APILAK GRINDEKS tabletkalari 10mg N25

Apilak yoki asalari ona suti yosh ishchi asalarilarning allotrofik bezlari tomonidan ishlab chiqariladigan sekretni ifodalaydi va biologik faol moddalar aralashmasi bo'lib, uning tarkibiga quyidagilar kiradi:
vitaminlar (C, B1, B2, B5, B6, B8, B12, H, foliy kislotasi, inozitol)
makroelementlar (K, Na, Ca, Mg, Fe, P) va mikroelementlar (Zn, Mn, Cu, Co, S, Si, Ni, Cr, As, Bi)
23 ta turli aminokislotalar, shu jumladan almashtirib bo'lmaydiganlari (masalan, gistidin, valin, metionin, triptofan)
boshqa biologik faol moddalar (masalan, xolinesteraza fermenti, atsetilxolin mediatori).
Umumtonuslovchi, antispastik ta'sirga ega, organizmning infektsiyalarga qarshiligini va stresslarga chidamliligini oshiradi, moddalar almashinuvini rag'batlantiradi.

Allergik reaksiyalar,
og'iz qurishi,
taxikardiya,
uyqu buzilishi.
Sanab o'tilgan nojo'ya reaksiyalar paydo bo'lganda, shuningdek yo'riqnomada eslatib o'tilmagan nojo'ya reaksiya paydo bo'lganda, shifokorga murojaat qilish kerak.

Tabletkalar allergik reaksiyalarni keltirib chiqarishi mumkin. Allergik reaksiyalar paydo bo'lganda preparatni qo'llashni to'xtatish kerak. Og'iz qurishi, yurak urishining tezlashishi yoki uyqu buzilishi paydo bo'lganda dozani kamaytirish yoki preparatni bekor qilish kerak.
Preparat laktoza saqlaydi, shuning uchun galaktozani o'zlashtira olmaslikning kam uchraydigan nasliy shakllari, Lapp-laktaza tanqisligi yoki glyukoza-galaktoza malabsorbsiyasi bo'lgan bemorlarga ushbu dorini qo'llash mumkin emas.
Uyqu buzilishlarida dozani kamaytirish yoki preparatni bekor qilish zarur.
Liofilizatsiya qilingan apilakning faqat oz miqdorlari davolovchi ta'sir ko'rsatadi.
Homiladorlik va emizish
Homiladorlik va laktatsiya davrida preparatni qo'llash shifokor maslahatidan so'ng mumkin.
Transport vositalarini va harakatlanuvchi mexanizmlarni boshqarish qobiliyatiga ta'siri
Transport vositalarini va harakatlanuvchi mexanizmlarni boshqarish qobiliyatiga ta'sir qilmaydi.

Liofilizatsiyalangan apilakka yoki boshqa asalari mahsulotlariga va/yoki preparatning biron-bir yordamchi moddasiga yuqori sezuvchanlik,
Addison kasalligi (buyrak usti bezi po'stlog'i yetishmovchiligi),
3 yoshgacha bo'lgan bolalar.

Kattalarga 10-15 kun davomida kuniga 3 marta 1 tabletkadan.
3 yoshdan katta bolalarga 10-15 kun davomida kuniga 2 marta 1 tabletkadan.
Tabletkani til ostiga qo'yish va to'liq erib ketguncha qoldirish kerak (ichga qabul qilinganda preparat oshqozon shirasi ta'sirida parchalanadi).

Agar siz preparatning navbatdagi qabulini o'tkazib yuborsangiz, uni darhol qabul qiling. O'tkazib yuborilgan dozani almashtirish uchun ikki baravar dozani qo'llamang. Qabul qilishni shifokor tavsiyalariga muvofiq davom ettiring.