BOLNOL AS tabletkalari N100

1 tabletka quyidagilarni saqlaydi:

faol moddalar: paratsetamol - 500 mg, atseklofenak - 100 mg;

yordamchi moddalar: mikrokristall tsellyuloza, propilenglikol, natriy kroskarmelloza, povidon, jelatinlangan kraxmal, suvsiz kolloid kremniy dioksidi, tozalangan talk, magniy stearati, oq buyovchi: CS-SP-3180, tozalangan suv.

10 tabletkadan alyumin folga va PVX blisterda. 10 blisterdan tibbiyotda qo'llanilishiga doir yo'riqnomasi bilan karton qutida.

Atseklofenak

Og'iz orqali qabul qilinganidan so'ng atseklofenak tez so'riladi, uning Biokiraolishligi deyarli 100% ni tashkil qiladi. Plazmadagi cho'qqi kontsentrasiyasiga qo'llanganidan keyin taxminan 1-3 soatdan so'ng erishiladi. Ovqat bilan birga qabul qilinganida T_max sekinlashadi, ayni vaqtda so'rilish darajasi o'zgarmaydi.

Atseklofenak amalda proteinlar bilan to'liq (>99%) bog'lanadi. Atseklofenak sinovial suyuqlikka o'tadi, u erda plazmadagi kontsentrasiyasining taxminan 60% ga etadi.

Yarim chiqarilish davri T_1/2  taxminan 4 soat. Qabul qilingan dozaning 70-80% siydik bilan asosan bog'langan gidroksimetabolitlari ko'rinishida chiqariladi, taxminan 20% axlat bilan chiqariladi. Bir martalik peroral dozaning faqat 1% o'zgarmagan holda chiqariladi. Atseklofenak, ehtimol, CYP2C9 yordamida metabolizmga uchrab, asosiy metaboliti - 4-gidroksiatseklofenak hosil bo'ladi. Atseklofenakning sekin chiqarilishi jigar faoliyati yomonlashgan pasientlarda atseklofenakning bir martalik dozasidan so'ng aniqlangan. Kuniga bir marta 100 mg qo'llab, ko'p martalik dozani o'rganishi bo'yicha tadqiqotda, engil va o'rtacha jigar tsirrozi bo'lgan shaxslar va jigar faoliyati normal bo'lgan shaxslar orasida farmakokinetik parametrlarida farq bo'lmagan. Engil va o'rtacha buyrak faoliyati buzilishlari bo'lgan pasientlarda bir martalik dozadan so'ng farmakokinetikasida klinik ahamiyatli farqlar aniqlangan.

Paratsetamol

Paratsetamol ichga qabul qilinganida yaxshi va tez so'riladi. Plazmadagi cho'qqi kontsentrasiyasiga 10-60 minut o'tgach erishiladi. Organizmning deyarli barcha to'qimalariga kiradi, yo'ldoshga oson o'tadi va ko'krak suti bilan chiqariladi. Jigarda metabolizmga uchraydi, metabolitlari farmakologik faol emas, ammo to'planganida jigarni nekroziga olib kelishi mumkin. Qabul qilingan dozaning 85% asosan metabolitlari ko'rinishida buyraklar orqali chiqariladi. Yarim chiqarilish davri 1,25-3 soat oralig'ida. Jigar faoliyati buzilganida preparatning organizmdan chiqarilishi sekinlashadi, bu metabolitlarini organizmda to'planishiga yordam beradi. 

Bolnol-ATS - majmuaviy preparat bo'lib, farmakologik xususiyatlari uning tarkibiga kiruvchi atseklofenak va paratsetamolning ta'siri bilan bog'liq.

Atseklofenak - bu ko'p omilli ta'sir mexanizmiga ega bo'lgan, yangi nosteroid yallig'lanishga qarshi vositadir. Prostaglandinlar sintezini bostiradi va shu yo'l bilan yallig'lanish, og'riq va isitma patogeneziga ta'sir qiladi.

Revmatik kasalliklarda atseklofenak og'riq yaqqolliligini, tonggi tanglikni, bo'g'imlar shishini ahamiyatli kamaytirish qobiliyatiga ega, bu pasientning funktsional holatini yaxshilanishiga olib keladi.

Paratsetamol – og'riqni qoldiruvchi va isitmani tushiruvchi ta'sir ko'rsatadi. Og'riqni qoldiruvchi ta'sir mexanizmi prostaglandinlar sintezini ingibirsiya qilishi bilan bog'liq. Paratsetamolning isitmani tushiruvchi ta'siri, termoregulyasiyaning gipotalamusdagi markazlariga to'g'ridan-to'g'ri ta'siri bilan bog'liq, buning natijasida tomirlarning kengayishi va kuchli terlash tufayli, tanadan issiqlikni ajralib chiqishi kuchayadi.

Atseklofenak

Atseklofenak yaxshi o'zlashtiriladi, asosan me'da-ichak yo'llari tizimi tomonidan kuzatiladigan ko'pchilik noxush holatlar qaytuvchi va ahamiyatsizdir.

Ko'pchilik tarqalgan holatlar dispepsiya va qorinda og'riqni o'z ichiga oladi (>5% hollar). Atseklofenakni qabul qilganda shuningdek bosh aylanishi, qichishish, toshma va dermatitlar yuz berishi mumkin, lekin bu holatlar kam kuzatilgan (<5%).

Shuningdek, atseklofenakni qabul qilganda ko'ngil aynishi, diareya, meteorizm, gastrit, qabziyat, qusish rivojlanishi mumkin. Boshqa NYAQV kabi, atseklofenak ham jigar fermentlarining aylanayotgan qondagi darajasini oshirishi mumkin.

Paratsetamol

Paratsetamol terapevtik dozalarda nisbatan zararsiz hisoblanadi.

Me'da-ichak yo'llari tomonidan: ko'ngil aynishi, epigastral sohada og'riq. Paratsetamolning katta dozalarida uzoq muddat qo'llanganda preparat gepatotoksik ta'sir ko'rsatishi mumkin.

Markaziy nerv tizimi tomonidan: yuqori qo'zg'aluvchanlik yoki uyquchanlik.

Dermatologik reaktsiyalar: teri toshmasi, qichish, eshakemi.

Qon yaratish tizimi tomonidan: alohida hollarda: gemolitik anemiya, neytropeniya, leykopeniya, pantsitopeniya, trombositopeniya.

Yurak-qon tomir tizimi tomonidan: taxikardiya, ko'krak qafasi sohasida og'riqlar, arterial gipertenziyaning paydo bo'lishini yakka hollari, yurak etishmovchiligi aniqlangan;

Allergik va immunopatologik reaktsiyalar: angionevrotik shish.

Bolnol-ATS ni me'da-ichak kasalliklari bo'lgan pasientlarga va peptik yarasi, tserebrovaskulyar qon ketishlari, yarali kolit, Kron kasalligi, porfiriya, gemopoez yoki koagulyasiyaning buzilishlari bo'lgan pasientlarga shifokor nazorati ostida va ehtiyotkorlik bilan buyurish kerak.

Suyuqlikni tutilishiga moyilligi bo'lgan boshqa holatlardagi pasientlar kabi, buyraklar, jigar yoki yurak faoliyatini engil va o'rtacha buzilishlari bo'lgan pasientlarda ehtiyotkorlikka rioya qilish kerak.

Shuningdek, umuman olganda nojo'ya reaktsiyalarga ko'proq moyilligi bo'lgan pasientlarda ham ehtiyotkorlik kerak. Asoratlar, masalan, me'da-ichakdan qon ketishi va/yoki perforasiya, ko'picha o'ta jiddiy oqibatlar, davolashning xohlagan vaqtida, anamnezida ogohlantiruvchi simptomlarsiz kuzatilishi mumkin. Keksa pasientlarda jigar, yurak-tomir yoki buyraklar faoliyatining yomonlashishdan aziyat chekish ehtimoli ko'proq bo'lishi mumkin. NYAQV bilan uzoq muddat davolanayotgan barcha pasientlar ogohlantirish sifatida tekshiruvdan o'tishlari kerak (masalan, jigar, buyraklar faoliyati yoki kon tahlili).

Surunkali og'ir alkogoliklarda paratsetamolni haddan tashqari qo'llash sababli, jigarga toksik shikastlanishlarning yuqori xavfi, garchi bunday holatlar kam kuzatilsada, bo'lishi mumkin. Alkogolni katta miqdorda muntazam qabul qiladigan pasientlarda ehtiyotkorlikka rioya qilish kerak. Bunday pasientlar bolnol-asning tavsiya qilingan maksimal dozasini oshirmasliklari kerak.

Buyraklar faoliyatini engil buzilishlari bo'lgan pasientlarda ehtiyotkorlikka rioya qilish tavsiya etiladi.

Bolnol-ATS isitma bilan yoki isitmasiz kechuvchi o'tkir og'riqli yallig'lanish holatlarni (osteo-artritlarda, revmatoid artritlarda, ankilozlovchi spondiloartritlarda, shuningdek tayanch-xarakat apparatining og'riq bilan birga kechuvchi boshqa kasalliklarida), davolash uchun bel og'rig'ida, tish og'rig'ida, birlamchi disminoreyada og'riqni qoldiruvchi vosita sifatida qo'llanadi.

- Atseklofenak yoki paratsetamolga yoki har qanday boshqa Nyaqvga o'ta yuqori sezuvchanlik.

- anamnezida anafilaktik reaktsiyalar yoki peptik yaralar;

- ta'siri o'xshash dorilar (masalan, aspirin yoki boshqa NYAQV) dori vositalari astma xurujlari, bronxospazm, o'tkir rinit yoki isitma chaqirgan pasientlar yoki bu dorilarga o'ta yuqori sezuvchanligi bo'lgan pasientlar.

-me'da-ichakdan qon ketishlari;

- o'tkir yurak etishmovchiligi yoki jigar yoki buyraklar faoliyatini o'tkir buzilishlari;

-  homiladorlik va laktasiya davri;

- 18 yoshgacha bo'lgan bolalarda qo'llash mumkin emas.

Bolnol-ATS preparatining dori vositalari bilan bog'liq o'zaro ta'siri boshqa NYAQV bilan kuzatiladiganlar uchun bir xil.

Atseklofenak plazmada litiy, digoksin va metotreksanning kontsentrasiyasini oshirishi, antikoagulyantlarning faolligini oshirishi, diuretiklarning faolligini ingibirsiya qilishi, tsiklosporinning nefrotoksikligini kuchaytirishi va xinolon antibiotiklari bilan bir vaqtda buyurilganida tutqanoqni tezlashtirishi mumkin.

Kaliyni tejovchi diuretiklar bilan birga qo'llanganida, zardobda kaliy miqdorini tekshirish kerak.

Bundan tashqari, atseklofenak va antidiabetik dori vositalarni birga qo'llash sababli, garchi kam kuzatilsada, gipo - yoki giperkaliemiya bo'lishi mumkin.

Atseklofenakni boshqa NYAQV yoki kortikosteroidlar bilan birga qo'llash nojo'ya samaralarni tez-tezligi oshishi bilan kechishi mumkin.

Paratsetamol

Paratsetamolning potentsial gepatotoksikligi barbituratlar, karbamazepin, gidantoinlar, izoniazid, rifampin va sulfinpirazonni katta dozalarda uzoq vaqt qo'llanganda kuchayishi mumkin.

Preparatni boshqa dori vositalari bilan bir vaqtda qo'llanganda shifokor maslaxati zarur.

oq yoki deyarli oq rangli, kapsula shaklidagi bir tomonida o'yiqchasi bo'lgan, boshqa tomoni silliq plyonka qobiq bilan tabletkalar.

Bolnol-ATS tabletkalari kattalarda peroral qo'llash uchun mo'ljallangan. Bolnol-asning tavsiya qilingan dozasi – kunda ikki tabletka, bir tabletkadan ertalab va kechqurun buyuriladi. Tabletkalarni chaynamasdan, butunligicha, etarli miqdordagi suyuqlik bilan qabul qilish kerak.

Ovqatni qabul qilishdan qat'iy nazar qo'llansin.

Jigar faoliyatini buzilishi bo'lgan pasientlarda boshlang'ich dozasi kuniga 1 tabletka.

Davolash davomiyligini shifokor shaxsiy ravishda belgilaydi.

Dozani oshirib yuborilganida nojo'ya ta'sirining simptomlarini kuchayishi kuzatiladi.
Davolash: me'dani yuvish, faollashtirilgan ko'mir qabul qilish, simptomatik davolash o'tkaziladi.