibitorlarini (shu jumladan, sitalopram, fluoksetin, paroksetin, sertralinni) bir vaqtda qabul qilish, noma'lum etiologiyali qon kasalliklari (leykopeniya va anemiya). Flurbiprofenen, aspirin va boshqa NYaQP qabul qilingandan keyingi o'ta yuqori sezuvchanlik (masalan, astma, eshakemi, Kvinke shishi yoki rinit) aniqlangan patsiyentlarda preparatni qo'llash mumkin emas.

Preparat og'riq qoldiruvchi, yallig'lanishga qarshi ta'sir ko'rsatadi. Revmatoid artritda asosan yallig'lanish reaktsiyasining ekssudativ va qisman proliferativ komponentiga ta'sir qiladi, tez va yaqqol og'riqni qoldiruvchi ta'sir ko'rsatadi, shish, ertalabki tanglik va bo'g'imlardagi harakatlarni cheklanishini kamaytiradi.

Simptomlari: qorinda og'riq, ko'ngil aynishi, qusish, tormozlanish, uyquchanlik, depressiya, bosh og'rig'i, quloqni shang'illashi, metabolik atsidoz, koma, o'tkir buyrak yetishmovchiligi, arterial bosimni pasayishi, bradikardiya, taxikardiya, yurak bo'lmachalari fibrillyatsiyasi, nafasni to'xtashi.
Davolash: me'dani yuvish (faqat qabul qilgandan keyin bir soat davomida), follashtirilgan ko'mir, ishqoriy suyuqliklarni qabul qilish, jadallashtirilgan diurez, simptomatik davolash (kislota-ishqor muvozanati, arterial bosimni to'g'rilash).

NYaQP-gastropatiyani rivojlanishini oldini olish uchun PgE preparatlari (mizoprostol) bilan majmuada qo'llash tavsiya qilinadi. 17-ketosteroidlarni aniqlash zarurati bo'lganida preparatni tadqiqotdan 48 soat oldin bekor qilish kerak.
Jigar va buyrak faoliyatini og'ir darajali buzilishi bo'lgan patsiyentlarda bilirubin, transaminazalar, kreatinin miqdorini, buyrakning kontsentratsion qobiliyatini muntazam nazorat qilish kerak, arterial gipertenziya va surunkali yurak yetishmovchiligi bo'lgan patsiyentlarda - diurez, tana vazni, arterial bosimni har kuni nazorat qilish kerak.
Davolanish davrida etanolni qabul qilish tavsiya qilinmaydi.
Me'da-ichak yo'llari tomonidan nohush ko'rinishlarni rivojlanishi xavfini kamaytirish uchun minimal samarali dozani iloji boricha minimal qisqa muddatli kurs davomida qo'llash kerak.
Ehtiyotkorlik choralari
Davolash vaqtida periferik qon manzarasi va jigar va buyrakning funktsional holatini nazorat qilish kerak.
Gastropatiya simptomlari paydo bo'lishida ezofagogastroduodenoskopiya, gemoglobin, gematokritni aniqlash bilan qon tahlili, ahlatni yashirin qon ketishi yuzasidan tahlil qilishni o'z ichiga oluvchi sinchkov nazorat ko'rsatilgan. Qon ketishi va yara paydo bo'lgan hollarda preparatni qabul qilish mumkin emas. Anamnezida yarali kolit yoki Kron kasalligi bo'lgan patsiyentlarga dori vositasi ehtiyotkorlik bilan buyuriladi.
Preparat laktoza saqlaydi, shuning uchun laktozani o'zlashtiraolmaslik, galaktozemiya yoki glyukoza/galaktozani so'rilishini buzilish sindromi bo'lgan patsiyentlarda qo'llash mumkin emas.
Me'da-ichak yarasi yoki qon ketishi xavfini oshiruvchi dorilar (oral kortikosteroidlar, varfarin kabi antikoagulyantlar, serotonin, qayta qamrab olish ingibitorlari yoki aspirin kabi antitrombotsitar preparatlar) bilan yo'ldosh davolanayotgan patsiyentlarda preparatni qabul qilishda ehtiyotkorlikka rioya qilish kerak.
Preparatni yuqori dozalarda yoki uzoq vaqt davomida qo'llash, arterial tromboz va miokard infarkti xavfini oshiradi. Periferik arteriyalar va/yoki serebrovaskulyar kasalliklari bo'lgan patsiyentlarga, shuningdek yurak-qon tomir kasalliklari (gipertoniya, giperlipidemiya, qandli diabet, chekish) rivojlanishi xavfi omillari bo'lgan patsiyentlarda preparat ehtiyotkorlik bilan buyuriladi.
Tizimli qizil yugirik va biriktiruvchi to'qimaning aralash kasalliklari bo'lgan patsiyentlarda preparatni qabul qilinganda aseptik meningit xavfi ortishi mumkin.
Teri toshmasi, shilliq qavatni shikastlanishi yoki o'ta yuqori sezuvchanlikni belgilari paydo bo'lganida preparatni qabul qilishni to'xtatish kerak.
Preparat trombotsitlar agregatsiyasiga ta'sir qiladi va qon ketish vaqtini uzaytiradi.
Preparat ayollar fertilligining buzilishiga olib kelishi mumkin, buni homilador bo'lishda muammolari bo'lgan ayollar hisobga olishlari kerak.
Keksalik yoshi. Keksa yoshli shaxslarda NYaQP ga nojo'ya reaktsiyalar, ayniqsa o'limga olib kelishi mumkin bo'lgan me'da-ichak yo'llari va perforatsiyaning yuqori tez-tezligi kuzatiladi. Bunday patsiyentlarga davolashni preparatning past dozalaridan boshlash va bir vaqtda himoya preparatlarini (masalan, mizoprostol yoki proton nasosi ingibitorlari) buyurish kerak.
Homiladorlik vaqtida va laktatsiya davrida qo'llanilishi.
Homiladorlik vaqtida qo'llash mumkin emas.
Laktatsiya davrida qo'llanganda emizishni to'xtatish masalasini hal qilish kerak.
Avtotransportni va boshqa potentsial xavfli mexanizmlarni boshqarish qobiliyatiga ta'siri.
Bemorlar diqqatni jamlash, tezkor ruhiy va harakat reaktsiyalarini talab qiluvchi faoliyat turlaridan saqlanishlari kerak.
Preparat bolalar olaolmaydigan joyda saqlansin va yaroqlilik muddati o'tgach qo'llanilmasin.

Antigipertenziv vositalar, beta-blokatorlar va siydik haydovchi vositalar: NYaQP AAF ingibitorlari, beta-blokatorlar va siydik haydovchi vositalar kabi antigipertenziv vositalarning ta'sirini kamaytirishi mumkin. Diuretiklar shuningdek NYaQP ning nefrotoksikligi xavfini oshirishi mumkin.
Yurak glikozidlari: NYaQP yurak yetishmovchiligi kechishini og'irlashtirishi, YuKF pasayishi va yurak glikozidlarining plazmadagi kontsentratsiyasini oshishiga olib kelishi mumkin.
Flurbiprofenen bilan bir vaqtda buyurilganda xolestiramin me'da-ichak yo'llarida flurbiprofenenni so'rilishini kamaytirishi mumkin.
Litiy tuzlari bilan bir vaqtda buyurish, litiy tuzlarini chiqarilishini kamayishiga olib kelishi mumkin.
Metotreksat: NYaQP metotreksatning naychalar orqali sekretsiyasini ingibirlashi va metotreksatning klirensini kamaytirishi mumkin.
Siklosporin: nefrotoksiklik xavfi.
Boshqa analьgetiklar va siklooksigenaza-2 selektiv ingibitorlari: ikki va undan ortiq NYaQP, shu jumladan SOG-2 ingibitorlarini bir vaqtda qo'llashdan saqlanish tavsiya qilinadi, chunki bu nojo'ya samaralar rivojlanishi xavfini oshishiga olib kelishi mumkin.
Aspirin: nojo'ya samaralar, shu jumladan me'da-ichak yaralari va qon ketishini xavfi oshishi mumkinligi sababli, flurbiprofenen va aspirinni bir vaqtda qo'llashdan saqlanish kerak. Eksperimental ma'lumotlar aspirinning past dozalarini trombotsitlar agregatsiyasiga samarasini flurbiprofenen bir vaqtda dozalashda susaytirishi mumkinligidan dalolat beradi.
Antikoagulyantlar: NYaQP varfarin kabi antikoagulyantlarning ta'sirini kuchaytirishi mumkin.
Ftorxinolonlar: NYaQP va ftorxinolonlarni bir vaqtda qabul qiluvchi patsiyentlarda tirishishlar rivojlanishi xavfi ortishi mumkin.
Sulьfonilmochevina hosilalari: flurbiprofenen sulьfonilmochevina preparatlarining gipoglikemik samarasini kuchaytirishi mumkin.
Antiagregantlar va serotoninni qayta qamrab olishini selektiv ingibitorlari (SQQOSI): NYaQP bilan birga buyurilganda me'da-ichakdan qon ketishlar xavfi ortadi.
Takrolimus: takrolimus bilan bir vaqtda qo'llanganda flurbiprofenenning nefrotoksiklik xavfi oshishi mumkin.
Zidovudin: zidovudin bilan bir vaqtda qo'llanganda gematologik toksikligi xavfi ortadi.
Aminoglikozidlar: NYaQP aminoglikozidlarni chiqarilishini kamaytirishi mumkin.
O'simlik ekstraktlari: ginkgo biloba NYaQP bilan bir vaqtda qo'llanganda qon ketishlari xavfi kuchayishi mumkin.
CYP2C9 ingibitorlar: flurbiprofenenni CYP2C9 ingibitorlari bilan bir vaqtda qo'llash, flurbiprofenenning ta'sir vaqtini uzaytirishi mumkin (CYP2C9 substrati). Flurbiprofenenni vorikonazol va flukonazol (CYP2C9 ingibitorlari) bilan bir vaqtda buyurish flurbiprofenenning ta'sir vaqtini 80-100% ga uzayishini ko'rsatdi. Kuchli CYP2C9 ingibitorlari bilan bir vaqtda buyurilganda, ayniqsa flurbiprofenenni yuqori dozada vorikonazol va flukonazol bilan birga qo'llanganda flurbiprofenenning dozasini kamaytirish kerak.

Har bir tabletka saqlaydi:
Faol modda: flurbiprofen – 100 mg;
Yordamchi moddalar: mikrokristallik sellyuloza PH 200, magniy stearati, talьk, laktoza monogidrati (Tablettose), suvsiz kolloid kremniy dioksidi (Aerosil 200), natriy kroskarmelloza (Ac-Di-Sol), pushti rang Opadry II 85G 34747.

Me'da-ichak yo'llari tomonidan: peptik yara, perforatsiya yoki me'da-ichak yo'llaridan qon ketishi, ba'zida o'lim bilan yakunlanuvchi, bu ayniqsa keksalarda kuzatilishi mumkin. ko'ngil aynishi, qusish, diareya, meteorizm, qabziyat, dispepsiya, qorinda og'riq, melena, qon aralash qusish, yarali stomatit, kolit va Kron kasalligini zo'rayishi flurbiprofenenni qo'llangandan keyin qayd qilingan. Gasrit kam rivojlangan. Kam – me'da-ichak yo'llari devori perforatsiyasi. Juda kam – pankreatit.
Immun tizimi tomonidan: nospetsifik allergik reaktsiyalar va anafilaksiya kabi o'ta yuqori sezuvchanlik reaktsiyalari, nafas yo'llari reaktivligini buzilishi (astma, bronxospazm va hansirash), terida turli ko'rinishlar (har xil turdagi toshma, qichishish, eshakemi, purpura, Kvinke shishi va kamroq eksfoliativ va bullyoz dermatozlar (shu jumladan Stivens-Djonson sindromi, toksik epidermal nekroliz va ko'p shaklli eritema).
Yurak-qon tomir tizimi tomonidan: suyuqlikni tutib qolinishi, shishlar, gipertenziya va yurak yetishmovchiligi ko'rinishlari flurbiprofenen bilan davolanganda qayd qilingan. Epidemiologik ma'lumotlar uzoq muddat davolanishda, ayniqsa yuqori dozalarda (2400 mg/sutka) flurbiprofenenni qo'llash miokard infarkti va insulьtni chaqiruvchi arterial tromboz xavfini biroz oshishini chaqirishi mumkinligini ko'rsatdi.
Qon tizimi va limfatik tizim tomonidan: leykopeniya, trombotsitopeniya, neytropeniya, agranulotsitoz, aplastik anemiya va gemolitik anemiya.
Markaziy nerv tizimi tomonidan: Ruhiy buzilishlar: uyqusizlik, xavotirlik, depressiya, ongni chalkashishi, gallyutsinatsiyalar, ko'ruv nervini nevriti, bosh og'rig'i, paresteziyalar, bosh aylanishi, uyquchanlik.
Infektsiyalar va invaziyalar: rinit va ensa mushaklarini rigidligi, bosh og'rig'i, ko'ngil aynishi, qusish, isitma yoki oriyentatsiyani yo'qolishi simptomlari bilan kechuvchi aseptik meningit (ayniqsa tizimli qizil yugirik va biriktiruvchi to'qimaning aralash kasalliklari kabi autoimmun buzilishlari bo'lgan patsiyentlarda).
Sezgi a'zolari tomonidan: ko'rishni buzilishi va ko'ruv nervining toksik neyropatiyasi, eshitishni buzilishi, quloqni shang'illashi va bosh aylanishi.
Gepato-biliar tizimi tomonidan: jigar faoliyatini buzilishi, jigar yetishmovchiligi, gepatit va sariqlik.
Teri va teri osti kletchatkasi tomonidan: Stivens-Djonson sindromi va toksik epidermal nekroliz (juda kam) va yorug'likni sezuvchanlik reaktsiyalari.
Buyrak va siydik chiqarish yo'llari tomonidan: buyrak faoliyatini buzilishi va turli ko'rinishdagi toksik nefropatiya, shu jumladan interstitsial nefrit, nefrotik sindrom va buyrak yetishmovchiligi.
Umumiy buzilishlar: umumiy lohaslik, charchoqlik.

 Flurbiprofen revmatoid artrit (shu jumladan, yuvenil revmatoid artrit yoki Still kasalligi), ankilozlanuvchi spondilit, osteoartroz boshqa norevmatik (seronegativ) artropatiyalarni davolashda og'riq qoldiruvchi va yallig'lanishga qarshi vosita sifatida qo'llaniladi. Flurbiprofenen “muzlagan” yelka (bo'g'im qobig'ini yallig'lanishi), bursit, tendinit, tendovaginit va belda og'riq kabi periartikulyar to'qimalarning norevmatik yallig'lanish jarayonlarini davolash uchun ko'rsatilgan. Flurbiprofenen shuningdek paylarni cho'zilishi kabi yumshoq to'qimalarni shikastlanishida og'riq sindromini yengillashtirish uchun ham qo'llanilishi mumkin. Flurbiprofenen shuningdek dismenoreya, tish va operatsiyadan keyingi og'riq kabi holatlarda kuchsiz va o'rtacha darajadagi og'riq sindromini bartaraf qilish uchun og'riqni qoldiruvchi vosita sifatida qo'llaniladi.