BEPANTEN PLYUS krem 5% 30g N1

So'rilishi
Dekspantenol shikastlangan teri orqali tez so'riladi. Teri hujayralarida dekspantenol tezda pantoten kislotasiga aylanadi va endogen pantoten kislotasi zaxirasini to'ldiradi.
Kattalarda xlorgeksidinning shikastlanmagan teri orqali so'rilishi haqida dalillar mavjud emas. Chaqaloqlar terisiga 4% li xlorgeksidin glyukonat yuvish eritmasi surtilganda, qonda uning kontsentratsiyasi past bo'lgan (1 mkg/ml).

Taqsimlanishi
Pantoten kislotasi qon plazmasi oqsillari bilan (β-globulin va albumin bilan) bog'lanadi. Sog'lom kattalarda uning to'liq qondagi kontsentratsiyasi taxminan 500–1000 mkg/ml ni, qon zardobida esa – mos ravishda taxminan 100 mkg/ml ni tashkil qiladi.
Xlorgeksidin teri orqali oz miqdorda so'rilganligi sababli, uning organlar yoki to'qimalarda taqsimlanishi haqida kam narsa ma'lum. Xlorgeksidin (300 mg) oral yuborilganda sog'lom kattalarda plazmadagi maksimal daraja 0,2 mkg /ml ga 30 daqiqadan so'ng erishiladi.
Chiqarilishi
Pantoten kislotasi o'zgarmagan holda chiqariladi. Oral qabul qilingandan so'ng 60-70% siydik bilan, qoldig'i axlat bilan chiqariladi.
Xlorgeksidin teri orqali deyarli so'rilmaydi. Oral yuborilganda xlorgeksidin organizmdan deyarli to'liq axlat bilan chiqariladi.

Ro'yxatda keltirilgan nojo'ya ta'sirlar spontan xabarlar asosida ko'rsatilgan, ularning har birining uchrash chastotasini aniq belgilash imkoni yo'q.
Immun tizimi, teri va teri osti kletchatkasi kasalliklari tomonidan:
allergik reaksiyalar, shu jumladan teri allergik reaksiyalari: kontakt dermatit, allergik dermatit, qichishish, eritema, ekzema, toshma, eshakemi, teri ta'sirlanishi, pufakchali toshma;
o'ta yuqori sezuvchanlik, anafilaktik reaksiyalar, anafilaktik shok tegishli laborator va klinik ko'rinishlar bilan, shu jumladan astma simptomlari, teri, nafas yo'llari, me'da-ichak trakti, yurak-qon tomir tizimining kuchsizdan o'rtacha darajagacha shikastlanishi, shu jumladan yurak va nafas yetishmovchiligi.
Ro'yxatda keltirilgan nojo'ya reaksiyalar, shuningdek ushbu ilova-varaqada ko'rsatilmagan reaksiyalar paydo bo'lganda, preparatni qabul qilishni to'xtatish va shifokor bilan maslahatlashish kerak.

Kremni ko'zga tushishidan saqlanish kerak. Ichga qabul qilish mumkin emas.

Maydoni katta, qattiq ifloslangan va chuqur yaralar, shuningdek tishlangan va sanchilgan yaralar shifokor aralashuvini talab qiladi (qoqshol rivojlanishi xavfi tufayli).

Agar yara o'lchamlari ma'lum vaqt davomida o'zgarmasdan katta bo'lib qolsa yoki yara 10-14 kun davomida bitmasa, shifokor maslahati zarur. Bu yara chetlari qattiq qizargan, yara kutilmaganda shishgan, kuchli og'riqlar paydo bo'lgan yoki shikastlanish isitma bilan kechgan hollarda ham zarur (sepsis rivojlanishi xavfi tufayli).

Dekspantenolga va/yoki xlorgeksidinga, yoki preparatning har qanday komponentiga yuqori sezuvchanlik.
Teshilgan quloq pardasiga surtish mumkin emas.

Xlorgeksidin sovunlovchi moddalar va boshqa anion birikmalar bilan nomutanosib. Bepanten Plyusni boshqa antiseptiklar bilan bir vaqtda qo'llash tavsiya etilmaydi, ularning o'zaro ta'sirini (ta'sir antagonizmi yoki inaktivatsiya) oldini olish uchun.

Krem oldindan tozalangan jarohat yuzasiga yoki terining yallig‘langan sohalariga ehtiyojga qarab sutkasiga bir yoki bir necha marta surtiladi.
Zarurat bo‘lganda bog‘lamlarni qo‘llash mumkin.