FENISTIL NYu tomchilar dlya priema vnutr 20ml 0,1%

Ichga qabul qilinganda tez va yetarlicha to'liq so'riladi. Biokiraolishligi taxminan 70 %. Antigistamin samarasi ichga qabul qilingandan 30 daqiqa o'tgach namoyon bo'la boshlaydi, 5 soat davomida maksimal darajaga etadi. Tomchilar oral qabul qilingandan so'ng qon plazmasida dimetindenning maksimal kontsentratsiyasiga erishish vaqti - 2 soat. Plazma oqsillari bilan bog'lanishi - 90 %. To'qimalarga yaxshi o'tadi. Jigarda gidroksillanish va metoksillanish yo'li bilan metabollanadi. Yarim chiqarilish davri - 6 soat. Safro va siydik bilan (90 % metabolit ko'rinishida va 10 % o'zgarmagan holda) chiqariladi.

Nojo'ya reaksiyalar yuzaga kelish chastotasi tasnifi: juda tez-tez (1/10 dan katta yoki teng), tez-tez (1/100 dan katta yoki teng dan
Immun tizimi tomonidan buzilishlar:

Juda kam hollarda: anafilaktoid reaksiyalar, shu jumladan yuz shishi, halqum shishi, toshma, mushak spazmlari va hansirash.

Ruhiy buzilishlar:

Kamdan-kam hollarda: bezovtalik.

Asab tizimi tomonidan buzilishlar:

Juda tez-tez: toliqish.

Tez-tez: uyquchanlik, asabiylik.

Kamdan-kam hollarda: bosh og'rig'i, bosh aylanishi.

Ovqat hazm qilish trakti tomonidan buzilishlar:

Kamdan-kam hollarda: me'da-ichak buzilishlari, ko'ngil aynishi, og'iz qurishi, hiqildoq qurishi.

Agar yo'riqnomada ko'rsatilgan har qanday nojo'ya ta'sirlar kuchaysa yoki Siz yo'riqnomada ko'rsatilmagan boshqa nojo'ya ta'sirlarni sezsangiz, bu haqda shifokorga xabar bering.

Kichik yoshdagi bolalarda, xususan 6 yoshgacha bo'lganlarda antigistamin preparatlar yuqori qo'zg'aluvchanlikni chaqirishi mumkin.

Fenistil® tomchilarini yuqori harorat ta'siriga uchratmaslik kerak; emizikli bolalarga tayinlanganda ularni bevosita ovqatlantirishdan oldin iliq bolalar ovqati bo'lgan shishaga qo'shish kerak. Agar bola allaqachon qoshiqdan ovqatlantirilsa, tomchilarni suyultirmasdan berish mumkin. Tomchilar yoqimli ta'mga ega. Tavsiya etilgan dozadan oshirmang. Xolestaz bilan bog'liq qichishishda samarasiz.

Preparatning transport vositalarini va boshqa mexanizmlarni boshqarish qobiliyatiga ta'siri:

Boshqa antigistamin vositalar kabi Fenistil® preparati diqqatni susaytirishi mumkin, shuning uchun uni avtomobil boshqarishda, mexanizmlar bilan ishlashda yoki yuqori diqqat talab qilinadigan boshqa ish turlarida ehtiyotkorlik bilan qabul qilish kerak.

Dimetindenga va preparat tarkibiga kiruvchi boshqa komponentlarga yuqori sezuvchanlik, yopiq burchakli glaukoma, bronxial astma, prostata bezi giperplaziyasi, 1 oylikkacha bo'lgan bolalar, homiladorlikning I trimestri, emizish davri.

Ehtiyotkorlik bilan:

O'pkaning surunkali obstruktiv kasalliklarida, epilepsiyada. 1 oylikdan 1 yoshgacha bo'lgan bolalarda, chunki sedativ ta'sir tungi apnoe xurujlari bilan kechishi mumkin.

Homiladorlik va laktatsiya:

Fenistil®ni homiladorlik davrida (II-III trimestr) shifokor nazorati ostida, faqat ona uchun kutilayotgan foyda homila uchun potensial xavfdan ustun bo'lgan holdagina qo'llash mumkin. Fenistil® preparatini emizish davrida qo'llash mumkin emas.

Anksiolitiklar, uxlatuvchi vositalar va MAT funktsiyasini susaytiruvchi boshqa preparatlar (opioid analgetiklar, tirishishga qarshi preparatlar, tritsiklik antidepressantlar, MAO ingibitorlari, antigistamin vositalar, qusishga qarshi vositalar, neyroleptiklar, skopolamin, etanol) ta'sirini kuchaytiradi. Tritsiklik antidepressantlar va m-xolinoblokatorlar (bronxodilatatorlar, oshqozon-ichak spazmolitiklari va h.k.) ko'z ichi bosimi oshishi yoki siydik tutilishi xavfini oshiradi. Shuningdek antigistamin vositalar va prokarbazinni birga qo'llashdan qochish kerak.