BAKDIAR ichg qabul qilish uchun suspenziya 5 ml 220 mg/5 ml N40

Nifuroksazidga: Citrobacter spp., Enterobacter cloacae va Proteus indologenes. kuchsiz sezgir.

Nifuroksazid: Proteus mirabilis, Klebsiella spp., Proteus mirabilis, Providencia spp., va Pseudomonas spp. kabi bakteriya turlariga antibakterial ta'sir ko'rsatmaydi. 

Nifuroksazid ovqat hazm qilish traktining normal bakterial florasi tarkibiga ta'sir qilmaydi.

O'tkir bakterial diareyada ichak eubiozini tiklaydi. Enterotrop viruslar bilan zararlanganda bakterial superinfektsiyaning rivojlanishiga to'sqinlik qiladi.

Preparatning batafsil ta'sir mexanizmi noma'lum, nifuroksazid taxminan bakterial hujayralarda degidrogenazalar va oqsil sintezi faolligini susaytiradi, nafas olish zanjirlarini, trikarbon kislota tsiklini va mikrob hujayrasidagi boshqa bir qator biokimyoviy jarayonlarni susaytiradi. Mikrob hujayrasining membranasini zararlaydi, mikroorganizmlar tomonidan toksinlar ishlab chiqarishni kamaytiradi. 

Preparatga chidamli shtammlarning paydo bo'lishiga olib kelmaydi hamda boshqa antibakterial preparatlar bilan o'zaro kesishuvchi chidamlilik kuzatilmaydi. Nifuroksazidning samaradorligi ichak bo'shlig'ining pH muhitiga va mikroorganizmlarning antibakterial preparatlarga sezuvchanligiga bog'liq emas. Preparat me'da-ichak yo'lidan deyarli so'rilmaydi, u faqat ichak bo'shlig'ida ta'sir qiladi.

Nifuroksazid ichaklar orqali chiqariladi: 20% o'zgarmagan ko'rinishda va qolgan nifuroksazid miqdori-kimyoviy  o'zgargan shaklda.

Agar ko'rsatilgan nojo'ya ta'sirlar og'irlashsa yoki bemor har qanday boshqa nojo'ya reaktsiyalarni sezsa,  bu haqida shifokorga xabar berish zarur.

3 yoshgacha bo'lgan bolalarda diareyani davolash shifokor nazorati ostida olib borilishi tavsiya etiladi.

Tizimli zararlanish (umumiy ahvolni yomonlashuvi, tana haroratini ko'tarilishi, intoksikatsiya yoki infektsiya belgilari) belgilari bilan kechuvchi bakterial diareyada tizimli ta'sirga ega antibakterial dori vositasidan foydalanish haqida qaror qabul qilish uchun shifokor bilan maslahatlashish lozim.

Yuqori sezuvchanlik belgilari (nafas qisishi, toshma, qichishish) paydo bo'lganda preparatni qabul qilishni to'xtatish kerak.

Davolash paytida spirtli ichimliklarni iste'mol qilish ta'qiqlanadi.

Tarkibida metilparagidroksibenzoat bo'lganligi uchun Bakdiar preparati allergik reaktsiyalar chaqirishi mumkin (ehtimol, kechiktirilgan).

Homiladorlik va laktatsiya davrida qo'llanishi

Hayvonlarda o'tkazilgan tadqiqotlarda  hech qanday teratogen ta'sir aniqlanmagan. Biroq, ehtiyot chorasi sifatida homiladorlik davrida nifuroksazidni qabul qilish tavsiya etilmaydi (homiladorlik davrida qo'llash bo'yicha klinik tajriba yetarli emas).

Laktatsiya davrida dori vositasi bilan qisqa kursli davo olib borilsa emizishni davom ettirish mumkin. Shifokor bilan maslahatlashish zarur.

Avtomobilni va murakkab mexanizmlarni boshqarish qobiliyatiga ta'siri

Preparat transport vositalari va mexanizmlarni boshqarish qobiliyatiga ta'sir qilmaydi.

- homiladorlik;

- 1 oygacha bo'lgan chaqaloqlik davri;

- chala tug'ilganlikda qo'llash mumkin emas.

Disul'firamsimon reaktsiyalarning rivojlanishiga olib keladigan dorilar bilan, markaziy nerv tizimi funktsiyasini susaytiruvchi dori vositalari bilan bir vaqtning o'zida foydalanish tavsiya etilmaydi.

Agar bemor boshqa dori vositalarini (shu jumladan, retseptsiz) qabul qilsa, Bakdiarni qo'llashdan avval shifokor bilan maslahatlashish zarur.

Bolalar ololmaydigan joyda saqlansin.

Yaroqlilik muddati

2 yil. 

O'ramda ko'rsatilgan yaroqlilik muddati o'tgandan so'ng foydalanilmasin.

Preparatni qabul qilishdan oldin, suspenziya bir xil massa hosil qilish uchun flakonni bir necha marta silkitish lozim. Preparatni suv bilan ichish mumkin.

• 1 oydan 6 oygacha bo'lgan bolalar: 110 mg nifuroksazid (2.5 ml suspenziya) kuniga 2-3 marta (qabul qilishlar orasidagi interval 8-12 s).

• 6 oydan 3 yoshgacha bo'lgan bolalar: 110 mg nifuroksazid (2.5 ml suspenziya) kuniga 3 marta (qabul qilishlar  orasidagi interval 8 s).

• 3 yoshdan 6 yoshgacha bo'lgan bolalar: 220 mg nifuroksazid ( 5 ml suspenziya) kuniga  3 marta (qabul qilishlar orasidagi interval 8 s).

• 6 yoshdan 18 yoshgacha bo'lgan bolalar: 220 mg nifuroksazid (5 ml suspenziya) kuniga 3-4 marta (qabul qilishlar orasidagi interval 6-8 s).

• Kattalar: 220 mg nifuroksazid (5 ml suspenziya) kuniga 4 marta (qabul qilishlar orasidagi interval 6 s). 

Bakdiar preparatini 5-7 kun davomida qo'llash lozim, 7 kundan oshirmaslik kerak. Agar birinchi 3 kun davomida hech qanday ijobiy samara kuzatilmasa, shifokorga murojaat qilish zarur.

Preparat faqat yo'riqnomada ko'rsatilgan qo'llash usuli va dozalarga muvofiq qo'llanilishi kerak. Zarur bo'lgan holatlarda preparatni qo'llashdan avval shifokor bilan maslahatlashish lozim.

Dozani oshirib yuborilishi holatlarida simptomatik davo olib borish lozim.