AMIKASIN KRASFARMA poroshok 500mg N1
AMIKASIN KRASFARMA poroshok 500mg N1 o'xshash dorilari
AMIKASIN KRASFARMA poroshok 500mg N1 qo'llanmasi
Mushak ichiga (m/i) yuborilgandan so'ng tez va to'liq so'riladi. 7,5 mg/kg dozada m/i yuborilganda maksimal kontsentratsiya (Сmах) - 21 mkg/ml. Maksimal kontsentratsiyaga erishish vaqti (ТСmах) - m/i yuborilgandan so'ng taxminan 1,5 soat. Plazma oqsillari bilan bog'lanishi - 4-11%.
Hujayradan tashqari suyuqlikda (abstsesslar tarkibi, plevra ekssudati, astsitik, perikardial, sinovial, limfa va peritoneal suyuqlik) yaxshi taqsimlanadi; siydikda yuqori kontsentratsiyalarda aniqlanadi; safro, ko'krak suti, ko'z suyuqligi, bronxial sekret, balg'am va orqa miya suyuqligida (OMS) past. Organizmning barcha to'qimalariga yaxshi kirib boradi, u yerda hujayra ichida to'planadi; yuqori kontsentratsiyalar qon bilan yaxshi ta'minlangan organlarda qayd etiladi: o'pka, jigar, miokard, taloq va ayniqsa buyraklarda, bu yerda po'stloq qavatida to'planadi, pastroq kontsentratsiyalar - mushaklarda, yog' to'qimasida va suyaklarda.
Kattalarga o'rtacha terapevtik dozalarda (normada) tayinlanganda amikatsin gematoensefalik to'siq (GEB) orqali o'tmaydi, miya qobiqlari yallig'lanishida o'tkazuvchanlik biroz ortadi. Yangi tug'ilgan chaqaloqlarda kattalarga qaraganda OMS da yuqori kontsentratsiyalarga erishiladi; yo'ldosh orqali o'tadi - homila qonida va amniotik suyuqlikda aniqlanadi. Taqsimlanish hajmi kattalarda - 0,26 l/kg, bolalarda - 0,2-0,4 l/kg, yangi tug'ilgan chaqaloqlarda - 1 haftadan kichik va tana vazni 1,5 kg dan kam bo'lganda - 0,68 l/kg gacha, 1 haftadan kichik va tana vazni 1,5 kg dan ortiq bo'lganda - 0,58 l/kg gacha, mukovistsidozli bemorlarda g 0,3-0,39 l/kg. O'rtacha terapevtik kontsentratsiya v/i yoki m/i yuborilganda 10-12 soat davomida saqlanib turadi.
Metabolizmga uchramaydi. Yarim chiqarilish davri (Т1/2) kattalarda - 2-4 soat, yangi tug'ilgan chaqaloqlarda - 5-8 soat, katta yoshdagi bolalarda - 2,5- 4 soat. Yakuniy Т1/2 qiymati - 100 soatdan ortiq (hujayra ichidagi depolardan ajralib chiqishi).
Buyraklar orqali kalavalar filtratsiyasi yo'li bilan (65-94 %) asosan o'zgarmagan holda chiqariladi. Buyrak klirensi - 79-100 ml/daq.
Kattalarda buyrak funktsiyasi buzilganda Т1/2 buzilish darajasiga qarab o'zgaradi - 100 soatgacha, mukovistsidozli bemorlarda - 1-2 soat, kuyish va gipertermiya bo'lgan bemorlarda Т1/2 yuqori klirens tufayli o'rtacha ko'rsatkichlarga nisbatan qisqaroq bo'lishi mumkin.
Gemodializda chiqariladi (4-6 soat ichida 50 %), peritoneal dializ samarasizroq (48-72 soat ichida 25%).
Ovqat hazm qilish tizimi tomonidan: ko'ngil aynishi, qusish, jigar funktsiyasining buzilishi ("jigar" transaminazalari faolligining oshishi, giperbilirubinemiya).
Qon yaratish a'zolari tomonidan: anemiya, leykopeniya, granulotsitopeniya, - trombotsitopeniya.
Asab tizimi tomonidan: bosh og'rig'i, uyquchanlik, neyrotoksik ta'sir (mushak tortishishi, uvishish hissi, sanchishlar, epileptik xurujlar), nerv-mushak o'tkazuvchanligining buzilishi (nafas to'xtashi).
Sezgi a'zolari tomonidan: ototoksiklik (eshitishning pasayishi, vestibulyar va labirint buzilishlari, qaytmas karlik), vestibulyar apparatga toksik ta'sir (harakatlar koordinatsiyasining buzilishi, bosh aylanishi, ko'ngil aynishi, qusish). Siydik chiqarish tizimi tomonidan: nefrotoksiklik - buyrak funktsiyasining buzilishi (oliguriya, proteinuriya, mikrogematuriya).
Allergik reaksiyalar: teri toshmasi, qichishish va teri giperemiyasi, isitma, angionevrotik shish.
Mahalliy reaksiyalar: yuborish joyida og'riq, dermatit.
Agar yo'riqnomada ko'rsatilgan har qanday nojo'ya ta'sirlar kuchaysa yoki Siz yo'riqnomada ko'rsatilmagan boshqa nojo'ya ta'sirlarni sezsangiz, bu haqda shifokorga xabar bering.
Qo'llashdan oldin, ajratib olingan qo'zg'atuvchilarning sezuvchanligini 30 mkg amikatsin saqlovchi disklar yordamida aniqlaydilar. O'sishdan xoli zona diametri 17 mm va undan ortiq bo'lganda mikroorganizm sezgir, 15 dan 16 mm gacha - o'rtacha sezgir, 14 mm dan kam bo'lganda - chidamli hisoblanadi.
Plazmada amikatsin kontsentratsiyasi 25 mkg/ml dan oshmasligi kerak (terapevtik kontsentratsiya 15-25 mkg/ml hisoblanadi).
Davolash davrida haftada kamida 1 marta buyrak funksiyasi, eshitish nervi va vestibulyar apparatni nazorat qilish zarur.
Nefrotoksiklik rivojlanish ehtimoli buyrak funksiyasi buzilgan bemorlarda, shuningdek yuqori dozalarda yoki uzoq vaqt davomida tayinlanganda yuqori bo'ladi (bemorlarning ushbu toifasida buyrak funksiyasini har kuni nazorat qilish talab etilishi mumkin).
Audiometrik testlar qoniqarsiz bo'lganda preparat dozasini kamaytiradilar yoki davolashni to'xtatadilar.
Siydik chiqarish yo'llarining yuqumli-yallig'lanish kasalliklari bo'lgan bemorlarga adekvat diurezda ko'p miqdorda suyuqlik ichish tavsiya etiladi.
Ijobiy klinik dinamika bo'lmaganda rezistent mikroorganizmlar rivojlanishi mumkinligini yodda tutish kerak. Bunday hollarda davolashni bekor qilish va tegishli terapiya o'tkazishni boshlash zarur.
Transport vositalari va mexanizmlarni boshqarish qobiliyatiga ta'siri:
Transport vositalari haydovchilariga va faoliyati diqqatni yuqori jamlashni va harakatlar yaxshi koordinatsiyasini talab qiladigan odamlarga ehtiyotkorlik bilan qo'llash kerak.
Yuqori sezuvchanlik (shu jumladan anamnezda boshqa aminoglikozidlarga), eshitish nervi nevriti, azotemiya va uremiya bilan kechuvchi og'ir surunkali buyrak yetishmovchiligi (SBE), homiladorlik.
Ehtiyotkorlik bilan:
Miasteniya, parkinsonizm, botulizm (aminoglikozidlar nerv-mushak o'tkazuvchanligining buzilishini chaqirishi mumkin, bu skelet mushaklarining yanada kuchsizlanishiga olib keladi), degidratatsiya, buyrak yetishmovchiligi, yangi tug'ilgan chaqaloqlik davri, bolalarning chala tug'ilishi, keksa yosh.
Homiladorlik va laktatsiya:
Homiladorlikda qo'llash mumkin emas. "Hayotiy" ko'rsatmalar mavjud bo'lganda laktatsiya davrida qo'llanilishi mumkin (aminoglikozidlar oz miqdorda ko'krak sutiga o'tadi, biroq ular me'da-ichak traktidan yomon so'riladi va emizikli bolalarda ular bilan bog'liq asoratlar qayd etilmagan).
Penitsillinlar, geparin, sefalosporinlar, kapreomitsin, amfoteritsin B, gidroxlorotiazid, eritromitsin, nitrofurantoin, V va S guruhi vitaminlari, kaliy xlorid bilan farmatsevtik jihatdan nomutanosib.
Karbenitsillin, benzilpenitsillin, sefalosporinlar bilan sinergizm namoyon qiladi (og'ir SBYe bo'lgan bemorlarda beta-laktam antibiotiklar aminoglikozidlar samarasini kamaytirishi mumkin).
Nalidiks kislotasi, polimiksin B, sisplatin va vankomitsin oto- va nefrotoksiklik rivojlanish xavfini oshiradi.
Diuretiklar (ayniqsa furosemid), sefalosporinlar, penitsillinlar, sulfanilamidlar va nosteroid yallig'lanishga qarshi preparatlar (indometatsin) nefron naychalarida faol sekretsiya uchun raqobatlashib, aminoglikozidlar eliminatsiyasini bloklaydi, ularning qon zardobidagi konsentratsiyasini oshiradi, nefro- va neyrotoksiklikni kuchaytiradi.
Kuraresimon dori vositalarining miorelaksatsiya qiluvchi ta'sirini kuchaytiradi. Metoksifluran, parenteral yuborish uchun polimiksinlar, kapreomitsin va nerv-mushak o'tkazuvchanligini bloklovchi boshqa dori vositalari (ingalyatsion anesteziya uchun dori vositalari sifatida galogenlangan uglevodorodlar, narkotik analgetiklar), nitratli konservantlar bilan ko'p miqdorda qon quyish nafas to'xtashi xavfini oshiradi.
Miasteniyaga qarshi dori vositalarining samarasini kamaytiradi.
Agar Siz boshqa preparatlarni qabul qilayotgan bo'lsangiz, shifokor bilan maslahatlashing.
Kattalar uchun maksimal dozalar 15 mg/kg/sut gacha, lekin 10 kun davomida 1,5 g/sut dan ko'p emas. V/i yuborilganda davolash davomiyligi 3-7 kun, m/o - 7-10 kun.
Chala tug'ilgan chaqaloqlarga boshlang'ich doza 10 mg/kg, keyin har 18-24 soatda 7,5 mg/kg dan. Yangi tug'ilgan chaqaloqlar va 6 yoshgacha bo'lgan bolalarga boshlang'ich doza 10 mg/kg, keyin 7-10 kun davomida har 12 soatda 7,5 mg/kg dan.
Kuyishi bo'lgan bemorlarga 5-7,5 mg/kg doza har 4-6 soatda talab qilinishi mumkin, chunki bu bemorlarda T1/2 qisqaroq (1-1,5 soat).
Buyrakning chiqarish funktsiyasi buzilganda dozani kamaytirish yoki yuborishlar orasidagi intervallarni oshirish zarur.
Yuborishlar orasidagi intervalni oshirish (kreatinin klirensi darajasi noma'lum, bemorning holati esa barqaror) quyidagicha belgilanadi:
Interval (s) = qon zardobidagi kreatinin kontsentratsiyasi x 9.
Agar zardobdagi kreatinin kontsentratsiyasi 2 mg/100 ml bo'lsa, tavsiya etilgan bir martalik dozani (7,5 mg/kg) har 18 soatda yuborish kerak.
Interval oshirilganda bir martalik doza o'zgartirilmaydi.
Yuborishlar orasidagi interval o'zgarmagan holda bir martalik dozani kamaytirish:
Buyrak yetishmovchiligi bo'lgan bemorlarga birinchi doza 7,5 mg/kg ni tashkil qiladi.
Keyingi dozalarni hisoblash (har 12 soatda yuboriladi):
keyingi doza (mg)= bemorda aniqlangan kreatinin klirensi (ml/daq) / normadagi kreatinin klirensi (ml/daq) x boshlang'ich doza (mg).
M/o yuborish uchun flakon tarkibiga 2-3 ml in'ektsiya uchun suv qo'shish bilan ex tempore tayyorlangan eritmadan foydalaniladi.
V/i yuborish uchun m/o uchun bo'lgani kabi eritmalarni qo'llaydilar, oldindan ularni 200 ml 5 % li dekstroza eritmasi yoki 0,9 % li natriy xlorid eritmasi bilan suyultirib. V/i yuborish uchun eritmadagi amikatsin kontsentratsiyasi 5 mg/ml dan oshmasligi kerak.Dozani oshirib yuborishSimptomlari: toksik reaktsiyalar (eshitish yo'qolishi, ataksiya, bosh aylanishi, siyish buzilishlari, chanqoq, ishtahaning pasayishi, ko'ngil aynishi, qusish, quloqlarda jaranglash yoki bitib qolish hissi, nafas olishning buzilishi).
Davolash: nerv-mushak o'tkazuvchanligi blokadasini va uning oqibatlarini bartaraf etish uchun - gemodializ yoki peritoneal dializ; antixolinesteraz dori vositalari, kaltsiy tuzlari, o'pkaning sun'iy ventilyatsiyasi (O'SV), boshqa simptomatik va ushlab turuvchi terapiya.
Amikatsin boshqa chiqarish shakllari
AMIKASIN KRASFARMA poroshok 500mg N1 analoglari
