MEROPENEM VIAL 1,0 poroshok N1

V/i yoki m/i yuborilgandan so'ng organizmning aksariyat to'qimalari va suyuqliklariga (shu jumladan meningiti bo'lgan bemorlarda serebrospinal suyuqlikka) yaxshi kirib boradi. Bitta nofaol metabolit hosil bo'lishi bilan metabolizmga uchraydi. V/i yuborilganda T1/2 1 soatni, m/i yuborilganda - 1.5 soatni tashkil qiladi.

Ovqat hazm qilish tizimi tomonidan: qorinda og‘riqlar, ko‘ngil aynishi, qusish, diareya, bilirubin, transaminazalar, IF va LDG darajasining qaytuvchan oshishi.

Qon ivish tizimi tomonidan: qaytuvchan trombotsitopeniya, eozinofiliya, neytropeniya.

Allergik reaksiyalar: teri qichishishi, toshma, eshakemi.

Asab tizimi tomonidan: bosh og‘rig‘i, paresteziyalar.

Kimyoterapevtik ta’sir bilan bog‘liq effektlar: og‘iz bo‘shlig‘i kandidozi, vaginal kandidoz, soxta membranoz kolit.

Mahalliy reaksiyalar: yallig‘lanish, tromboflebit, yuborilgan joyda og‘riq.

Boshqalar: ba’zi hollarda musbat to‘g‘ridan-to‘g‘ri yoki bilvosita Kumbs sinamasi.

Meropenem jigar kasalliklarida, Pseudomonas aeruginosa chaqirgan nafas yo'llarining pastki bo'limlari kasalliklarida ehtiyotkorlik bilan tayinlanadi.

Buyrak funktsiyasi buzilishlarida KK qiymatlariga qarab dozalash rejimini to'g'irlash talab etiladi. Jigar kasalliklarida davolashni transaminazalar va bilirubin darajasi nazorati ostida o'tkazish kerak.

Anamnezida penitsillinlar, karbapenemlar yoki boshqa beta-laktam antibiotiklarga yuqori sezuvchanlik reaktsiyalari ko'rsatilganda meropenemga yuqori sezuvchanlik reaktsiyalari rivojlanishi mumkin. Boshqa antibiotiklar qo'llanilganda bo'lgani kabi, meropenem bilan davolash fonida soxtamembranoz kolit rivojlanishi ehtimolini yodda tutish kerak.

Nefrotoksik ta'sirga ega preparatlar bilan majmuaviy terapiya tarkibida meropenem ehtiyotkorlik bilan qo'llaniladi.

3 oylikkacha bo'lgan bolalarda qo'llash tavsiya etilmaydi.

Meropenemga va karbapenemlar guruhining boshqa preparatlariga yuqori sezuvchanlik.

Probenetsid faol naychalar sekretsiyasi uchun meropenem bilan raqobatlashadi va shu tariqa meropenemning buyrak ekskretsiyasini ingibirlaydi, uning yarim chiqarilish davri va qon plazmasidagi kontsentratsiyasi oshishiga olib keladi (bir vaqtda qo'llash tavsiya etilmaydi).