AKNEKUTAN 0,016 kapsulalar N30
AKNEKUTAN 0,016 kapsulalar N30 qo'llanmasi
Farmakokinetikasi
Izotretinoin va uning metabolitlari kinetikasi chiziqli xususiyatga ega bo'lganligi sababli, terapiya davomida uning plazmadagi kontsentratsiyalarini bir martalik qabuldan keyin olingan ma'lumotlar asosida oldindan aytish mumkin. Preparatning bu xususiyati shuningdek, u dori vositalari metabolizmida ishtirok etuvchi jigar mikrosomal fermentlari faolligiga ta'sir qilmasligini bildiradi.
Aknekutan® preparatining yuqori biologik kira olishligi preparatdagi erigan izotretinoinning katta ulushi bilan bog'liq va preparat ovqat bilan qabul qilingan sharoitda ortishi mumkin.
Akne bilan og'rigan bemorlarda och qoringa 80 mg izotretinoin qabul qilingandan so'ng muvozanat holatida plazmadagi maksimal kontsentratsiyalar (Cmax) 310 ng/ml (diapazon 188?473 ng/ml) ni tashkil etdi va unga 2?4 soatdan keyin erishildi. Izotretinoinning plazmadagi kontsentratsiyasi qondagiga qaraganda 1,7 baravar yuqori, bu izotretinoinning eritrotsitlarga yomon kirib borishi oqibatidir. Plazma oqsillari bilan bog'lanishi (asosan albumin bilan) - 99,9 %.
Sutkada 2 marta 40 mg dan preparat qabul qilgan, akne og'ir shakllari bo'lgan bemorlarda qondagi izotretinoinning muvozanatli kontsentratsiyalari (Css) 120 dan 200 ng/ml gacha o'zgarib turdi. Ushbu bemorlarda 4-okso-izotretinoin (asosiy metabolit) kontsentratsiyalari izotretinoinnikidan 2,5 baravar oshdi.
Epidermisdagi izotretinoin kontsentratsiyasi zardobdagidan 2 baravar past.
3 ta asosiy biologik faol metabolitlar - 4-okso-izotretinoin (asosiy), tretinoin (to'liq trans-retinoy kislotasi) va 4-okso-retinoin, shuningdek glyukuronidlarni o'z ichiga olgan kamroq ahamiyatga ega metabolitlar hosil qilib metabolizmga uchraydi. In vivo izotretinoin va tretinoin bir-biriga qaytar aylanadiganligi sababli, tretinoin metabolizmi izotretinoin metabolizmi bilan bog'liq. Izotretinoin dozasining 20?30 % izomerizatsiya yo'li bilan metabolizmga uchraydi. Odamda izotretinoin farmakokinetikasida ichak-jigar retsirkulyatsiyasi muhim rol o'ynashi mumkin.
In vitro tadqiqotlar shuni ko'rsatdiki, izotretinoinning 4-okso-izotretinoin va tretinoinga aylanishida P450 sitoxromining bir nechta izofermentlari ishtirok etadi, bunda izoformlarning hech biri ustun rol o'ynamaydi. Izotretinoin va uning metabolitlari P450 sitoxromi izofermentlari faolligiga sezilarli ta'sir ko'rsatmaydi.
Terminal fazaning yarim chiqarilish davri izotretinoin uchun o'rtacha 19 soat. Terminal fazaning yarim chiqarilish davri 4-okso-izotretinoin uchun o'rtacha 29 soat.
Izotretinoin buyraklar orqali va safro bilan taxminan teng miqdorda chiqariladi.
Tabiiy (fiziologik) retinoidlarga kiradi. Retinoidlarning endogen kontsentratsiyasi preparatni qabul qilish tugaganidan keyin taxminan 2 hafta o'tgach tiklanadi.
Maxsus klinik holatlarda farmakokinetikasi
Jigar funktsiyasi buzilgan bemorlarda preparat farmakokinetikasi to'g'risidagi ma'lumotlar cheklanganligi sababli, izotretinoin ushbu guruh bemorlarida qarshi ko'rsatmadir.
Yengil va o'rtacha darajadagi buyrak yetishmovchiligi izotretinoin farmakokinetikasiga ta'sir qilmaydi.
Nojo'ya samaralari
Aksariyat nojo'ya ta'sirlar dozaga bog'liq. Odatda nojo'ya ta'sirlar dozani to'g'rilash yoki preparatni bekor qilishdan keyin qaytuvchan xarakterga ega, ammo ba'zilari davolash to'xtatilgandan keyin ham saqlanib qolishi mumkin.
A gipervitaminozi bilan bog'liq simptomlar: teri, shilliq qavatlar, shu jumladan lablar (xeylit), burun bo'shlig'i (qon ketishlar), halqum va tomoq (ovoz bo'g'ilishi), ko'zlar (kon'yunktivit, shox pardaning qaytuvchan xiralashishi va kontakt linzalarni ko'tara olmaslik) qurishi.
Teri va uning hosilalari: kaft va tovon terisining po'st tashlashi, toshma, qichishish, yuz eritemasi/dermatit, terlash, piogen granuloma, paronixiyalar, onixodistrofiyalar, granulyatsiya to'qimasining kuchli o'sishi, sochlarning turg'un yupqalashishi, sochlarning qaytuvchan to'kilishi, akne fulminant shakllari, hirsutizm, giperpigmentatsiya, fotosensibilizatsiya, terining oson jarohatlanishi. Davolash boshida akne kuchayishi mumkin, bu bir necha hafta davom etadi.
Suyak-mushak tizimi: zardobda KFK darajasining oshishi bilan yoki usiz mushaklarda og'riq, bo'g'imlarda og'riq, giperostoz, artrit, boylam va paylarning ohaklanishi, tendinitlar.
Markaziy asab tizimi va ruhiy soha: haddan tashqari toliqish, bosh og'rig'i, kalla ichi bosimining oshishi ("bosh miya soxta o'smasi": bosh og'rig'i, ko'ngil aynishi, qusish, ko'rishning buzilishi, ko'ruv nervi shishi), tirishish xurujlari, kam hollarda - depressiya, psixoz, suitsidal fikrlar.
Sezgi a'zolari: kseroftalmiya, alohida hollarda ko'rish o'tkirligining buzilishi, yorug'likdan qo'rqish, qorong'uga moslashishning buzilishi (g'ira-shira ko'rish o'tkirligining pasayishi), kam hollarda - rang ajratishning buzilishi (preparat bekor qilingandan keyin o'tib ketadi), lentikulyar katarakta, keratit, blefarit, kon'yunktivit, ko'zlarning ta'sirlanishi, ko'ruv nervi nevriti, ko'ruv nervi shishi (kalla ichi gipertenziyasi ko'rinishi sifatida); ma'lum tovush chastotalarida eshitishning buzilishi, kontakt linzalarni taqishda qiyinchiliklar.
Oshqozon-ichak trakti: og'iz bo'shlig'i shilliq qavatining qurishi, milklardan qon ketishi, milklarning yallig'lanishi, ko'ngil aynishi, diareya, ichakning yallig'lanish kasalliklari (kolit, ileit), qon ketishlar; pankreatit (ayniqsa 800 mg/dl dan yuqori gipertriglitseridemiya hamrohlik qilganda). O'lim bilan yakunlangan pankreatitning kam uchraydigan holatlari tasvirlangan. Jigar transaminazalari faolligining o'tkinchi va qaytuvchan oshishi, alohida gepatit holatlari. Ushbu holatlarning ko'pchiligida o'zgarishlar norma chegarasidan chiqmagan va davolash jarayonida dastlabki ko'rsatkichlarga qaytgan, ammo ba'zi vaziyatlarda dozani kamaytirish yoki Aknekutan®ni bekor qilish zarurati tug'ilgan.
Nafas olish a'zolari: kam hollarda - bronxospazm (ko'pincha anamnezida bronxial astma bo'lgan bemorlarda).
Qon tizimi: anemiya, gematokritning pasayishi, leykopeniya, neytropeniya, trombotsitlar sonining oshishi yoki kamayishi, EChT tezlashishi.
Laboratoriya ko'rsatkichlari: gipertriglitseridemiya, giperxolesterinemiya, giperurikemiya, yuqori zichlikdagi lipoproteinlar darajasining pasayishi, kam hollarda - giperglikemiya. Aknekutan® qabul qilish davomida birinchi marta aniqlangan qandli diabet holatlari qayd etilgan. Ba'zi bemorlarda, ayniqsa intensiv jismoniy yuklama bilan shug'ullanuvchilarda zardobda KFK faolligining oshishi bo'yicha alohida holatlar tasvirlangan.
Immun tizimi: grammusbat qo'zg'atuvchilar (Staphylococcus aureus) keltirib chiqargan mahalliy yoki tizimli infektsiyalar.
Boshqalar: limfadenopatiya, gematuriya, proteinuriya, vaskulit (Vegener granulematozi, allergik vaskulit), tizimli o'ta yuqori sezuvchanlik reaksiyalari, glomerulonefrit.
Teratogen va embriotoksik ta'sirlar: tug'ma nuqsonlar - gidro- va mikrotsefaliya, kalla-miya nervlarining rivojlanmaganligi, mikroftalmiya, YuQTT rivojlanish nuqsonlari, qalqonsimon oldi bezlari, skelet shakllanishining buzilishi - barmoq falangalari, kalla suyagi, bo'yin umurtqalari, son suyagi, to'piqlar, bilak suyaklari, yuz skeletining rivojlanmaganligi, bo'ri tanglay, quloq supralarining past joylashuvi, quloq supralarining rivojlanmaganligi, tashqi eshitish yo'lining rivojlanmaganligi yoki to'liq yo'qligi, bosh va orqa miya churrasi, suyaklarning bitib ketishi, qo'l va oyoq barmoqlarining bitib ketishi, ayrisimon bez rivojlanishining buzilishi; perinatal davrda homila o'limi, muddatidan oldin tug'ish, tushishlar), epifizar o'sish zonalarining muddatidan oldin yopilishi; hayvonlardagi tajribada - feoxromotsitoma.
Maxsus saqlash sharoitlari
Davolashdan oldin, davolash boshlangandan 1 oy o'tgach, so'ngra har 3 oyda yoki ko'rsatmalar bo'yicha jigar funksiyasi va jigar fermentlarini nazorat qilish tavsiya etiladi. Jigar transaminazalarining vaqtinchalik va qaytuvchan ortishi qayd etilgan, ko'pchilik hollarda me'yoriy qiymatlar doirasida. Agar jigar transaminazalari darajasi me'yordan oshsa, preparat dozasini kamaytirish yoki uni bekor qilish kerak. Shuningdek, zardobdagi lipidlar darajasini och qoringa davolashdan oldin, boshlangandan 1 oy o'tgach, so'ngra har 3 oyda yoki ko'rsatmalar bo'yicha aniqlash lozim. Odatda lipidlar konsentratsiyasi doza kamaytirilgandan yoki preparat bekor qilingandan so'ng, shuningdek parhezga rioya qilinganda me'yorlashadi. Triglitseridlar darajasining klinik ahamiyatli oshishini nazorat qilish zarur, chunki ularning 800 mg/dl yoki 9 mmol/l dan yuqori ko'tarilishi o'tkir pankreatit rivojlanishi bilan kechishi mumkin, ehtimol o'lim bilan yakunlanishi mumkin.
Turg'un gipertriglitseridemiya yoki pankreatit simptomlarida Aknekutan® bekor qilinishi kerak. Kamdan-kam hollarda Aknekutan® qabul qilgan bemorlarda depressiya, psixotik simptomatika va juda kam hollarda - o'z joniga qasd qilishga urinishlar ta'riflangan. Garchi ularning preparatni qo'llash bilan sabab-oqibat bog'liqligi aniqlanmagan bo'lsa-da, anamnezida depressiya bo'lgan bemorlarda alohida ehtiyotkorlikka rioya qilish va barcha bemorlarni preparat bilan davolash davomida depressiya yuzaga kelishi yuzasidan kuzatish, zarurat tug'ilganda ularni tegishli mutaxassisga yo'naltirish zarur. Biroq, Aknekutan®ni bekor qilish simptomlarning yo'qolishiga olib kelmasligi mumkin va mutaxassisda keyingi kuzatuv va davolash talab qilinishi mumkin.
Kamdan-kam hollarda terapiya boshida aknening zo'rayishi kuzatiladi, u preparat dozasiga tuzatish kiritmasdan 7-10 kun ichida o'tib ketadi.
Preparatni har qanday bemorga tayinlashda oldindan kutilayotgan foyda va xavf nisbatini sinchkovlik bilan baholash kerak.
Aknekutan® olayotgan bemorlarga terapiya boshida teri va shilliq qavatlar quruqligini kamaytirish uchun namlantiruvchi tana mazi yoki kremi, lablar uchun balzamdan foydalanish tavsiya etiladi.
Aknekutan® qabul qilish fonida mushak va bo'g'imlarda og'riqlar, qon zardobida kreatinfosfokinaza ortishi mumkin, bu jadal jismoniy zo'riqishni ko'tara olishning pasayishi bilan kechishi mumkin.
Aknekutan® olayotgan bemorlarda, shuningdek davolash tugaganidan keyin 5-6 oy davomida chuqur kimyoviy dermoabraziya va lazer bilan davolashdan saqlanish kerak, chunki atipik joylarda kuchli chandiqlanish va giper- va gipopigmentatsiya yuzaga kelishi mumkin. Aknekutan® bilan davolash jarayonida va undan keyin 6 oy davomida mumli applikatsiyalar yordamida epilyatsiya o'tkazish mumkin emas, chunki epidermis ko'chishi, chandiqlar va dermatit rivojlanishi xavfi mavjud. Ba'zi bemorlarda tungi ko'rish o'tkirligining pasayishi kuzatilishi mumkinligi va bu ba'zan terapiya tugaganidan keyin ham saqlanib qolishi sababli, bemorlarni ushbu holat ehtimoli haqida xabardor qilish, ularga tunda avtomobil haydashda ehtiyot bo'lishni tavsiya etish kerak. Ko'rish o'tkirligi holatini sinchkovlik bilan nazorat qilish lozim. Ko'z kon'yunktivasi quruqligi, shox parda xiralashishi, tungi ko'rishning yomonlashishi va keratit odatda preparat bekor qilingandan so'ng o'tib ketadi. Ko'z shilliq qavati quruqligida namlantiruvchi ko'z mazi yoki sun'iy ko'z yoshi preparati applikatsiyalaridan foydalanish mumkin. Kon'yunktiva quruqligi bo'lgan bemorlarni keratit rivojlanishi ehtimoli yuzasidan kuzatish zarur. Ko'rish yuzasidan shikoyat qilgan bemorlarni oftalmologga yo'naltirish va Aknekutan®ni bekor qilish maqsadga muvofiqligi masalasini ko'rib chiqish kerak. Kontakt linzalarni ko'tara olmaslikda terapiya vaqtida ko'zoynakdan foydalanish kerak.
Quyosh insolyatsiyasi va UB-terapiya ta'sirini cheklash kerak. Zarurat tug'ilganda himoya faktori kamida 15 SPF bo'lgan quyoshdan himoyalovchi kremdan foydalanish kerak.
Xavfsiz kalla ichi gipertenziyasi ("bosh miya soxta o'smasi") rivojlanishining kamdan-kam holatlari, shu jumladan tetratsiklinlar bilan birga qo'llanilganda ta'riflangan. Bunday bemorlarda Aknekutan®ni darhol bekor qilish kerak.
Aknekutan® bilan terapiyada ichakning yallig'lanish kasalligi yuzaga kelishi mumkin. Yaqqol gemorragik diareyasi bo'lgan bemorlarda Aknekutan®ni darhol bekor qilish zarur.
Anafilaktik reaksiyalarning kamdan-kam holatlari ta'riflangan, ular faqat retinoidlar oldindan mahalliy qo'llanilgandan so'ng yuzaga kelgan. Og'ir allergik reaksiyalar preparatni bekor qilishni va bemorni sinchkovlik bilan kuzatishni taqozo etadi.
Yuqori xavf guruhidagi bemorlarga (qandli diabet, semizlik, surunkali alkogolizm yoki yog' almashinuvi buzilishlari bo'lgan) Aknekutan® bilan davolashda glyukoza va lipidlar darajasini tez-tez laborator nazorat qilish talab qilinishi mumkin. Diabet mavjud bo'lganda yoki unga shubha qilinganda glikemiyani tez-tez aniqlash tavsiya etiladi.
Qandli diabeti bo'lgan bemorlarga qondagi glyukoza miqdorini tez-tez nazorat qilish tavsiya etiladi.
Davolash davrida va u tugaganidan keyin 30 kun davomida potensial donorlardan qon olishni butunlay istisno qilish kerak, bu qonning homilador bemorlarga tushishi ehtimolini to'liq istisno qilish uchun zarur (teratogen va embriotoksik ta'sir rivojlanishi xavfi yuqori).
Preparatning transport vositalarini va boshqa mexanizmlarni boshqarish qobiliyatiga ta'siri:
Davolash davrida avtotransportni boshqarishda va yuqori diqqatni jamlash hamda psixomotor reaksiyalar tezligini talab qiluvchi boshqa potensial xavfli faoliyat turlari bilan shug'ullanishda ehtiyot bo'lish kerak (birinchi dozani qabul qilishda).
Qo'llanilishi mumkin bo'lmagan holatlar
Homiladorlik, tasdiqlangan va rejalashtirilgan (teratogen va embriotoksik ta'sir ehtimoli bor), emizish davri, jigar yetishmovchiligi, A gipervitaminozi, yaqqol giperlipidemiya, tetratsiklinlar bilan yondosh terapiya.
Preparatga yoki uning komponentlariga yuqori sezuvchanlik.
Aknekutan® 12 yoshgacha bo'lgan bolalarga qo'llash tavsiya etilmaydi.
Ehtiyotkorlik bilan:
Qandli diabet, anamnezda depressiya, semirish, lipidlar almashinuvining buzilishi, alkogolizm.
Homiladorlik va laktatsiya:
Homiladorlik - Aknekutan® bilan terapiya uchun mutlaq qarshi ko'rsatma.
Agar ogohlantirishlarga qaramay, davolash vaqtida yoki terapiya tugaganidan keyin bir oy ichida homiladorlik yuzaga kelsa, og'ir rivojlanish nuqsonlari bo'lgan bola tug'ilishi xavfi juda katta.
Izotretinoin - kuchli teratogen ta'sirga ega preparat. Agar homiladorlik ayol peroral izotretinoinni qabul qilayotgan davrda (har qanday dozada va hatto qisqa vaqt ichida) yuzaga kelsa, rivojlanish nuqsonlari bo'lgan bola tug'ilishi xavfi juda katta. Aknekutan® tug'ish yoshidagi ayollarga qarshi ko'rsatilgan, faqat ayolning holati quyida sanab o'tilgan barcha mezonlarga javob bermasa:
· unda oddiy davolash usullariga chidamli akne og'ir shakli bo'lishi kerak;
· u shifokor ko'rsatmalarini aniq tushunishi va bajarishi kerak;
· u shifokor tomonidan Aknekutan® bilan davolash davomida, undan keyin bir oy davomida homiladorlik yuzaga kelish xavfi va homiladorlikka shubha qilinganda shoshilinch maslahatlashuv haqida xabardor qilinishi kerak;
· u kontratseptsiya vositalarining samarasiz bo'lishi mumkinligi haqida ogohlantirilishi kerak;
· u ehtiyot choralari mohiyatini tushunganligini tasdiqlashi kerak;
· u Aknekutan® bilan davolashdan bir oy oldin, davolash vaqtida va u tugaganidan keyin bir oy davomida kontratseptsiyaning samarali usullaridan foydalanish zarurligini tushunishi va uzluksiz foydalanishi kerak ("Boshqa dori vositalari bilan o'zaro ta'siri" bo'limiga qarang); bir vaqtning o'zida kontratseptsiyaning 2 xil usulidan, shu jumladan to'siqli usuldan foydalanish maqsadga muvofiqdir;
· unda preparatni qabul qilish boshlanishidan 11 kun oldin ishonchli homiladorlik testining salbiy natijasi olingan bo'lishi kerak; homiladorlik testini davolash vaqtida har oyda va terapiya tugaganidan keyin 5 hafta o'tgach o'tkazish qat'iy tavsiya etiladi;
· u Aknekutan® bilan davolashni faqat keyingi normal hayz tsiklining 2-3 kunida boshlashi kerak;
· u har oyda shifokor qabuliga majburiy tashrif buyurish zarurligini tushunishi kerak;
· kasallik qaytalanishi sababli davolashda u Aknekutan® bilan davolash boshlanishidan bir oy oldin, davolash vaqtida va u tugaganidan keyin bir oy davomida doimiy ravishda o'sha samarali kontratseptsiya usullaridan foydalanishi, shuningdek o'sha ishonchli homiladorlik testidan o'tishi kerak;
· u ehtiyot choralari zarurligini to'liq tushunishi va shifokor unga tushuntirgan ishonchli kontratseptsiya usullarini qo'llash istagini va tushunishini tasdiqlashi kerak.
Izotretinoin bilan davolash vaqtida yuqorida keltirilgan ko'rsatmalar bo'yicha homiladorlikdan saqlanish vositalaridan foydalanishni hatto bepushtlik (gisterektomiya o'tkazilgan bemorlar bundan mustasno), amenoreya tufayli odatda kontratseptsiya usullarini qo'llamaydigan yoki jinsiy hayot kechirmasligini ma'lum qilgan ayollarga ham tavsiya etish kerak.
Shifokor ishonch hosil qilishi kerakki:
· bemor aknening og'ir shakli (tugunli-kistoz, konglobat akne yoki chandiqlar hosil bo'lish xavfi bilan akne) bilan og'riydi; boshqa turdagi terapiyaga berilmaydigan akne;
· preparatni qabul qilish boshlanishidan oldin, terapiya vaqtida va terapiya tugaganidan keyin 5 hafta o'tgach ishonchli homiladorlik testining salbiy natijasi olingan; homiladorlik testini o'tkazish sanalari va natijalari hujjatlashtirilishi kerak;
· bemor Aknekutan® bilan davolash boshlanishidan bir oy oldin, davolash vaqtida va u tugaganidan keyin bir oy davomida kamida bitta, afzalrog'i ikkita samarali kontratseptsiya usulidan, shu jumladan to'siqli usuldan foydalanadi;
· bemor homiladorlikdan saqlanish bo'yicha yuqorida sanab o'tilgan barcha talablarni tushunishga va bajarishga qodir;
· bemor yuqorida sanab o'tilgan barcha shartlarga mos keladi.
Homiladorlik testi
Mavjud amaliyotga muvofiq, minimal sezuvchanligi 25 mXB/ml bo'lgan homiladorlik testini hayz tsiklining dastlabki 3 kunida o'tkazish kerak:
Terapiya boshlanishidan oldin:
· Kontratseptsiyani qo'llash boshlanishidan oldin mumkin bo'lgan homiladorlikni istisno qilish uchun dastlabki homiladorlik testining natijasi va sanasi shifokor tomonidan ro'yxatga olinishi kerak. Hayz ko'rishi tartibsiz bo'lgan bemorlarda homiladorlik testini o'tkazish vaqti jinsiy faollikka bog'liq, uni himoyalanmagan jinsiy aloqadan 3 hafta o'tgach o'tkazish kerak. Shifokor bemorni kontratseptsiya usullari haqida xabardor qilishi kerak.
· Homiladorlik testi Aknekutan® tayinlangan kuni yoki bemorning shifokor qabuliga tashrifidan 3 kun oldin o'tkaziladi. Mutaxassis test natijalarini ro'yxatga olishi kerak. Preparat faqat Aknekutan® bilan terapiya boshlanishidan kamida 1 oy oldin samarali kontratseptsiya olayotgan bemorlarga buyurilishi mumkin.
Terapiya vaqtida:
· Bemor har 28 kunda shifokor qabuliga tashrif buyurishi kerak. Har oyda homiladorlik testini o'tkazish zarurati mahalliy amaliyotga muvofiq va jinsiy faollikni, oldingi hayz tsikli buzilishlarini hisobga olgan holda belgilanadi. Ko'rsatmalar mavjud bo'lganda homiladorlik testi tashrif kuni yoki shifokor qabuliga tashrifdan 3 kun oldin o'tkaziladi, test natijalari ro'yxatga olinishi kerak.
Terapiya tugashi:
· Terapiya tugaganidan keyin 5 hafta o'tgach homiladorlikni istisno qilish uchun test o'tkaziladi.
Aknekutan® ga retsept bola tug'ish qobiliyatiga ega ayolga faqat 30 kunlik davolash uchun yozilishi mumkin, terapiyani davom ettirish shifokor tomonidan preparatning yangi tayinlovini talab qiladi. Homiladorlik testi, retsept yozish va preparatni olishni bir kunda o'tkazish tavsiya etiladi.
Agar qabul qilingan ehtiyot choralariga qaramay, Aknekutan® bilan davolash vaqtida yoki u tugaganidan keyin bir oy ichida baribir homiladorlik yuzaga kelsa, homilaning juda og'ir rivojlanish nuqsonlari yuqori xavfi mavjud.
Homiladorlik yuzaga kelganda Aknekutan® bilan terapiya to'xtatiladi. Homiladorlikni saqlab qolish maqsadga muvofiqligini teratologiya bo'yicha ixtisoslashgan shifokor bilan muhokama qilish kerak.
Izotretinoin yuqori lipofillikka ega bo'lganligi sababli, uning ko'krak sutiga tushish ehtimoli juda yuqori. Mumkin bo'lgan nojo'ya ta'sirlar tufayli Aknekutan® ni emizikli onalarga buyurish mumkin emas.
Erkak jinsli bemorlarga:
Mavjud ma'lumotlar shuni ko'rsatadiki, ayollarda Aknekutan® qabul qilayotgan erkaklarning urug'i va urug' suyuqligidan tushgan preparat ekspozitsiyasi Aknekutan® ning teratogen samaralari paydo bo'lishi uchun yetarli emas.
Erkaklar preparatni boshqa shaxslar, ayniqsa ayollar tomonidan qabul qilinishi ehtimolini istisno qilishlari kerak.
Dori vositalarining o'zaro ta'siri
Tetratsiklin qatori antibiotiklari, GKS samaradorlikni pasaytiradi.
Fotosensibilizatsiyani kuchaytiruvchi preparatlar (shu jumladan sulfonamidlar, tetratsiklinlar, tiazid diuretiklari) bilan bir vaqtda qo'llash quyosh kuyishlari yuzaga kelish xavfini oshiradi.
Boshqa retinoidlar (shu jumladan atsitretin, tretinoin, retinol, tazaroten, adapalen) bilan bir vaqtda qo'llash A gipervitaminozi yuzaga kelish xavfini oshiradi.
Izotretinoin progesteron preparatlari samaradorligini susaytirishi mumkin, shuning uchun progesteronning kichik dozalarini saqlovchi kontratseptiv vositalardan foydalanmaslik kerak.
Akne davolash uchun mahalliy keratolitik preparatlar bilan birga qo'llash mahalliy ta'sirlanish kuchayishi mumkinligi sababli tavsiya etilmaydi.
Tetratsiklinlar kalla ichki bosimi oshishi xavfini oshirishi sababli, izotretinoin bilan bir vaqtda qo'llash mumkin emas.
Dozirovkasi
Aknekutan® ning terapevtik samaradorligi va uning nojo'ya ta'sirlari dozaga bog'liq va turli bemorlarda farq qiladi. Bu davolash davomida dozani individual tanlashni zarur qiladi.
Aknekutan® ning boshlang'ich dozasi - 0,4 mg/kg sutkasiga, ba'zi hollarda 0,8 mg/kg sutkasigacha. Kasallikning og'ir shakllarida yoki tana aknesi bo'lgan bemorlarga sutkasiga 2 mg/kg gacha doza talab qilinishi mumkin.
Optimal kursli kumulyativ doza - 100-120 mg/kg. To'liq remissiyaga odatda 16-24 hafta ichida erishiladi. Tavsiya etilgan doza yomon o'zlashtirilganda davolashni kamroq dozada, lekin uzoqroq vaqt davom ettirish mumkin.
Ko'pchilik bemorlarda akne bir martalik davolash kursidan so'ng butunlay yo'qoladi.
Retsidiv bo'lganda xuddi shu sutkalik va kumulyativ dozada takroriy davolash kursini o'tkazish mumkin. Takroriy kurs birinchisidan kamida 8 hafta o'tgach tayinlanadi, chunki yaxshilanish kechiktirilgan xarakterga ega bo'lishi mumkin.
Og'ir surunkali buyrak yetishmovchiligida boshlang'ich doza 8 mg/sutkaga qadar kamaytirilishi kerak.Dozani oshirib yuborishDozani oshirib yuborishda A gipervitaminozi belgilari paydo bo'lishi mumkin.
Dozani oshirib yuborilgandan keyin dastlabki bir necha soat ichida oshqozonni yuvish kerak bo'lishi mumkin.
AKNEKUTAN 0,016 kapsulalar N30 o'xshash dorilari
AKNEKUTAN 0,016 kapsulalar N30 xususiyatlari
Aknekutan boshqa chiqarish shakllari
AKNEKUTAN 0,016 kapsulalar N30 analoglari
{
"data": {
"id": 32642,
"stores_apteka_id": null,
"slug": "aknekutan-0-016-n30-kaps",
"stores_apteka_slug": null,
"name": "AKNEKUTAN 0,016 kapsulalar N30",
"brand_name": "AKNEKUTAN 0,016",
"image": "uploads/iblock/b53/b53067112bd3ce4f90f7f661a0672ab6.webp",
"atx_code": "D10BA01",
"drug_form_id": 3,
"over_the_counter": false,
"prescription_type": "unknown",
"availability": "not_available",
"reviews_count": 0,
"reviews_rating": 0,
"has_pickup": false,
"has_delivery": false,
"manufacturer": null,
"manufacturer_plain": "SMB TEXNOLODJI S.A.",
"representative": null,
"representative_plain": null,
"distributor": null,
"distributor_plain": null,
"is_manufacturer_advertiser": false,
"is_representative_advertiser": false,
"is_dietary_supplement": false,
"is_medical_device": false,
"category": {
"id": 479,
"slug": "dermatologicheskie",
"name": "Dermatologik",
"external_link_title": "",
"external_link": ""
},
"drug_group": {
"id": 9587,
"slug": "aknekutan",
"name": "Aknekutan"
},
"is_purchasable": false,
"country": {
"id": 43,
"slug": "belgiya",
"name": "Belgiya"
},
"active_ingredients": [
{
"id": 7273,
"slug": "izotretinoin",
"name": "izotretinoin"
}
],
"tags": [
{
"id": 738,
"slug": "ot-pryshchey",
"name": "Husnbuzarlardan"
}
]
}
}
