DIDSIKON inyeksiya uchun eritma 250mg/2ml N10

500 mg dozada etamzilat v/i yoki m/i yuborilgandan bir soat o'tgach, 30-50 mkg/ml ga teng bo'lgan plazmadagi eng yuqori daraja kuzatiladi. Plazma oqsillari bilan bog'lanishi taxminan 95% ni tashkil qiladi. Etamzilat platsenta to'sig'i orqali o'tadi. Ona qonida va kindik qonida preparatning o'xshash darajalari kuzatiladi. Etamzilat ko'krak sutiga o'tishi noma'lum. Etamzilat kuchsiz metabollanadi. Etamzilat asosan buyraklar orqali chiqariladi, bunda 85% – o'zgarmagan holda. Plazmadan o'rtacha yarim chiqarilish davri – 2 soat. Dozaning taxminan 70-80% dastlabki 24 soat ichida siydik bilan chiqariladi.
Buyrak va/yoki jigar funktsiyasi buzilgan bemorlarda etamzilat farmakokinetikasi o'zgarishi noma'lum.

Etamzilat sintetik qon to'xtatuvchi va angioprotektor vosita bo'lib, gemostazning boshlang'ich bosqichida (endoteliy va trombositlar o'zaro ta'siri bosqichida) ta'sir qiladi. Trombositlar adgeziyasini yaxshilash va kapillyar qarshiligini tiklash orqali u qon ketish vaqtini va qon yo'qotish hajmini kamaytiradi.
Etamzilat tomir toraytiruvchi samaraga ega emas, fibrinoliz va plazma ivish omillariga ta'sir qilmaydi.

Ovqat hazm qilish trakti tomonidan buzilishlar:
- Tez-tez: ko'ngil aynishi, qorin sohasida yoqimsiz hislar.
- Kamdan-kam hollarda: achchiq ta'm, qusish.

Teri va teri osti to'qimalari tomonidan buzilishlar
- Tez-tez: toshma.

Umumiy buzilishlar va yuborish joyidagi buzilishlar
- Tez-tez: asteniya.
- Juda kam hollarda: isitma.

Asab tizimi tomonidan buzilishlar
- Tez-tez: bosh og'rig'i.

Tomirlar tomonidan buzilishlar
- Juda kam hollarda: tromboemboliya, arterial gipotenziya.

Qon va limfa tizimi tomonidan buzilishlar
- Juda kam hollarda: agranulotsitoz, neytropeniya, trombotsitopeniya.

Skelet-mushak va biriktiruvchi to'qima tomonidan buzilishlar
- Kamdan-kam hollarda: bo'g'imlarda og'riq, belda/belning pastki qismida og'riqlar.

Immun tizimi tomonidan buzilishlar
- Juda kam hollarda: o'ta yuqori sezuvchanlik.

Endokrin tizimi tomonidan buzilishlar
- Juda kam hollarda: o'tkir porfiriya.

Ushbu reaksiyalar odatda davolash to'xtatilgandan so'ng qaytuvchan.
Teri reaksiyalari yoki harorat ko'tarilganda davolashni to'xtatish va davolovchi shifokorga xabar berish kerak, chunki bu o'ta yuqori sezuvchanlik reaksiyasi belgisi bo'lishi mumkin.
Agar nojo'ya ta'sirlarning ifodalanganligi kuchaysa yoki ushbu ilova-varaqada ko'rsatilmagan nojo'ya ta'sirlar paydo bo'lsa, bu haqda shifokorga yoki farmatsevtga xabar bering.

Parenteral yuborish vaqtida arterial bosim pasayishi xavfi tufayli qon bosimi beqaror yoki gipotenziyasi bo'lgan bemorlarda ehtiyotkorlikka rioya qilish kerak.
Preparat natriy metabisulfitini saqlaydi, u sezgir bemorlarda allergik reaksiyalar, ko'ngil aynishi va diareyani chaqirishi mumkin.
Allergik reaksiyalar yaqqol xarakterga ega bo'lishi, anafilaktik shokgacha va hayot uchun xavfli astma xurujlarini chaqirishga qodir bo'lishi mumkin. Bunday allergik reaksiyalarning tarqalganligi noma'lum, ammo, katta ehtimol bilan, u yuqori emas. Sulfitlarga yuqori sezuvchanlik bronxial astmasi bo'lgan bemorlarda ushbu kasallikdan aziyat chekmaydigan shaxslarga qaraganda tez-tez kuzatiladi. O'ta yuqori sezuvchanlik reaksiyasi rivojlanganda preparat yuborishni darhol to'xtatish kerak.

- O'tkir porfiriya.
- Bronxial astma, sulfitlarga yuqori sezuvchanlik.
- Preparatning har qanday tarkibiy qismiga yuqori sezuvchanlik.

Preparat tarkibidagi sulfit tiaminni (V1 vitamini) inaktivatsiya qiladi.
Agar dekstran infuziyasi zarur bo'lsa, MERDidsikonni undan oldin yuborish kerak.
Hozirgi vaqtgacha boshqa preparatlar bilan nomutanosiblik aniqlanmagan.

Kattalar va o'smirlar
Operatsiyadan oldin: Jarrohlik amaliyotidan bir soat oldin 1-2 ampula v/i yoki m/o.
Operatsiya vaqtida: 1-2 ampula v/i, zaruratga qarab takrorlanadi.
Operatsiyadan keyin: 1-2 ampula, qon ketish xavfi saqlanib turguncha har 4-6 soatda takrorlanadi.
Shoshilinch holatlarda va holatning og'irligiga qarab: 1-2 ampula v/i yoki m/o, qon ketish xavfi yo'qolguncha har 4-6 soatda takrorlanadi.
Mahalliy qo'llash: salfetkani bir ampula tarkibi bilan namlab, qonayotgan joyga qo'yish yoki tish olingandan keyin hosil bo'lgan bo'shliqqa joylashtirish kerak.
Zarurat bo'lsa, applikatsiyani takrorlash mumkin. Ichga yoki parenteral qabul qilish bilan kombinatsiya qilish mumkin.

Bolalar
Kattalar uchun dozaning yarmi.

Yangi tug'ilgan chaqaloqlar
Tug'ilgandan keyingi dastlabki 2 soat ichida tana vaznining har kg uchun 10 mg (0,1 ml = 12,5 mg) mushak orasiga in'ektsiya ko'rinishida, so'ngra 4 kun davomida har 6 soatda.

Jigar yoki buyrak yetishmovchiligi bo'lgan bemorlar
Jigar yoki buyrak yetishmovchiligi bo'lgan bemorlarda klinik sinovlar o'tkazilmagan. Shuning uchun bunday bemorlarga MERDidsikon in'ektsiya eritmasini tayinlashda ehtiyot bo'lish kerak.

In'ektsiya uchun eritma natriy gidrokarbonat yoki laktat saqlagan eritmalar bilan nomutanosibdir.
MERDidsikon eritmasini bitta shpritsda boshqa dorilar bilan aralashtirish mumkin emas.
Agar preparat fiziologik eritma bilan aralashtirilsa, uni darhol ishlatish kerak.