DOLAREN gel 20g

1 g gelь saqlaydi:
Faol moddalar:10 mg diklofenak natriyga ekvivalent bo'lgan diklofenak dietilamin, 50 mg mentol, 100 mg metilsalitsilat, 30 mg zig'ir moyi;
Yordamchi moddalar: benzil spirti, propilenglikolь, karbomer, dietanolomin, bronopol, natriy metabisulьfiti, polisorbat 80, sandal daraxtini moyi, izopropil spirti, tozalangan suv.

Gelning ta'siri teriga surtilgandan so'ng birnecha minutdan keyinoq boshlanadi. 20-30 minutdan keyin gelning ta'siri maksimumiga yetadi. Asosiy klinik simptomlarni yo'qolishi odatda davolash boshlangandan keyingi birinchi kunlari qayd etiladi.

Mahalliy qo'llanganida og'riqni qoldiruvchi, yallig'lanishga qarshi va shishga qarshi ta'sir ko'rsatadi. Og'riqni va bo'g'imlarning yallig'lanishini bartaraf qiladi, ertalabki tanglik va bo'g'imlarning shishini kamaytiradi, harakat hajmini oshishiga yordam beradi. Gelning ta'siri uning tarkibiga kiruvchi komponentlariga bog'liq. Diklofenak siklooksigenazani sekinlashtiradi, isitma, yallig'lanish va og'riqning genezida muhim rol o'ynaydigan endogen moddalar – prostaglandinlarning sintezini susaytiradi. Diklofenak og'riqni oladi, yallig'lanishni bartaraf qiladi.
Mentol sovuq sezuvchi retseptorlarning ta'sirlanishini chaqiradi. Bu u surtilgan joyda kapillyarlarning torayishi va o'tkazuvchanligini kamayishi, salqinlik sezish bilan kechadi. Mahalliy qitiqlovchi va o'rtacha namoyon bo'ladigan og'riqni qoldiruvchi ta'sir ko'rsatadi. Metilsalitsilat salitsil kislotasining hosilasi bo'lib, mahalliy ta'sirlovchi samaraga ega. Terining retseptorlarini ta'sirlanishini chaqirib, metilsalitsilat og'riq hislarini kamayishiga olib keladi. Bundan tashqari, metilsalitsilat prostaglandinlarning sintezini tormozlaydi, bu yallig'langan to'qimalarning shishi va infilьtratsiyasini kamaytiradi. Zig'ir urug'idan olingan moy yallig'lanishga qarshi samaraga, antioksidant xususiyatlarga ega, surtilgan joyda qon aylanishini yaxshilaydi.

Preparat yaxshi o'zlashtiriladi. Mahalliy qo'llanganida preparatning juda oz miqori (taxminan 5%) so'riladi va qon aylanish tizimiga tushadi, bu nosteroid yallig'lanishga qarshi vositalar uchun xarakterli bo'lgan nojo'ya samaralarning rivojlanishi ehtimolini pasayishiga yordam beradi. Kamdan-kam hollarda qo'llangan joyda toshma, shish va qavariqlar, papulalar, tangachalar, qizzarishlar hosil bo'lishi, shuningdek terini qurishi, achishish yoki chimchilanish hissi, terining qichishishi kabi terining ta'sirlanishi bo'lishi mumkin. Agarda diklofenak tananing katta yuzasiga va o'zoq muddat davomida surtilsa, diklofenak saqlovchi tabletkalar, shamchalar yoki ampulalar qabul qilinganidagi kabi tizimli nojo'ya ta'sirlarini inkor etib bo'lmaydi. Yakka hollarda yoyilgan toshmani paydo bo'lishi, yuzni shishi (angionevrotik shish) va bo'g'ilish, shuningdek fotosensibilizatsiya ko'rinishidagi yuqori sezuvchanlik reaktsiyalari rivojlanishi mumkin. Qanday bo'lmasin nojo'ya ta'sirlari paydo bo'lganida qo'shimcha tekshirish va davolashni to'g'rilashni o'tkazish kerak.
Qanday bo'lmasin odatdagi bo'lmagan reaktsiyalar paydo bo'lgan hollarda preparatni qo'llashni darhol to'xtatish va shifokor bilan maslahatlashish kerak!

Davolashni boshlashdan oldin shifokor bilan maslahatlashing!
Atsetilsalitsil kislotasi, boshqa salitsilatlar va boshqa yallig'lanishga qarshi vositalar mahalliy qo'llanganida ilgari yuqori sezuvchanlik reaktsiyalari (astmatik xurujlar, teri reaktsiyalari yoki vazomotor rinitlar) kuzatilgan patsiyentlarda, preparat barcha kutiladigan xavf omillari va foydani sinchiklab baholab, ehtiyotkorlik bilan qo'llanadi.
Dolaren gelь anamnezida me'da va o'nikki barmoq ichakning peptik yarasi bo'lganida, jigar/buyrak faoliyatini buzilishida, qon hosil bo'lishini buzilishida, burun bo'shlig'ining shilliq qavatini polipozida ehtiyotkorlik bilan qo'llanadi.
Preparatning qoldiqlarini ko'zga va shilliq qavatlarga tushishiga yo'l qo'ymaslik uchun gelni surtgandan so'ng qo'llarni yuvish lozim.
Homiladorlik va emizish davrlari
Homiladorlik va emizish davrlarida gelni tananing katta sohalariga surtish va uzoq vaqt davomida ishlatish mumkin emas, chunki hozirgi vaqtda preparatni homilaga zararli ta'siri to'g'risida ma'lumotlar yo'q.
Preparatni homiladorlik va emizish davrlarida buyurish masalasini faqat shifokor hal qiladi!
Preparat bolalar olaolmaydigan joyda saqlansin va yaroqlilik muddati o'tganidan so'ng ishlatilmasin.

Mahalliy davolash uchun quyidagilarda qo'llanadi:
tayanch-harakat apparatining og'riq va shish bilan kechuvchi, revmatoid artriti kabi yallig'danish va degenerativ xarakterdagi kasalliklari,
ankilozlovchi spondiloartrit (Bexterev kasalligi),
yumshoq to'qimalarning revmatik kasalliklari (tendovaginit, bursit, miozit),.
o'tkir podagrik, infektsion, psoriatik va posttravmatik artritlar,
bo'g'imlarning degenerativ kasalliklari (katta va kichik bo'g'imlarning osteoartrozlari),
umurtqa pog'onasining osteoxondrozi,
mialgiyalar, nevralgiyalar, ishias,
jarohatlar (lat yeyishlar, boylamlar, mushak va paylarni cho'zilishlari),
og'ir jismoniy yuklamalar chaqirgan mushak va bo'g'imlardagi og'riq.

Диклофенакка ёки препаратнинг бошқа компонентларига юқори сезувчанлик (аллергия), эпидермиснинг шикастланиши, қўллаш соҳасидаги очиқ жароҳатлар; ацетилсалицил кислотасини қабул қилиш фонидаги астматик статус; қон яратилишининг аниқланмаган этиологияли бузилишлари; меъда ва 12 бармоқ ичакнинг зўрайиш босқичидаги яраси; ҳомиладорликнинг охирги уч ойлиги; 12 ёшгача бўлган болалар (бу ёшда препаратни сиртга қўллаш бўйича етарли тажриба йўқ).

Dolaren gelini boshqa dori vositalari bilan bir vaqtda qo'llash mumkin, chunki bu preparatning komponentlarini ular bilan, shu jumladan diklofenak natriyni peroral qabul qilish bilan tizimli o'zaro ta'siri aniqlanmagan.
Biroq Dolaren geli katta dozalarda uzoq muddat qo'llanganida, diklofenak antikoagulyantlar, glyukokortikosteroidlarning, litiy preparatlarining samarasini kuchaytirishi, shuningdek furosemid va tiazid diuretiklarning ta'sirini susaytirishi mumkin. Preparat qon plazmasida digoksinning kontsentratsiyasini oshirishi, boshqa nosteroid yallig'lanishga qarshi vositalarning o'zlashtirilishini pasaytirishi, me'da-ichak yo'llarining shilliq qavatiga ularning ulьtserogen ta'sirini kuchaytirishi mumkin.
Nosteroid yallig'lanishga qarshi vositalarni saqlovchi bir necha preparatlar bir vaqtda mahalliy qo'llanganida eshakemi, qizarish, po'st tashlash ko'rinishidagi lokal ta'sirlanish rivojlanishi mumkin.

Og'riqli sohaning maydoniga qarab, 2-4 g gelь (4-8 sm li tizimcha) teriga yupqa qilib sutkada 2-3 marta surtiladi va yengil ishqalanadi. O'rtacha sutkalik doza 10 g gelni tashkil qiladi, bu 100 mg diklofenak natriyga to'g'ri keladi. Preparatni shikastlanmagan teriga surtish, ko'z va shilliq qavatlarga tushishiga yo'l qo'ymaslik kerak. Gelni ochiq jarohatlarga surtish mumkin emas. Davolash kursining davomiyligi shifokor maslahatisiz 10 kundan oshmasligi kerak.