KALIYA YODID RENEVAL tabletkalari 100mkg N112
KALIYA YODID RENEVAL tabletkalari 100mkg N112 o'xshash dorilari
KALIYA YODID RENEVAL tabletkalari 100mkg N112 qo'llanmasi
Ichga qabul qilinganda preparat ingichka ichakda deyarli to'liq so'riladi. Sog'lom odamlar uchun o'rtacha taqsimlanish hajmi taxminan 23 litrni (tana vaznining 38%) tashkil qiladi. Plazmadagi yod konsentratsiyasi me'yorda 0,001 dan 0,005 mkg/ml gachani tashkil qiladi. Qalqonsimon bezda, so'lak bezlarida, sut bezlarida va oshqozon to'qimalarida to'planadi. So'lak, me'da shirasi va ko'krak sutidagi konsentratsiyasi qon plazmasidagiga qaraganda taxminan 30 baravar yuqori. Buyraklar orqali chiqariladi, kreatininga nisbatan siydikdagi yod konsentratsiyasi (mkg/g) uning organizmga tushish indikatori hisoblanadi.
Kam hollarda allergik reaksiyalar uchrashi mumkin: teri toshmasi, Kvinke shishi.
Buyrak yetishmovchiligi bo'lgan bemorlarda preparat bilan davolash fonida giperkaliemiya rivojlanishi mumkinligini hisobga olish kerak.
Davolashni boshlashdan oldin bemorda gipertireoz yoki tugunli toksik buqoq mavjudligini, shuningdek anamnezida ushbu kasalliklar borligini istisno qilish kerak.
Autoimmun tireoid kasalliklarga moyillik bo'lganda tireoperoksidazaga antitanachalar hosil bo'lishi mumkin.
Qalqonsimon bezning yod bilan to'yinishi terapevtik yoki diagnostik maqsadlarda qo'llaniladigan radioaktiv yodning to'planishiga to'sqinlik qilishi mumkin. Shu munosabat bilan radioaktiv yod qo'llaniladigan harakatlarni o'tkazishdan oldin preparatni qabul qilish tavsiya etilmaydi.
Preparatning transport vositalarini va boshqa mexanizmlarni boshqarish qobiliyatiga ta'siri:
Kaliy yodid transport vositalarini va mexanizmlarni boshqarish qobiliyatiga ta'sir qilmaydi.
- gipertireoz;
- sutkada 150 mkg dan ortiq yod dozalarini qabul qilishda subklinik gipertireoz;
- Dyuring gerpetiform dermatiti;
- qalqonsimon bezning solitar toksik adenomalari va qalqonsimon bezning funksional avtonomiyasi (fokal va diffuz), tugunli toksik bo'qoq (qalqonsimon bezni blokada qilish maqsadida operatsiyadan oldingi terapiya bundan mustasno);
- yodga yuqori sezuvchanlik.
Kaliy yodidni gipotireozda qabul qilmaslik kerak, oxirgisi yaqqol yod tanqisligi tufayli kelib chiqqan hollar bundan mustasno.
Radioaktiv yod bilan davolashda, qalqonsimon bez saratoni mavjud bo'lganda yoki shubha qilinganda preparatni tayinlashdan qochish kerak.
Preparat laktoza monogidrat saqlashi sababli, uni galaktozaga toqat qilolmaslik, laktaza yetishmovchiligi yoki glyukoza-galaktoza malabsorbsiyasi bilan bog'liq kam uchraydigan irsiy kasalliklari bo'lgan bemorlarga tayinlash tavsiya etilmaydi.
Homiladorlik va laktatsiya:
Homiladorlik va emizish davrida yodga bo'lgan ehtiyoj ortadi, shuning uchun Kaliy yodid preparatini organizmga yodning yetarli miqdorda tushishini ta'minlash uchun yetarli dozalarda qo'llash ayniqsa muhimdir. Preparat platsenta orqali o'tadi va ko'krak suti bilan ajralib chiqadi. Agar emizikli ayol Kaliy yodid qabul qilsa, emiziladigan chaqaloqlarga preparatni qo'shimcha tayinlash talab etilmaydi.
Preparatni homiladorlik vaqtida va emizish davrida qo'llash faqat tavsiya etilgan dozalarda mumkin.
Terapiyani o'tkazishda ovqat bilan tushadigan yod miqdorini hisobga olish kerak.
Yod bilan bir vaqtda qabul qilinganda antitireoid dori vositalari bilan davolash samaradorligi pasayadi.
Kaliy perxlorat qalqonsimon bez tomonidan yodning o'zlashtirilishini bostiradi.
Yodning yuqori dozalarini qabul qilish va kaliy tejovchi diuretiklarni bir vaqtda tayinlash giperkaliemiya rivojlanishiga olib kelishi mumkin.
Yod bilan yuqori dozalarda terapiyani litiy preparatlari bilan bir vaqtda tayinlash boqoq va gipotireoz rivojlanishiga yordam beradi.
Yodning qalqonsimon bez tomonidan o'zlashtirilishi va uning metabolizmi tireotrop gormon tomonidan rag'batlantiriladi.
Ayniqsa bu preparatni yangi tug'ilgan chaqaloqlar va 4 yoshgacha bo'lgan bolalarga buyurishda muhimdir.
Yod tanqisligi kasalliklari profilaktikasi:
Yangi tug'ilgan chaqaloqlar va bolalar: kuniga 50-100 mkg yod (Kaliy yodid 100 mkg preparatidan 1/2 - 1 tabletka);
O'smirlar va kattalar: kuniga 100-200 mkg yod (Kaliy yodid 100 mkg preparatidan 1 tabletka yoki Kaliy yodid 200 mkg preparatidan 1 tabletka);
Homiladorlikda va emizish davrida: kuniga 100-200 mkg yod (Kaliy yodid 100 mkg preparatidan 1 tabletka yoki Kaliy yodid 200 mkg preparatidan 1 tabletka.
Bo'qoqning jarrohlik yo'li bilan olib tashlanishidan keyin yoki bo'qoqni qalqonsimon bez gormonlari preparatlari bilan davolash tugagandan so'ng qaytalanish profilaktikasi:
Har kuni 100-200 mkg yod (Kaliy yodid 100 mkg preparatidan 1 tabletka yoki Kaliy yodid 200 mkg preparatidan 1 tabletka).
Eutireoid bo'qoqni davolash:
Yangi tug'ilgan chaqaloqlar va bolalar: kuniga 100-200 mkg yod (Kaliy yodid 100 mkg preparatidan 1 tabletka yoki Kaliy yodid 200 mkg preparatidan 1 tabletka);
O'smirlar va yosh kattalar: kuniga 200 mkg yod (Kaliy yodid 100 mkg preparatidan 2 tabletka yoki Kaliy yodid 200 mkg preparatidan 1 tabletka).
Preparatning sutkalik dozasini bir marta, ovqatdan keyin, yetarli miqdordagi suyuqlik bilan qabul qilish kerak. Preparatni yangi tug'ilgan chaqaloqlar va 3 yoshgacha bo'lgan bolalarga buyurganda tabletkani oz miqdordagi (1 osh qoshiq) xona haroratidagi qaynatilgan suvda eritish tavsiya etiladi.
Profilaktika maqsadida preparatni qo'llash, qoida tariqasida, bir necha oy yoki yil davomida, ko'pincha esa - butun umr davomida o'tkaziladi.
Yangi tug'ilgan chaqaloqlarda bo'qoqni davolash uchun ko'pchilik hollarda 2-4 hafta kifoya qiladi; bolalar, o'smirlar va kattalarda odatda 6-12 oy yoki undan ko'proq talab qilinadi. Davolash davomiyligi shifokor tomonidan belgilanadi.
Dozani oshirib yuborish:
Preparatni sutkada 150 mkg dan ortiq dozada qalqonsimon bezda funksional avtonomiyali o'choqlari bo'lgan bemorlarga buyurganda yod-induksiyalangan gipertireoz rivojlanishi mumkin.
Yodning yuqori dozalari bilan (sutkada 1 000 mkg dan ortiq) terapiyada alohida hollarda yod chaqirgan bo'qoq va gipotireoz rivojlanishi mumkin.
Surunkali dozani oshirib yuborish "yodizm" fenomeniga olib kelishi mumkin: og'izda metall ta'mi, shilliq qavatlarning shishi va yallig'lanishi (rinit, konyunktivit, gastroenterit, bronxit), husnbuzar toshmasi, dermatit, so'lak bezlari shishi, tana haroratining ko'tarilishi, ta'sirchanlik.
Davolash: surunkali dozani oshirib yuborishda preparatni qo'llashni to'xtatish tavsiya etiladi. Yod-induksiyalangan gipertireoz rivojlanganda preparatni qo'llashni to'xtatish va antitireoid vositalar bilan terapiyani tayinlash tavsiya etiladi. O'ta og'ir hollarda intensiv terapiya, plazmaferez yoki tireoidektomiya o'tkazish zarur. Gipotireoz rivojlanganda preparatni qo'llashni to'xtatish va yod saqlovchi tireoid gormonlar bilan terapiyani tayinlash tavsiya etiladi.
Xususiyatlar KALIYA YODID RENEVAL tabletkalari 100mkg N112
Kaliya yodid boshqa chiqarish shakllari
KALIYA YODID RENEVAL tabletkalari 100mkg N112 analoglari
