KALSIYA XLORID 0,1/ML eritma 10ml N10
KALSIYA XLORID 0,1/ML eritma 10ml N10 qo'llanmasi
Farmakokinetikasi
Taxminan 45% plazma oqsillari bilan kompleksda bo'ladi. Buyraklar (20%) va ichak (80%) orqali chiqariladi. Kalavachalar filtratsiyasi yo'li bilan chiqariladigan kaltsiyning 95% Genle halqasining ko'tariluvchi segmentida, shuningdek proksimal va distal buyrak naychalarida reabsorbsiyaga uchraydi.
Nojo'ya samaralari
Tez yuborilganda - issiqlik hissi, yuz terisining qizarishi, og‘izda bo‘r ta'mi, periferik vazodilatatsiya, qon bosimining pasayishi, aritmiya (sh.j. bradikardiya), hushdan ketish. Kam hollarda (buyrak funktsiyasi buzilganda) - giperkaltsiemiya. Mahalliy reaksiyalar: vena bo‘ylab ta'sirlanish; teri giperemiyasi, og‘riq, toshma, kaltsifikatsiya ekstravazatsiyadan dalolat berishi mumkin, bu esa atrofdagi to‘qimalar nekroziga olib kelishi mumkin.
Maxsus saqlash sharoitlari
Davolash qondagi kaltsiy kontsentratsiyasi nazorati ostida o'tkaziladi.
Teri ostiga yoki mushak ichiga yuborish mumkin emas - to'qimalar nekrozi bo'lishi mumkin (kaltsiy xloridning yuqori kontsentratsiyalari, 5% dan boshlab, atrofdagi to'qimalarning kuchli ta'sirlanishini chaqiradi).
Yuborish joyida og'riq yoki giperemiya paydo bo'lganda yuborishni to'xtatish va preparat ekstravazatsiyasini istisno qilish kerak.
Kaltsiy xlorid vena ichiga yuborilganda avval og'iz bo'shlig'ida, so'ngra butun tanada issiqlik hissi paydo bo'ladi.
Qo'llanilishi mumkin bo'lmagan holatlar
Preparatga yuqori sezuvchanlik, giperkalsemiya, giperkalsiuriya, og'ir surunkali buyrak yetishmovchiligi, qorinchalar fibrillatsiyasi, siydik tosh kasalligi, sarkoidoz, yurak glikozidlarini bir vaqtda qabul qilish; homiladorlik, laktatsiya davri.
Ehtiyotkorlik bilan:
Yengil va o'rtacha darajadagi surunkali buyrak yetishmovchiligi, degidratatsiya, elektrolit muvozanatining buzilishi (giperkalsemiya xavfi), yurak kasalliklari (aritmiya xavfi), buyrak kasalliklari, "o'pka" yuragi, respirator atsidoz, nafas yetishmovchiligi (kalsiy xlorid oksidlanishi oqibatida toksik reaksiyalar xavfi).
Dori vositalarining o'zaro ta'siri
Yurak glikozidlari bilan bir vaqtda qo'llanilganda aritmiyalar rivojlanish xavfini oshiradi (bir vaqtda qo'llash qarshi ko'rsatilgan).
"Sekin" kaltsiy kanallari blokatorlari samaradorligini pasaytiradi.
Boshqa kaltsiy va magniy saqlovchi preparatlar bilan bir vaqtda qabul qilish ayniqsa surunkali buyrak yetishmovchiligi bo'lgan bemorlarda mos ravishda giperkaliemiya yoki gipermagniemiya xavfini oshiradi.
Nodepolyarizatsiyalovchi miorelaksantlar samaradorligini pasaytiradi.
Tubokurarin xloridning ta'sir davomiyligini oshirishi mumkin.
Tetratsiklinlar, magniy sulfat, fosfatlar, karbonatlar yoki tartratlar saqlovchi dori vositalari bilan farmatsevtik jihatdan nomutanosib.
5% dekstroza eritmasi va 0,9% natriy xlorid eritmasi bilan mos keladi.
Dozirovkasi
Yuborish tugagandan so'ng bemor qisqa vaqt davomida "yotgan" holatda qolishi kerak.
Allergik kasalliklarda (eshakemi, angionevrotik shish, allergodermatozlar, zardob kasalligi), hasharotlar chaqishi va nish urishida, qo'rg'oshin sanchig'ida, magniy preparatlari bilan doza oshirib yuborilganda - 7,5-15 ml.
O'tkir gipokalsiemiyada - 7,5-15 ml 1-3 kun davomida, zarurat bo'lganda yuborish har 1-3 kunda takrorlanadi.
Gipokalsiemik tetaniyada - 5-17,5 ml. Yuborish terapevtik samaraga erishilgunga qadar har 8 soatda takrorlanadi.
Giperkaliemiyada (EKG nazorati ostida) - 2,45-15 ml, zarurat bo'lganda takroriy doza 1-2 daqiqadan so'ng yuboriladi.
Bolalarga - 0,3 ml/kg dan, maksimal sutkalik doza 15 ml.
Vena ichiga tomchilab yuborish uchun eritma oldindan 5 % li dekstroza eritmasi yoki 0,9 % natriy xlorid eritmasi bilan suyultiriladi.Dozani oshirib yuborishSimptomlari: giperkalsiemiya (chanqoq, ko'ngil aynishi, qusish, qabziyat, poliuriya, abdominal og'riq, mushak zaifligi, ruhiy buzilishlar, og'ir holatlarda - aritmiya, koma), ayniqsa surunkali buyrak yetishmovchiligi bo'lgan bemorlarda.
Davolash: arzimas dozani oshirib yuborishda (kalsiy konsentratsiyasi - 2,6- 2,9 mmol/l) yuborishni to'xtatadilar va boshqa kalsiy saqlovchi dori vositalarini bekor qiladilar. Og'ir dozani oshirib yuborishda (kalsiy konsentratsiyasi 2,9 mmol/l dan yuqori) 0,9 % natriy xlorid eritmasi, notiazid diuretiklar yuboradilar; zardobdagi kaliy va magniy konsentratsiyasini nazorat qiladilar, va zarurat bo'lganda - kaliy va magniy preparatlarini yuboradilar; yurak-qon tomir tizimi funksiyasini nazorat qilish, aritmiyalarning oldini olish uchun beta-adrenoblokatorlarni yuborish, gemodializ.
Hajm/og'irlik
KALSIYA XLORID 0,1/ML eritma 10ml N10 o'xshash dorilari
Kalsiya Xlorid boshqa chiqarish shakllari
KALSIYA XLORID 0,1/ML eritma 10ml N10 analoglari
