DRIPTAN 0,005 tabletkalari N30

Ichga qabul qilinganda oksibutinin me'da-ichak yo'lida tez so'riladi - plazmadagi maksimal konsentratsiya (Smax) 1 soatdan kamroq vaqt ichida erishiladi, keyin esa 2-3 soatlik yarim chiqarilish davri bilan ikki fazali pasayadi. Maksimal samara 3-4 soat davomida kuzatiladi, qoldiq ta'siri 10 soatdan ko'proq saqlanib qolishi mumkin.

Muvozanat konsentratsiyasi preparat peroral qabul qilinganidan keyin 8 kun o'tgach erishiladi. Faol hayot tarzini olib boruvchi keksa bemorlarda oksibutinin, aftidan, to'planmaydi va uning farmakokinetikasi boshqa katta yoshli bemorlardagidan farq qilmaydi. Biroq, holsizlangan keksa yoshdagi bemorlarda Smax va AUC ("konsentratsiya-vaqt" egri chizig'i ostidagi maydon) qiymatlari sezilarli darajada oshadi. Oksibutinin jigarda, birinchi navbatda, asosan jigar va ichak devorlarida joylashgan sitoxrom P450 tizimi fermentlari, xususan CYP3A4 yordamida jadal metabolizmga uchraydi; metabolitlar ham m-xolinoblokator ta'sirga ega. Asosiy chiqarilish yo'li buyraklar orqalidir. Sichqonlar siydigida 24 soatdan keyin o'zgarmagan preparatning faqat 0,3-0,4 foizi va itlar siydigida 48 soatdan keyin 1 foizi aniqlanadi. Demak, sichqonlar va itlarda oksibutinin deyarli to'liq metabolizmga uchraydi.

Juda tez-tez (>1/10), Tez-tez (>1/100 dan <1/10 gacha), Tez-tez emas (>1/1000 dan <1/100 gacha), Kam hollarda (>1/10000 dan <1/1000 gacha), Tez-tezligi noma'lum (mavjud ma'lumotlar asosida tez-tezlikni baholab bo‘lmaydi).

Infektsion va parazitar kasalliklar

Tez-tezligi noma'lum - siydik chiqarish yo‘llari infektsiyasi

Me'da-ichak yo‘llari tomonidan buzilishlar

Juda tez-tez - ko‘ngil aynishi, qabziyat, og‘iz qurishi

Tez-tez - diareya, qusish

Tez-tez emas - qorinda noqulaylik, anoreksiya, ishtahaning pasayishi, disfagiya

Tez-tezligi noma'lum - gastroezofageal reflyuks

Ruhiyat buzilishlari

Tez-tez - ongning chalkashishi

Tez-tezligi noma'lum - qo‘zg‘alish, bezovtalik, gallyutsinatsiyalar, "dahshatli" tushlar, paranoyya, keksa bemorlarda kognitiv buzilishlar, dezorientatsiya, deliriy

Nerv tizimi tomonidan buzilishlar

Juda tez-tez - bosh aylanishi, bosh og‘rig‘i, uyquchanlik

Tez-tezligi noma'lum - kognitiv buzilishlar, talvasalar

Yurak tomonidan buzilishlar

Tez-tezligi noma'lum - taxikardiya, aritmiya

Jarohatlar, intoksikatsiyalar va manipulyatsiya asoratlari

Tez-tezligi noma'lum - issiq urishi

Ko‘rish a'zosi tomonidan buzilishlar

Tez-tez - ko‘z quruqligi

Tez-tezligi noma'lum - yopiq burchakli glaukoma, midriaz, ko‘z ichi bosimining oshishi, ko‘rishning xiralashishi

Buyrak va siydik chiqarish yo‘llari tomonidan buzilishlar

Tez-tez - siydik tutilishi

Tez-tezligi noma'lum - siydik chiqarishning buzilishi

Tomirlar tomonidan buzilishlar

Tez-tez - qon "quyilishlari"*

Teri va teri osti to‘qimalari tomonidan buzilishlar

Juda tez-tez - terining quruqligi

Tez-tezligi noma'lum - angionevrotik shish, toshma, eshakemi, gipogidroz, fotosensibilizatsiya

Immun tizimi tomonidan buzilishlar

Tez-tezligi noma'lum - o‘ta yuqori sezuvchanlik

* kattalarga qaraganda bolalarda kuchliroq ifodalangan

Preparatning transport vositalarini va mexanizmlarni boshqarish qobiliyatiga ta'siri:

Preparat uyquchanlik yoki ko'rish noaniqligini chaqirishi mumkin. Bemorlar, ularning jismoniy va aqliy qobiliyatlari o'zgarmagan holatlardan tashqari, avtomobil yoki boshqa mexanizmlarni boshqarishdan saqlanishlari kerak.

- Faol moddaga yoki har qanday yordamchi moddaga yuqori sezuvchanlik;

- miasteniya;

- yopiq burchakli glaukoma yoki ko'zning mayda old kamerasi;

- issiqlik urishi rivojlanish xavfi tufayli gipertermiyasi bo'lgan bemorlar yoki yuqori haroratli muhit sharoitida;

- samaradorlik va xavfsizlik bo'yicha ma'lumotlar yetarli emasligi sababli 5 yoshgacha bo'lgan bolalar;

- qizilo'ngach funksiyasining buzilishi, shu jumladan diafragma qizilo'ngach teshigi churrasi;

- me'da-ichak traktining (MIY) funksional yoki organik obstruksiyasi, shu jumladan pilorostenoz, paralitik ichak tutilishi, ichak atoniyasi;

- ileostoma, kolostoma mavjudligi, yo'g'on ichakning toksik kengayishi (megakolon), og'ir yarali kolit;

- siydik tutilishi, shu jumladan prostata bezi gipertrofiyasi sababli yuzaga kelishi mumkin bo'lgan qovuqosti obstruksiyasi;

- emizish davri.

Preparat laktoza saqlashi sababli, Driptan® tug'ma galaktozemiya, glyukoza-galaktoza malabsorbsiyasi, laktaza yetishmovchiligi, galaktozaga toqat qilolmaslikda mumkin emas.

Ehtiyotkorlik bilan:

- Keksa yoshdagi shaxslar, chunki ular preparat ta'siriga sezgirroq bo'lishi mumkin (dozani pasaytirish talab qilinishi mumkin, "Qo'llash usuli va dozalari" bo'limiga qarang);

- vegetativ nerv tizimi patologiyasi;

- "Qo'llash mumkin bo'lmagan holatlar" bo'limida ko'rsatilmagan boshqa og'ir MIY kasalliklari;

- jigar yoki buyrak yetishmovchiligi;

- serebrovaskulyar buzilishlar;

- 5 yoshdan katta bolalar, chunki ular preparat ta'siriga, ayniqsa nerv tizimi va ruhiy buzilishlar tomonidan nojo'ya ta'sirlar rivojlanishiga sezgirroq bo'lishi mumkin;

- homiladorlik ("Homiladorlik va emizish davrida qo'llanilishi" bo'limiga qarang).

Keksa yoshdagi bemorlar kognitiv buzilishlar xavfi tufayli antixolinergik vositalarni ehtiyotkorlik bilan qabul qilishlari kerak. Oksibutinin tayinlangandan so'ng gipertireoz, koronar tomirlar kasalliklari, surunkali yurak yetishmovchiligi, arterial gipertenziya, prostata bezi giperplaziyasi, shuningdek yurak ritmining buzilishi, taxikardiya belgilari kuchayishi mumkin.

Nerv tizimi tomonidan antixolinergik ta'sirlar qayd etilgan (masalan, gallyutsinatsiyalar, qo'zg'alish, ongning chalkashishi, uyquchanlik). Holatni nazorat qilish tavsiya etiladi, ayniqsa terapiya boshlangandan yoki doza oshirilgandan keyingi dastlabki bir necha oy davomida. Nerv tizimi tomonidan ta'sirlar rivojlangan taqdirda terapiyani to'xtatish yoki dozani kamaytirish masalasini ko'rib chiqish kerak ("Boshqa dori preparatlari bilan o'zaro ta'siri" bo'limiga qarang).

Oksibutinin yopiq burchakli glaukoma rivojlanishiga sabab bo'lishi mumkinligi sababli, ko'rish o'tkirligi to'satdan yo'qolganda yoki ko'zda og'riq paydo bo'lganda darhol shifokorga murojaat qilish kerak.

Porfiriyasi bo'lgan bemorlarga oksibutininni ehtiyotkorlik bilan qabul qilish kerak, chunki hayvonlarda va in vitro sinovlarida preparat porfirinogenlar sintezi oshishini keltirib chiqargan.

Oksibutininni uzoq muddat tayinlash so'lak ishlab chiqarishning kamayishi yoki bostirilishi hisobiga karies rivojlanishiga yordam berishi mumkin. Preparatni uzoq muddat qabul qilishda muntazam stomatolog ko'rigidan o'tish zarur.

Ezofagitni keltirib chiqarishi yoki kuchaytirishi mumkin bo'lgan dori preparatlari (masalan, bisfosfonatlar) bilan bir vaqtda antixolinergik dori preparatlarini ehtiyotkorlik bilan qabul qilish kerak.

Homiladorlik va laktatsiya:

Homiladorlik

Homiladorlik vaqtida oksibutininni qo'llash xavfsizligi aniqlanmagan. Hayvonlarda o'tkazilgan tadqiqot preparatni ona organizmiga toksik ta'sir ko'rsatadigan dozalarda qo'llash reproduktiv toksiklikni keltirib chiqarishini ko'rsatdi. Hayvonlarda mavjud tadqiqotlar preparatning homiladorlikka, embrional rivojlanishga, tug'ruqqa yoki tug'ruqdan keyingi rivojlanishga ta'sirini baholash uchun yetarli emas.

Preparatni homiladorlarda qo'llash tavsiya etilmaydi, ona uchun uni qo'llashdan kutilayotgan foyda homila uchun potensial xavfdan yuqori bo'lgan hollar bundan mustasno.

Emizish davri

Hayvonlarda o'tkazilgan tadqiqotlarda oksibutinin ko'krak sutida aniqlanishi aniqlangan. Shunga ko'ra, preparat emizish davrida qo'llanilmasligi kerak.

Driptan® preparatini boshqa antixolinergik preparatlar bilan qo'llashda antixolinergik ta'sirning kuchayishi ehtimoli tufayli ehtiyotkorlikka rioya qilish kerak.

Antixolinergik preparatlar va fenotiazinlar, amantadin, neyroleptiklar (masalan, fenotiazinlar, butirofenonlar, klozapin), boshqa antixolinergik antiparkinsonik dori preparatlari (masalan, biperidin, levodopa), antigistamin preparatlar, xinidin, angishvonagul preparatlari, tritsiklik antidepressantlar, atropin, atropinsimon spazmolitiklar va dipiridamol o'rtasida kamdan-kam o'zaro ta'sir holatlari to'g'risida xabarlar mavjud. Driptan® preparatini ushbu preparatlar bilan bir vaqtda qo'llashda ehtiyotkorlikka rioya qilish kerak.

Preparat OIT motorikasini pasaytirib, boshqa dori vositalarining so'rilishiga ta'sir qilishi mumkin.

Oksibutinin sitoxrom P450 CYP3A4 izofermenti tomonidan metabolizmga uchraydi. CYP3A4 ingibitorlari bilan bir vaqtda qabul qilish oksibutinin metabolizmini ingibirlashi va uning ta'sirini kuchaytirishi mumkin. Oksibutinin prokinetik terapiya samarasini kamaytirishi mumkin.

Oksibutininni xolinesteraza ingibitorlari bilan bir vaqtda qabul qilish oxirgilarining samaradorligi pasayishiga olib kelishi mumkin.

Alkogol oksibutinin kabi antixolinergik preparatlarni qabul qilishdan kelib chiqqan uyquchanlikni kuchaytirishi mumkin.