GIDROKORTIZON 5,0 ko'z uchun maz 0,5%

Gidrokortizon shox parda orqali ko‘z ichi suyuqligiga yomon o‘tadi; epidermis va shilliq qavat epiteliysiga o‘tadi, tizimli qon oqimiga oz miqdorda so‘rilishi va tizimli ta’sir ko‘rsatishi mumkin. Bevosita epidermis va shilliq qavat epiteliysida metabolizmga uchraydi, keyinchalik esa uning oz miqdori absorbtsiyadan so‘ng umumiy qon oqimiga tushadi va jigarda metabolizmga uchraydi. Qonda 80% transkortin bilan va 10% albuminlar bilan bog‘lanadi. Gidrokortizon metabolitlari buyraklar va ichak orqali chiqariladi.

Allergik reaksiyalar, achishish, skleralar qizarishi, ko‘rish o‘tkirligining qisqa muddatli xiralashishi.



10 kundan ortiq uzoq vaqt qo‘llanilganda quyidagilar kuzatilishi mumkin: ko‘z nervining shikastlanishi va ko‘rish maydonlarining buzilishi bilan kechuvchi steroid glaukoma rivojlanishi mumkin bo‘lgan ko‘z ichi bosimining oshishi (shuning uchun glyukokortikosteroidlar 10 kundan ortiq qo‘llanilganda

muntazam ravishda ko‘z ichi bosimini o‘lchash kerak), orqa subkapsulyar katarakta hosil bo‘lishi, yaralarni bitish jarayonining sekinlashishi (shox pardaning yupqalashishini keltirib chiqaradigan kasalliklarda uning teshilishi mumkin).

Ikkilamchi bakterial infektsiya organizmning himoya reaksiyasi susayishi oqibatida paydo bo‘lishi mumkin. O‘tkir yiringli kasalliklarda glyukokortikosteroidlar mavjud infektsion jarayonni niqoblashi yoki kuchaytirishi mumkin.

Shox pardaning zamburug‘li zararlanishi ayniqsa glyukokortikosteroidlar uzoq vaqt qo‘llanilganda tez-tez paydo bo‘lish tendentsiyasiga ega. Glyukokortikosteroidlar bilan uzoq muddatli davolashdan keyin shox pardada bitmaydigan yaralarning paydo bo‘lishi zamburug‘li invaziya rivojlanishidan dalolat berishi mumkin.

Davolash vaqtida kontakt linzalarni taqish tavsiya etilmaydi. Ko'z tomchilari bir vaqtda qo'llanilganda, ularning instillyatsiyasi va mazni surtish orasidagi vaqt oralig'i kamida 15 daqiqani tashkil qilishi kerak.

10 kundan ortiq qo'llanilganda va anamnezda ochiq yoki yopiq burchakli glaukoma bo'lganda ko'z ichki bosimini nazorat qilish zarur.

Agar bemorda preparat qo'llanilgandan so'ng ko'rish tiniqligi vaqtinchalik pasaysa, u tiklanguniga qadar transport vositalarini boshqarish va ko'rish tiniqligini talab qiluvchi faoliyat turlari bilan shug'ullanish tavsiya etilmaydi.

Gipersezuvchanlik, ko'zning yiringli, virusli, sil, zamburug'li kasalliklari, glaukoma, traxoma, vaksinatsiya davri, ko'z qobiqlari butunligining buzilishi, bolalar yoshi (18 yoshgacha).

Ehtiyotkorlik bilan

Homiladorlik, laktatsiya davri.

Homiladorlik va emizish davrida qo'llanilishi

Gidrokortizonni homiladorlik va laktatsiya davrida qo'llash xavfsizligi va samaradorligi bo'yicha tadqiqotlar o'tkazilmagan.

Mahalliy qo'llashda glyukokortikosteroidlarning ko'krak sutiga o'tishi to'g'risida aniq ma'lumotlar yo'q, ammo xavfni to'liq istisno qilib bo'lmaydi. Homiladorlik va laktatsiya davrida Gidrokortizonni qo'llash faqat kutilayotgan davolash samarasi homila yoki bola uchun potensial xavfdan yuqori bo'lgan hollardagina mumkin. Bunday hollarda qo'llash davomiyligi 7-10 kundan oshmasligi kerak.

Uzoq vaqt qo'llanilganda tizimli qon oqimiga ehtimoliy rezorbsiya oqibatida, gidrokortizon insulin, peroral gipoglikemik, gipotenziv dori vositalari, antikoagulyantlar samaradorligini, qon plazmasida salitsilatlar va prazikvantel konsentratsiyasini pasaytirishi mumkin.

Gidrokortizonning nojo'ya samaralari rivojlanish xavfini oshiradi: androgenlar, estrogenlar, peroral kontratseptivlar, anabolik steroidlar (girsutizm, husnbuzar toshmasi); antipsixotik dori vositalari, kar-butamid, azatioprin (katarakta); xolinoblokatorlar, antigistamin dori vositalari, tritsiklik antidepressantlar, nitratlar (glaukoma); diuretiklar (gipokaliemiya).

Yurak glikozidlari bilan qo'llanilganda digi-talisli intoksikatsiya rivojlanishi mumkin.

Qo'rg'oshin va kumush preparatlari bilan bir vaqtda qo'llash o'zaro inaktivatsiyaga olib keladi.