ASKORBINOVAYA KISLOTA inyeksiya uchun eritma 2ml 5% N10

C vitamini faolligiga ega dori vositasi. Metabolik ta'sir ko'rsatadi, inson organizmida hosil bo'lmaydi va faqat ovqat bilan kiradi. Oksidlanish-qaytarilish jarayonlarini, uglevod almashinuvini, qon ivishini, to'qimalar regeneratsiyasini tartibga solishda ishtirok etadi; organizmning infektsiyalarga chidamliligini oshiradi, tomirlar o'tkazuvchanligini kamaytiradi, B1, B2, A, E vitaminlari, foliy kislotasi, pantoten kislotasiga bo'lgan ehtiyojni kamaytiradi. Fenilalanin, tirozin, foliy kislotasi, norepinefrin, gistamin, temir metabolizmida, karbogidratlar utilizatsiyasida, lipidlar, proteinlar, karnitin sintezida, immun reaktsiyalarda, serotonin gidroksillanishida ishtirok etadi, gem bo'lmagan temir so'rilishini kuchaytiradi. Ko'plab biokimyoviy reaktsiyalarda vodorod ionlari transportini tartibga soladi, trikarbon kislotalar tsiklida glyukozadan foydalanishni yaxshilaydi, tetragidrofoliy kislotasi hosil bo'lishida va to'qimalar regeneratsiyasida, steroid gormonlar, kollagen, pro-kollagen sintezida ishtirok etadi. Hujayralararo moddaning kolloid holatini va kapillyarlarning normal o'tkazuvchanligini (gialuronidazani susaytiradi) saqlaydi. Proteolitik fermentlarni faollashtiradi, aromatik aminokislotalar, pigmentlar va xolesterin almashinuvida ishtirok etadi, jigarda glikogen to'planishiga yordam beradi. Jigarda nafas olish fermentlarini faollashtirish hisobiga uning dezintoksikatsion va oqsil hosil qilish funktsiyalarini kuchaytiradi, protrombin sintezini oshiradi. O't ajralishini yaxshilaydi, oshqozon osti bezining tashqi sekretor va qalqonsimon bezning inkretor funktsiyasini tiklaydi. Immunologik reaktsiyalarni tartibga soladi (antitelolar, komplementning C3-komponenti, interferon sintezini faollashtiradi), fagotsitozga yordam beradi, organizmning infektsiyalarga chidamliligini oshiradi. Gistamin ajralishini tormozlaydi va degradatsiyasini tezlashtiradi, prostaglandinlar va yallig'lanish hamda allergik reaktsiyalarning boshqa mediatorlari hosil bo'lishini susaytiradi.

In'ektsiya uchun eritma vena ichiga (v/i) yoki mushak orasiga (m/o) 0,05-0,15 g (1-3 ml 5% li eritma), zaharlanishlarda - 2 g gacha (40 ml) yuboriladi; maksimal bir martalik doza - 0,20 g (4 ml), sutkalik - 1 g (20 ml); bolalarga - 0,05-0,10 g/sut (1-2 ml). Davolash muddatlari kasallik xarakteri va kechishiga bog'liq.