EKSIDOL infuziya uchun eritma 200ml

Faol modda: 

meglyumin natriy suksinati – 15,00 mg; 

quyidagilardan olingan: 

  Meglyumin – 8,725 mg; 

  Qahrabo kislotasi – 5,280 mg; 

  Natriy gidroksidi – 1,788 mg. Yordamchi moddalar: 

Natriy xloridi – 6,00 mg; 

Kaliy xloridi – 0,30 mg;

Magniy xloridi (suvsiz xisobida) – 0,12 mg; 

In’eksiya uchun suv – 1,0 ml gacha.

Preparat Krebs sikli fermentativ jarayonlarini faollashtiradi va hamda yog‘ kislotalari va glyukozaning hujayralar tomonidan utilizatsiya qilinishiga ko‘maklashadi, kislota-ishqor muvozanatini va qonning gaz tarkibini me’yorlashtiradi. O‘rtacha diuretik ta’sirga ega.

• juda tez-tez (1/10); 

• tez-tez (1/100 dan <1/10 gacha); 

• kamdan-kam hollarda (1/1000 dan <1/100 gacha); 

• kam hollarda (1/10000 dan <1/1000 gacha); 

• juda kam hollarda (<1/10000);

chastotasi noma’lum (mavjud ma’lumotlar asosida chastotani aniqlash mumkin emas).

Immunitet tizimi tomonidan: juda kam hollarda – allergik reaksiyalar, angionevrotik shish, anafilaktik shok.

Teri va teri osti to‘qimalari tomonidan: juda kam – allergik toshmalar, eshakemi, qichishish.

Nafas olish tizimi tomonidan: juda kamdan-kam hollarda – nafas qisilishi, quruq yo‘tal.

Yurak-qon tomir tizimi tomonidan: juda kamdan-kam hollarda – taxikardiya, yurak urishi, hansirash, yurak sohasidagi og‘riq, ko‘krak qafasida og‘riq, arterial gipotenziya/ gipertenziya, yonish hissi va tananing yuqori qismi qizarishi ko‘rinishidagi qisqa muddatli reaksiyalar.

Ovqat hazm qilish tizimi tomonidan: juda kamdan-kam hollarda – ko‘ngil aynishi, qusish, og‘izda «metall» ta’mi hissi, qorin og‘rig‘i, diareya.

Asab tizimi tomonidan: juda kamdan-kam hollarda – bosh aylanishi, bosh og‘rig‘i, tirishish, titroq, paresteziya, qo‘zg‘alish, bezovtalik.

In’eksiya joyidagi umumiy o‘zgarishlar va buzilishlar: juda kamdan-kam hollarda – gipertermiya, titroq, terlash, holsizlik, in’eksiya joyidagi og‘riq, shish, giperemiya, flebit.

Nojo‘ya ta’sirlarning paydo bo‘lishiga yo‘l qo‘ymaslik uchun dozalash rejimiga va preparatni qabul qilish tezligiga rioya qilish tavsiya etiladi.

Agar salbiy reaksiyalar yuzaga kelsa, preparatni qabul qilish tezligini kamaytirish tavsiya etiladi.

Agar ko‘rsatmalarda ko‘rsatilgan nojo‘ya ta’sirlardan birortasi jadallashsa yoki ko‘rsatmalarda ko‘rsatilmagan boshqa nojo‘ya ta’sirlar kuzatilsa, bemor bu haqda shifokorga xabar berishi kerak.

Quruq, yorug‘likdan himoyalangan joyda, 25 °C dan yuqori bo‘lmagan haroratda saqlansin. Muzlatishga ruxsat etiladi.

Preparat bolalar ololmaydigan joyda saqlansin.

Yaroqlilik muddati

2 yil.

O‘ramida ko‘rsatilgan yaroqlilik muddati tugagandan so‘ng, preparat qo‘llanilmasin.

Faqat shikastlanmagan flakonlardagi tiniq eritmalari ishlatilsin.

1 yoshdan katta bolalarda: vena ichiga 6-10 ml /kg/sutka miqdorida 3-4 ml/daqiqa tezlikda yuboriladi. Davolash kursi 11 kun.

Keksa bemorlarda tadqiqotlar o‘tkazilmagan:  Shu munosabat bilan preparatni qo‘llashda o‘rtacha tezlikda yuborish kerak: 20-40 tomchi/daqiqa (1-2 ml/daqiqa.).

Buyrak yetishmovchiligi bo‘lgan bemorlarda tadqiqotlar o‘tkazilmagan: Shu munosabat bilan bunday bemorlarda preparatni qo‘llashda ehtiyotkorlik tavsiya etiladi.

Agar dekompensatsiyalangan alkaloz aniqlansa: qonning kislota-ishqor holati normallashguncha preparatni qo‘llash to‘xtatilishi kerak.

Qandli diabeti bo‘lgan yoki glyukozaga chidamliligi pasaygan bemorlarda qonda glyukoza konsentratsiyasini muntazam tekshirib turish kerak.

Eritma rangi o‘zgarganda yoki cho‘kma hosil bo‘lgan holatlarda preparatni qo‘llash mumkin emas.

Homiladorlik va laktatsiya davridagi qo‘llanilishi:

Homiladorlik va emizish davrida ushbu guruhdagilarda klinik tadqiqodlar mavjud emasligi tufayli preparatni qo‘llash tavsiya etilmaydi.

Buyrak faoliyatlari buzilishida qo‘llanilishi:

Buyrak faoliyatlarini yaqqol buzilishlarida preparatni qo‘llash tavsiya etilmaydi.

Bolalarda qo‘llanilishi: 

Bir yoshdan oshgan bolalarda Eksidol vena ichiga sutkada bir marta daqiqasiga 3-4 ml tezlikda 6-10 ml/kg tana vazni xisob-kitobidan tomchilatib yuboriladi.

Avtotransportni boshqarish va boshqa mexanizmlar bilan ishlash qobiliyatiga tasiri:

Eksidol preparati bilan davolash kursini o‘tkazish vaqtida avtotransportni boshqarish va boshqa mexanizmlar bilan ishlash tavsiya etilmaydi.