Mahsulotning ko'rinishi saytdagi rasmdan farq qilishi mumkin.

AMPISILLINA NATRIEVAYA SOL poroshok 1,0g N10

Retseptli preparat
Kategoriya: - Antibiotiklar
Ishlab chiqarilish joyi: - O'zbekiston
Faol modda: Ampisillin, Oksasillin
Qadoqda soni: - 10
Ishlab chiqaruvchi: - Jurabek Laboratories OT MChJ
ATX kodi: - J01CA01
Noaniqliq haqida habar berish
O'zbekiston Sog'liqni Saqlash Vazirligi tomonidan 23.03.2018 da DV/M 02046/03/18 registratsion raqami bilan ro'yxatdan o'tgan

Mahsulot haqida tafsilotlar
Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!
1 флакон қуйидагиларни сақлайди:

ампициллиннинг натрийли тузи ампициллинга қайта ҳисоблаганда 0,5 г ёки 1,0 г.

Инъекцион эритма тайёрлаш учун кукун, 0,5 г ёки 1,0 г дан флаконларда.

Ампициллин – кенг таъсир доирасига эга бўлган яримсинтетик пенициллинлар гуруҳига мансуб антибиотик. Микроорганизмларнинг ҳужайра девори синтезини тўхтатиб, бактерицид таъсир қилади. Пенициллиназа таъсирида парчаланади.

Препаратга қуйидаги микроорганизмлар доимо сезгир: Staphylococcus spp., Streptococci A, B, C, F, G; Str. pneumoniae пенициллиназа ишлаб чиқармайдиганлари: L. monocytogernes, Corynebacterium diphtheriae, Erysipelotrix rhusopathiae, Eikenella, N.meningitides, Bordetella pertussis, Clostridium spp., Propionibacterium acnes, Peptostreptococcus spp., Actinomyces spp., Leptospira spp., Treponema; Enterococcus  faecalis, E.coli, Proteus mirabilis, Salmonella spp., Vibrio cholerae, H.Influenzae, N.gonorrhoeae,  Fusobacterium spp., Prevotella spp. лар доимо сезгир эмас.

Препаратга чидамли микроорганизмлар: D.catarrhalis, Кlebsiella spp., Enterobacter spp., C.diversus, C.freundi, Proteus vulgaris, Providencia rettgeri, Morganella morganii, Y.enterocolitica, Pseudommonas spp., Acinetаbacter spp., Xanthomonas spp., Flavobacterium spp., Alcaligenes spp., Nocardia spp., Campylobacter spp., Legionella pneumophila, Mycobacterium spp., Bacteroides spp., Mycoplasma spp., Chlamydia spp.

 

Препарат парентерал юборилгандан кейин организмнинг тўқима ва суюқликларига киради, терапевтик концентрацияларда плеврал, перитонеал ва синовиал суюқликларида, ўт-сафрода аниқланади. Препарат йўлдош тўсиғи орқали ўтади, она сутига ажралиб чиқарилади. Яримчиқарилиш даври (Т1/2) тахминан 1 соат, анурияда бу давр 12-20 соатгача узаяди. Препаратнинг асосий қисми организмдан буйраклар орқали чиқарилади, шунинг учун сийдикда антибиотикнинг жуда юқори концентрацияси ҳосил бўлади. Препарат такрор юборилганда, организмда тўпланиб қолмайди, бу уни катта дозаларда ва узоқ вақт қўллаш имконини беради.

Аллергик реакциялар (эшакеми, эритема, Квинке шиши, ринит, конъюнктивит; кам ҳолларда - иситмалаш, бўғимларда оғриқлар, эозинофилия, жуда кам ҳолларда анафилактик шок). Марказий нерв тизимига токсик таъсир кўрсатиши мумкин (буйрак етишмовчилиги бўлган беморларда препаратнинг юқори дозалари қўлланилганда), диспепсик ҳолатлар (диарея, кўнгил айниши, қусиш), кандидоз, ичак дисбактериози кузатилиши мумкин.

 

Рецепт бўйича.
Аллергик реакциялар юз берганда, препаратни қабул қилишни тўхтатиш, десенсибилизацияловчи даволаш чораларини ўтказиш лозим. Препаратни сепсисли беморларда қўлланганда бактериолиз реакцияси (Яриш-Герксгеймер реакцияси) юз бериши мумкин. Ҳолсизланган беморларда узоқ вақт даволанишда, препаратга чидамли микроорганизмлар (ачитқисимон замбуруғлар, грамманфий микроблар) суперинфекцияни чақириши мумкин. Бу гуруҳ беморларга даволаш даврида В гуруҳи ва С витаминларини, буюриш, зарурати бўлганда нистатин ва леворин дори воситаларини бериш мақсадга мувофиқдир. Бронхиал астмада, пичан иситмасида ва бошқа аллергик касалликларда, керакли холларда препарат десенсибилизацияловчи воситалар билан бирга қўлланади. Буйрак, жигар фаолиятини ва қон манзарасини мунтазам назорат қилиш лозим. Буйрак етишмовчилиги бўлган беморларга препаратни буюрилганда эҳтиёткорликка риоя қилиш лозим.

Препарат болалар ололмайдиган жойда сақлансин ва уни яроқлилик муддати ўтганидан кейин ишлатилмасин.
Бактериал инфекциялар: бронхит, пневмония, дизентерия, сальмонеллёз, сальмонеллаларни узоқ вақт ташувчанлик, холецистит, кўкйўтал, пиелонефрит, уретрит, эндокардит, тери ва юмшоқ тўқималар инфекциялари, гинекологик инфекциялар, қулоқ, бурун, томоқ инфекциялари, одонтоген инфекциялар, менингит, сепсис ва препаратга сезгир микроорганизмлар чақирган бошқа инфекциялар.

 

Ўта юқори сезувчанлик (шу жумладан бошқа пенициллинларга, цефалоспоринларга, карбапенемларга), жигар фаолиятининг оғир бузилишлари, инфекцион мононуклеоз, бронхиал астма, пичан иситмаси, эмизиш (даволаш вақтида эмизишни тўхтатиш лозим).

 

Бактериостатик антибиотиклар (тетрациклин, хлорамфеникол, эритромицин ва бошқалар) билан бир вақтда қўлланилганда ўзаро антагонизм юз беради. Аминогликозид антибиотиклар билан бирга қўлланганда, препаратнинг микробларга қарши самарадорлигида синергизм кузатилади. Пробенецид билан бирга қўлланиши препаратни сийдик билан ажралишини камайтиради ва қон зардобида унинг миқдорини ошишига олиб келади, аллопуринол билан эса - препаратнинг метаболизмини секинлаштиради ва тери тошмасини пайдо бўлиш тезлигини оширади. Кам ҳолларда препарат перорал контрацептивларнинг таъсирини сусайтиради.

Қуруқ ва ёруғликдан ҳимояланган жойда, 250Сдан юқори бўлмаган ҳароратда сақлансин.

Яроқлилик муддати

2,5 йил.

Парентерал: мушак ичига (м/и) ва вена ичига (в/и) (оқим билан ёки томчилаб). Иккала юбориш усулларида катталарга 250-500 мг дан суткада 4-6 марта буюрилади; оғир инфекцияларда (сепсисда, менингитда, эндокардитда) суткалик доза 10 г гача ва ундан ортиққа оширилиши мумкин; болаларга ёшига қараб: янги туғилган чақалоқларга – 100 мг/кг, 1 ёшгача – 50 мг/кг, 1 ёшдан 4 ёшгача 50-75 мг/кг, 4 ёшдан катталарга 50 мг/кг суткалик дозада буюрилиши мумкин.

2 г дан ошадиган бир марталик доза в/и томчилаб юборилади. Бунинг учун 2-4 г ни мувофиқ 7,5-15,0 мл инъекция учун сувда эритилади, кейин тайёрланган эритмани 125-250 мл натрий хлориди эритмаси ёки 5-10% глюкоза эритмасига қўшилади, минутига 60-80 томчи тезлигида юборилади.

В/и томчилаб юборилганда болаларга эритувчи сифатида 5-10% глюкоза эритмаси (боланинг ёшига қараб 30-50 мл) қўлланади.

Даволаш давомийлиги пациентнинг ҳолатини оғирлиги ва даволаш самарадорлигига боғлиқ (5-10 кундан 2-3 ҳафтагача ва ундан кўп) бўлади.

Мушак ичига юбориш учун эритмани ex tempore, флакон ичидагисига 2 мл стерил инъекция учун сув ёки 0,5% новокаиннинг инъекция учун эритмасини қўшиб тайёрланади (новокаинга юқори сезувчанлиги бўлган пациентлар истиснодир. Вена ичига оқим билан юбориш учун препаратнинг бир марталик дозасини (кўпи билан 2 г) 5-10 мл стерил инъекция учун сув ёки натрий хлоридининг изотоник эритмасида эритилади ва секин юборилади.

AMPISILLINA NATRIEVAYA SOL poroshok 1,0g N10 qo'lanishi bo'yicha ko'rsatmalar

QO‘LLASH BO‘YICHA YO‘RIQNOMA

AMPISILLIN NATRIYLI TUZI

AMPICILLINUM NATRIUM

Preparatning savdo nomi: Ampisillin natriyli tuzi

Ta‘sir etuvchi modda (XPN): Ampisillin natriy

Dori shakli: In‘eksion eritma tayyorlash uchun kukun.

Tarkibi:

Har bir flakon quyidagilarni saqlaydi:

Sterill ampisillin natriyli tuzi ampisillinga qayta hisoblanganda – 500 mg.

Ta‘rifi: Oq yoki deyarli oq rangli mayda kristall kukun. Gigroskopik.

Farmakoterapevtik guruhi: Antibiotiklar (penisillinlar guruhi).

ATX kodi: J01CA01

 

Farmakologik xususiyatlari

Ampisillin – keng ta‘sir doirasiga ega bo‘lgan yarimsintetik penisillinlar guruhiga mansub antibiotik. Mikroorganizmlarning hujayra devori sintezini to‘xtatib, bakterisid ta‘sir qiladi. Penisillinaza ta‘sirida parchalanadi.

Preparatga quyidagi mikroorganizmlar doimo sezgir: Staphylococcus spp., Streptococci A, B, C, F, G; Str. pneumoniae penisillinaza ishlab chiqarmaydiganlari: L. monocytogenes, Corynebacterium diphtheriae, Erysipelotrix rhusopathiae, Eikenela, N.meningitidis, Bordetella pertussis, Clostridium spp., Propionibacterium acnes, Peptostreptococcus spp., Actinomyces spp., Leptospira spp., Treponema; Enterococcus faecalis, E.coli, Proteus mirabilis, Salmonella spp., Vibrio cholerae, H.Influenzae, N.gonorrhoeae,  Fusobacterium spp., Prevotella spp. lar doimo sezgir emas.

Preparatga chidamli mikroorganizmlar: D.catarrhalis, Klebsiella spp., Enterobacter spp., C.diversus, C.freundi, Proteus vulgaris, Providencia rettgeri, Morganella morganii, Y.enterocolitica, Pseudommonas spp., Acinetabacter spp., Xanthomonas spp., Flavobacterium spp., Alcaligenes spp., Nocardia spp., Campylobacter spp., Legionella pneumophila, Mycobacterium spp., Bacteroides spp., Mycoplasma spp., Chlamydia spp.

Farmakokinetikasi

Preparat parenteral yuborilgandan keyin organizmning to‘qima va suyuqliklariga kiradi, terapevtik konsentrasiyalarda plevral, peritoneal va sinovial suyuqliklarida, safroda aniqlanadi. Preparat yo‘ldosh to‘sig‘i orqali o‘tadi, ko‘krak sutiga ajralib chiqariladi. Yarim chiqarilish davri (T1/2) taxminan 1 soat, anuriyada bu davr 12-20 soatgacha uzayadi. Preparatning asosiy qismi organizmdan buyrak orqali chiqariladi, shuning uchun siydikda antibiotikning juda yuqori konsentrasiyasi hosil bo‘ladi. Preparat takror yuborilganda, organizmda to‘planib qolmaydi, bu uni yuqori dozalarda va uzoq vaqt qo‘llash imkonini beradi.

Qo‘llanilishi

Bakterial infeksiyalar: bronxit, pnevmoniya, dizenteriya, salmonellyoz, salmonellalarni uzoq vaqt tashuvchanlik, xolesistit, ko‘k yo‘tal, pielonefrit, uretrit, endokardit, teri va yumshoq to‘qimalar infeksiyalari, ginekologik infeksiyalar, quloq, burun, tomoq infeksiyalari, odontogen infeksiyalar, meningit, sepsis va preparatga sezgir mikroorganizmlar chaqirgan boshqa infeksiyalarda qo‘llaniladi.

Qo‘llash usuli va dozalari

Parenteral: mushak ichiga (m/i) va vena ichiga (v/i) (oqim bilan yoki tomchilab). Ikkala yuborish usullarida kattalarga 250-500 mg dan sutkada 4-6 marta buyuriladi; og‘ir infeksiyalarda (sepsisda, meningitda, endokarditda) sutkalik doza 10 g gacha va undan ortiqqa oshirilishi mumkin; bolalarga yoshiga qarab: yangi tug‘ilgan chaqaloqlarga –
100 mg/kg, 1 yoshgacha – 50 mg/kg, 1 yoshdan 4 yoshgacha 50-75 mg/kg, 4 yoshdan kattalarga 50 mg/kg sutkalik dozada buyurilishi mumkin.

2 g dan oshadigan bir martalik doza v/i tomchilab yuboriladi. Buning uchun 2-4 g ni muvofiq 7,5-15,0 ml in‘eksiya uchun suvda eritiladi, keyin tayyorlangan eritmaga 125-
250 ml natriy xloridi eritmasi yoki 5-10% li glyukoza eritmasini qo‘shiladi, minutiga 60-80 tomchi tezligida yuboriladi.

V/i tomchilab yuborilganda bolalarga erituvchi sifatida 5-10% li glyukoza eritmasi (bolaning yoshiga qarab 30-50 ml) qo‘llanadi.

Davolash davomiyligi pasientning holatini og‘irligi va davolash samaradorligiga bog‘liq (5-10 kundan 2-3 haftagacha va undan ko‘p) bo‘ladi.

Mushak ichiga yuborish uchun eritmani ex tempore, flakon ichidagisiga 2 ml steril in‘eksiya uchun suv yoki 0,5% li novokainning in‘eksiya uchun eritmasini qo‘shib tayyorlanadi (novokainga yuqori sezuvchanligi bo‘lgan pasientlar bundan istisnodir). Vena ichiga oqim bilan yuborish uchun preparatning bir martalik dozasini (ko‘pi bilan
2 g) 5-10 ml steril in‘eksiya uchun suv yoki natriy xloridining izotonik eritmasida eritiladi va sekin yuboriladi.

Nojo‘ya ta‘sirlari

Allergik reaksiyalar (eshakemi, eritema, Kvinke shishi, rinit, kon‘yunktivit; kam hollarda – isitmalash, bo‘g‘imlarda og‘riqlar, eozinofiliya, juda kam hollarda anafilaktik shok). Markaziy nerv tizimiga toksik ta‘sir ko‘rsatishi mumkin (buyrak yetishmovchiligi bo‘lgan bemorlarda preparatning yuqori dozalari qo‘llanilganda), dispepsik holatlar (diareya, ko‘ngil aynishi, qusish), kandidoz, ichak disbakteriozi kuzatilishi mumkin.

Qo‘llash mumkin bo‘lmagan holatlar

O‘ta yuqori sezuvchanlik (shu jumladan boshqa penisillinlarga, sefalosporinlarga, karbapenemlarga), jigar faoliyatini og‘ir buzilishlari, infeksion mononukleoz, bronxial astma, pichan isitmasi, emizish (davolash vaqtida emizishni to‘xtatish lozim) davrida qo‘llash mumkin emas.

Dorilarning o‘zaro ta‘siri

Bakteriostatik antibiotiklar (tetrasiklin, xloramfenikol, eritromisin va boshqalar) bilan bir vaqtda qo‘llanilganda o‘zaro antagonizm yuz beradi. Aminoglikozid antibiotiklar bilan birga qo‘llanganda, preparatning mikroblarga qarshi samaradorligida sinergizm kuzatiladi. Probenesid bilan birga qo‘llanishi preparatni siydik bilan ajralishini kamaytiradi va qon zardobida uning miqdorini oshishiga olib keladi, allopurinol bilan esa – preparatning metabolizmini sekinlashtiradi va teri toshmasini paydo bo‘lish tezligini oshiradi. Kam hollarda preparat peroral kontraseptivlarning ta‘sirini susaytiradi.

Maxsus ko‘rsatmalar

Allergik reaksiyalar paydo bo‘lganda, preparatni qabul qilishni to‘xtatish va desensibilizasiyalovchi davolash choralarini o‘tkazish lozim. Preparatni sepsisli bemorlarda qo‘llanganda bakterioliz reaksiyasi (Yarish-Gerksgeymer reaksiyasi) yuz berishi mumkin. Holsizlangan bemorlarda uzoq vaqt davolanishda, preparatga chidamli mikroorganizmlar (achitqisimon zamburug‘lar, grammanfiy mikroblar) chaqirgan superinfeksiya rivojlanishi mumkin. Bu guruh bemorlarga davolash davrida V guruhi vitaminlarini va S vitaminini, buyurish, zarurati bo‘lganda nistatin va levorin dori vositalarini berish maqsadga muvofiqdir. Bronxial astmada, pichan isitmasida va boshqa allergik kasalliklarda, zarur bo‘lganda preparat desensibilizasiyalovchi vositalar bilan birga qo‘llanadi. Buyrak, jigar faoliyatini va qon manzarasini muntazam nazorat qilish lozim. Preparatni buyrak yetishmovchiligi bo‘lgan bemorlarga buyurilganda ehtiyotkorlikka rioya qilish lozim.

Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Doza oshirib yuborilganida markaziy nerv tizimiga toksik ta‘siri (bosh aylanishi, bosh og‘rig‘i), dispepsik holatlar (ko‘ngil aynishi, qusish, ich suyuq kelishi), teri toshmasi ko‘rinishidagi allergik reaksiyalar bo‘lishi mumkin. Dozani oshirib yuborilishining simptomlari paydo bo‘lganida preparatni darhol bekor qilish va zarurati bo‘lganida simptomatik davolash: me‘dani yuvish, faollashtirilgan ko‘mir, tuzli surgi vositalarini qo‘llash, suv-elektrolit muvozanatini muvofiqlashtirish, gemodializ o‘tkazish kerak. Allergiyada antigistamin va desensibilizasiyalovchi vositalar qo‘llanadi.

Chiqarilish shakli

In‘eksion eritma tayyorlash uchun kukun 500 mg.

 

Saqlash sharoiti

Quruq, yorug‘likdan himoyalangan joyda, 25oS dan yuqori bo‘lmagan haroratda saqlansin.

 

Yaroqlilik muddati

3 yil.

Dorixonalardan berish tartibi

Resept bo‘yicha.

 

Ulashish:

Fikr qoldirish
Baho:
              
Matnni kiriting

Ismingiz
Fikr-mulohazangiz moderator tekshiruvidan so'ng nashr etiladi

Mahsulot bo'yicha savolingiz bormi?

Savol qoldirish

Analoglar
AMPIOKS-NATRIY kukuni, inyeksiya eritmasini tayyorlash uchun 0,5 g N10
Ishlab chiqaruvchining dorilari
Narx: 37 800 so'mdan Batafsil
Narx: 2 100 so'mdan Batafsil
Narx: 4 950 so'mdan Batafsil
Narx: 6 000 so'mdan Batafsil
Narx: 5 000 so'mdan Batafsil
Narx: 3 500 so'mdan Batafsil
Narx: 2 185 so'mdan Batafsil
Narx: 3 400 so'mdan Batafsil
Narx: 17 000 so'mdan Batafsil
Narx: 13 000 so'mdan Batafsil
Narx: 3 000 so'mdan Batafsil
Narx: 3 800 so'mdan Batafsil
RIBOKSIN tabletkalari 200mg N10
Narx: 1 500 so'mdan Batafsil