METOKLOPRAMID tabletkalari 10mg N50

Ichga qabul qilingandan so'ng MITYdan tez so'riladi. Plazma oqsillari bilan bog'lanishi taxminan 30% ni tashkil qiladi. Jigarda biotransformatsiyaga uchraydi. Asosan buyraklar orqali o'zgarmagan holda ham, metabolitlar ko'rinishida ham chiqariladi. T _{4 dan 6 soatgacha.}

Qusishga qarshi vosita, ko'ngil aynishi, hiqichoqni kamaytirishga yordam beradi; OIT peristaltikasini rag'batlantiradi. Qusishga qarshi ta'sir dofamin D₂-retseptorlari blokadasi va trigger zonasi xemoretseptorlari chegarasining oshishi bilan bog'liq, serotonin retseptorlari blokatori hisoblanadi. Metoklopramid dofamin chaqiradigan oshqozon silliq mushaklari bo'shashishini ingibirlaydi va shu bilan OIT silliq mushaklarining xolinergik reaktsiyalarini kuchaytiradi deb hisoblanadi. Oshqozon tanasi bo'shashishining oldini olish va oshqozonning antral qismi va ingichka ichakning yuqori qismlari faolligini oshirish orqali oshqozon bo'shatilishini tezlashtirishga yordam beradi. Tinch holatda qizilo'ngach sfinkteri bosimini oshirish hisobiga qizilo'ngachga tarkib reflyuksini kamaytiradi va uning peristaltik qisqarishlari amplitudasini oshirish orqali qizilo'ngachdan kislota klirensini oshiradi.

Metoklopramid prolaktin sekretsiyasini rag'batlantiradi va aylanib yuruvchi aldosteron darajasining tranzitor oshishini keltirib chiqaradi, bu suyuqlikning qisqa muddatli tutilishi bilan birga kechishi mumkin.

Ovqat hazm qilish tizimi tomonidan: davolash boshida qabziyat, diareya bo'lishi mumkin; kamdan-kam hollarda - og'iz qurishi.

MNT tomonidan: davolash boshida charchoq hissi, uyquchanlik, bosh aylanishi, bosh og'rig'i, depressiya, akatiziya bo'lishi mumkin. Bolalarda va yoshlarda ekstrapiramidal simptomlar paydo bo'lishi mumkin (hatto metoklopramid bir marta qo'llanilganda ham): yuz mushaklarining spazmi, giperkinezlar, spastik qiyshiq bo'yin (odatda, metoklopramid qabul qilish to'xtatilgandan so'ng darhol o'tib ketadi). Uzoq muddat qo'llanilganda, ko'proq keksa yoshdagi bemorlarda parkinsonizm belgilari, diskineziyalar bo'lishi mumkin.

Qon yaratish tizimi tomonidan: davolash boshida agranulotsitoz bo'lishi mumkin.

Endokrin tizimi tomonidan: kamdan-kam hollarda, yuqori dozalarda uzoq muddat qo'llanilganda - galaktoreya, ginekomastiya, hayz siklining buzilishi.

Allergik reaksiyalar: kamdan-kam hollarda - teri toshmasi.

Bronxial astma, arterial gipertenziya, jigar va/yoki buyrak funksiyasi buzilishlari bo'lgan bemorlarda, Parkinson kasalligida ehtiyotkorlik bilan qo'llaniladi.

Bolalarda, ayniqsa erta yoshdagi bolalarda alohida ehtiyotkorlik bilan qo'llash kerak, chunki ularda diskinetik sindrom paydo bo'lishi xavfi ancha yuqori. Metoklopramid ba'zi hollarda sitostatiklar qabul qilish chaqirgan qusishda samarali bo'lishi mumkin.

Keksa yoshdagi bemorlarda qo'llanilganda shuni nazarda tutish kerakki, metoklopramid yuqori yoki o'rtacha dozalarda uzoq muddat qo'llanilganda eng tez-tez uchraydigan nojo'ya ta'sir ekstrapiramidal buzilishlar, ayniqsa parkinsonizm va kechki diskineziya hisoblanadi.

Metoklopramid qo'llanilishi fonida jigar funksiyasi laborator ko'rsatkichlari ma'lumotlari va qon plazmasida aldosteron va prolaktin konsentratsiyasini aniqlash buzilishi mumkin.

Avtotransportni haydash va mexanizmlarni boshqarish qobiliyatiga ta'siri

Davolash davrida yuqori diqqatni, tezkor psixomotor reaksiyalarni talab qiluvchi potensial xavfli faoliyat turlaridan saqlanish kerak.

MITY dan qon ketishlar, mexanik ichak tutilishi, oshqozon yoki ichak teshilishi, feoxromotsitoma, ekstrapiramidal buzilishlar, epilepsiya, prolaktinga bog‘liq o‘smalar, glaukoma, homiladorlik, laktatsiya, antixolinergik preparatlarni bir vaqtda qo‘llash, metoklopramidga yuqori sezuvchanlik.

Antixolinergik vositalar bilan bir vaqtda qo'llanilganda samaralarning o'zaro susayishi mumkin.

Neyroleptiklar (ayniqsa fenotiazin qatori va butirofenon hosilalari) bilan bir vaqtda qo'llanilganda ekstrapiramidal reaktsiyalar paydo bo'lish xavfi ortadi.

Bir vaqtda qo'llanilganda asetilsalitsil kislotasi, paratsetamol, etanol so'rilishi kuchayadi.

Metoklopramid v/i yuborilganda diazepam so'rilish tezligini oshiradi va uning qon plazmasidagi maksimal kontsentratsiyasini oshiradi.

Digoksinning sekin eriydigan dori shakli bilan bir vaqtda qo'llanilganda qon zardobida digoksin kontsentratsiyasining 1/3 ga kamayishi mumkin. Digoksin bilan suyuq dori shaklida yoki tez eriydigan dori shakli ko'rinishida bir vaqtda qo'llanilganda o'zaro ta'sir qayd etilmagan.

Zopiklon bilan bir vaqtda qo'llanilganda zopiklon so'rilishi tezlashadi; kabergolin bilan - kabergolin samaradorligining pasayishi mumkin; ketoprofen bilan - ketoprofenning biologik kira olishi kamayadi.

Dopamin retseptorlariga nisbatan antagonizm oqibatida metoklopramid levodopaning parkinsonizmga qarshi ta'sirini kamaytirishi mumkin, bunda metoklopramid ta'siri ostida uning oshqozondan evakuatsiyasi tezlashishi oqibatida levodopaning biologik kira olishining oshishi mumkin. O'zaro ta'sir natijalari bir xil emas.

Meksiletin bilan bir vaqtda qo'llanilganda meksiletin so'rilishi tezlashadi; mefloxin bilan - mefloxin so'rilish tezligi va uning qon plazmasidagi kontsentratsiyasi oshadi, bunda uning nojo'ya ta'sirlarining kamayishi mumkin.

Morfin bilan bir vaqtda qo'llanilganda ichga qabul qilinganda morfin so'rilishi tezlashadi va uning sedativ ta'siri kuchayadi.

Nitrofurantoin bilan bir vaqtda qo'llanilganda nitrofurantoin so'rilishi kamayadi.

Metoklopramid propofol yoki tiopental yuborilishidan bevosita oldin qo'llanilganda ularning induktsion dozalarini kamaytirish talab qilinishi mumkin.

Metoklopramid qabul qilayotgan bemorlarda suksametoniy xlorid samaralari kuchayadi va uzayadi.

Tolterodin bilan bir vaqtda qo'llanilganda metoklopramid samaradorligi kamayadi; fluvoksamin bilan - ekstrapiramidal buzilishlar rivojlanishi holati tasvirlangan; fluoksetin bilan - ekstrapiramidal buzilishlar rivojlanish xavfi mavjud; siklosporin bilan - siklosporin so'rilishi oshadi va uning qon plazmasidagi kontsentratsiyasi ortadi.