ANTIGELMINT kapsulalar
ANTIGELMINT kapsulalar haqida qo'llanma
Farmakokinetikasi
Antigelmint preparatining ta'siri uning tarkibiy qismlarining umumiy ta'siridir, Xalqaro konventsiyaga (EMEAHMPWG11/99) muvofiq, o'simlik preparatlarining klinik sinovlarini o'tkazishda farmakokinetik parametrlarni alohida tadqiq qilish talab etilmaydi.
Farmakologik ta'siri
Gijjalarga qarshi ta'sir - Antigelmint komponentlari ta'sirida gelmintlar falaji sodir bo'ladi, natijada gelmintlar oziqlana olmaydi, ko'paya olmaydi va organizmga toksik ta'sir ko'rsata olmaydi. O't haydovchi va antiseptik ta'sir - Antigelmint komponentlari o't haydovchi, antiseptik, yallig'lanishga qarshi ta'sirni kuchaytiradi va jigarning antitoksik funktsiyasini faollashtiradi, gelmintlar hayot faoliyati mahsulotlarining toksik ta'siri oqibatlarini bartaraf etadi, mahalliy yara bitkazuvchi ta'sir ko'rsatadi. Kuchaytirilgan o't ajralishi hisobiga jigar tizimidan lyambliyalar va ularning sistalari chiqariladi. Surgi ta'siri - Antigelmint komponentlari o't haydovchi va yumshoq surgi samaralarini ko'rsatib, falajlangan gelmintlar, lyambliyalar va ularning lichinkalarini (sistalarini) organizmdan chiqaradi.
Nojo'ya samaralari
Bo'lishi mumkin: Kamdan-kam hollarda qorinda og'riq, ko'ngil aynishi, qusish kuzatiladi, ular preparat bekor qilinganda to'xtaydi.
Maxsus ko‘rsatmalari
Davolash vaqtida yaxshi natija va samaradorlik uchun kuchaytirilgan o'simlik va hayvon kelib chiqishiga ega oqsilli ovqatlanish tavsiya etiladi: go'shtli taomlar, guruch, tvorog, kefir, yong'oq, bodom, quritilgan qora kishmish, asal, pishirilgan olmalar, kisellar.
Ratsiondan kislotali oziq-ovqat mahsulotlarini (sirka, limon, marinadlar, tuzlamalar) chiqarib tashlash.
Ovqatlanish tez-tez, bo'lib-bo'lib va kichik porsiyalarda bo'lishi kerak.
Qo'llanilishi mumkin bo'lmagan holatlar
Ayrim tarkibiy qismlarni individual o'zlashtira olmaslik.
Homiladorlik.
Dori vositalarining o'zaro ta'siri
Antigelmintni sintetik gijja haydovchi preparatlar bilan kompleks terapiyada qo'llash mumkin.
Dozirovkasi
Individual ravishda belgilanadi: Oldindan surgilar qabul qilish talab etilmaydi. Preparat ovqatdan 30 daqiqa oldin qabul qilinadi. Kattalarga - 4-5 kapsuladan kuniga 3 marta. 4 dan 12 yoshgacha bo'lgan bolalarga – 2 kapsuladan kuniga 3 marta. 1 dan 3 yoshgacha bo'lgan bolalarga – 1 kapsuladan kuniga 3 marta. Oilaning barcha a'zolarini bir vaqtda davolash tavsiya etiladi. Kurs davomiyligi: 3 kun - preparatni qabul qilish, 1 hafta – tanaffus, 3 kun - preparatni qabul qilish. Bemorlarda qabziyatga moyillik bo'lsa, Antigelmint qabul qilingan kunlarda tozalovchi huqnalar qilish tavsiya etiladi. Antigelmint bilan takroriy davolash kursi 3-4 oydan keyin o'tkaziladi.
ANTIGELMINT kapsulalar o'xshash dorilari
