DABLECh tabletkalari 5mg N30

QO‘LLASH BO‘YICHA YO‘RIQNOMA

DABLECh

DABLECH

Preparatning savdo nomi: Dablech

Ta‘sir etuvchi moddalar (XPN): amlodipin va atenolol

Dori shakli: tabletkalar

Tarkibi:

Har bir qobiq bilan qoplanmagan tabletka quyidagilarni saqlaydi:

faol modda: amlodipin besilati 5 mg amlodipinga ekvivalent, atenolol – 50 mg;

yordamchi moddalar: laktoza, mikrokristall sellyuloza, makkajo‘xori kraxmali, eritrozin supra, magniy stearati, tozalangan talk, kremniy dioksidi, natriy laurilsulfat, natriy kraxmalglikolyat, natriy kroskarmelloza, sterosol.

Ta‘rifi: dumaloq shaklli, plyonka qobiq bilan qoplanmagan, tabletkaning bir tomoni oq rangli, boshqa tomoni pushti rangli tabletkalar.

Farmakoterapevtik guruhi: antigipertenziv vosita.

ATX kodi: C07FB03

Farmakologik xususiyatlari

Majmuaviy antigipertenziv preparat. Samarasi ikki komponentlarning beta-1-adrenoblokator (atenolol) va “sekin” kalsiy kanallarining blokatorining (amlodipin) ta‘siri bilan bog‘liq.

Amlodipinni qabul qilish reflektor taxikardiya bilan namoyon bo‘luvchi arteriolalarning dilatasiyasiga olib keladi. Bu Amlodipinning asosiy nojo‘ya samaralaridan biridir. Yurak qisqarishlari tez-tezligini oshishi, miokardning kislorodga bo‘lgan talabini oshishiga olib keladi, yurakning ishemik kasalligi bo‘lgan bemorlar uchun yaxshi emas. Beta-1-adrenoreseptorlarning selektiv blokatori bo‘lganligi tufayli, Atenolol Amlodipinni qabul qilishda chaqirgan reflektor taxikardiyani kamaytiradi.

Tomirlarning umumiy periferik qarshiligini pasaytiruvchi Amlodipinning va Atenololning yurakning zarb hajmini kamaytiruvchi o‘zaro to‘ldiruvchi ta‘sir mexanizmi, samaradorlik/nojo‘ya samaralar nisbatini yaxshilab, Amlodipin va Atenolol bilan monoterapiya bilan solishtirganda yaqqolroq gipotenziv samaraga va yaxshiroq o‘zlashtirilishiga olib keladi.

Atenolol antianginal, antigipertenziv va antiaritmik ta‘sir ko‘rsatadi. Atenolol membranani barqarorlashtiruvchi va ichki simpatomimetik faollikka ega emas. Katexolaminlar rag‘batlantirgan sAMF va ATF hosil bo‘lishini kamaytiradi, kalsiy ionlarining xujayra ichiga oqimini pasaytiradi.

Gipotenziv samarasi yurakning zarb hajmini kamayishi, renin-angiotenzin tizimining faolligini, baroreseptorlarning sezuvchanligini va MNT ta‘sirini pasayishi bilan bog‘liq.

Amlodipin: digidrodipinning hosilasi. Antigipertenziv, antianginal, spazmolitik va tomirlarni kengaytiruvchi ta‘sirga ega. Kalsiy ionlarini membranalar orqali miokard va tomirlarning silliq mushak xujayralariga kirishini bloklaydi.

Gipotenziv ta‘sirining mexanizmi tomirlarning silliq mushaklariga to‘g‘ridan-to‘g‘ri bo‘shashtiruvchi ta‘siri bilan bog‘liq..

Preparatning antianginal ta‘siri, birinchidan, uni periferik arteriolalarni kengaytirish qobiliyati bilan bog‘liq, bu umumiy periferik tomirlar qarshiligini pasayishiga olib keladi. Yurakka yuklamani kamayishi miokardni kislorodga bo‘lgan talabini kamayishiga olib keladi. Ikkinchidan, preparatning ta‘siri ostida, koronar arteriyalarning kengayishi hisobiga miokardga kislorodni tushishi ko‘payadi (ayniqsa vazospastik stenokardiyada).

Amlodipin moddalar almashinuviga va qon plazmasining lipidlariga noxush ta‘sir ko‘rsatmaydi, antiaterosklerotik va antitrombotik faollikka ega, kalavalar filtrasiyasining tezligini oshiradi, kuchsiz natriyuretik ta‘sirga ega. Diabetik neyropatiyada mikroalbuminuriyaning yaqqolligini oshirmaydi.

Farmakokinetikasi

Ikkita preparatning majmuasi additiv gipotenziv ta‘sir ko‘rsatadi.

So‘rilishi

Amlodipin: peroral qabul qilgandan keyin plazmada maksimal miqdoriga 6-12 soat o‘tgach erishiladi; mutloq biokiraolishligi 64-90% ni tashkil qiladi.

Atenolol: co‘rilishi tez va bosqichma-bosqich, ammo to‘liq amalga oshadi; peroral dozaning taxminan 50% me‘da-ichak yo‘llaridan so‘riladi; peroral qabul qilgandan keyin plazmada maksimal miqdoriga 2-4 soat o‘tgach erishiladi.

Taqsimlanishi:

Amlodipin: plazma oqsillari bilan 93% bog‘lanadi.

Atenolol: plazma oqsillari bilan 6-16% bog‘lanadi.

Metabolizm:

Amlodipin: Taxminan 90% jigarda faol bo‘lmagan metabolitlariga aylanadi.

Atenolol: Jigarda metabolizmga uchramaydi.

Chiqarilishi:

Amlodipin: dastlabki birikmaning 10% va 60% metabolitlari siydik bilan chiqariladi; plazmadan chiqarilishi ikki bosqichda amalga oshadi va yakuniy yarim chiqarilish davri taxminan 30-50 soatni tashkil qiladi.

Atenolol: peroral dozaning 50% o‘zgarmagan shaklda axlat bilan chiqariladi; organizm tomonidan o‘zlashtirilgan preparatning miqdori asosan buyrak orqali chiqariladi, yarim chiqarilish davri taxminan 6-7 soatni tashkil qiladi.

Qo‘llanilishi

Surunkali turg‘un stenokardiya, gipertoniya.

Birlamchi gipertoniyasi bo‘lgan bemorlar. Yondosh kasalliklar sifatida stenokardiya va gipertoniyasi bo‘lgan bemorlar. Infarktdan keyingi bemorlar. Nitratlar bilan davolash yetarli bo‘lmagan reflektor stenokardiyasi bo‘lgan bemorlarda qo‘llanadi.

Qo‘llash usuli va dozalari

Tavsiya etilgan dozasi kuniga bir tabletkani tashkil qiladi. Zarurati bo‘lganida doza kuniga ikki tabletkagacha oshirilishi yoki shikofor tavsiyasiga ko‘ra oshirilishi mumkin. Ammo, doza individual ravishda tanlanishi kerak.

Nojo‘ya ta‘sirlari

Odatda preparat bemorlar tomonidan yaxshi o‘zlashtiriladi, biroq, ayrim hollarda quyidagi nojo‘ya ta‘sirlari rivojlanishi mumkin:

• yurak-qon tomir tizimi tomonidan: yurak yetishmovchiligining simptomlarini paydo bo‘lishi, atrioventrikulyar o‘tkazuvchanlikni buzilishi, AD pasayishi yurak urishi, hansirash, yuzning terisiga qonni oqib kelishlari;
• ovqat hazm qilish yo‘llari tomonidan: og‘izni qurishi, ko‘ngil aynishi, qusish, diareya, qorin og‘riqlari, kam hollarda: “jigar” transaminazalarining faolligin oshishi va sariqlik (xolestaz bilan bog‘liq bo‘lgan), dispepsiya;
• markaziy nerv tizimi tomonidan: bosh aylanishi, uyquning buzilishi, diqqatni jamlash qobiliyatini pasayishi, uyquchanlik, depressiya, gallyusinasiyalar, bo‘shashish, charchoqlik xissi, bosh og‘rig‘i, kam hollarda: kayfiyatning o‘zgarishi, asteniya, ko‘rishni buzilishi, paresteziyalar;
• tayanch–harakat apparati tomonidan: mushaklarning tirishishlari, mialgiya;
• nafas tizimi: dispnoe, bronxospazm, apnoe;
• gematologik reaksiyalar: trombositopenik purpura, anemiya (aplastik), tromboz;
• endokrin tizimi tomonidan: ginekomastiya, potensiyani pasayishi, libidoni pasayishi;
• allergik reaksiyalar: eshakemi, dermatitlar, qichishish, fotosezuvchanlik, kam hollarda: ko‘p shaklli ekssudativ eritema;
• boshqalar: siyishni tezlashishi. periferik shishlar, milklarning giperplaziyasi, giperlipidemiya, gipoglikemiya;

Qo‘llash mumkin bo‘lmagan holatlar

Har qanday komponentlarga yuqori sezuvchanlik, sinus bradikardiyasi, yurak blokadasining ikkinchi va yuqoriroq darajalari, kardiogen shok, arterial gipotenziya, dimlangan yurak yetishmovchiligi, chap qorincha funksiyasini yetishmovchiligi, 18 yoshgacha bo‘lganlarda qo‘llash mumkin emas.

Dorilarning o‘zaro ta‘siri

Katexolamin-saqlamaydigan preparatlar bilan additiv samarasida; arterial gipotenziya va/yoki yaqqol bradikardiyani nazorat qilish kerak. Klonidin bilan birga qo‘llashda “rikoshet” gipertenziyani oldini olish uchun klonidinni bekor qilish beta-blokatorlarni bekor qilgandan bir necha kundan keyin amalga oshirilishi kerak; klonidinni beta-blokatorlarga almashtirishda beta-blokatorlarni klonidinni qo‘llash to‘xtatilganidan bir necha kundan keyin yuborish kerak. Prostaglandin-sintazani ingibisiya qiluvchi preparatlar (masalan, indometasin) bir vaqtda qo‘llash beta-adrenoblokatorlarning gipotenziv ta‘sirini kamaytirishi mumkin.

Dizopiramid: Atenolol dizopiramidning klirensini 20% ga kamaytiradi. Yurakka additiv manfiy inotrop ta‘sir paydo bo‘lishi mumkin. Ampisillin: 1 g va undan yuqori dozalari Atenolol miqdorini kamaytirishi mumkin.

Peroral antidiabetik vositalar va insulin: Beta-blokatorlar to‘qimalarni insulinga sezuvchanligini kamaytirishi va insulin sekresiyasini susaytirishi mumkin, masalan, peroral antidiabetik preparatlarni qo‘llashga javob. Atenololning bunday ta‘sirlar uchun qobiliyati kuchsizroq.

Maxsus ko‘rsatmalar

Bemorlarning monitoringi YUQS va AB ni kuzatuvini o‘z ichiga olishi kerak (davolanish boshida – har kuni, so‘ngra 3-4 oyda bir marta), qandli diabeti bo‘lgan bemorlarda qondagi glyukoza konsentrasiyasini nazorat qilish kerak (4-5 oyda 1 marta). Keksa pasientlarda buyrak funksiyasini baxolash tavsiya qilinadi (4-5 oyda 1 marta). Bemorga YUQS ni hisoblash metodikasini o‘rgatish kerak va YUQS minutiga 50 dan kam bo‘lganda shifokor bilan maslahatlashishi kerakligi xaqida maslaxat berish kerak.

Bronxospazm: Nafas yo‘llarining obstruksiyasi bo‘lgan pasientlarda majmuaviy preparatni ehtiyotkorlik bilan qo‘llash kerak.

Buyrak yetishmovchiligi: Majmuaviy preparatni buyrak yetishmovchiligi bo‘lgan bemorlarda qo‘llash mumkin. Shunga qaramasdan, o‘zgarmagan Atenololning eksresiyasini pasayishi mumkinligi sababli, agar kreatinin klirensi minutiga 30 ml dan kamni tashkil qilsa, ehtiyotkorlikka rioya qilish kerak.

Jigar yetishmovchiligi: Amlodipinning yarim chiqarilish davrini uzoqligi sababli, jigarni og‘ir darajali shikastlanishi bo‘lgan bemorlarda majmuaviy preparatni ehtiyotkorlik bilan buyurish kerak.

Preparatni bekor qilish: Yurak ishemik kasalligi yashirin bo‘lishi mumkinligi sababli, preparatni to‘satdan bekor qilish mumkin emasligi haqida pasientlarni ogohlantirish kerak. Preparatni har qanday bekor qilish asta-sekin va shifokor kuzatuvi ostida amalga oshirilishi kerak.

Homiladorlik va laktasiya

Homiladorlik: Majmuaviy preparatni faqat ona uchun kutilayotgan foyda homila uchun potensial xavfdan yuqori bo‘lgan hollardagina qo‘llash mumkin.

Emizish: Majmuaviy preparatni emizikli onalarda qo‘llash mumkin emas. Agar qo‘llash zarur hisoblansa, emizishni to‘xtatish kerak.

Davolanish vaqtida diqqatni yuqori jamlash va psixomotor reaksiyalarning tezligini talab qiluvchi potensial xavfli mashg‘ulotlar bilan shug‘ullanishda (shu jumladan transport vositalarini boshqarishda) ehtiyotkorlikka rioya qilish kerak

Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Garchi rasmiy ma‘lumotlar bo‘lmasada, dozani oshirib yuborilishi hollarida yaqqol bradikardiya, arterial gipotenziya, kamroq dimlangan yurak yetishmovchiligi paydo bo‘lishi mumkin. Organizm tomonidan o‘zlashtirilmagan preparatning miqdori me‘dani yuvish yoki faollashtirilgan ko‘mirni qabul qilish yo‘li bilan bartaraf qilinishi mumkin. Yaqqol bradikardiyada 1 ml 0,1% li atropin eritmasini yuborish tavsiya qilinadi. Simptomatik davolash tavsiya etiladi. Gemodializ samarali.

Chiqarilish shakli

10 tabletka alyumin folgali blisterda. Uch blister karton qutiga joylanadi.

Qo‘llashdan oldin yo‘riqnomani diqqat bilan o‘qib chiqing.

Saqlash sharoiti

15^oS dan 30^oS gacha bo‘lgan haroratda, yorug‘likdan himoyalangan joyda saqlansin.

Yaroqlilik muddati

3 yil.

Dorixonalardan berish tartibi

Resept bo‘yicha.