FIZZI tabletkalari 500mg N4

Ҳар бир плёнка қобиқ билан қопланган таблетка қуйидагиларни сақлайди:
фаол модда: секнидазол -500 мг;
ёрдамчи моддалар: микрокристалл целлюлоза РН 101, микрокристалл целлюлоза РН 102, сувсиз коллоид кремний диоксиди, натрий крахмал гликоляти А-тури, магний стеарати, гипромеллоза, полиэтиленгликоль 400 ва тозаланган сув.

Секнидазол – бу нитроимидазолнинг ярим синтетик ҳосиласидир. У протозойларга қарши ва антипаразитар самараларга эга ва асосан тўқималарда амёбоцид таъсир кўрсатади. Дизентерия амёбалари, шунингдек ичак лямблиялари ва қин трихомонадаларига нисбатан антипаразитар таъсир кўрсатади.

Сўрилиши
Секнидазол перорал қўлланганида тез сўрилади ва унинг максимал концентрациясига
1,5-3 соатдан кейин эришилади. Мутлоқ биокираолишлиги 0,5-2 г ли бир марталик дозани перорал қўллангандан кейин 100% ни ташкил қилади. Дозаси ва плазмадаги чўққи концентрацияси (Смах) ва эгри чизиқ ости майдони “препаратнинг қон плазмасидаги концентрацияси - вақт” (AUC) ўртасида бевосита боғликлик мавжуд.
Тақсимланиши
Секнидазол тирик организмда кенг тақсимланмайди. Тақсимланишнинг мувозанатли ҳажми жуда паст (49,2 л) ва фақат 15% қон плазмасида плазма оқсиллари ёки глобулин билан боғланади. Препаратнинг қон зардобидаги концентрацияси унинг тиш-милк суюқлигидаги концентрацияси билан деярли тенглашади, бу ушбу препаратни осонлик билан милкларга киришини таъкидлайди. Бундан ташқари, у йўлдош қавати орқали ҳам ўтади ва уни кўкрак сутида аниқлаш мумкин.
Метаболизми
Секнидазол асосан жигарда метаболизмга учрайди.
Чиқарилиши
Секнидазолни қон плазмасидан ярим чиқарилиш даври 25 соатни ташкил қилади. У асосан сийдик билан чиқарилади ва бу жараён жуда секин кечади (юборилган дозанинг 16% 72 соатдан кейин ва юборилган дозанинг 50% - 120 соатдан кейин чиқарилади).
Секнидазол йўлдош орқали кўкрак сутига ўтади.

4 таблеткадан Алю-Алю блистерда, 1 блистердан тиббиётда қўлланилишига доир йўриқнома билан бирга картон ўрамда.

Қуйида жадвалда санаб ўтилган ножўя таъсирлар аъзолар тизимлари синфи ва учраш тез-тезлиги бўйича ажратилган. Тез-тезлиги қуйидаги тарзда аниқланади: жуда тез-тез (≥1/10), тез-тез (≥1/100 дан ˂1/10 гача), тез-тез эмас (≥1/1000 дан ˂1/100 гача), кам ҳолларда (≥1/10000 дан ˂1/1000 гача) ва жуда кам ҳолларда (˂1/10000), жумладан якка ҳолларда.

Даволаниш вақтида дисульфирам қўлланганида кузатиладиганига ўхшаш реакцияларни (қизариш, спастик абдоминал оғриқ, қусиш ва тахикардия) ривожланиши мумкинлиги туфайли спиртли ичимликларни даволаш тугаганидан кейин камида 72 соат давомида истеъмол қилиш тавсия этилмайди. Секнидазолни одатдагидан узоқроқ вақт давомида қўллаш жуда зарур бўлганида стандарт гематологик тестларни, айниқса гемограммани ўтказиш тавсия этилади, шунингдек юзага чиқиши мумкин бўлган нейропатия, марказий ёки периферик (парестезия, атаксия, бош айланиши, конвульсия хуружлари) ножўя реакцияларни аниқлаш учун пациентни кузатиш лозим. Жигар энцефалопатияси бўлган пациентлар Физзи® таблеткаларини эҳтиёткорлик билан қабул қилишлари керак. Координацияни бузилиши, бош айланиши ёки онгни чалкашиши пайдо бўлганида даволашни дарҳол тўхтатиш керак. Ҳар қандай вагинал инфекцияларда Физзи® таблеткалари билан даволаш вақтида жинсий алоқадан сақланиш тавсия этилади.

Физзи® қуйидаги ҳолатларда:
- ҳам эркак ва ҳам аёлларда сийдик-жинсий трихомонози;
- ичак ва жигар амёбиози;
- лямблиозда буюрилади.
Анаэроб бактериялар чақирган инфекцияларда препаратни қўлланиши касаллик қўзғатувчисининг сезувчанлигига боғлиқ.

Фаол моддага ва имидазолнинг бошқа ҳосилаларига ёки препаратнинг таркибига кирувчи ёрдамчи моддалардан бирортасига юқори сезувчанлик. Шунингдек қуйидаги ҳолатларда: - ҳомиладорликнинг биринчи уч ойлиги; - органик турдаги неврологик бузилишлари бўлган пациентлар; - анамнезида ёки даволанаётган вақтда қон дискразияси бўлган пациентларга ҳам қўллаш мумкин эмас.

Физзи® таблеткаларини дисульфирам билан бирга қўллаш керак эмас, чунки ўткир онгни чалкашиши ва психотик ҳолатларини ривожланиш хавфи мавжуд.
Физзи® препарати қабул қилинганида алкоголни истеъмол қилиш тавсия қилинмайди, чунки бу қоринда санчиқ, юзга қон қуйилишлар, қусиш ва тахикардияни қўзғатиши мумкин.
Препарат варфариннинг антикоагулянт самарасини кучайтиради, шунинг учун бир вақтда қўллаш шифокорнинг қатъий кузатуви остида ўтказилиши керак. Протромбин вақти кўрсаткичларини синчков кузатиш ва зарурати бўлганида дозага тузатиш киритиш керак.
Литий: қон плазмасида литийнинг даражаси ошиши мумкин.
Циклоспорин: қон зардобида циклоспориннинг даражасини ошиш хавфи мавжуд. Бир вақтда қўллаш зарурати туғилганида, қон зардобида циклоспорин ва креатининнинг даражасини синчковлик билан назорат қилиш керак.
5-фторурацил: 5-фторурацилнинг пасайган клиренси, унинг токсиклигини ошишига олиб келади. Қутбланмайдиган мушак релаксантлари (векуроний бромиди) билан бирга препаратни қўллаш тавсия этилмайди.
Амоксициллин билан бирга қўлланганда, Хеликобактер пилорининг таъсирини оширади (Амоксициллин чидамлилик ривожланишини бостиради).

Дозалаш:
Сийдик-жинсий трихомонози: 500 мг дан 4 таблетка кунига бир марта ёки 12 соатлик интервал билан икки марта (умумий суткалик дозаси 2 г).
Амёбиаз ва ўткир ичак лямблиози: 500 мг дан 4 таблетка кунига препаратни бир марталик қабул сифатида ёки 12 соатлик интервал билан препаратни икки марталик қабул сифатида (умумий миқдори 2 г).
Амёбаларни сурункали ташувчилари: 500 мг дан 3 таблетка 3 кун давомида бир неча қабулга.
Жигар амёбиази: 500 мг дан 3 таблетка кунига бир марта ёки камида 5 кун бир неча қабулга.
Болалар:
Клиник мезонларга асосан кунига 25-30 мг/кг. Даволаш давомийлиги, ҳудди шундай клиник вазиятларда ҳудди катталар учун каби.
Буйрак ёки жигар етишмовчилиги бўлган пациентларда, қоида бўйича одатда
5-нитроимидазол ҳосилаларини дозалари тавсия этилади.
Шундай қилиб, ўртачадан оғир даражагача бўлган жигар етишмовчилиги ҳолларида Физзи®нинг фармакокинетик параметрлари сезиларли ўзгармайди, шунинг учун асосан қисқа муддатли даволаш учун препаратнинг дозаларига тузатиш киритишга зарурат йўқ.
Пациентда оғир жигар етишмовчилиги бўлганида, шифокор ҳолатни баҳолаш ва касалликнинг оғирлигига қараб кунлик дозани камайтириши керак.
Иккала ҳолатда ҳам шифокорнинг кўрсатмасига қараб қарор қабул қилинади.

Доза ошириб юборилганида умумий чораларни қўллаш тавсия этилади: шифохона шароитларини кузатиш, медикаментоз ва симптоматик даволаш. Дозани ошириб юборилишининг клиник манзараси ушбу йўриқномада таърифланган, асосан неврологик яққол ножўя таъсирлар билан кўрсатилган (“Ножўя таъсирлари”га қаранг). Зарурати бўлганида секнидазолни гемодиализ ёрдамида чиқариш мумкин.

Секнидазолни ҳомиладорлик ва лактация даврида қўллаш мумкин эмас.