LAMBROTIN sirop 100 ml 15 mg+2,5 mg/5 ml

faol moddalar:  

Lambrotin 15 mg / 2,5 mg: har 5 ml quyidagilarni saqlaydi:

Ambroksol gidroxloridi BP 15 mg;

Tsetirizin gidroxloridi BP 2,5 mg;

Lambrotin 30 mg / 5 mg: har 5 ml quyidagilarni saqlaydi:

Ambroksol gidroxloridi BP 30 mg;

Tsetirizin gidroxloridi BP 5 mg.

yordamchi moddalar:

Lambrotin 15 mg / 2,5 mg: sorbitol 70% eritmasi, metilparaben, propilparaben, tiomochevina, propilenglikol, glyukoza eritmasi, gliserin, atsesulfam kaliy, natriy saxarin, limon kislotasi, natriy tsitrat, malina essentsiyasi, yalpiz essentsiyasi, Di natriy gidrofosfat, limon kislotasi, tozalangan suv.

Lambrotin 30 mg / 5 mg: sorbitol 70% eritmasi, metilparaben, propilparaben, tiomochevina, propilenglikol, suyuq glyukoza, gliserin, atsesulfam kaliy, natriy saxarin, limon kislotasi, natriy tsitrat, malina essentsiyasi, yalpiz essentsiyasi, Di natriy gidrofosfat, tozalangan suv.

Lambrotin 15 mg/ 2,5 mg yoki 30 mg / 5 mg: ichga qabul qilish uchun sirop qahrabo rangli plastik flakonda, o'lchov stakanchasi va tibbiyotda qo'llanilishiga doir yo'riqnomasi bilan birga karton qutida.

Ambroksol mukolitik vosita bo'lib hisoblanadi. Sekretomotor sekretolitik va balg'am ko'chiruvchi ta'sirlarga ega; bronxlarning shilliq qavatidagi seroz xujayralarni rag'batlantiradi, alveolalar va bronxlarda shilliq sekret miqdorini, yuza-faol moddalar (surfaktant) ajralishini oshiradi; balg'amdan seroz va shilliq komponentlarining izdan chiqqan nisbatini normallashtiradi. Gidrolizlovchi fermentlarni faollashtirib va seretor xujayralardan lizosomalarni ajralib chiqishini kuchaytirib, balg'amning qovushqoqligini pasaytiradi. Xilpillovchi epiteliyning harakat faolligini oshiradi, mukosiliar transportni oshiradi. Ichga qabul qilingandan keyin ta'siri 30 minutdan keyin boshlanadi va 6-12 soat davom etadi.

Tsetirizin allergiyaga qarshi vosita bo'lib hisoblanadi. Tsetirizin - antigistamin preparat, N1 – reseptorlarining selektiv antagonisti, u sezilarli antixolinergik va antiserotonin ta'sirlarga ega emas. Tsetirizin gematoentsefalik to'siq orqali o'tmaydi. Tsetirizin allergik reaktsiyaning erta fazasini tormozlaydi, shuningdek eozinofillar kabi yallig'lanish xujayralari migrasiyasini, kechki allergik reaktsiyada ishtirok etuvchi mediatorlarni ajralib chiqishini kamaytiradi. Tsetirizin bronxial astmasi bo'lgan bemorlarda gistaminni ajralib chiqishiga javoban yuzaga keluvchi bronxial daraxtning giperfaolligini ahamiyatli pasaytiradi. Preparatning ushbu samaralari Markaziy ta'sir bilan kechmaydi, bu psixometrik testlar va EKG ma'lumotlari bilan tasdiqlanadi.

Ambroksol ichga qabul qilingandan keyin juda yaxshi so'riladi, qon plazmasidagi Smax ga 0,5-3 soatdan keyin erishiladi. Plazma oqsillari bilan bog'lanishi – 80%. GET, yo'ldosh to'siqlari orqali o'tadi, ko'krak suti bilan ajraladi. Dibromantranil kislotasi va glyukuron kon'yugatlarini hosil qilib jigarda metabolizmga uchraydi. T1/2 1,3 soatni tashkil qiladi. Buyraklar orqali chiqariladi: 90% - suvda eruvchan metabolitlari, 5% - o'zgarmagan ko'rinishda.

Tsetirizin ichga qabul qilinganda tez so'riladi, kattalarda yarim chiqarilish davri 7,9 ± 1,9 soatni tashkil qiladi. Tsetirizin va uning metabolitlari organizmdan asosan siydik bilan chiqariladi.

Alohida klinik xolatlardagi farmakokinetikasi: og'ir darajadagi buyrak etishmovchiligida T1/2 oshadi, jigar funktsiyasini buzilishlarida o'zgarmaydi.

Preparat odatda yaxshi o'zlashtiriladi. Kam xollarda yuqori sezuvchanlik reaktsiyalari, xolsizlik, bosh og'rig'i, gastralgiya, me'dada to'lib ketish hissi, ko'ngil aynishi, qusish, ovqat hazm qilishni buzilishi kuzatiladi. Ushbu ko'rinishlar vaqtincha xarakterga ega va preparatni bekor qilishni talab etadi.

Preparat me'da va o'n ikki barmoq ichak yara kasalligida klinik manzaraga ta'sir ko'rsatishi mumkin.

Avtotransportni haydash va mexanizmlarni boshqarish qobiliyatiga ta'siri

Davolash davrida diqqatni yuqori jamlash va psixomotor reaktsiyalarning tezligini talab etuvchi potentsial xavfli faoliyat turlari bilan shug'ullanishdan saqlanish kerak.

−qovushqoq balg'am ajralishi bilan kechuvchi nafas yo'llari kasalliklari;

−balg'amni qiyin ajralishi bilan kechuvchi bronxial astma;

−o'tkir va surunkali bronxit;

−pnevmoniya; 

−bronxoektatik kasallik;

−o'pkaning surunkali obstruktiv kasalliklarida qo'llanadi.

−preparatning komponentlariga yuqori sezuvchanlik;

−buyrakning og'ir kasalliklari;

−homiladorlik va laktasiya (emizish) davrida qo'llash mumkin emas.

Dori vositasini o'rtacha va og'ir darajadagi surunkali pielonefritda, buyrak etishmovchiligida (dozalash tartibiga tuzatish kiritish talab etiladi), keksa yoshdagi shaxslarda (ushbu toifadagi pasientlarda kalavalar filtrasiyasi tezligi pasayishi mumkinligi tufayli) ehtiyotkorlik bilan buyuriladi.

Lambrotinni boshqa preparatlar bilan majmuada qo'llash mumkin. Dorilarning o'zaro ta'sirining noxush ko'rinishlari haqidagi ma'lumotlar yo'q.

Yo'talga qarshi preparatlar bilan birga qo'llash yo'talni kamayishi fonida balg'amni ko'chishini qiyinlashishiga olib keladi. Bronxial sekretga amoksisillin, tsefuroksim, eritromisin va doksisiklinni kirishini oshiradi.

Lambrotin sirop 15 mg+2,5 mg/5 ml: tiniq, rangsiz siropsimon suyuqlik.

Lambrotin sirop 30 mg+5 mg/5ml: qaxrabo rangli flakonlarda pushti rangli siropsimon suyuqlik.

Lambrotin preparati ovqatlanish vaqtida, oz miqdordagi suyuqlik bilan ichga qabul qilish uchun buyuriladi.

Bolalarga Lambrotin siropni (5 ml da 15 mg ambroksol) quyidagi dozalarda berish tavsiya etiladi: 

2-yoshgacha - 2,5 mg dan kuniga 2 marta; 

2 yoshdan 5 yoshgacha - 2,5 ml dan kuniga 3 marta; 

5 yoshdan oshgan - 5 ml dan kuniga 2-3 marta.

Kattalarga Lambrotin siropi (5 ml da 30 mg ambroksol) 10 ml dan kuniga 2-3 marta tavsiya etiladi.

7 kundan ortiq davom etuvchi davolaganda doza 2 marta kamaytiriladi.

Shifokor tavsiyasisiz 4-5 kundan ortiq qo'llash tavsiya etilmaydi.

Davolash vaqtida suyuqliklarni (sharbat, choy, suv) ko'p miqdorda iste'mol qilish kerak, chunki u preparatning mukolitik samarasini kuchaytiradi.

Simptomlari: ko'ngil aynishi, qusish, diareya, dispepsiya, uyquchanlik, tormozlanish, xolsizlik, bosh og'rig'i, taxikardiya, yuqori ta'sirchanlik, siyishni tutilishi, toliqish (ko'pincha tsetirizinni 50 mg sutkalik dozada qabul qilganda).

Davolash: preparatni qabul qilgandan keyin birinchi 1-2 soat davomida sun'iy qusish, me'dani yuvish, yog'lar saqlovchi ovqat qabul qilish yoki faollashtirilgan ko'mir buyuriladi.