LYUGOL sprey

Asosiy ta'sir etuvchi modda molekulyar yod bo'lib, antiseptik va mahalliy ta'sirlovchi samarani ko'rsatadi.

Grammusbat va grammanfiy floraga, shuningdek patogen zamburug'larga nisbatan bakteritsid ta'sir ko'rsatadi; stafilokokk barqarorroq, ammo preparat uzoq muddat qo'llanilganda 80% hollarda stafilokokk florasining bostirilishi kuzatiladi; ko'k yiring tayoqchasi preparat ta'siriga chidamli.

Teri va shilliq pardalarning keng yuzalariga surtilganda yod rezorbtiv ta'sir ko'rsatadi: moddalar almashinuviga faol ta'sir qiladi, dissimilyatsiya jarayonlarini kuchaytiradi, T3 va T4 sintezida ishtirok etadi, proteolitik ta'sirga ega.

Tarkibiga kiruvchi kaliy yodidi yodning suvda erishini yaxshilaydi.

Yuqori sezuvchanlik reaksiyalari (masalan, eshakemi, bezlar shishi, teri toshmasi, angionevrotik shish, gemorragiyalar) bo'lishi mumkin.

Agar Lyugol spreyi tez-tez va uzoq muddat qo'llanilsa, shilliq qavatlarning ta'sirlanishi kuzatilishi mumkin. Yodizm belgilari (eshakemi, angionevrotik shish, so'lak oqishi, ko'z yoshlanishi, tumov, mushak holsizligi, tormozlanish) bo'lishi mumkin.

Uzoq muddat qo'llanilganda yod so'rilishi natijasida qalqonsimon bez faoliyati susayishi mumkin.

Nojo'ya reaksiyalar, shu jumladan ushbu yo'riqnomada ko'rsatilmagan reaksiyalar yuzaga kelganda, dori vositasini qo'llashni to'xtatish va shifokorga murojaat qilish kerak.

Avtomobil va boshqa mexanizmlarni boshqarish qobiliyatiga ta'sir qilmaydi.

EHTIYOTKORLIK CHORALARI:

Qo'llashdan oldin yuqori sezuvchanlikni istisno qilish uchun dori vositasini terining kichik sohasiga surtish tavsiya etiladi.

Agar dori vositasini qo'llash vaqtida simptomlar saqlanib qolsa yoki holat yomonlashishi sodir bo'lsa, dori vositasini qo'llashni to'xtatish va shifokorga murojaat qilish kerak.

Dori vositasini yutmaslik kerak. Dori vositasi qo'llanilgandan so'ng 30 daqiqa davomida ovqat yoki ichimlik qabul qilishdan saqlanish tavsiya etiladi.

Allergik reaksiyalarga moyil bemorlarda va bronxial astmasi bo'lgan bemorlarda ehtiyotkorlik bilan qo'llash kerak.

Qalqonsimon bez kasalliklaridan aziyat chekuvchi bemorlar yod saqlovchi preparatlarni ehtiyotkorlik bilan qo'llashlari kerak. Preparatni ko'zga tushishiga yo'l qo'yilmaydi. Agar bu sodir bo'lsa, ko'zlarni ko'p miqdorda suv yoki natriy tiosulfat eritmasi bilan yuvish kerak.

Quyosh nuri va 40 °S dan yuqori harorat faol yod parchalanishini tezlashtiradi.

Yodga yoki preparatning boshqa komponentlariga yuqori sezuvchanlik.

Jigar va buyrakning dekompensatsiyalangan kasalliklari, gipertireoz, gerpetiform dermatit.

Qalqonsimon bez kasalliklari (tugunli kolloid buqoq, endemik buqoq va Xashimoto tireoiditi) bo'lgan bemorlarda muntazam foydalanish uchun mumkin emas.

Yod natriy tiosulfat tomonidan inaktivatsiya qilinadi. Preparat tarkibidagi yod metallarni oksidlaydi, shuning uchun metall asboblarni buzadi.

Lyugol spreyi qo'llanilganda, qalqonsimon bez funktsiyasini bostiruvchi dori vositalarining ta'siri pasayishi mumkin, shuningdek qalqonsimon bezning ko'rsatkichlari o'zgarishi mumkin.

Lyugol eritmasi ba'zi preparatlarning, masalan asetilsalitsil kislotasining oshqozon shilliq qavatiga ta'sirlovchi ta'sirini kuchaytirishi mumkin.

Xlorgeksidin va kumush sulfadiazini bilan birga qo'llash yod ta'sirini yomonlashtirishi mumkin.

Og'iz bo'shlig'i, halqum va tomoq shilliq qavatiga sutkasiga 4-6 marta purkagich boshchasini bir marta bosish orqali purkash kerak. Purkash vaqtida nafasni ushlab turish tavsiya etiladi.

Dori vositasini ko'zga tushishiga yo'l qo'ymaslik kerak.

Davolash davomiyligi kasallikning xususiyatlari, dori vositasining o'zlashtirilishi va erishilgan samarani hisobga olgan holda shifokor tomonidan belgilanadi.