Bolnol DF eritmasi 3ml 75mg / 3ml N10

Har 1 ml eritma quyidagilarni saqlaydi:

faol modda: diklofenak natriy – 25 mg;

yordamchi moddalar: mannitol, suvsiz natriy sulfiti, dinatriy EDTA, benzil spirti, natriy gidroksidi, in'ektsiya uchun suv.

Preparat 3 ml dan ampulalarda.

10 ampula qo'llash bo'yicha yo'riqnomasi bilan birga karton qutiga joylangan.

Yallig'lanishga qarshi, og'riqni qoldiruvchi, isitmani tushiruvchi, revmatizmga qarshi, antiagregasion xususiyatlarga ega. Tsiklooksigenazani ingibitsiya qilinishi natijasida araxidon kaskadining reaktsiyasi bloklanadi va PGE₂, PGE_2alfa, tromboksan A₂, prostasiklin, leykotrienlarning sintezini va lizosomal fermentlarni ajralib chiqishi buziladi; trombositlarning agregasiyasini bostiradi; uzoq muddat qo'llanganda desensibilizasiyalovchi ta'sir ko'rsatadi; in vitro sharoitlarida odamda kuzatiladigan muvofiq kontsentrasiyalarda tog'aylarda proteoglikanning biosintezini sekinlashishini chaqiradi.

Tinch holatda va harakatdagi og'riqni, ertalabki tanglikni, bo'g'imlar shishini kamaytiradi, ularning funktsional xususiyatini yaxshilaydi. Operasiyalar va jarohatlardan keyin rivojlanadigan yallig'lanish jarayonlarida, ham spontan, ham harakatdagi og'riqni tez engillashtiradi, jarohat joyidagi yallig'lanish shishini kamaytiradi. Davolash kursini olgan poliartriti bo'lgan pasientlarda sinovial suyuqlik va sinovial to'qimalardagi kontsentrasiyasi qon plazmasidagiga nisbatan yuqori. Yallig'lanishga qarshi faolligi bo'yicha atsetilsalisil kislotasi, butadion, ibuprofendan yuqori; indometasin bilan taqqoslanganda yaqqol klinik samara va yaxshi o'zlashtirilishi haqida ma'lumotlar bor; revmatizmda va Bexterev kasalligida prednizolon va indometasinga ekvivalent.

Mushak ichiga (m/i) yuborilganda plazmadagi maksimal kontsentrasiyasiga (S_max) 10-20 minutdan keyin erishiladi. Biokiraolishligi – 50%; jadal tizim oldi eliminasiyasiga uchraydi. Plazma oqsillari bilan bog'lanishi – 99% dan yuqori. To'qimalar va sinovial suyuqlikka yaxshi o'tadi; u erda uning kontsentrasiyasi sekin o'sadi, 4 soatdan keyin plazmadagiga nisbatan ahamiyatli darajadagi yuqoriroq kontsentrasiyalariga erishiladi. Taxminan 35% axlat bilan metabolitlari ko'rinishida chiqariladi; taxminan 65% jigarda metabolizmga uchraydi va nofaol metabolitlari ko'rinishida buyraklar orqali chiqariladi (o'zgarmagan ko'rinishda 1% kamroq chiqariladi). Plazmadan yarim chiqarilish davri (T_1/2) – taxminan 2 soat, sinovial suyuqlikdan – 3-6 soat; qabullar orasidagi tavsiya qilingan intervalga rioya qilinganda to'planmaydi.

Ayrim populyasiyalarda farmakokinetikasi

O'rtacha darajadagi jigar etishmovchiligi bo'lgan pasientlarda preparatning metabolizmi ahamiyatli darajada o'zgarmaydi. Og'ir darajada buyrak etishmovchiligi (kreatinin klirensi < 10 ml/min) bo'lgan pasientlarda faol bo'lmagan metabolitlarini safro bilan chiqarilishi oshadi. Pasientning yoshiga qarab preparatning farmakokinetikasida ahamiyatli farqlar yo'q.

Diklofenak natriy bilan davolash vaqtida jigar fermentlarining faolligini oshishi kuzatilishi mumkin. Agar jigar fermentlarining oshgan faolligi saqlanib tursa yoki oshib borsa, dori vositasini qabul qilishni zudlik bilan to'xtatish kerak.

Anamnezida jigar va buyrak kasalliklari, me'da-ichak yo'llari (miy) ning kasalliklari, dori vositasini buyurish vaqtida dispeptik simptomlar, arterial gipertoniyasi, yurak etishmovchiligi bo'lgan bemorlarga, jiddiy jarrohlik aralashuvlaridan so'ng darhol, shuningdek keksa yoshdagi pasientlarga dori vositasi ehtiyotkorlik bilan buyuriladi. Anamnezida NYAQV va sulfitlarga nisbatan allergik reaktsiyalarga ko'rsatmalar bo'lgan bemorlarga, diklofenak natriy faqat shoshilinch holatlarda buyuriladi.

Preparat bilan davolanish vaqtida jigar va buyrak funktsiyasini, periferik qon manzarasini muntazam ravishda kuzatish zarur.

Diklofenak natriy antikoagulyantlar bilan bir vaqtda buyurilganida protrombin vaqtini nazorat qilish kerak; antikoagulyantning dozasi klinik talablarga muvofiq ravishda o'zgartiriladi.

Noxush ko'rinishlarni rivojlanish havfini kamaytirish maqsadida dori vositasini eng kichik samarali dozada juda qisqa vaqt davomida buyurish kerak. Diklofenak natriyni boshqa tizimli NYAQV bilan bir vaqtda qo'llashdan saqlanish kerak.

Keksa yoshdagi pasientlarga dori vositasini ehtiyotkorlik bilan buyurish kerak. Kuchsizlangan keksa yoshdagi pasientlar yoki tana vazni past bo'lgan pasientlarga preparatni eng kichik samarali dozada qo'llash kerak.

Diklofenak natriy allergik reaktsiyalar, shu jumladan anafilaktik / anafilaktoid reaktsiyalarni chaqirishi mumkin. Eritmaning tarkibidagi natriy metabisulfiti og'ir darajadagi o'ta yuqori sezuvchanlik reaktsiyalari va bronxospazmni chaqirishi mumkin. Boshqa NYAQV kabi, diklofenak natriy infektsiyaning belgilari va simptomlarini yashirishi mumkin.

Miy: diklofenak natriy anamnezida miy shikastlanishi borligidan qat'iy nazar, me'da-ichak yo'llaridan qon ketishi (qonli qusish, melena), me'da-ichak yaralari yoki perforasiyani (shu jumladan, fatal) chaqirishi mumkin. Miy dan qon ketishi yoki yarasi rivojlanganida, dori vositasini bekor qilish kerak. Diklofenak natriyning dozasi oshirilganida, shuningdek anamnezida qon ketishi yoki perforasiya bo'lgan pasientlarda, keksa yoshdagi shaxslarda me'da-ichak yo'llaridan qon ketishi, yaralar yoki perforasiyani rivojlanish havfi yuqori bo'ladi.

Gastrointestinal toksiklikni, ayniqsa atsetilsalisil kislotasining kichik dozalarini yoki miy ni shikastlanish havfini oshiradigan dori vositalarini qabul qilayotgan pasientlarda rivojlanish havfini kamaytirish uchun mizoprostol yoki proton nasos ingibitorlari bilan majmuaviy davolash o'tkazish kerak.

Anamnezida gastrointestinal toksiklikni ko'rinishlari bo'lgan pasientlar, ayniqsa keksa pasientlar har qanday g'ayrioddiy abdominal simptomlar xaqida xabar berishlari kerak.

Me'da-ichakda yarani hosil bo'lish yoki qon ketish havfini oshiradigan yondosh dori vositalar: tizimli kortikosteroidlar, antikoagulyantlar (varfarin), serotoninni qayta qamrab olinishining selektiv ingibitorlari (SQQSI) yoki antitrombositar preparatlar (atsetilsalisil kislotasi) ni qabul qilayotgan pasientlarga diklofenak natriyni ehtiyotkorlik bilan ishlatish kerak.

Nospesifik yarali kolit yoki Kron kasalligi bo'lgan pasientlarga diklofenak buyurilganida, kasallikni zo'rayishi rivojlanishi mumkinligi tufayli, sinchkov tibbiy kuzatuv va ehtiyotkorlikka rioya qilish kerak.

Buyrak funktsiyasini buzilishi. Jigar kasalliklari bo'lgan pasientlarga dori vositasi buyurilganida jigar funktsiyasini og'irlashishi mumkin.

Buyrak funktsiyasini buzilishi va yurak-qon tomir tizimining kasalliklari. Yurak va buyrak funktsiyasini buzilishlari, arterial gipertenziya, keksa odamlar, siydik haydovchi vositalar yoki buyrak funktsiyasiga ta'sir etuvchi dori vositalar bilan yondosh davolanayotgan pasientlar, shuningdek hujayradan tashqari suyuqlik hajmi ahamiyatli darajada kamayishi bo'lgan pasientlarga buyurilganida, ayniqsa ehtiyotkorlik talab etiladi. Buyrak faoliyatini nazorat qilish tavsiya etiladi. Davolashni to'xtatish odatda buyrak funktsiyasini dastlabki darajagacha tiklanishiga olib keladi.

Diklofenak natriy, ayniqsa yuqori dozalarda (kuniga 150 mg) va uzoq muddat qo'llanganida arterial tromboz (masalan, miokard infarkti yoki insult) ni rivojlanish havfi oshishi mumkin.

Yurak-qon tomir asoratlari (masalan, arterial gipertenziya, giperlipidemiya, qandli diabet, chekish) ni rivojlanish havfi ahamiyatli darajada bo'lgan pasientlarga diklofenak natriyni havfsizlik baholangandan keyingina buyurish kerak.

Teri. Diklofenak natriy ishlatilganida teri tomonidan jiddiy nojo'ya reaktsiyalar (shu jumladan o'limga olib keluvchi reaktsiyalari) juda kam hollarda rivojlangan. Teri toshmalari, shilliq qavatlarni shikastlanishi yoki o'ta yuqori sezuvchanlikning har qanday boshqa belgilari birinchi marta paydo bo'lganida diklofenakni qo'llashni to'xtatish kerak.

Tizimli qizil yugurik (TQYU) va biriktiruvchi to'qima kasalliklari. TQYU va biriktiruvchi to'qimalarning kasalliklari bo'lgan pasientlarda aseptik meningitni rivojlanish havfi yuqori bo'ladi.

Qon tizimi. Diklofenak natriy bilan uzoq muddat davolanish vaqtida qon manzarasi monitoringi tavsiya etiladi. Gemostazni buzilishlari, gemorragik diatez yoki gematologik buzilishlari bo'lgan pasientlarni sinchiklab kuzatish kerak.

Bronxial astma. Bronxial astma, mavsumiy allergik rinit, burunning shilliq qavatini shishi (shu jumladan burun poliplari), o'pkaning surunkali obstruktiv kasalliklari yoki nafas yo'llarining surunkali infektsiyalari (ayniqsa, allergik rinitsimon simptomlari bo'lgan pasientlar) bo'lgan pasientlarga diklofenak natriyni juda ehtiyotkorlik bilan qo'llash kerak.

Ayollarda fertillik. Diklofenak natriyni qo'llash ayollarda fertillikni buzilishiga olib kelishi mumkin va homilador bo'lishga harakat qilayotgan ayollarga qo'llash tavsiya etilmaydi. Homilador bo'lishda qiyinchilik his qilayotgan va bepushtlik bilan xastalangan ayollarga diklofenak natriyni bekor qilish kerak.

Homiladorlik va laktasiya davrida qo'llanishi

Homiladorlik davrida diklofenak natriyni qo'llash mumkin emas. Emizikli ayollarga buyurish zarurati bo'lganida emizishni to'xtatish masalasini hal qilish kerak.

Avtotransportni boshqarish va mexanizmlar bilan ishlash qobiliyatiga ta'siri

O'rtacha jadallikdagi, turli genezli og'riqlarni qisqa muddatli davolash uchun qo'llanadi:

•     tayanch-harakat apparatining kasalliklari (revmatoid artrit, psoriatik, yuvenil surunkali artrit, ankilozlanuvchi spondiloartrit; podagrik artrit, yumshoq to'qimalarni revmatik shikastlanishi, periferik bo'g'imlar va umurtqa pog'onasini osteoartrozi (shu jumladan, radikulyar sindrom bilan kechuvchi osteoartroz);

•     lyumbago, ishias, nevralgiya;

•     algodismenoreya, kichik chanoq a'zolarini yallig'lanish jarayonlari, shu jumladan adneksit;

•     jarohatdan keyingi, yallig'lanish bilan kechuvchi og'riq sindromi;

•     operasiyadan keyingi og'riqni bartaraf qilish uchun qo'llanadi.

O'ta yuqori sezuvchanlik (shu jumladan, NYAQP larga yoki yordamchi komponentlarga), me'da-ichak yo'llarini eroziv-yarali shikastlanishlari (zo'rayish bosqichi), me'da-ichak yo'llaridan qon ketishi, ichakni yallig'lanish kasalliklari (nospesifik yarali kolit, Kron kasalligi), yaqqol ifodalangan jigar etishmovchiligi, o'tkir davridagi jigar kasalliklari, yaqqol ifodalangan buyrak etishmovchiligi (kreatinin klirensi minutiga 30 ml dan kam), yurak etishmovchiligi, giperkaliemiya, atsetilsalisil kislotasini to'liq yoki to'liq bo'lmagan o'zlashtirolmaslik sindromi (rinosinusit, eshakemi, burun shilliq qavati poliplari, atsetilsalisil kislotasi yoki boshqa NYAQP qabul qilganda rivojlanadigan bronxial astma), qon yaratilishini buzilishlari, gemostazni buzilishi (shu jumladan, gemofiliya), homiladorlik, bolalar (18 yoshgacha), laktasiya davri, aortakoronar shuntlash o'tkazilgandan keyingi davrda qo'llash mumkin emas.

Digoksin, metotreksat, litiy preparatlari va tsiklosporinning plazmadagi kontsentrasiyasini oshiradi. Diuretiklarning samarasini pasaytiradi, kaliy tejovchi diuretiklar fonida giperkaliemiyani rivojlanish havfini kuchaytiradi; antikoagulyantlar, trombolitik vositalar (alteplaza, streptokinaza, urokinaza) fonida – qon ketishi havfi (ko'proq me'da-ichak yo'llaridan) oshadi. Gipotenziv va uyqu vositalarning samarasini kamaytiradi. Boshqa nosteroid yallig'lanishga qarshi preparatlar va glyukokortikosteroid vositalarning nojo'ya samaralarini rivojlanish ehtimolini (me'da-ichak yo'llaridan qon ketishi), metotreksatning toksikligini va tsiklosporinning nefrotoksikligini oshiradi. Atsetilsalisil kislotasi qonda diklofenakning kontsentrasiyasini pasaytiradi. Paratsetamol bilan bir vaqtda qo'llash diklofenakning nefrotoksik samaralarini rivojlanish havfini oshiradi. Gipoglikemik vositalarning samarasini kamaytiradi. Tsefamandol, tsefoperazon, tsefotetan, valproat kislotasi va plikamisin gipotrombositopeniyani rivojlanish tezligini oshiradilar. Tsiklosporin va oltin preparatlari buyraklarda prostaglandinlar sinteziga diklofenakning ta'sirini oshiradilar, bu nefqrotoksiklikni oshiradi. Etanol, kolxisin, kortikotropin, serotoninni qayta qamrab olinishini selektiv ingibitorlari va dalachoy preparatlari bilan bir vaqtda qo'llash me'da-ichak yo'llaridan qon ketish havfini oshiradi. Diklofenak fotosensibilizasiyani chaqiradigan preparatlarning ta'sirini kuchaytiradi. Buyrak naychalari sekresiyasini bloklaydigan preparatlar diklofenakning plazmadagi kontsentrasyasini, shu bilan birga uning toksikligini oshiradilar. Xinolonlar guruhiga mansub antibakterial dori vositalar – tirishishlarni rivojlanish havfi oshadi. 

rangsizdan och sariq ranggacha bo'lgan, tiniq eritma. 

Kattalarga 75 mg (1 ampula) dan kuniga 1-2 marta mushak ichiga (dumba mushagiga chuqur) ko'pi bilan 2 kun davomida yuboriladi. So'ngra diklofenak natriyni tabletkalar yoki suppozitoriy dori shaklini qo'llashga o'tiladi.

Preparat uzoq muddat yoki yuqori dozalarda qo'llanganida yurak-qon tomir asoratlarini rivojlanish havfi oshishi mumkinligi tufayli, diklofenakni simptomlarning yaqqolligini kamaytirish uchun kerak bo'lgan minimal samarali dozada maksimal qisqa vaqt davomida buyurish kerak.

Keksa yoshdagi odamlarda dozalash. nojo'ya reaktsiyalarni rivojlanish havfi yuqori bo'lgan pasientlarda diklofenak natriyni ehtiyotkorlik bilan qo'llash kerak.

Kuchsizlangan pasientlarga yoki tana vazni past bo'lgan pasientlarga eng kichik samarali dozani qo'llash tavsiya etiladi; me'da-ichakdan qon ketishlarini rivojlanish havfini nazorat qilish kerak.

Buyrak yoki jigar etishmovchiligida dozalash. Diklofenak natriy og'ir darajadagi buyrak yoki jigar etishmovchiligi bo'lgan pasientlarga qo'llash mumkin emas. Engil va o'rtacha og'irlik darajasidagi buyrak yoki jigar etishmovchiligi bo'lgan pasientlarga ehtiyotkorlik bilan buyurish tavsiya etiladi.

Simptomlari: qusish, bosh aylanishi, bosh og'rig'i, hansirash, ongni chalkashishi, bolalarda – mioklonik tirishishlar, ko'ngil aynishi, qusish, abdominal og'riqlar, qon ketishi, jiga rva buyrak faoliyatini buzilishi.