LEVOMISETIN eritma 25ml 0,25%

Ichga qabul qilingandan so'ng MIY dan tez va to'liq so'riladi. Biokiraolishligi 80% ni tashkil qiladi. Organizmda tez taqsimlanadi. Plazma oqsillari bilan bog'lanishi 50-60% ni tashkil qiladi. Jigarda metabolizmga uchraydi. T _{1.5-3.5 soatni tashkil qiladi. Siydik bilan, oz miqdorlari axlat va safro bilan chiqariladi.}

Keng ta'sir doirasiga ega antibiotik. Mikroblarga qarshi ta'sir mexanizmi mikroorganizmlar oqsillari sintezining buzilishi bilan bog'liq. Bakteriostatik ta'sir ko'rsatadi. Grammusbat bakteriyalar: Staphylococcus spp., Streptococcus spp.; grammanfiy bakteriyalar: Neisseria gonorrhoeae, Neisseria meningitidis, Escherichia coli, Haemophilus influenzae, Salmonella spp., Shigella spp., Klebsiella spp., Serratia spp., Yersinia spp., Proteus spp., Rickettsia spp. ga nisbatan faol; shuningdek Spirochaetaceae, ba'zi yirik viruslarga nisbatan faol.

Xloramfenikol penitsillin, streptomitsin, sulfanilamidlarga chidamli shtammlarga nisbatan faol.

Mikroorganizmlarning xloramfenikolga chidamliligi nisbatan sekin rivojlanadi.

Qon yaratish tizimi tomonidan: trombositopeniya, leykopeniya, agranulotsitoz, aplastik anemiya.

Ovqat hazm qilish tizimi tomonidan: ko‘ngil aynishi, qusish, diareya, meteorizm.

MNS va periferik nerv tizimi tomonidan: periferik nevrit, ko‘rish nervi nevriti, bosh og‘rig‘i, depressiya, ongning chalkashishi, deliriy, ko‘rish va eshitish gallyutsinatsiyalari.

Allergik reaksiyalar: teri toshmasi, eshakemi, angionevrotik shish.

Mahalliy reaksiyalar: ta'sirlovchi ta'sir (sirtga yoki mahalliy qo‘llanilganda).

Xloramfenikol yangi tug'ilgan chaqaloqlarda qo'llanilmaydi, chunki "kulrang sindrom" (meteorizm, ko'ngil aynishi, gipotermiya, teri rangining kulrang-moviy bo'lishi, progressiv tsianoz, dispnoe, yurak-qon tomir yetishmovchiligi) rivojlanishi mumkin.

Oldin tsitostatik preparatlar bilan davolashni yoki nur terapiyasini olgan bemorlarda ehtiyotkorlik bilan qo'llaniladi.

Alkogol bilan bir vaqtda qabul qilinganda disulfiramsimon reaktsiya (teri qoplamalari giperemiyasi, taxikardiya, ko'ngil aynishi, qusish, reflektor yo'tal, tirishishlar) rivojlanishi mumkin.

Davolash jarayonida periferik qon manzarasini muntazam nazorat qilish zarur.

Qon kasalliklari, jigar funksiyasining yaqqol buzilishlari, glyukoza-6-fosfatdegidrogenaza fermenti yetishmovchiligi, teri kasalliklari (psoriaz, ekzema, zamburug'li kasalliklar); homiladorlik, laktatsiya, 4 haftagacha bo'lgan bolalar (yangi tug'ilgan chaqaloqlar), xloramfenikol, tiamfenikol, azidamfenikolga yuqori sezuvchanlik.

Xloramfenikol peroral gipoglikemik preparatlar bilan bir vaqtda qo'llanilganda ushbu preparatlarning jigarda metabolizmi bostirilishi va ularning qon plazmasidagi kontsentratsiyasining oshishi hisobiga gipoglikemik ta'sirning kuchayishi qayd etiladi.

Suyak ko'migi qon hosil bo'lishini susaytiruvchi preparatlar bilan bir vaqtda qo'llanilganda suyak ko'migiga susaytiruvchi ta'sirning kuchayishi qayd etiladi.

Eritromitsin, klindamitsin, linkomitsin bilan bir vaqtda qo'llanilganda xloramfenikol ushbu preparatlarni bog'langan holatdan siqib chiqarishi yoki ularning bakterial ribosomalar 50S subvahdasi bilan bog'lanishiga to'sqinlik qilishi hisobiga ta'sirning o'zaro susayishi qayd etiladi.

Penitsillinlar bilan bir vaqtda qo'llanilganda xloramfenikol penitsillinning bakteritsid ta'siri namoyon bo'lishiga qarshilik qiladi.

Xloramfenikol sitoxrom P450 ferment tizimini bostiradi, shuning uchun fenobarbital, fenitoin, varfarin bilan bir vaqtda qo'llanilganda ushbu preparatlar metabolizmining susayishi, chiqarilishining sekinlashishi va qon plazmasida kontsentratsiyasining oshishi qayd etiladi.

Muayyan preparatni qo'llash usuli va dozalash tartibi uning chiqarilish shakli va boshqa omillarga bog'liq. Dozalashning optimal tartibini shifokor belgilaydi. Qo'llanilayotgan preparatning dori shakli uning qo'llanilishiga ko'rsatmalar va dozalash tartibiga muvofiqligiga qat'iy rioya qilish lozim.