ENALAPRIL 0,02 tabletkalari N20

So'rilishi

Ichga qabul qilingandan so'ng enalapril me'da-ichak traktida tez so'riladi. Ichga qabul qilinganda enalaprilning so'rilish darajasi taxminan 60% ni tashkil qiladi.

Bir vaqtda ovqat qabul qilish enalapril so'rilishiga ta'sir qilmaydi. Qon zardobidagi maksimal kontsentratsiyaga ichga qabul qilingandan so'ng 1 soat ichida erishiladi.

So'rilgandan so'ng enalapril tezda gidrolizlanib, faol metabolit enalaprilat - kuchli AAF ingibitorini hosil qiladi. Ichga qabul qilinganda biologik kira olishligi enaprilat ko'rinishida taxminan 40%.

Taqsimlanishi

Terapevtik dozalar diapazonida enalaprilatning qon plazmasi oqsillari bilan bog'lanishi 60% dan oshmaydi. Enalapril gematoensefalik to'siqdan tashqari gistogematik to'siqlar orqali oson o'tadi, oz miqdori yo'ldosh orqali va ko'krak sutiga o'tadi. Qon zardobidagi enalaprilatning maksimal kontsentratsiyasi 3-4 soatdan keyin, enalaprilniki - 1 soatdan keyin kuzatiladi. Qon zardobidagi barqaror kontsentratsiyalar - 4 kundan keyin.

Metabolizmi

Jigar fermentlari ta'sirida enalaprilatgacha gidrolizlanishdan tashqari, enalapril metabolizmining boshqa muhim yo'llari haqida ma'lumotlar yo'q. So'rilgan enalaprilning taxminan 60% gidrolizlanadi. Jigar funktsiyasi buzilgan bemorlarda gidroliz tezligi terapevtik samarani kamaytirmasdan pasayishi mumkin.

Enalaprilning so'rilish va gidrolizlanish darajasi tavsiya etilgan terapevtik diapazondagi turli dozalar uchun bir xil.

Chiqarilishi

Enalaprilatning chiqarilishi asosan buyraklar orqali amalga oshiriladi. Siydikda aniqlanadigan asosiy metabolitlar enalaprilat (dozaning taxminan 40% ini tashkil qiladi) va o'zgarmagan enalapril (taxminan 20%) hisoblanadi. Enalaprilning boshqa metabolitlari haqida ma'lumotlar yo'q.

Qon plazmasidagi enalaprilat kontsentratsiyasi egri chizig'i uzoq muddatli yakuniy fazaga ega, bu ehtimol uning AAF bilan bog'lanishi bilan izohlanadi.

Enalapril ichga kursli qo'llanilganda enalaprilatning yarim chiqarilish davri (Т1/2) 11 soatni tashkil qiladi. Gemodializda (tezlik 62 ml/daq) va peritoneal dializda chiqariladi.

Bemorlarning alohida guruhlari

Buyrak funktsiyasi buzilgan bemorlar

Buyrak yetishmovchiligi bo'lgan bemorlarda enalapril va enalaprilat ekspozitsiyasi ortadi.

Yengil va o'rtacha darajadagi buyrak yetishmovchiligi (kreatinin klirensi (KK) 40-60 ml/daq) bo'lgan bemorlarda enalapril ichga sutkada 1 marta 5 mg dozada qabul qilingandan so'ng muvozanat holatidagi «kontsentratsiya-vaqt» egri chizig'i ostidagi maydon (AUC) qiymati buyrak funktsiyasi o'zgarmagan bemorlarga qaraganda taxminan 2 baravar yuqori bo'lgan. Og'ir darajadagi buyrak yetishmovchiligi (KK 30 ml/daq dan kam) bo'lgan bemorlarda AUC qiymati taxminan 8 baravar oshgan. Og'ir darajadagi buyrak yetishmovchiligi bo'lgan bemorlarda enalapril ko'p marta qo'llanilgandan so'ng enalaprilatning samarali Т1/2 i uzaygan va enalaprilat kontsentratsiyasining muvozanat holati yuzaga kelishi kechikkan.

Enalaprilat umumiy qon oqimidan gemodializ yo'li bilan chiqarilishi mumkin.

Noxush hodisalarning rivojlanish tezligi Jahon sog'liqni saqlash tashkiloti tavsiyalariga muvofiq tasniflangan: juda tez-tez (> 1/10), tez-tez (> 1/100 va 1/1000 va 1/10000 va
Qon va limfa tizimi tomonidan buzilishlar: tez-tez emas - anemiya (shu jumladan aplastik va gemolitik); kam hollarda - neytropeniya, gemoglobin va gematokritning pasayishi, trombotsitopeniya, agranulotsitoz, suyak ko'migi qon yaratishining susayishi, pantsitopeniya, limfadenopatiya, autoimmun kasalliklar.

Endokrin tizim tomonidan buzilishlar: uchrash tezligi noma'lum - antidiuretik gormonning noadekvat sekretsiyasi sindromi.

Moddalar almashinuvi va oziqlanish tomonidan buzilishlar: tez-tez emas - gipoglikemiya («Maxsus ko'rsatmalar» bo'limiga qarang).

Asab tizimi va ruhiy buzilishlar: juda tez-tez - bosh aylanishi; tez-tez - bosh og'rig'i, depressiya; tez-tez emas - ongning chalkashishi, uyqusizlik, yuqori qo'zg'aluvchanlik, paresteziya, vertigo; kam hollarda - g'ayrioddiy tushlar, uyqu buzilishi.

Ko'rish a'zosi tomonidan buzilishlar: kam hollarda - ko'rish idrokining xiralashishi. Eshitish a'zosi va labirint buzilishlari: tez-tez emas - quloqlarda shovqin. Yurak va tomirlar tomonidan buzilishlar: tez-tez - qon bosimining yaqqol pasayishi, hushdan ketish, ko'krak qafasida og'riq, ritm buzilishi, stenokardiya, taxikardiya; tez-tez emas - yurak urishini his qilish, ortostatik gipotenziya, miokard infarkti yoki miya qon aylanishining buzilishi, ehtimol, yuqori xavf guruhiga kiruvchi bemorlarda yaqqol arterial gipotenziyaga nisbatan ikkilamchi («Maxsus ko'rsatmalar» bo'limiga qarang); kam hollarda - Reyno sindromi.

Nafas olish tizimi, ko'krak qafasi a'zolari va ko'ks oralig'i tomonidan buzilishlar: juda tez-tez - yo'tal; tez-tez - hansirash; tez-tez emas - rinoreya, tomoqda og'riq, ovoz bo'g'ilishi, bronxospazm/bronxial astma; kam hollarda - o'pka infiltratlari, rinit, allergik alveolit/eozinofil pnevmoniya.

Ovqat hazm qilish tizimi tomonidan buzilishlar: juda tez-tez - ko'ngil aynishi; tez-tez - diareya, qorin sohasida og'riq, ta'mning buzilishi; tez-tez emas - ichak tutilishi, pankreatit, qusish, dispepsiya, qabziyat, anoreksiya, og'iz bo'shlig'i shilliq qavatining qurishi, peptik yara; kam hollarda - stomatit/aftoz yaralar, glossit; juda kam hollarda - intestinal shish.

Jigar va o't yo'llari tomonidan buzilishlar: kam hollarda - jigar yetishmovchiligi, jigar nekrozi (o'lim bilan yakunlanishi mumkin), gepatit (gepatotsellyulyar yoki xolestatik), sariqlik, xoletsistit (ayniqsa anamnezida o't-tosh kasalligi bo'lgan bemorlarda).

Teri va teri osti to'qimalari tomonidan buzilishlar: tez-tez - teri toshmasi, o'ta yuqori sezuvchanlik reaksiyalari/angionevrotik shish: yuz, oyoq-qo'llar, lablar, til, ovoz boylamlari va/yoki halqumning angionevrotik shishi («Maxsus ko'rsatmalar» bo'limiga qarang); tez-tez emas - ko'p terlash, teri qichishishi, eshakemi, alopetsiya; kam hollarda - ko'p shaklli ekssudativ eritema, Stivens-Djonson sindromi, eksfoliativ dermatit, toksik epidermal nekroliz, pufakchali yara, eritrodermiya.

Quyidagi simptomlarning barchasini yoki ba'zilarini o'z ichiga olishi mumkin bo'lgan simptomokompleks rivojlanishi haqida xabar berilgan: isitma, serozit, vaskulit, mialgiya/miozit, artralgiya/artrit, antinuklear antitanachalarga musbat test, eritrotsitlar cho'kish tezligining (EChT) oshishi, eozinofiliya va leykotsitoz. Shuningdek, teri toshmasi, fotosensibilizatsiya va boshqa teri reaksiyalari paydo bo'lishi mumkin.

Buyraklar va siydik yo'llari tomonidan buzilishlar: tez-tez emas - buyrak funktsiyasining buzilishi, o'tkir buyrak yetishmovchiligi, proteinuriya; kam hollarda - oliguriya.

Jinsiy a'zolar va sut bezi tomonidan buzilishlar: tez-tez emas - erektil disfunktsiya; kam hollarda - ginekomastiya.

Umumiy buzilishlar va yuborish joyidagi buzilishlar: juda tez-tez - asteniya; tez-tez - yuqori toliqish; tez-tez emas - isitma, holsizlik, noqulaylik hissi, yuzga qon "oqib kelishi", mushak tirishishlari.

Laboratoriya va instrumental ma'lumotlar: tez-tez - giperglikemiya, qon zardobida kreatinin kontsentratsiyasining oshishi; tez-tez emas - giponatriemiya, giperurikemiya; kam hollarda - «jigar» transaminazalari faolligining oshishi, qon zardobida bilirubin kontsentratsiyasining oshishi.

APF ingibitorlari, shu jumladan enalapril qo'llanilganda, tomir ichiga oltin preparati (natriy aurotiomalat) olayotgan bemorlarda yuz terisi giperemiyasi, ko'ngil aynishi, qusish, arterial gipotenziyani o'z ichiga olgan simptomokompleks tasvirlangan. Enalaprilning postmarketing qo'llanilishi davrida kuzatilgan noxush hodisalar (sabab-oqibat bog'liqligi aniqlanmagan): siydik yo'llari infektsiyalari, yuqori nafas yo'llari infektsiyalari, bronxit, yurak to'xtashi, bo'lmachalar fibrillatsiyasi, o'rab oluvchi gerpes, melena, ataksiya, o'pka arteriyasi tarmoqlari tromboemboliyasi va o'pka infarkti, gemolitik anemiya, shu jumladan glyukoza-6-fosfatdegidrogenaza tanqisligi bo'lgan bemorlarda gemoliz holatlari.

Simptomatik arterial gipotenziya

RAAT (Renin-angiotenzin-aldosteron tizimi) qo'sh blokadasini qo'llash masalasini (masalan, APF ingibitorini AARA II bilan bir vaqtda qo'llash orqali) har bir holatda individual ravishda buyrak funksiyasini sinchkov nazorat qilish bilan hal qilish kerak.

Aylanib yuruvchi qon hajmi (AYQH) kamaygan bemorlarda (shu jumladan diuretiklar bilan bir vaqtda qo'llashda, osh tuzi iste'mol qilish cheklanganda, gemodializda, qusish, diareyada) ehtiyotkorlikka rioya qilish kerak, ularda APF ingibitori qo'llanilishiga javoban to'satdan va yaqqol AB pasayishi rivojlanishi mumkin. NYHA tasnifi bo'yicha I, II funksional sinf SYuYe, surunkali buyrak yetishmovchiligi bo'lgan yoki bo'lmagan bemorlarda simptomatik arterial gipotenziya odatda kuzatilmaydi. Arterial gipotenziya rivojlanishi diuretiklarning yuqori dozalari qo'llanilishi, giponatriemiya yoki funksional buyrak yetishmovchiligi oqibatida SYuYe og'irroq darajasi bo'lgan bemorlarda ko'proq ehtimolli. Ushbu bemorlarda terapiyani Enalapril preparati va/yoki diuretik dozasini optimal tuzatishgacha shifokor nazorati ostida boshlash kerak.

Xuddi shunday taktika YuIK yoki serebrovaskulyar kasalliklari bo'lgan bemorlarga nisbatan qo'llanilishi mumkin, ularda AB ning yaqqol pasayishi miokard infarkti yoki miya qon aylanishining buzilishiga olib kelishi mumkin.

Arterial gipotenziya rivojlanganda bemorni yotqizish, oyoqlarini ko'tarish va zarurat tug'ilganda natriy xloridning 0,9% li eritmasini yuborish kerak. Enalapril preparatini qabul qilishdagi tranzitor arterial gipotenziya AB barqarorlashgandan va AYQH to'ldirilgandan so'ng uni keyingi qo'llash uchun qarshi ko'rsatma hisoblanmaydi.

Ba'zi normal yoki past AB ga ega SYuYe bo'lgan bemorlarda Enalapril preparati qo'llanilganda AB ning qo'shimcha pasayishi yuz berishi mumkin. Odatda bu preparatni bekor qilish uchun sabab bo'lmaydi. Arterial gipotenziya rivojlangan taqdirda dozani kamaytirish va/yoki diuretikni va/yoki Enalaprilni bekor qilish kerak.

Aortal yoki mitral stenoz/GKMP

Vazodilatator ta'sirga ega barcha dori preparatlari kabi, APF ingibitorlarini chap qorincha gipertrofiyasi va klapan obstruktsiyasi bo'lgan bemorlarda ehtiyotkorlik bilan qo'llash va kardiogen shok va gemodinamik ahamiyatli obstruktsiya holatlarida qo'llashdan saqlanish kerak.

Buyrak funksiyasining buzilishi

Buyrak funksiyasi buzilgan hollarda (KK 80 ml/daq dan kam) qon zardobida kaliy va kreatinin miqdorini sinchkov nazorat qilish zarur.

Buyrak funksiyasi buzilgan bemorlarda preparat dozasini va/yoki qabul qilish tez-tezligini kamaytirish zarurati tug'ilishi mumkin. Buyrak arteriyalarining ikki tomonlama stenozi va yagona buyrak arteriyasi stenozi bo'lgan ba'zi bemorlarda APF ingibitorlari bilan davolashda qon plazmasida mochevina va qon zardobida kreatinin kontsentratsiyasining oshishi kuzatilgan, bu o'zgarishlar odatda qaytuvchan xarakterga ega bo'lib, qoida tariqasida, ko'rsatkichlar terapiya to'xtatilgandan so'ng normaga qaytgan.

Terapiya boshlanishidan oldin buyrak kasalligi aniqlanmagan ba'zi bemorlarda, enalapril diuretiklar bilan bir vaqtda qo'llanilganda qon zardobida mochevina va kreatinin kontsentratsiyasining ahamiyatsiz va o'tkinchi oshishi kuzatilgan. Bunday hollarda enalapril va/yoki diuretik dozasini kamaytirish va/yoki bekor qilish talab etilishi mumkin.

Buyrak arteriyalarining ikki tomonlama stenozi yoki yagona buyrak arteriyasi stenozi bo'lgan, APF ingibitorlarini qabul qilayotgan bemorlarda arterial gipotenziya va buyrak yetishmovchiligi rivojlanish xavfi yuqori. Buyrak funksiyasining pasayishiga qon plazmasida kreatinin kontsentratsiyasining faqat o'rtacha o'zgarishlari ishora qilishi mumkin. Bunday bemorlarda davolashni kichik dozalardan shifokor nazorati ostida, individual dozani asta-sekin tanlab va qon zardobida kreatinin kontsentratsiyasini nazorat qilgan holda boshlash kerak.

Buyrak transplantatsiyasi

Buyrak transplantatsiyasidan keyingi bemorlarda enalaprilni qo'llash tajribasi yo'q. Buyrak transplantatsiyasidan keyingi bemorlarni enalapril bilan davolash tavsiya etilmaydi.

Jigar yetishmovchiligi

Jigar yetishmovchiligi bo'lgan bemorlarda enalaprilni qo'llash odatda dozani tuzatishni talab etmaydi. Kamdan-kam hollarda APF ingibitorlari bilan davolashda xolestatik sariqlik yoki gepatitdan boshlanib, jigar fulminant nekrozigacha rivojlanadigan, ba'zida o'lim bilan yakunlanadigan sindrom kuzatiladi. Ushbu sindrom mexanizmi o'rganilmagan. APF ingibitorlari bilan davolashda sariqlik yoki "jigar" transaminazalari faolligining yaqqol oshishi paydo bo'lgan bemorlarda APF ingibitorlarini bekor qilish va tegishli yordamchi terapiyani tayinlash kerak. Bemor tibbiy kuzatuv ostida bo'lishi kerak.

Neytropeniya/agranulotsitoz

APF ingibitorlari bilan davolash olayotgan bemorlarda neytropeniya/agranulotsitoz, trombotsitopeniya va anemiya rivojlanishi haqida xabarlar mavjud. Neytropeniya paydo bo'lish xavfi, ehtimol, dozaga va bemorning klinik holatiga bog'liq. Neytropeniya ko'pincha buyrak funksiyasi pasaygan bemorlarda, xususan, agar biriktiruvchi to'qimaning yo'ldosh kasalligi (tizimli qizil yugurik, sklerodermiya) mavjud bo'lsa yoki immunodepressantlar, allopurinol yoki prokainamid bilan davolashda, shuningdek ushbu asoratli xavf omillari kombinatsiyasida bo'lishi mumkin. Bunday bemorlarning ba'zilarida og'ir infektsion kasalliklar rivojlangan, ularda qator hollarda jadal antibiotikoterapiyaga reaksiya bo'lmagan. Bunday bemorlarda enalapril qo'llanilganda davolashdan oldin, davolashning birinchi uch oyida har 2 haftada va keyin muntazam ravishda qon leykotsitlarini nazorat qilish va qonning kengaytirilgan tahlilini o'tkazish maqsadga muvofiqdir. Bemorga infektsion kasallikning har qanday simptomi (masalan, tomoqda og'riq, isitma) haqida shifokorga xabar berishni qat'iy tavsiya etish kerak; bu holda qonning leykotsitar formulasini nazorat qilish kerak. Qaytuvchan xarakterga ega bo'lgan neytropeniya (1000/mm3 dan kam) ga shubha qilinganda yoki aniqlanganda Enalapril preparatini va bir vaqtda qabul qilinayotgan boshqa vositalarni bekor qilish kerak ("Boshqa dori preparatlari bilan o'zaro ta'siri" bo'limiga qarang).

Yuqori sezuvchanlik reaksiyalari/angionevrotik shish

APF ingibitorlari, shu jumladan enalapril qo'llanilganda, kamdan-kam hollarda va terapiyaning har qanday davrida yuz, yuqori va pastki oyoq-qo'llar, lablar, shilliq qavatlar, til, ovoz boylamlari va/yoki hiqildoqning angionevrotik shishi rivojlanishi kuzatilishi mumkin ("Nojo'ya ta'sir" bo'limiga qarang). Simptomlar paydo bo'lganda preparatni qabul qilish darhol to'xtatilishi kerak, bemor esa shish belgilari to'liq yo'qolguncha kuzatuv ostida bo'lishi kerak. Agar shish faqat yuz va lablarga taalluqli bo'lsa, uning ko'rinishlari odatda mustaqil o'tib ketadi, garchi simptomlarni davolash uchun antigistamin vositalar qo'llanilishi mumkin.

Hiqildoq shishi bilan kechadigan angionevrotik shish o'limga olib kelishi mumkin. Til, ovoz boylamlari yoki hiqildoq shishi nafas yo'llari obstruktsiyasiga olib kelishi mumkin, ayniqsa anamnezida nafas olish a'zolarida jarrohlik aralashuvlari bo'lgan bemorlarda.

Nafas yo'llari obstruktsiyasi holatida qisqa muddatlarda kechiktirib bo'lmaydigan terapiya, shu jumladan teri ostiga 0,3-0,5 ml epinefrin (adrenalin) eritmasini 1:1000 nisbatda yuborish va/yoki nafas yo'llari o'tkazuvchanligini ta'minlash (intubatsiya yoki traxeostomiya) talab etiladi.

APF ingibitorlarini qabul qilgan negroid irqiga mansub bemorlarda angionevrotik shish boshqa irq bemorlariga qaraganda tez-tez rivojlangan.

Anamnezida APF ingibitorlarini qabul qilish bilan bog'liq bo'lmagan angionevrotik shishi bo'lgan bemorlar APF ingibitorlari terapiyasi fonida angionevrotik shish rivojlanish xavfiga ko'proq moyil bo'lishlari mumkin ("Qarshi ko'rsatmalar" bo'limiga qarang).

Kamdan-kam hollarda APF ingibitorlari terapiyasi fonida intestinal shish rivojlanadi. Bunda bemorlarda qorinda og'riq izolyatsiyalangan simptom sifatida yoki ko'ngil aynishi va qusish bilan birgalikda, ba'zi hollarda oldingi yuz angionevrotik shishisiz va C1-esteraza darajasi normal bo'lganda kuzatiladi. Tashxis qorin bo'shlig'i kompyuter tomografiyasi, ultratovush tekshiruvi yoki jarrohlik aralashuvida qo'yilgan. Simptomlar APF ingibitorlari qabul qilish to'xtatilgandan so'ng yo'qolgan. Shuning uchun APF ingibitorlarini olayotgan qorinda og'riq bo'lgan bemorlarda qiyosiy tashxis o'tkazishda ichak angionevrotik shishi rivojlanishi mumkinligini hisobga olish kerak ("Nojo'ya ta'sir" bo'limiga qarang).

Sutemizuvchilar hujayrasidagi rapamitsin nishoni (mTOR) ingibitorlari, estramustin, ratsekadotril, gliptinlar va APF ingibitorlarini qabul qilayotgan bemorlarda angionevrotik shish rivojlanish xavfining oshishi kuzatilgan ("Boshqa dori preparatlari bilan o'zaro ta'siri" bo'limiga qarang).

Pardaqanotlilar zaharidan olingan allergen bilan desensibilizatsiya o'tkazish vaqtidagi anafilaktoid reaksiyalar

Kamdan-kam hollarda APF ingibitorlarini qabul qilgan bemorlarda pardaqanotlilar zaharidan olingan allergen bilan desensibilizatsiya o'tkazish vaqtida hayot uchun xavfli anafilaktoid reaksiyalar rivojlangan. Tegishli reaksiyalardan qochish uchun har bir desensibilizatsiyalovchi terapiya seansidan oldin APF ingibitorlari terapiyasini vaqtincha to'xtatish kerak. Asalari zahari bilan immunoterapiya olayotgan bemorlarda APF ingibitorlarini qo'llashdan saqlanish kerak.

Past zichlikdagi lipoproteinalar aferezi (LPNP-aferezi) o'tkazish vaqtidagi anafilaktoid reaksiyalar

Kamdan-kam hollarda APF ingibitorlarini olayotgan bemorlarda dekstran sulfatdan foydalanib LPNP-aferezi muolajasini o'tkazishda hayot uchun xavfli anafilaktoid reaksiyalar rivojlanishi mumkin. Anafilaktoid reaksiyaning oldini olish uchun LPNP-aferezining har bir muolajasidan oldin APF ingibitori bilan terapiyani vaqtincha to'xtatish kerak.

Gemodializdagi bemorlar

Enalapril preparati bilan davolashda gemodializ o'tkazish ko'rsatilgan bemorlarda poliakrilonitrildan tashkil topgan yuqori o'tkazuvchanlik qobiliyatiga ega filtrlovchi membranalardan foydalanish (masalan, yuqori oqimli AN69® membranalari) tufayli anafilaktoid reaksiyalar (yuz shishi, teri qoplamlari giperemiyasi, AB ning yaqqol pasayishi, hansirash) rivojlanishi mumkinligini nazarda tutish kerak. Gemodializ uchun boshqa turdagi dializ membranalarini yoki boshqa farmakoterapevtik guruhdagi gipotenziv preparatlarni qo'llash tavsiya etiladi.

Gipoglikemiya

Enalapril preparati ichga qabul qilish uchun gipoglikemik vositalar yoki insulin olayotgan qandli diabeti bo'lgan bemorlarda qo'llanilganda, terapiyaning birinchi oyi davomida qonda glyukoza kontsentratsiyasini muntazam nazorat qilish zarur.

Yo'tal

APF ingibitorlari terapiyasi fonida yo'tal yuzaga kelishi mumkin. Qoida tariqasida, bu quruq yo'tal bo'lib, doimiy xarakterga ega va davolash to'xtatilgandan so'ng yo'qoladi. APF ingibitorlarini qo'llash bilan bog'liq yo'talni yo'talning qiyosiy tashxisida hisobga olish kerak.

Jarrohlik aralashuvi/umumiy anesteziya

Keng ko'lamli jarrohlik aralashuvlari vaqtida yoki antigipertenziv ta'sir chaqiruvchi vositalarni qo'llash bilan umumiy anesteziya o'tkazishda enalaprilat reninning kompensator ajralib chiqishi chaqirgan angiotenzin II hosil bo'lishini bloklaydi. Agar bunda shunday mexanizm bilan tushuntiriladigan AB ning yaqqol pasayishi rivojlansa, uni AYQH oshirish bilan to'g'irlash mumkin. Jarroh/anesteziologni bemor APF ingibitorlarini qabul qilayotgani haqida ogohlantirish zarur.

Giperkaliemiya ("Boshqa dori preparatlari bilan o'zaro ta'siri" bo'limiga qarang)

Enalapril preparati bilan davolash davrida qon zardobida kaliy miqdorining oshishi mumkin. Giperkaliemiya xavf omillari buyrak yetishmovchiligi, keksa yosh (65 yoshdan katta), qandli diabet, ba'zi yo'ldosh holatlar (AYQH pasayishi, dekompensatsiya bosqichidagi o'tkir yurak yetishmovchiligi, metabolik atsidoz), kaliyni tejovchi diuretiklarni (masalan, spironolakton, eplerenon, amilorid, triamteren), kaliy preparatlari yoki kaliy saqlovchi tuz o'rnini bosuvchilarni bir vaqtda qo'llash va qon zardobida kaliy miqdorini oshirishga yordam beruvchi boshqa dori preparatlarini (masalan, geparin) qo'llashdir. Kaliy preparatlari, kaliyni tejovchi diuretiklar yoki kaliy saqlovchi oziq-ovqat tuzi o'rnini bosuvchilarni qo'llash, ayniqsa buyrak yetishmovchiligi bo'lgan bemorlarda, qon plazmasida kaliy miqdorining sezilarli oshishiga olib kelishi mumkin. Giperkaliemiya jiddiy yurak ritmi buzilishlariga, ba'zida o'lim bilan yakunlanishiga olib kelishi mumkin. Enalapril preparatini yuqorida sanab o'tilgan har qanday preparatlar bilan bir vaqtda qo'llashni o'ta ehtiyotkorlik bilan o'tkazish kerak va u qon plazmasida kaliy miqdorini muntazam nazorat qilish bilan kechishi kerak.

Litiy preparatlari

Litiy preparatlari, enalaprilni bir vaqtda qo'llash tavsiya etilmaydi ("Boshqa dori preparatlari bilan o'zaro ta'siri" bo'limiga qarang).

RAAT qo'sh blokadasi

Moyil bemorlarda, ayniqsa ushbu tizimga ta'sir qiluvchi dori preparatlari bilan bir vaqtda qo'llanilganda arterial gipotenziya, hushdan ketish, insult, giperkaliemiya va buyrak funksiyasi buzilishlari (shu jumladan o'tkir buyrak yetishmovchiligi) holatlari haqida xabar berilgan. Shuning uchun APF ingibitorini AARA II yoki aliskiren bilan birga qo'llash natijasidagi RAAT qo'sh blokadasi tavsiya etilmaydi. Enalapril preparatini aliskiren va aliskiren saqlovchi preparatlar bilan bir vaqtda qo'llash qandli diabeti va/yoki o'rtacha yoki og'ir buyrak funksiyasi buzilishlari (KFT tana yuzasi maydoniga 60 ml/daq/1,73 m2 dan kam) bo'lgan bemorlarda qarshi ko'rsatilgan ("Qarshi ko'rsatmalar" va "Boshqa dori preparatlari bilan o'zaro ta'siri" bo'limlariga qarang) va boshqa bemorlarda tavsiya etilmaydi. APF ingibitorlari va AARA II ni diabetik nefropatiyasi bo'lgan bemorlarda bir vaqtda qo'llash qarshi ko'rsatilgan va boshqa bemorlarda tavsiya etilmaydi. Keksa bemorlarda qo'llanilishi

Enalapril samaradorligi va xavfsizligining klinik tadqiqotlari natijalari keksa va AG bo'lgan yoshroq bemorlarda o'xshash bo'lgan.

Irqiy mansublik

Enalapril preparati, boshqa APF ingibitorlari kabi, negroid irqiga mansub bemorlarda boshqa irq vakillariga qaraganda kamroq yaqqol antigipertenziv ta'sir ko'rsatadi, ehtimol, ushbu populyatsiyada arterial gipertenziyasi bo'lgan bemorlarda renin faolligi pastligi tufaylidir.

Enalapril qabul qilishni to'satdan to'xtatish "bekor qilish" sindromi rivojlanishiga olib kelmaydi.

Transport vositalarini, mexanizmlarni boshqarish qobiliyatiga ta'siri

Enalapril preparati qo'llanilganda transport vositalarini haydash va diqqatni yuqori jamlashni hamda psixomotor reaksiyalar tezligini talab qiladigan potensial xavfli faoliyat turlari bilan shug'ullanishda ehtiyotkorlikka rioya qilish kerak (bosh aylanishi, uyquchanlik rivojlanish xavfi).

Enalaprilga, preparatning boshqa komponentlariga yoki boshqa APF ingibitorlariga yuqori sezuvchanlik;

• laktozani o'zlashtiraolmaslik, laktaza tanqisligi yoki glyukoza-galaktoza malabsorbtsiyasi sindromi;

• anamnezda APF ingibitorlarini qabul qilish bilan bog'liq angionevrotik shish, shuningdek irsiy yoki idiopatik angionevrotik shish;

• homiladorlik;

• emizish davri;

• 18 yoshgacha bo'lganlar (preparatning samaradorligi va xavfsizligi aniqlanmagan);

• qandli diabet va/yoki buyrak faoliyatining o'rtacha yoki og'ir buzilishlari (kalavalar filtratsiyasi tezligi (KFT) 60 ml/daq/1,73 m2 tana yuzasi maydonidan kam) bo'lgan bemorlarda aliskiren va aliskiren saqlovchi preparatlar bilan bir vaqtda qo'llash («Boshqa dori preparatlari bilan o'zaro ta'siri» bo'limiga qarang);

• diabetik nefropatiyasi bo'lgan bemorlarda angiotenzin II retseptorlari antagonistlari (ARA II) bilan bir vaqtda qo'llash.

Ehtiyotkorlik bilan

• renovaskulyar gipertenziya, buyrak arteriyalarining ikki tomonlama stenozi, yagona buyrak arteriyasining stenozi (buyrak yetishmovchiligi rivojlanish xavfi);

• yurak ishemik kasalligi (YIK) va tserebrovaskulyar kasalliklar (shu jumladan miya qon aylanishining yetishmovchiligi), chunki AB ning haddan tashqari pasayishi miokard infarkti va insult rivojlanishiga olib kelishi mumkin;

• aortal va/yoki mitral stenoz (gemodinamika ko'rsatkichlarining buzilishi bilan), gipertrofik obstruktiv kardiomiopatiya (GOKMP);

• biriktiruvchi to'qimaning tizimli kasalliklari (shu jumladan tizimli qizil yugurik, sklerodermiya);

• suyak iligi qon yaratishining susayishi;

• immunosupressiv terapiya, allopurinol va prokainamidni bir vaqtda qo'llash yoki ko'rsatilgan asoratlovchi omillarning kombinatsiyasi;

• giperkaliemiya; kaliy tejovchi diuretiklar (masalan, spironolakton, eplerenon, amilorid, triamteren), kaliy preparatlari, kaliy saqlovchi osh tuzi o'rnini bosuvchilar bilan bir vaqtda qo'llash; litiy preparatlari bilan bir vaqtda qo'llash;

• qandli diabet;

• birlamchi giperaldosteronizm;

• buyrak transplantatsiyasidan keyingi holat (qo'llash tajribasi yo'q);

• jigar faoliyatining buzilishi;

• buyrak faoliyatining buzilishi (KK 80 ml/daq dan kam);

• aylanib yuruvchi qon hajmining (AYuQH) kamayishi bilan kechuvchi holatlar (diuretiklar bilan terapiya natijasida, osh tuzi iste'molini cheklashda, diareya, qusish, dializda);

• keksa yoshdagi bemorlarda qo'llash;

• pardaqanotlilar zahridan allergen bilan desensibilizatsiya o'tkazish vaqtida;

• keng ko'lamli jarrohlik aralashuvlaridan keyingi yoki umumiy anesteziya o'tkazilayotgan bemorlarda;

• yuqori oqimli membranalar (masalan AN 69®) qo'llanilgan holda dializdagi bemorlarda;

• dekstran sulfatdan foydalangan holda past zichlikdagi lipoproteinlar aferezi (PZLP-aferez) muolajasini o'tkazish;

• negroid irqiga mansub bemorlarda qo'llash;

• og'irlashgan allergologik anamnez yoki anamnezda angionevrotik shish.

Homiladorlik va emizish davrida qo'llanilishi

Homiladorlik

Homiladorlikda Enalapril preparatini qo'llash tavsiya etilmaydi.

Enalapril preparati bilan terapiya vaqtida homiladorlik fakti tasdiqlanganda preparatni qabul qilishni darhol to'xtatish kerak.

Onasi homiladorlikning birinchi trimestrida APF ingibitorlarini qabul qilgan yangi tug'ilgan chaqaloqlarning retrospektiv epidemiologik tadqiqoti e'lon qilingan natijalarida, onasi homiladorlikning birinchi trimestrida APF ingibitorlarini qabul qilmagan yangi tug'ilgan chaqaloqlarga nisbatan jiddiy tug'ma rivojlanish nuqsonlari rivojlanish xavfi oshganligi qayd etilgan. Tug'ma nuqsonlar holatlari soni past bo'lgan va ushbu tadqiqot natijalari qayta tasdiqlanmagan. Homiladorlar tomonidan homiladorlikning ikkinchi va uchinchi trimestrlarida qo'llanilganda APF ingibitorlari homila yoki yangi tug'ilgan chaqaloqning kasalligini yoki o'limini keltirib chiqarishi mumkin. Homiladorlikning ikkinchi va uchinchi trimestrlarida APF ingibitorlarini qo'llash homila va yangi tug'ilgan chaqaloqqa salbiy ta'sir ko'rsatgan, bu yangi tug'ilgan chaqaloqda arterial gipotenziya, buyrak yetishmovchiligi, giperkaliemiya va/yoki bosh suyaklari gipoplaziyasi ko'rinishida namoyon bo'lgan. Shuningdek chala tug'ilish, homilaning bachadon ichki rivojlanishining kechikishi va arterial (Botallov) yo'lning bitmay qolishi haqida xabar berilgan, biroq ushbu holatlar APF ingibitorlari ta'siri bilan bog'liqligi noma'lum. Homila buyrak faoliyatining buzilishi oqibatida oligogidramnion rivojlanishi mumkin. Ushbu asorat oyoq-qo'llar kontrakturasiga, bosh suyaklari deformatsiyasiga, shu jumladan uning yuz qismiga va homila o'pkasi gipoplaziyasiga olib kelishi mumkin.

Ushbu embrion va homilaga bo'lgan noxush samaralar, aftidan, homiladorlikning birinchi trimestri vaqtida APF ingibitorlarining bachadon ichki ta'siri natijasi emas.

Homiladorlik vaqtida Enalapril preparatini qo'llashda bemorni homila uchun potentsial xavf haqida xabardor qilish zarur.

Homiladorlik vaqtida preparatni qo'llash ona uchun hayotiy zarur bo'lgan kamdan-kam holatlarda, amniotik suyuqlik indeksini baholash uchun davriy ultratovush tekshiruvlarini o'tkazish kerak. Ultratovush tekshiruvi davomida oligogidramnion aniqlangan taqdirda, preparatni qabul qilish ona uchun hayotiy zarur bo'lgan hollar bundan mustasno, to'xtatiladi.

Shifokor esda tutishi, shuningdek bemorni oligogidramnion homilaning qaytmas shikastlanishida rivojlanishi haqida xabardor qilishi kerak.

Agar APF ingibitorlari homiladorlik vaqtida qo'llanilayotgan bo'lsa va oligogidramnion rivojlanishi kuzatilsa, homiladorlik haftasiga qarab homilaning funktsional holatini baholash uchun stress test, stress bo'lmagan test o'tkazish yoki homilaning biofizik profilini aniqlash zarur bo'lishi mumkin. Onalari homiladorlik vaqtida Enalapril preparatini qabul qilgan yangi tug'ilgan chaqaloqlar arterial gipotenziya, oliguriya va giperkaliemiya aniqlanishi yuzasidan sinchkovlik bilan tekshirilishi kerak. Enalapril platsentar to'siq orqali o'tadi. U yangi tug'ilgan chaqaloq qon aylanishidan peritoneal dializ yordamida qisman chiqarib tashlanishi mumkin. Nazariy jihatdan u qonni almashinuvchi quyish orqali ham chiqarib tashlanishi mumkin.

Emizish davri

Enalapril va enalaprilat ko'krak sutiga iz miqdorlarda ajralib chiqadi. Laktatsiya davrida Enalapril preparatini qo'llash zarurati tug'ilganda emizishni to'xtatish kerak.

Kaliy tejovchi diuretiklar va kaliy preparatlari

Enalapril va kaliy tejovchi diuretiklar (spironolakton, eplerenon, triamteren, amilorid), kaliy saqlovchi tuzlar, kaliyli qo'shimchalarni bir vaqtda qo'llash, shuningdek qon zardobida kaliy miqdorini oshirishga yordam beradigan boshqa preparatlarni (masalan, geparin) qo'llash qon plazmasida kaliy miqdorining sezilarli oshishiga olib kelishi mumkin. Agar aniqlangan gipokaliemiya tufayli ushbu preparatlarni bir vaqtda qo'llash baribir ko'rsatilgan bo'lsa, unda ularni ehtiyotkorlik bilan, qon zardobidagi kaliy miqdorini muntazam nazorat qilgan holda qo'llash kerak ("Maxsus ko'rsatmalar" bo'limiga qarang).

Diuretiklar (tiazid va "halqali")

Diuretiklarni yuqori dozalarda qo'llash gipovolemiyaga (aylanib yuruvchi qon hajmi (AQH) kamayishi hisobiga), enalapril qo'shilishi esa - AB ning yaqqol pasayishiga olib kelishi mumkin. Enalaprilning haddan tashqari antigipertenziv ta'siri yo diuretikni bekor qilish yordamida, yo AQH ni oshirish yoki osh tuzi iste'mol qilish hisobiga, shuningdek enalapril dozasini pasaytirish sharti bilan kamaytirilishi mumkin.

Boshqa gipotenziv preparatlar

Enalapril va boshqa gipotenziv terapiya bir vaqtda qo'llanilganda additiv samara kuzatilishi mumkin.

Enalaprilni beta-adrenoblokatorlar, metildopa yoki "sekin" kaltsiy kanallari blokatorlari bilan bir vaqtda qo'llash antigipertenziv samarani kuchaytiradi.

Enalaprilni alfa-, beta-adrenoblokatorlar va ganglioblokatorlar bilan bir vaqtda qo'llash qat'iy tibbiy nazorat ostida o'tkazilishi kerak. Turli dori shakllaridagi nitroglitserin va boshqa nitratlar yoki boshqa vazodilatatorlar bilan bir vaqtda qo'llash antigipertenziv samarani kuchaytiradi.

Litiy preparatlari

AOF ingibitorlari, shu jumladan enalapril, litiyning buyrak orqali chiqarilishini kamaytiradi va litiy intoksikatsiyasi rivojlanish xavfini oshiradi (litiyning kardiotoksik va neyrotoksik ta'siri kuchayishi). Ushbu kombinatsiyani qo'llash zarurati bo'lganda qon plazmasida litiy konsentratsiyasini muntazam nazorat qilish kerak.

Tritsiklik antidepressantlar/neyroleptiklar/umumiy anesteziya uchun vositalar Umumiy anesteziya uchun ba'zi vositalar, tritsiklik antidepressantlar va neyroleptiklarni AOF ingibitorlari bilan bir vaqtda qo'llash antigipertenziv samarani kuchayishiga olib kelishi mumkin va ortostatik gipotenziya rivojlanish xavfini oshiradi (additiv samara).

Nosteroid yallig'lanishga qarshi preparatlar (NYAQV)

NYAQV, shu jumladan siklooksigenaza-2 (SOG-2) selektiv ingibitorlari) gipotenziv preparatlarning antigipertenziv samarasini kamaytirishi mumkin. Buning oqibatida angiotenzin II retseptorlari antagonistlari (ARA II) yoki AOF ingibitorlarining antigipertenziv samarasi NYAQV bilan, shu jumladan SOG-2 selektiv ingibitorlari bilan bir vaqtda qo'llanilganda susayishi mumkin.

NYAQV va AOF ingibitorlari qon zardobida kaliy miqdorini oshirishga nisbatan additiv samara ko'rsatadi, bu esa buyrak faoliyatining yomonlashishiga olib kelishi mumkin, ayniqsa buyrak faoliyati buzilgan bemorlarda (masalan, keksa yoshdagi bemorlarda yoki suvsizlanishi bo'lgan bemorlarda, shu jumladan diuretiklar qabul qilayotganlarda), NYAQV bilan, shu jumladan SOG-2 selektiv ingibitorlari bilan terapiya olayotganlarda ARA II yoki AOF ingibitorlarini bir vaqtda qo'llash buyrak faoliyatining yanada yomonlashishini, shu jumladan o'tkir buyrak yetishmovchiligi rivojlanishini keltirib chiqarishi mumkin. Ushbu samaralar odatda qaytuvchan, shuning uchun ushbu dori preparatlarini bir vaqtda qo'llashni buyrak faoliyati buzilgan bemorlarda ehtiyotkorlik bilan o'tkazish kerak.

Oltin preparatlari

Yuz terisiga qon "quyilishi" hissi, ko'ngil aynishi, qusish va arterial gipotenziyani o'z ichiga olgan simptomokompleks (nitratsimon reaksiyalar) parenteral yuborish uchun oltin preparatlari (natriy aurotiomalat) va AOF ingibitorlari, shu jumladan enalapril bir vaqtda qo'llanilganda kuzatilgan.

Simpatomimetiklar

Simpatomimetiklar AOF ingibitorlarining antigipertenziv ta'sirini susaytirishi mumkin. Antigipertenziv ta'sirni tasdiqlash uchun bunday bemorlar shifokorning sinchkov nazorati ostida bo'lishi kerak.

Gipoglikemik vositalar

Epidemiologik tadqiqotlar shuni ko'rsatdiki, AOF ingibitorlari va gipoglikemik vositalarni (insulin, ichga qabul qilish uchun gipoglikemik vositalar) bir vaqtda qo'llash gipoglikemiya rivojlanish xavfi bilan oxirgilarining gipoglikemik samarasini kuchaytirishi mumkin. Ushbu fenomen, qoida tariqasida, kombinatsiyalangan terapiyaning birinchi haftalari davomida, shuningdek buyrak faoliyati buzilgan bemorlarda eng ko'p kuzatilgan. Qandli diabeti bo'lgan, ichga qabul qilish uchun gipoglikemik vositalar yoki insulin qabul qilayotgan bemorlarda qon glyukoza konsentratsiyasini muntazam nazorat qilish kerak, ayniqsa AOF ingibitorlari bilan bir vaqtda qo'llashning birinchi oyi davomida.

Etanol

Etanol AOF ingibitorlarining antigipertenziv ta'sirini kuchaytiradi.

Asetilsalitsil kislotasi, trombolitiklar va beta-adrenoblokatorlar

Enalaprilni asetilsalitsil kislotasi (antiagregant vosita sifatida), trombolitiklar va beta-adrenoblokatorlar bilan qo'llash mumkin.

Allopurinol, tsitostatiklar va immunodepressantlar

AOF ingibitorlari bilan bir vaqtda qo'llash leykopeniya rivojlanish xavfini oshirishi mumkin.

Siklosporin

AOF ingibitorlari bilan bir vaqtda qo'llash giperkaliemiya rivojlanish xavfini oshirishi mumkin.

Antatsidlar

AOF ingibitorlarining biokiraolishligini kamaytirishi mumkin.

Teofillin

Enalapril teofillin saqlagan dori preparatlarining ta'sirini susaytiradi.

Gidroxlorotiazid, furosemid, digoksin, timolol, metildopa, varfarin, indometatsin, sulindak va simetidin bilan klinik ahamiyatli farmakokinetik o'zaro ta'sir kuzatilmagan.

RAAT ni ikkilamchi blokadasi

ARA II va AOF ingibitorlari yoki aliskiren (renin ingibitori) qo'llanilgan holda RAAT ni ikkilamchi blokadasi monoterapiya qo'llash bilan solishtirganda arterial gipotenziya, hushdan ketish, giperkaliemiya va buyrak faoliyati buzilishi (shu jumladan o'tkir buyrak yetishmovchiligi rivojlanishi) xavfi oshishi bilan assotsiatsiyalangan. Bir vaqtning o'zida Enalapril preparatini va RAAT ga ta'sir qiluvchi boshqa dori preparatlarini qabul qilayotgan bemorlarda AB, buyrak faoliyati va qon plazmasidagi elektrolitlar miqdorini muntazam nazorat qilish zarur.

Boshqa dori preparatlari bilan o'zaro ta'sir

Enalapril preparati qandli diabeti va/yoki o'rtacha yoki og'ir buyrak faoliyati buzilishlari (KFT tana yuzasi maydonining 1,73 m2 ga 60 ml/daq dan kam) bo'lgan bemorlarda aliskiren va aliskiren saqlagan preparatlar bilan bir vaqtda qo'llanilmasligi kerak ("Qo'llash mumkin bo'lmagan holatlar" bo'limiga qarang).

Diabetik nefropatiyasi bo'lgan bemorlarda enalaprilni ARA II bilan bir vaqtda qo'llash mumkin emas ("Qo'llash mumkin bo'lmagan holatlar" bo'limiga qarang).

IV turdagi dipeptidilpeptidaza (DPP-IV) ingibitorlari (gliptinlar) (linagliptin, saksagliptin, sitagliptin, vildagliptin)

AOF ingibitorlari bilan birga qo'llash gliptin tomonidan IV turdagi dipeptidilpeptidaza (DPP-IV) faolligi bostirilishi oqibatida angionevrotik shish rivojlanish xavfini oshirishi mumkin.

mTOR ingibitorlari (mammalian Target of Rapamycin - sut emizuvchilar hujayralaridagi rapamitsin nishoni), masalan, temsirolimus, sirolimus, everolimus, shuningdek ratsekadotril (o'tkir diareyani davolash uchun qo'llaniladigan enkefalinaza ingibitori), estramustin enalapril bilan birga qo'llanilganda - angionevrotik shish rivojlanish xavfini oshiradi.

Ko-trimoksazol (trimetoprim + sulfametoksazol) saqlagan preparatlar enalapril bilan qo'llanilganda giperkaliemiya rivojlanish xavfini oshiradi.