LIBEKSIN tabletkalari 100mg N20

Prenoksdiazin MITYdan tez va sezilarli darajada so'riladi. Prenoksdiazinning C_max ga preparat qabul qilingandan 30 daqiqa o'tgach erishiladi, uning terapevtik kontsentratsiyasi 6-8 soat davomida saqlanib turadi.

Plazma oqsillari bilan bog'lanishi 55-59% ni tashkil qiladi.

T _{2,6 soatni tashkil qiladi.}

Qabul qilingan dozaning katta qismi jigarda metabollanadi, preparatning qabul qilingan dozasining faqat taxminan 1/3 qismi o'zgarmagan holda, qolgan qismi esa metabolitlar ko'rinishida (prenoksdiazinning 4 ta metaboliti ajratib olingan) chiqariladi.

Prenoksdiazin metabolizmining dastlabki 12 soatida uning va metabolitlarining biliar ekskretsiyasi eng muhim rol o'ynaydi. Qabul qilingandan 24 soat o'tgach preparatning 93% ajralib chiqadi. Ichga qabul qilingandan 72 soat o'tgach qabul qilingan dozaning 50-74% axlat bilan va 26-50% siydik bilan chiqariladi.

Prenoksdiazin periferik ta'sirga ega yo'talga qarshi vosita hisoblanadi. Preparat quyidagi samaralar hisobiga yo'tal refleksining periferik bo'g'inlarini bloklaydi:

— nafas yo'llarining periferik sezgir (yo'tal) retseptorlarining ta'sirlanishini kamaytiradigan mahalliy anesteziya qiluvchi ta'sir;

— bronx kengaytiruvchi ta'sir, buning natijasida yo'tal refleksida ishtirok etuvchi cho'zilish retseptorlarining bostirilishi sodir bo'ladi;

— nafas olish markazi faolligining biroz pasayishi (nafas olishni susaytirmasdan).

Preparatning yo'talga qarshi samarasi taxminan kodeinnikiga teng. Prenoksdiazin o'rganib qolish va dori qaramligini keltirib chiqarmaydi. Surunkali bronxitda prenoksdiazinning yallig'lanishga qarshi ta'siri qayd etilgan.

Prenoksdiazin ehtimoliy bilvosita anksiolitik ta'siridan tashqari, MNT faoliyatiga ta'sir qilmaydi.

Allergik reaksiyalar: kamdan-kam hollarda - teri toshmasi; angionevrotik shish.

MIT tomonidan: kamdan-kam hollarda - og'iz yoki tomoq qurishi; og'iz bo'shlig'i shilliq qavatining anesteziyasi (vaqtinchalik uvishish va sezuvchanlikning yo'qolishi); 10% dan kam hollarda - me'dada og'riq; qabziyatga moyillik; ko'ngil aynishi.

Asab tizimi tomonidan: preparat yuqori dozalarda qo'llanilganda - yengil sedativ ta'sir; toliqish.

Shuni ta'kidlash kerakki, sedativ ta'sir ham, toliqish ham terapevtik dozalardan yuqori dozalarda namoyon bo'ladi va barcha simptomlar preparatni qabul qilish to'xtatilgandan so'ng bir necha soat ichida o'z-o'zidan yo'qoladi.

Preparat laktozani ko'tara olmaydigan bemorlarda oshqozon-ichak trakti tomonidan shikoyatlarni chaqirishi mumkin, chunki tabletkalar laktoza saqlaydi (har bir tabletkada 0,38 mg laktoza).

Avtotransportni boshqarish va yuqori xavf bilan bog'liq ishlarni bajarish qobiliyatiga ta'siri

Preparatni yuqori dozalarda qabul qilish reaksiyalar tezligini sekinlashtirishi mumkin, shuning uchun preparat yuqori dozalarda qabul qilinganda avtomobilni boshqarish yoki yuqori xavf bilan bog'liq ishlar bilan shug'ullanish imkoniyati to'g'risidagi masala individual ravishda hal qilinishi kerak.

• ko‘p bronxial sekretsiya bilan bog‘liq kasalliklar;
• ingalyatsion narkozdan keyingi holat;
• galaktozani o‘zlashtira olmaslik, laktaza yetishmovchiligi yoki glyukoza-galaktoza malabsorbtsiyasi;
• preparatga yuqori sezuvchanlik.

Ehtiyotkorlik bilan: bolalar yoshi.

Preparatni mukolitik va balg'am ko'chiruvchi vositalar bilan kombinatsiyalash tavsiya etilmaydi, chunki u oxirgilar tomonidan suyultiriladigan balg'am ajralishini qiyinlashtirishi mumkin. Boshqa preparatlar bilan o'zaro ta'siri to'g'risida na preklinik, na klinik ma'lumotlar mavjud emas.

Kattalar uchun o‘rtacha doza 100 mg dan sutkasiga 3-4 martani (1 tab. dan sutkasiga 3-4 marta) tashkil qiladi. Murakkabroq hollarda dozani 200 mg gacha sutkasiga 3-4 marta yoki 300 mg gacha sutkasiga 3 martagacha (2 tab. dan sutkasiga 3-4 marta yoki 3 tabletkadan sutkasiga 3 marta) oshirish mumkin.

Bolalar uchun o‘rtacha doza, yosh va tana vazniga qarab, kuniga uch yoki to‘rt marta 25-50 mg (1/4 - 1/2 tab. dan sutkasiga 3-4 marta).

Maksimal bir martalik doza bolalar uchun - 50 mg (1/2 tab.), kattalar uchun - 300 mg (3 tab.). Maksimal sutkalik doza bolalar uchun - 200 mg (2 tab.), kattalar uchun - 900 mg (9 tab.).

Bronxoskopiyaga tayyorgarlikda tana vazniga 0,9-3,8 mg/kg doza muolaja boshlanishidan 1 soat oldin 0,5-1 mg atropin bilan kombinatsiyalanadi.

Tabletkalar chaynamasdan yutiladi (og‘iz bo‘shlig‘i shilliq qavati anesteziyasini oldini olish uchun).