NATRIYA XLORID infuziya uchun eritma 200ml 0,9% N28
NATRIYA XLORID infuziya uchun eritma 200ml 0,9% N28 haqida qo'llanma
Farmakokinetikasi
Buyraklar orqali o'zgarishsiz tez chiqariladi.
Nojo'ya samaralari
Izotonik natriy xlorid eritmasining katta hajmlarini yuborish xloridli atsidoz va gipergidratsiyaga, shuningdek gipokaliemiyaga olib kelishi mumkin.
Maxsus ko‘rsatmalari
Natriy xlorid izotonik eritmasining katta dozalari uzoq muddat yuborilganda kislota-asos holati va qon plazmasi va siydikdagi elektrolitlarni nazorat qilish zarur.
Polimer konteynerdagi preparat uchun, konteyner germetikligi saqlanishi sharti bilan, eritmani tashish vaqtida muzlatishga ruxsat beriladi. Foydalanishdan oldin konteyner butunligini tekshirish kerak.
Preparat rangi o'zgarganda yoki cho'kma paydo bo'lganda, eritma ishlatish uchun yaroqsiz hisoblanadi.
Shisha idishdagi preparat uchun shisha ichki yuzasining ho'llanmasligi preparatni qo'llash uchun qarshi ko'rsatma hisoblanmaydi.
Transport vositalarini va boshqa mexanizmlarni boshqarish qobiliyatiga ta'siri:
Transport vositalarini boshqarish va diqqatni yuqori jamlashni talab qiluvchi potentsial xavfli faoliyat turlari bilan shug'ullanish qobiliyatiga ta'sir qilmaydi.
Qo'llanilishi mumkin bo'lmagan holatlar
Gipernatriemiya, atsidoz, giperxloremiya, gipokaliemiya, hujayradan tashqari gipergidratatsiya, miya va o'pka shishi xavfi bo'lgan qon aylanishining buzilishi, miya shishi, o'pka shishi, o'tkir chap qorincha yetishmovchiligi, katta dozalarda glyukokortikosteroidlarni yo'ldosh tayinlash.
Ehtiyotkorlik bilan:
Dekompensatsiyalangan surunkali yurak yetishmovchiligi, surunkali buyrak yetishmovchiligi (oligo-anuriya).
Homiladorlik va laktatsiya:
Homiladorlik va ko'krak suti bilan emizishda preparatni ishlatishga mutlaq qarshi ko'rsatma yo'q. Preparatni "foyda/xavf" nisbatini sinchkovlik bilan baholagan holda shifokor nazorati ostida qo'llash tavsiya etiladi.
Dori vositalarining o'zaro ta'siri
Kolloid gemodinamik qon o'rnini bosuvchilar bilan mos keladi (o'zaro samarani kuchaytiradi).
Boshqa dori vositalari bilan aralashtirilganda moslikni vizual nazorat qilish kerak.
Dozirovkasi
Yuborishdan oldin eritma 36-38 °C gacha isitiladi. Doza organizmning suyuqlik, natriy va xlor ionlarini yo'qotishiga qarab belgilanadi. O'rtacha preparat dozasi 1000 ml/sutkani tashkil qiladi. Katta suyuqlik yo'qotishlari va yaqqol intoksikatsiyada 3000 ml/sutkagacha yuborish mumkin. Yuborish tezligi - 540 ml/soat (180 tomchi/min); zarurat bo'lganda yuborish tezligi oshiriladi.
Bolalarga degidratatsiya fonida arterial qon bosimi yaqqol pasayganda (laboratoriya parametrlarini aniqlashgacha) tana vaznining 20-30 ml/kg yuboriladi. Keyinchalik dozalash rejimini laboratoriya ko'rsatkichlariga qarab to'g'irlaydilar.
Hajm/og'irlik
NATRIYA XLORID infuziya uchun eritma 200ml 0,9% N28 o'xshash dorilari
Natriy xlorid boshqa chiqarish shakllari
NATRIYA XLORID infuziya uchun eritma 200ml 0,9% N28 analoglari
