BOLNOL PLYUS suspenziya 60ml N1

Har 5 ml suspenziya saqlaydi:

Faol moddalar: Paratsetamol 162,5 mg, ibuprofen 100 mg

Yordamchi moddalar: saxaroza, ksantan kamedi, suvsiz kolloidli kremniy, metilparaben, propilparaben, natriy benzoati, natriy saxarini, sorbitol, povidon K-30, tvin-80, eritrozin Supra bo'yovchisi, apelsin ta'mli to'ldiruvchi, tozalangan suv.

60 ml li suspenziya plastmass flakonda. 1 flakon qo'llash bo'yicha yo'riqnomasi bilan birga karton qutida.

Bolnol plyus suspenziyasi tarkibiga kiruvchi paratsetamol me'da-ichak yo'llaridan tez so'riladi va uning plazmadagi kontsentrasiyasining cho'qqisiga preparat qabul qilinganidan keyin 10-60 minut o'tgach erishiladi. Paratsetamol organizmning ko'pchilik suyuq muhitlarida bir me'yorda taqsimlanadi. Asosan jigarda metabolizmga uchraydi va buyraklar orqali chiqariladi. Paratsetamolning yarimchiqarilish davri 1 soatdan 3 soatgacha. Bolnol plyus suspenziyasi tarkibiga kiruvchi ibuprofen me'da-ichak yo'llaridan tez so'riladi va uning plazmadagi kontsentrasiyasining cho'qqisiga preparat qabul qilinganidan 1-2 soatdan keyin erishiladi. Ibuprofen plazma oqsillari bilan yaxshi bog'lanadi. Siydik bilan asosan metabolitlari va kon'yugatlari ko'rinishida tez chiqariladi.

Bolnol plyus suspenziyasining tarkibiga kiruvchi paratsetamol asosan MNT da tsiklooksigenazani ingibirlaydi. Paratsetamolning isitmani tushiruvchi xususiyati prostaglandinlarni, ayniqsa E₂ prostaglandinlari va gipotalamusdagi issiqlikni boshqarish markazining F₂ mediatorlarining biosintezini bevosita bostirishi bilan bog'liq. Ibuprofen og'riqsizlantiruvchi va isitmani tushiruvchi xususiyatlariga qo'shimcha sezilarli yallig'lanishga qarshi ta'sirga ega. Ibuprofen tsiklooksigenaza fermentining samarali ingibitori hisoblanadi, bu og'riq va yallig'lanish patogenezida ishtirok qiluvchi prostaglandinlarning sintezini sezilarli bostirilishiga olib keladi.

O'ta yuqori sezuvchanlik, peptik yara yoki me'da-ichakdan qon ketishlar, teri toshmalari, ko'ngil aynishi, qusish, epigastral sohada diskomfort, bosh aylanishi, ba'zida turli allergik reaktsiyalar paydo bo'lishi mumkin. Nojo'ya reaktsiyalarning simptomlari odatda preparatni qabul qilish to'xtatilganidan keyin yo'qoladi. Simptomlar davomiy bo'lganida shifokorga murojaat qilish kerak.

Preparat buyraklar va jigar faoliyatini jiddiy buzilishlari bo'lgan pasientlarga ehtiyotkorlik bilan buyuriladi. Preparatni yaroqlilik muddati tugaganidan keyin qabul qilish mumkin emas.

Homiladorlik va laktasiya davrida qo'llanishi

Preparatni shifokor tavsiyalaridan tashqari homiladorlik va laktasiya davrida qabul qilish mumkin emas.

Preparat bolalar olaolmaydigan joyda saqlansin va yaroqlilik muddati o'tganidan so'ng ishlatilmasin. 

Bolnol plyus suspenziyasi og'riq hislarida, isitmada, postimmunizasion davrda, infektsion yallig'lanishda, har qanday turdagi mushak-skelet og'riqlarida, shu jumladan sport jarohatlarida qo'llanadi.

Preparatning komponentlariga yuqori sezuvchanlik, bronxospazm, astma, me'da va o'nikki barmoq ichakning yara kasalligi, me'da-ichakdan qon ketishlar, buyraklar faoliyatini buzilishi, gipertoniya.

Preparatni antigipertenziv vositalar, diuretiklar, Tsiklosporin qatori preparatlari, kortikosteroidlar, antikoagulyantlar, Xloramfenikol va varfarin bilan birga ehtiyotkorlik bilan qabul qilish kerak.

Ichga qabul qilish uchun.

Iste'mol qilishdan oldan chayqatilsin.

7 yoshdan 12 yoshgacha bo'lgan bolalar: 5 ml dan 15 ml gacha kuniga 3 marta; 4 yoshdan 6 yoshgacha: 5 ml dan 10 ml gacha kuniga 3 marta; bir yoshdan 3 yoshgacha: 5 ml kuniga 3 marta; 6 oylikdan bir yoshgacha: 2,5 ml dan 5 ml gacha kuniga 3 marta yoki shifokor ko'rsatmasi bo'yicha.

Paratsetamol:

10 g va ko'proq paratsetamol qabul qilinganida kattalarda jigar shikastlanishi mumkin. 5 g va ko'proq paratsetamol qabul qilinganida uzoq muddat karbamazepin, fenobarbiton, fenitoin, primidon, rifampisin yoki jigar fermentlarini rag'batlantiruvchi boshqa preparatlarni qabul qilayotgan pasientlarda yoki alkogolni tavsiya qilingan miqdoridan ortiq muntazam iste'mol qiluvchi pasientlarda jigar shikastlanishi mumkin.

Faollashtirilgan ko'mir bilan davolash preparat qabul qilinganidan keyin bir soat ichida asoslangan.

Ibuprofen:

Dozani oshirib yuborilishi ko'ngil aynishi, qusish, epigastral sohada og'riqlar yoki kamroq hollarda diareya, bosh og'rig'i, me'da-ichakdan qon ketish simptomlari bilan kechishi mumkin.