BISAKODIL tabletkalari 5mg N30

Bisakodil yo‘g‘on ichakda shilliq sekretsiyasini oshiradi, uning peristaltikasini tezlashtiradi va kuchaytiradi. Ta’siri yo‘g‘on ichak shilliq qavatidagi nerv oxirlarining bevosita rag‘batlantirilishi bilan bog‘liq. Ichga qabul qilinganda ichakdan minimal miqdorda so‘riladi. Surguvchi ta’siri odatda 6 soatdan keyin, uyqudan oldin qabul qilinganda - 8-12 soatdan keyin boshlanadi.

Ko'ngil aynishi, qorinda og'riq, qorin dam bo'lishi, og'irlik hissi, kamdan-kam hollarda - defekatsiya paytida va undan keyin shilliq va qon.

Bisakodilni katta dozalarda uzoq muddat qo'llash suv va elektrolitlarning haddan tashqari yo'qotilishiga olib kelishi mumkin, bu esa o'z navbatida mushak holsizligi, yurak faoliyatining buzilishi, talvasalar paydo bo'lishi, arterial gipotenziyaga olib kelishi mumkin.

Bisakodilni jigar va buyrak kasalliklari bo'lgan bemorlarda ehtiyotkorlik bilan qo'llaydilar.

Pediatriyada qo'llanilishi

Tabletka shaklidagi bisakodil 6 yoshgacha bo'lgan bolalarda qo'llanilmaydi.

• ichak tutilishi;
• qorin bo'shlig'i a'zolarining o'tkir yallig'lanish kasalliklari;
• kelib chiqishi noaniq qorin og'riqlari;
• MIO dan qon ketishlar;
• bachadondan qon ketishlar;
• sistit;
• spastik qabziyat;
• o'tkir gemorroy;
• o'tkir proktit;
• suv-elektrolit muvozanatining buzilishlari.

Bisakodil yuqori dozalarda yurak glikozidlari bilan uzoq vaqt bir vaqtda qo‘llanilganda gipokaliyemiya oqibatida ularning ta’siri kuchayishi mumkin.

Bisakodilni siydik haydovchi vositalar va GKS bilan bir vaqtda qabul qilish gipokaliyemiyani kuchaytirishi mumkin.

Ichga kechqurun uyqudan oldin, 1 tabletkadan boshlab qabul qilinadi. Samara bo'lmasa, bir martalik dozani 2-3 tabletkagacha oshiriladi.

6 yoshdan oshgan bolalarga kechqurun 1 tabletkadan buyuriladi.

Jarrohlik operatsiyalari, instrumental va rentgenologik tekshiruvlarga tayyorgarlik ko'rishda bir sutka oldin tunda 2 tabletka va operatsiya yoki tekshiruvdan oldingi kechada tunda 2 tabletka buyuriladi.