Aknekutan

• Akne (husnbuzar) ning og'ir shakllari (tugunli-kistoz, konglobat, chandiq hosil bo'lish xavfi bo'lgan akne). Boshqa turdagi terapiyaga berilmaydigan akne.

• homiladorlik, aniqlangan va rejalashtirilgan (teratogen va embriotoksik ta’sir bo‘lishi mumkin); — ko‘krak suti bilan boqish davri; — jigar yetishmovchiligi; — A gipervitaminozi; — yaqqol giperlipidemiya; — tetratsiklinlar bilan birga davolash; — preparatga yoki uning tarkibiy qismlariga yuqori sezuvchanlik. Aknekutan 12 yoshgacha bo‘lgan bolalarga qo‘llash tavsiya etilmaydi. Ehtiyotkorlik bilan qandli diabet, anamnezda depressiya, semirish, lipid almashinuvining buzilishi, alkogolizmda tayinlash kerak. Batafsil yo‘riqnomaga qarang

• 1 kaps. izotretinoin 8 mg Yordamchi moddalar: Gelyutsir® 50/13 (stearin kislotasi polietilenoksid va glitserol efirlari aralashmasi), tozalangan soya moyi, Span 80® (sorbitan oleat - olein kislotasi va sorbit aralash efirlari). Kapsula korpusi va qopqog‘i tarkibi: jelatin, bo‘yoqchi temir oksidi qizil (E172), titan dioksidi (E171). Kapsulalar 16 mg Faol moddalar: Izotretinoin - 16,0 mg Yordamchi moddalar: Gelyutsir ® 50/13 (stearin kislotasi polietilenoksid va glitserin efirlari aralashmasi) – 192, 00 mg; tozalangan soya moyi – 104,00 mg; Span 80® (sorbitan oleat – olein kislotasi va sorbit aralash efirlari) – 16,00 mg

• Aksariyat nojo'ya ta'sirlar dozaga bog'liq. Odatda nojo'ya ta'sirlar doza to'g'rilangandan yoki preparat bekor qilingandan so'ng qaytuvchan xarakterga ega, ammo ba'zilari davolash to'xtatilgandan keyin ham saqlanib qolishi mumkin. A gipervitaminozi bilan bog'liq simptomlar: teri, shilliq qavatlar, shu jumladan lablar (xeylit), burun bo'shlig'i (qon ketishlar), hiqildoq va halqum (ovoz bo'g'ilishi), ko'zlar (kon'yunktivit, shox pardaning qaytuvchan xiralashishi va kontakt linzalarni ko'tara olmaslik) qurishi. Teri va uning hosilalari: kaft va tovon terisining po'st tashlashi, toshma, qichishish, yuz eritemasi/dermatit, terlash, piogen granuloma, paronixiyalar, onixodistrofiyalar, granulyatsion to'qimaning kuchli o'sib ketishi, sochlarning turg'un ingichkalashishi, sochlarning qaytuvchan to'kilishi, akne fulminant shakllari, gipertrixoz, giperpigmentatsiya, fotosensibilizatsiya, terining yengil jarohatlanishi. Davolash boshida aknening kuchayishi yuz berishi mumkin, bu bir necha hafta saqlanib turadi. Tayanch-harakat tizimi: zardobda KFK darajasi oshishi bilan yoki usiz mushaklarda og'riq, bo'g'imlarda og'riq, giperostoz, artrit, boylam va paylarning ohaklanishi, tendinitlar. Markaziy asab tizimi va ruhiy soha: haddan tashqari charchoq, bosh og'rig'i, bosh miya ichki bosimining oshishi ("bosh miya soxta o'smasi": bosh og'rig'i, ko'ngil aynishi, qusish, ko'rishning buzilishi, ko'ruv nervining shishi), tirishish xurujlari, kamdan-kam hollarda - depressiya, psixoz, o'z joniga qasd qilish fikrlari. Sezgi a'zolari: kseroftalmiya, ko'rish o'tkirligining buzilishi holatlari, yorug'likdan qo'rqish, qorong'uga moslashishning buzilishi (shomda ko'rish o'tkirligining pasayishi), kamdan-kam hollarda - rang ajratishning buzilishi (preparat bekor qilingandan keyin o'tib ketadi), lentikulyar katarakta, keratit, blefarit, kon'yunktivit, ko'zning ta'sirlanishi, ko'ruv nervi nevriti, ko'ruv nervi shishi (bosh miya ichki gipertenziyasi ko'rinishi sifatida); ma'lum tovush chastotalarida eshitishning buzilishi, kontakt linzalarni taqishda qiyinchiliklar. Oshqozon-ichak trakti: og'iz bo'shlig'i shilliq qavatining qurishi, milklardan qon ketishi, milklarning yallig'lanishi, ko'ngil aynishi, diareya, ichakning yallig'lanish kasalliklari (kolit, ileit), qon ketishlar; pankreatit (ayniqsa 800 mg/dl dan yuqori hamroh gipertriglitseridemiyada). O'lim bilan yakunlangan kamdan-kam pankreatit holatlari tasvirlangan. Jigar transaminazalari faolligining o'tkinchi va qaytuvchan oshishi, gepatit holatlari. Ushbu holatlarning ko'pchiligida o'zgarishlar norma chegarasidan chiqmagan va davolash jarayonida dastlabki ko'rsatkichlarga qaytgan, ammo ba'zi vaziyatlarda dozani kamaytirish yoki Aknekutan®ni bekor qilish zarurati tug'ilgan. Nafas olish a'zolari: kamdan-kam hollarda - bronxospazm (ko'proq anamnezida bronxial astmasi bo'lgan bemorlarda). Qon tizimi: anemiya, gematokritning pasayishi, leykopeniya, neytropeniya, trombotsitlar sonining ko'payishi yoki kamayishi, EChT tezlashishi. Laboratoriya ko'rsatkichlari: gipertriglitseridemiya, giperxolesterinemiya, giperurikemiya, yuqori zichlikdagi lipoproteinlar darajasining pasayishi, kamdan-kam hollarda - giperglikemiya. Aknekutan® qabul qilish davomida birinchi marta aniqlangan qandli diabet holatlari qayd etilgan. Ba'zi bemorlarda, ayniqsa intensiv jismoniy yuklama bilan shug'ullanuvchilarda, zardobda KFK faolligining oshishi holatlari tasvirlangan. Immun tizimi: grammusbat qo'zg'atuvchilar (Staphylococcus aureus) keltirib chiqargan mahalliy yoki tizimli infektsiyalar. Boshqalar: limfadenopatiya, gematuriya, proteinuriya, vaskulit (Vegener granulematozi, allergik vaskulit), tizimli yuqori sezuvchanlik reaktsiyalari, glomerulonefrit. Teratogen va embriotoksik ta'sirlar: tug'ma nuqsonlar - gidro- va mikrotsefaliya, bosh miya nervlarining rivojlanmay qolishi, mikroftalmiya, YuQTS rivojlanish nuqsonlari, qalqonsimon oldi bezlari, skelet shakllanishining buzilishi - barmoq falangalarining, bosh suyagining, bo'yin umurtqalarining, son suyagining, to'piqlarning, bilak suyaklarining, yuz suyagining rivojlanmay qolishi, bo'ri tanglay, quloq supralarining past joylashuvi, quloq supralarining rivojlanmay qolishi, tashqi eshitish yo'lining rivojlanmay qolishi yoki butunlay yo'qligi, bosh va orqa miya churrasi, suyaklarning bitishi, qo'l va oyoq barmoqlarining bitishi, ayrisimon bez rivojlanishining buzilishi; perinatal davrda homilaning nobud bo'lishi, erta tug'ruq, bola tushishi, epifizar o'sish zonalarining muddatidan oldin yopilishi; hayvonlardagi tajribada - feoxromotsitoma.

• Qattiq jelatin kapsulalar № 1, korpusi oq rangli, qopqoqchasi yashil rangli. Kapsula ichidagisi - sariq-to'q sariq rangli mumsimon pasta. Qattiq jelatin kapsulalar № 3 jigarrang rangli. Kapsula ichidagisi - sariq-to'q sariq rangli mumsimon pasta.

Davolashdan oldin, davolash boshlangandan 1 oy o'tgach, so'ngra har 3 oyda yoki ko'rsatmalar bo'yicha jigar funksiyasi va jigar fermentlarini nazorat qilish tavsiya etiladi. Jigar transaminazalarining vaqtinchalik va qaytuvchan ortishi qayd etilgan, ko'pchilik hollarda me'yoriy qiymatlar doirasida. Agar jigar transaminazalari darajasi me'yordan oshsa, preparat dozasini kamaytirish yoki uni bekor qilish kerak. Shuningdek, zardobdagi lipidlar darajasini och qoringa davolashdan oldin, boshlangandan 1 oy o'tgach, so'ngra har 3 oyda yoki ko'rsatmalar bo'yicha aniqlash lozim. Odatda lipidlar konsentratsiyasi doza kamaytirilgandan yoki preparat bekor qilingandan so'ng, shuningdek parhezga rioya qilinganda me'yorlashadi. Triglitseridlar darajasining klinik ahamiyatli oshishini nazorat qilish zarur, chunki ularning 800 mg/dl yoki 9 mmol/l dan yuqori ko'tarilishi o'tkir pankreatit rivojlanishi bilan kechishi mumkin, ehtimol o'lim bilan yakunlanishi mumkin.

Turg'un gipertriglitseridemiya yoki pankreatit simptomlarida Aknekutan® bekor qilinishi kerak. Kamdan-kam hollarda Aknekutan® qabul qilgan bemorlarda depressiya, psixotik simptomatika va juda kam hollarda - o'z joniga qasd qilishga urinishlar ta'riflangan. Garchi ularning preparatni qo'llash bilan sabab-oqibat bog'liqligi aniqlanmagan bo'lsa-da, anamnezida depressiya bo'lgan bemorlarda alohida ehtiyotkorlikka rioya qilish va barcha bemorlarni preparat bilan davolash davomida depressiya yuzaga kelishi yuzasidan kuzatish, zarurat tug'ilganda ularni tegishli mutaxassisga yo'naltirish zarur. Biroq, Aknekutan®ni bekor qilish simptomlarning yo'qolishiga olib kelmasligi mumkin va mutaxassisda keyingi kuzatuv va davolash talab qilinishi mumkin.

Kamdan-kam hollarda terapiya boshida aknening zo'rayishi kuzatiladi, u preparat dozasiga tuzatish kiritmasdan 7-10 kun ichida o'tib ketadi.

Preparatni har qanday bemorga tayinlashda oldindan kutilayotgan foyda va xavf nisbatini sinchkovlik bilan baholash kerak.

Aknekutan® olayotgan bemorlarga terapiya boshida teri va shilliq qavatlar quruqligini kamaytirish uchun namlantiruvchi tana mazi yoki kremi, lablar uchun balzamdan foydalanish tavsiya etiladi.

Aknekutan® qabul qilish fonida mushak va bo'g'imlarda og'riqlar, qon zardobida kreatinfosfokinaza ortishi mumkin, bu jadal jismoniy zo'riqishni ko'tara olishning pasayishi bilan kechishi mumkin.

Aknekutan® olayotgan bemorlarda, shuningdek davolash tugaganidan keyin 5-6 oy davomida chuqur kimyoviy dermoabraziya va lazer bilan davolashdan saqlanish kerak, chunki atipik joylarda kuchli chandiqlanish va giper- va gipopigmentatsiya yuzaga kelishi mumkin. Aknekutan® bilan davolash jarayonida va undan keyin 6 oy davomida mumli applikatsiyalar yordamida epilyatsiya o'tkazish mumkin emas, chunki epidermis ko'chishi, chandiqlar va dermatit rivojlanishi xavfi mavjud. Ba'zi bemorlarda tungi ko'rish o'tkirligining pasayishi kuzatilishi mumkinligi va bu ba'zan terapiya tugaganidan keyin ham saqlanib qolishi sababli, bemorlarni ushbu holat ehtimoli haqida xabardor qilish, ularga tunda avtomobil haydashda ehtiyot bo'lishni tavsiya etish kerak. Ko'rish o'tkirligi holatini sinchkovlik bilan nazorat qilish lozim. Ko'z kon'yunktivasi quruqligi, shox parda xiralashishi, tungi ko'rishning yomonlashishi va keratit odatda preparat bekor qilingandan so'ng o'tib ketadi. Ko'z shilliq qavati quruqligida namlantiruvchi ko'z mazi yoki sun'iy ko'z yoshi preparati applikatsiyalaridan foydalanish mumkin. Kon'yunktiva quruqligi bo'lgan bemorlarni keratit rivojlanishi ehtimoli yuzasidan kuzatish zarur. Ko'rish yuzasidan shikoyat qilgan bemorlarni oftalmologga yo'naltirish va Aknekutan®ni bekor qilish maqsadga muvofiqligi masalasini ko'rib chiqish kerak. Kontakt linzalarni ko'tara olmaslikda terapiya vaqtida ko'zoynakdan foydalanish kerak.

Quyosh insolyatsiyasi va UB-terapiya ta'sirini cheklash kerak. Zarurat tug'ilganda himoya faktori kamida 15 SPF bo'lgan quyoshdan himoyalovchi kremdan foydalanish kerak.

Xavfsiz kalla ichi gipertenziyasi ("bosh miya soxta o'smasi") rivojlanishining kamdan-kam holatlari, shu jumladan tetratsiklinlar bilan birga qo'llanilganda ta'riflangan. Bunday bemorlarda Aknekutan®ni darhol bekor qilish kerak.

Aknekutan® bilan terapiyada ichakning yallig'lanish kasalligi yuzaga kelishi mumkin. Yaqqol gemorragik diareyasi bo'lgan bemorlarda Aknekutan®ni darhol bekor qilish zarur.

Anafilaktik reaksiyalarning kamdan-kam holatlari ta'riflangan, ular faqat retinoidlar oldindan mahalliy qo'llanilgandan so'ng yuzaga kelgan. Og'ir allergik reaksiyalar preparatni bekor qilishni va bemorni sinchkovlik bilan kuzatishni taqozo etadi.

Yuqori xavf guruhidagi bemorlarga (qandli diabet, semizlik, surunkali alkogolizm yoki yog' almashinuvi buzilishlari bo'lgan) Aknekutan® bilan davolashda glyukoza va lipidlar darajasini tez-tez laborator nazorat qilish talab qilinishi mumkin. Diabet mavjud bo'lganda yoki unga shubha qilinganda glikemiyani tez-tez aniqlash tavsiya etiladi.

Qandli diabeti bo'lgan bemorlarga qondagi glyukoza miqdorini tez-tez nazorat qilish tavsiya etiladi.

Davolash davrida va u tugaganidan keyin 30 kun davomida potensial donorlardan qon olishni butunlay istisno qilish kerak, bu qonning homilador bemorlarga tushishi ehtimolini to'liq istisno qilish uchun zarur (teratogen va embriotoksik ta'sir rivojlanishi xavfi yuqori).

Preparatning transport vositalarini va boshqa mexanizmlarni boshqarish qobiliyatiga ta'siri:

Davolash davrida avtotransportni boshqarishda va yuqori diqqatni jamlash hamda psixomotor reaksiyalar tezligini talab qiluvchi boshqa potensial xavfli faoliyat turlari bilan shug'ullanishda ehtiyot bo'lish kerak (birinchi dozani qabul qilishda).