13 июня, 2019 г. 19:28

НАСМОРК ТОТАЛ. Қўллаш бўйича йўриқнома

Қўллаш бўйича йўриқнома

НАСМОРК ТОТАЛ

NASMORC TOTAL

                                                                                        

Препаратнинг савдо номи: Насморк Тотал

Дори шакли: таблеткалар                        

Таркиби:

Ҳар бир таблетка қуйидагиларни сақлайди:

фаол моддалар:

парацетамол Б.Ф.                             - 500 мг,

кофеин Б.Ф.                                      - 30 мг,

хлорфенирамин малеати Б.Ф.        - 2 мг;

ёрдамчи моддалар: микрокристалл целлюлоза, маккажўхори крахмали, натрий бензоати, тозаланган тальк, магний стеарати, натрий кроскармелоза, кўк бриллиант бўёвчиси, сариқ хинолин бўёвчиси.

Таърифи: яшил/сариқ, думалоқ, ясси, бир томонида ўйиқчаси бўлган бошқа томонида 'COMBITIC' ёзуви бўлган таблеткалар.

Фармакотерапевтик гуруҳи: ЎРК симптомларини бартараф қилиш учун восита.

АТХ коди: N02BE51

Фармакологик хусусиятлари

Таъсир механизми

Парацетамол. Парацетамол оғриқни қолдирувчи ва иситмани туширувчи восита сифатида яхши маълум. Парацетамол асосан иситмани туширувчи восита сифатида қўлланилади. Парацетамолнинг иситмани туширувчи таъсири, терморегуляциянинг гипоталамик марказларига бевосита таъсири билан боғлиқ, бунинг натижасида қон томирларни кенгайиши ва тер ажралиб чиқишини кучайиши туфайли, танадан иссиқликни ажралиши кучаяди.

Кофеин. Кофеин марказий нерв тизимини рағбатлантиришга нисбатан ксантинни фаолроқ ҳосиласи ҳисобланади, бу тетиклик ҳолатига ва ақлий фаоллигини ошишига олиб келади.

Хлорфенирамин малеати: Хлорфенирамин малеати кучли таъсир қилувчи антигистамин (Н1-антагонисти) препарати ҳисобланади. Антигистамин препаратлар тўқима соҳасида гистаминни Н1-рецепторларини рақобатли қайтувчан блокадаси орқали организмда гистаминни таъсирини камайтиради ёки нейтрализация қилади. Шунингдек хлорфенирамин малеати антихолинергик фаоликка ҳам эга.

Фармакокинетикаси

Парацетамол жигарнинг микросомал ферментлари орқали метаболизмга учрайди. У меъда-ичак йўлларидан тез ва тўлиқ сўрилади. Плазмадаги чўққи концентрациясига ярим соатдан бир соатгача эришилади, плазмадаги ярим парчаланиш даври бир соатдан уч соатгача вақтни ташкил қилади, сўнгра бутун организм бўйлаб тенг тақсимланади.

Кофеин меъда-ичак йўлларида тез сўрилади.        

Хлорфенирамин перорал қабул қилингандан кейин меъда-ичак йўлидан яхши сўрилади. Самараси 30 минут давомида, максимум 1-2 соат давомида намоён бўлади ва 4 соатдан
6 соатгача давом этади. Плазмадан ярим чиқарилиш даври баҳолашга кўра, 12 соатдан
15 соатгачани ташкил қилади.

Хлорфенирамин метаболизми натижасида монометил ва диметил ҳосилалари ҳосил бўлади.

Перорал дозанинг тахминан 22% сийдик билан ўзгармаган ҳолда чиқарилади. Фақат озгина миқдоригина ахлатда аниқланган.

Қўлланилиши

Насморк Тотал оддий шамоллашни даволашда ёрдамчи восита сифатида қўлланади. Шамоллаш, грипп, синуситнинг турли белгиларини самарали енгиллаштириш учун қўлланади, бурун шиллиқ қаватини шиши, ринит, иситмалаш, бош оғриғи, акса уришда қўлланилади.

Қўллаш усули ва дозалари

Перорал буюрилади.

Катталарга: Бир таблеткадан суткада 3-4 марта, лекин сутка давомида 4 таблеткадан ошмаслиги керак ёки шифокор кўрсатмаси бўйича.

Болаларга: 12 ёшгача бўлган болаларни даволашда дозани шифокор белгилайди.

Ножўя таъсирлари

Кўпчилик ҳолларда препарат яхши ўзлаштирилади. Парацетамолнинг ножўя таъсирлари одатда кучсиз намоён бўлади. Гематологик тизим томонидан реакциялар ҳақида хабарлар бор. Баъзида тошмалар ва бошқа аллергик тери реакциялари (тошма, эритема, эшакеми) пайдо бўлади.

Одатда кофеин билан боғлиқ бўлган ножўя таъсирлари меъда-ичак йўлларини таъсирчанлик ва марказий нерв тизимини рағбатлантиришидир (бош айланиши, уйқунинг бузилиши, юқори таъсирчанлик). Хлорфенираминнинг ножўя таъсирлари - хлорфенирамин малеати қабул қилганидан кейинги кўнгил айниши, қусиш ёки қорин оғриғи кузатилиши мумкин.

 

Қўллаш мумкин бўлмаган ҳолатлар

  • Препаратнинг компонентларга юқори сезувчанлик;
  • Феохромацитома;
  • Парацетамол ёки препаратнинг бошқа компонентларига ўта юқори сезувчанлик;
  • Болалар (12 ёшгача);
  • Ҳомиладорлик, лактация даври;
  • Жигар ёки буйрак етишмовчилигида;
  • Гипертония;
  • Гипертиреоз;
  • Диабет ва юрак касаллиги;
  • Трициклик антидепрессантлар ёки бета-блокаторларни қабул қилаётган, шунингдек моноаминоксидаза ингибиторларни қабул қилаётган ёки сўнгги икки ҳафтада қабул қилган пациентларда қўллаш мумкин эмас.

 

Дориларнинг ўзаро таъсири

Насморк Тотал моноаминооксидаза (МАО) ингибиторлари, седатив препаратлар, этанолнинг самарасини кучайтиради. Антидепрессантлар, паркинсонизмга қарши воситалар, антипсихотик воситалар, фенотиазин ҳосилалари сийдик тутилиши, оғизни қуриши, қабзият ривожланиши хавфини оширади. Глюкокортикостероидлар глаукома ривожланиши хавфини оширади. Парацетамол диуретик препаратларнинг самарасини пасайтиради. Хлорфенирамин моноаминоксидаза ингибиторлари, фуразолидон билан бирга гипертоник хуруж, қўзғалувчанлик, гиперпирексияга олиб келиши мумкин. Трициклик антидепрессантлар симптоматик таъсирни кучайтиради, галотан билан бир вақтда қўллаш юрак қоринчалари аритмиясини ривожланиш хавфини оширади.

 

Махсус кўрсатмалар

Препаратни парацетамол сақловчи бошқа препаратлар билан бирга қабул қилиш мумкин эмас. Препарат билан даволаш даврида жигар, буйрак функциясини ва периферик қон манзарасини назорат қилиш керак. Препаратни қўллаш вақтида препаратнинг гепатотоксик таъсирини кучайиши мумкинлиги туфайли, алкоголь истеъмол қилиш мумкин эмас.

Насморк Тотал таблеткаларини қуйидаги касалликларда фақат шифокор назорати остида қўллаш лозим:

  • Простата безини катталашиши
  • Вазопастик бузилишлар (масалан, Рейно Феномени)
  • Юрак-қон томир касалликлари
  • Ушбу препарат варфарин ва бошқа симптоматик воситаларни (димланишга қарши, иштаҳани пасайтирувчи воситалар ва амфетамин каби психостимуляторлар) қабул қилаётган пациентлар қўллаши мумкин эмас.
  • Агар юқорида кўрсатилган шароитларда препарат қабул қилинса, кофеинни (кофе, чой ва бошқа) ҳаддан зиёд қабул қилишдан сақланиш лозим, шунингдек парацетамол сақловчи препаратларни бекор қилиш керак. Кўрсатилган дозадан оширилмасин.

Препаратни ножўя таъсир белгилари ёки дозани ошириб юбориш ҳоллари пайдо бўлганда шифокор билан маслаҳатлашинг.

Ҳомиладорлик ва лактация

Хлорфенирамин малеати ва кофеин сақлаганлиги туфайли, ушбу препаратни ҳомиладорлик вақтида қўллаш тавсия этилмайди (болани кам вазн билан туғилиши, ҳомилани ўз-ўзидан тушиши, янги туғилган чақалоқларда тиришиш хавфи ошади).

Препаратни шифокор руҳсат берган зарур ҳолатлардан ташқари, эмизиш вақтида қўлланилмасин (кофеин гемато-йўлдош тўсиғидан ўтиб ва кўкрак сутига чиқарилиб, бир ёшгача бўлган болаларда сўрилмайди, организмда тўпланиб жиззакилик ва безовталикни чақириб нерв тизими фаолиятини бузади).

Автотранспорт ва бошқа механизмларни бошқариш қобилиятига таъсири.

Бош айланиш ҳолатлари бўлиши ҳақида пациентларни огоҳлантириш лозим, натижада – автотранспортни ва бошқа механизмларни бошқаришга рухсат этилмайди.

Хлорфенирамин малеати уйқучанлик, бош айланиши, кўришни хиралашуви ва психомотор ёмонлашувни чақириши мумкин, бу автотранспортни ва бошқа механизмларни бошқаришда пациентлар учун жиддий тўсиқларга олиб келади.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

 

Дозани ошириб юборилиши

Симптомлари: аллергик реакциялар, бош оғриғи, психомотор қўзғалишлар, бош айланиши, кўнгил айниши, қусиш.

Даволаш: меъдани ювиш, симптоматик даволаш.

Чиқарилиш шакли:

10 таблеткадан алюмин фольгали ва ПВХ блистерда.

Ҳар бир блистер қўллаш бўйича йўриқномаси билан картон қутида.

Сақлаш шароити

Қуруқ, ёруғликдан ҳимояланган жойда, 25°С дан юқори бўлмаган ҳароратда.

Яроқлилик муддати

3 йил.

Дорихоналардан бериш тартиби

Рецептсиз.

Ишлаб чиқарувчи

Combitic Global Caplet Pvt. Ltd.

М-15, Д-3, Индастриал Эриа,

Сонепат, Харйана, Ҳиндистон.

Ўзбекистон Республикаси худудида дори воситаларининг сифати бўйича эътирозлар (таклифлар) ни қабул қилувчи ташкилот номи ва манзили

“PHARMREGISTER” ХК

Ўзбекистон Республикаси, 100041, Тошкент ш., Мирзо-Улуғбек тумани, Мойлисой кўч, 71

Тел: +99893 5553020



Оставить отзыв
Оценка:
              
Текст отзыва

Ваше имя
Ваш комментарий будет опубликован после проверки модератором