BOLNOL DIET suspenziya 60 ml N1
Anal'getik-antipiretik.
BOLNOL DIET suspenziya 60 ml N1 haqida qo'llanma
Tarkibi va ishlab chiqarilish shakli
faol modda: ibuprofen 100 mg/5ml, paratsetamol 162,5 mg/5 ml;
yordamchi moddalar: glitserin, ksantan yelimi, natriy benzoati, natriy saxarini, saxaroza, limon kislotasi, dinatriy edetati, ozuqaviy xushbo'y essentsiyasi, tozalangan suv.
Сhiqarilish shakli
Ichga qabul qilish uchun suspenziya. 60 ml dan PET flakonlarda. Har bir flakon qo'llash bo'yicha yo'riqnomasi va o'lchov qalpoqchasi bilan karton qutiga joylanadi.
Farmakodinamikasi
Bolnol dieta suspenziyasining tarkibiga kiruvchi paratsetamol asosan markaziy nerv tizimida tsiklooksigenazani ingibitsiya qiladi.
Paratsetamolning isitmani tushiruvchi xususiyati asosan gipotalamusda bevosita prostaglandinlar biosintezini, ayniqsa Ye2 va F2 prostaglandinlarning markaziy termoregulyatsiya mediatorlarini bostirilishi bilan bog'liq. Ibuprofen anal'getik va isitmani tushiruvchi xususiyatlariga qo'shimcha sezilarli yallig'lanishga qarshi ta'sirga ega. Ibuprofen tsiklooksigenaza fermentining samarali ingibitori bo'lib, og'riq va yallig'lanish patogenezida qatnashuvchi prostaglandinlarning sintezini sezilarli bostirilishiga olib keladi.
Farmakokinetikasi
Bolnol diet suspenziyasining tarkibiga kiruvchi paratsetamol me'da-ichak yo'llaridan tez so'riladi va plazmadagi cho'qqi kontsentratsiyasiga preparat qabul qilinganidan so'ng 10-60 minutdan keyin erishiladi. Paratsetamol organizmning ko'pchilik suyuq muhitlarida bir maromda taqsimlanadi. Asosan jigarda metabolizmga uchraydi va buyrak orqali chiqariladi. Paratsetamolning yarim chiqarilish davri 1-3 soatni tashkil qiladi. Bolnol dieta suspenziyasining tarkibidagi ibuprofen me'da-ichak yo'llaridan tez so'riladi va plazmadagi cho'qqi kontsentratsiyasiga preparat qabul qilinganidan so'ng 1-2 soatdan keyin erishiladi. Ibuprofen plazma oqsillari bilan yaxshi bog'lanadi. Asosan siydik bilan tez metabolitlari va ularning kon'yugatlari ko'rinishida chiqariladi.
Farmakoterapevtik guruh
Anal'getik-antipiretik.
Dori shakli
Ichga qabul qilish uchun suspenziya.
Nojo'ya samaralari
O'ta yuqori sezuvchanlik, peptik yara yoki me'da-ichakdan qon ketishi, teri toshmalari, ko'ngil aynishi, qusish, epigastral sohada diskomfort, bosh aylanishi, ba'zi hollarda allergik reaktsiyalar ham paydo bo'lishi mumkin. Odatda nojo'ya ta'sirlarning simptomlari preparatni qabul qilishni to'xtatilganida yo'qoladi. Simptomlarning davom etishi cho'zilsa shifokorga murojaat qilish kerak.
Maxsus saqlash sharoitlari
Preparat buyrak va jigar funktsiyasini jiddiy buzilishlari bo'lgan bemorlarga ehtiyotkorlik bilan buyuriladi.
Homiladorlik va laktatsiya davrida qo'llanishi.Preparatni shifokorning tavsiyasidan tashqari homiladorlik va laktatsiya davrida qabul qilish mumkin emas.
Preparat bolalar ololmaydigan joyda saqlansin va yaroqlilik muddati o'tganidan so'ng qo'llanmasin.
Qo'llanilishi
Bolnol dieta suspenziyasi og'riq hislarida, isitmada, emlash (immunizatsiya) dan keyingi davrda, tish og'rig'ida, infektsion yallig'lanishda, har qanday tur mushak-skelet og'riqlarida, shuningdek sport jarohatlarida qo'llaniladi.
Qo'llanilishi mumkin bo'lmagan holatlar
Preparatning komponentlariga yuqori sezuvchanlik, bronxospazm, astma, me'daning yara kasalligi va me'da-ichakdan qon ketishi, buyrak funktsiyasini buzilishi, gipertoniyada qo'llash mumkin emas.
Dori vositalarining o'zaro ta'siri
Preparatni antigipertenziv vositalar, diuretiklar, tsiklosporin qatori preparatlari, kortikosteroidlar, antikoagulyantlar, xloramfenikol va varfarin bilan birga ehtiyotkorlik bilan qo'llash kerak.
Ta'rifi
Pushti rangli suspenziya. Saqlashda chayqatilganida bartaraf bo'ladigan qatlamlarga ajralib qolish kuzatilishi mumkin.
Dozirovkasi
Ichga qabul qilish uchun.
Qo'llashdan oldin chayqatilsin.
7 yoshdan 12 yoshgacha bo'lgan bolalar: kuniga 5 ml dan 15 ml gacha 3 marta;
4 yoshdan 6 yoshgacha: kuniga 5 ml dan 10 ml gacha 3 marta;
bir yoshdan 3 yoshgacha bolalarga: kuniga 5 ml dan 3 marta;
6 oylikdan to 1 yoshgacha: kuniga 2,5 dan 5 ml gacha 3 marta yoki shifokorning ko'rsatmasi bo'yicha.
Dozani oshirib yuborilishi
Paratsetomol: paratsetamolni 10 g yoki undan ko'proq qabul qilinganida, kattalarda jigarning shikastlanishi mumkin. Uzoq vaqt karbamazepin, fenobarbital, fenitoin, primidon, rifampitsin yoki boshqa preparatlar yoki jigar fermentlarini rag'batlantiruvchi boshqa preparatlar yoki muntazam alkogolni haddan tashqari iste'mol qiluvchi bemorlar paratsetamolni 5 g dan yoki undan ko'proq qabul qilish jigarning shikastlashiga olib kelishi mumkin.
Preparat qabul qilinganidan so'ng bir soat davomida faollashtirilgan ko'mir bilan davolash asoslangan.
Ibuprofen: Dozani oshirib yuborilishi ko'ngil aynishi, qusish, epigastral sohasida og'riqlar yoki kamdan hollarda diareya, bosh og'rig'i, me'da-ichakdan qon ketishi kabi simptomlar bilan birga kechishi mumkin.
Hajm/og'irlik
BOLNOL DIET suspenziya 60 ml N1 o'xshash dorilari
BOLNOL boshqa chiqarish shakllari
BOLNOL DIET suspenziya 60 ml N1 analoglari
