MEROPENEM poroshok 500mg N1

Ovqat hazm qilish tizimi tomonidan: epigastral sohada og'riqlar, ko'ngil aynishi, qusish, diareya, qabziyat, anoreksiya, sariqlik; og'iz bo'shlig'i shilliq qavati kandidozi; soxtamembranoz kolit.

Siydik chiqarish tizimi tomonidan: dizuriya, shishlar, buyrak faoliyatining buzilishi (giperkreatininemiya, plazmada mochevina kontsentratsiyasining oshishi), gematuriya.

Allergik reaksiyalar: teri qichishishi, teri toshmasi, eshakemi, ko'p shaklli ekssudativ eritema, xavfli ekssudativ eritema (Stivens-Jonson sindromi), angionevrotik shish, anafilaktik shok.

Asab tizimi tomonidan: bosh og'rig'i, bosh aylanishi, paresteziyalar, ajitatsiya, ongning buzilishi, epileptiform tutqanoqlar, tirishishlar.

Laborator ko'rsatkichlar: trombotsitoz, eozinofiliya, trombotsitopeniya, gemoglobin, gematokritning pasayishi, leykopeniya, protrombin va qisman tromboplastin vaqtining qisqarishi, leykotsitoz, gipokaliemiya, giperbilirubinemiya, ALT, ACT, IF, LDG faolligining oshishi.

Mahalliy reaksiyalar: yuborish joyida yallig'lanish, flebit, tromboflebit, og'riqlilik, shish.

Boshqalar: soxta musbat to'g'ridan-to'g'ri yoki bilvosita Kumbs sinamalari, anemiya, gipervolemiya, vaginal kandidoz.

Meropenem qabul qilish bilan sabab-oqibat bog'liqligi aniqlanmagan: hushdan ketish, gallyutsinatsiyalar, depressiya, xavotirlik, yuqori qo'zg'aluvchanlik, uyqusizlik, xolestatik gepatit, yurak yetishmovchiligi, yurak to'xtashi, taxikardiya, bradikardiya, miokard infarkti, arterial qon bosimining pasayishi yoki oshishi, o'pka arteriyasi tarmoqlarining tromboemboliyasi, hansirash.

Agar yo'riqnomada ko'rsatilgan har qanday nojo'ya ta'sirlar kuchaysa yoki Siz yo'riqnomada ko'rsatilmagan boshqa nojo'ya ta'sirlarni sezsangiz, bu haqda shifokorga xabar bering.

• meropenemga yoki boshqa beta-laktam antibiotiklariga anamnezdagi yuqori sezuvchanlik;
• 3 oylikkacha bo'lgan bolalar.

Ehtiyotkorlik bilan

Potensial nefrotoksik preparatlar bilan bir vaqtda, kolitlari bo'lgan bemorlarga buyurish.

Tomir ichiga (v/i) bolyus yoki infuziya ko'rinishida.

Kattalar va 12 yoshdan oshgan bolalarga - 500 mg dan har 8 soatda pnevmoniya, siydik yo'llari infeksiyalari, kichik chanoq a'zolarining infeksion-yallig'lanish kasalliklari, teri va yumshoq to'qimalar infeksiyalarida; 1,0 g dan har 8 soatda gospital pnevmoniya, peritonit, febril neytropeniya belgilari bo'lgan bemorlarda bakterial infeksiyaga shubha qilinganda, septitsemiyada; 2,0 g dan har 8 soatda meningitda.

Surunkali buyrak yetishmovchiligi (SBY) da doza KK ga qarab to'g'irlanadi:

Meropenem gemodializda chiqariladi. Gemodializ muolajasi tugagandan so'ng samarali plazma konsentratsiyasini tiklash uchun tegishli patologiya uchun tavsiya etilgan meropenemning bir martalik dozasini kiritish kerak.

Jigar yetishmovchiligi bo'lgan bemorlarda, buyrak funksiyasi normal bo'lgan keksa bemorlarda (KK 50 ml/daq dan yuqori) dozani to'g'irlash talab etilmaydi.

3 oylikdan 12 yoshgacha bo'lgan bolalarga - 10-20 mg/kg dan har 8 soatda, infeksiya turi va og'irligiga, patogen mikroorganizmning sezgirligiga va bemorning holatiga qarab. 12 yoshgacha bo'lgan, ammo tana vazni 50 kg dan ortiq bo'lgan bolalarga kattalar uchun dozalarni qo'llash kerak. Meningitda - 40 mg/kg dan har 8 soatda.

Buyrak funksiyasi buzilgan bolalarda qo'llash tajribasi yo'q.

Preparat eritmalarini tayyorlash va yuborish:

- tomir ichiga bolyus in'ektsiya uchun in'ektsiya uchun suv bilan 50 mg/ml eritma konsentratsiyasigacha suyultiriladi (har 500 mg ga 10 ml), 5 daqiqa davomida yuboriladi.

- tomir ichiga infuziya uchun 50-100 ml mos keluvchi infuzion eritmada (0,9% natriy xlorid eritmasi, 5-10% dekstroza eritmasi, 5% dekstroza eritmasi 0,225% natriy xlorid bilan, 5% dekstroza eritmasi 0,15% kaliy xlorid bilan, 2,5 va 10% mannitol eritmasi) suyultiriladi, 15-30 daqiqa davomida yuboriladi.