NAZIVIN burun uchun tomchilar 0.05%

Nazivin^® preparatining farmakokinetikasi bo'yicha ma'lumotlar taqdim etilmagan.

Mahalliy qo‘llash uchun tomir toraytiruvchi preparat, alfa_{-adrenomimetik.}

Burunning yallig‘langan shilliq qavatlariga mahalliy surtilganda ularning shishini va ajralmalar miqdorini kamaytiradi. Burun orqali nafas olishni tiklaydi. Shilliq qavatlar shishini bartaraf etib, preparat burun yondosh bo‘shliqlari, o‘rta quloq bo‘shlig‘i aeratsiyasi tiklanishiga yordam beradi va bakterial asoratlar (gaymorit, sinusit, o‘rta otit) rivojlanishining oldini oladi.

Mahalliy intranazal qo‘llanilganda terapevtik konsentratsiyalarda oksimetazolin tizimli ta’sirga ega emas, shilliq qavatlarni ta’sirlamaydi va giperemiyani chaqirmaydi.

Preparat bir necha daqiqa ichida ta’sir qila boshlaydi.

Ta’sir davomiyligi - 12 soatgacha.

Mahalliy reaksiyalar: ba'zida - burun shilliq qavatining quruqligi va achishish hissi, aksirish, kamdan-kam hollarda (Nazivin ta'siri tugagandan keyin) - burun bitishi hissi (reaktiv giperemiya).

MNS tomonidan: kamdan-kam hollarda - bezovtalik, uyqusizlik, charchoq, bosh og'rig'i.

Ovqat hazm qilish tizimi tomonidan: kamdan-kam hollarda - ko'ngil aynishi.

Yurak-qon tomir tizimi tomonidan: ko'p marta doza oshirib yuborilganda arterial gipertenziya, taxikardiya bo'lishi mumkin.

Tomir toraytiruvchi preparatlarni uzoq muddat uzluksiz qo'llash taxifilaksiya, atrofiya va burun bo'shlig'i shilliq qavatlarining qaytalanuvchi shishiga (medikamentoz rinit) olib kelishi mumkin.

Preparatni uzoq muddat ishlatish va dozasini oshirib yuborishdan saqlanish kerak, ayniqsa bolalarda.

Avtotransportni haydash va mexanizmlarni boshqarish qobiliyatiga ta'siri.

Oksimetazolin saqlovchi preparatlar uzoq vaqt davomida, tavsiya etilgandan yuqori dozalarda qo'llanilgandan so'ng yurak-qon tomir tizimi va MNS ga umumiy ta'sirini istisno qilib bo'lmaydi; bunday hollarda transport vositasini yoki uskunani boshqarish qobiliyati pasayishi mumkin.

• atrofik rinit;
• yopiq burchakli glaukoma;
• 6 yoshgacha bo'lgan bolalar (0.05% tomchilar va burun spreyi);
• preparat tarkibiy qismlariga yuqori sezuvchanlik.

Turli yosh toifalari uchun mo'ljallangan tavsiya etilgan preparat konsentratsiyalariga rioya qilish kerak.

MAO ingibitorlari va AB ni oshirishga yordam beruvchi boshqa preparatlarni bir vaqtda qo'llaganda, shuningdek ushbu dori vositalari bekor qilingandan keyingi 10 kun ichida; ko'z ichi bosimi oshganda; homiladorlik va laktatsiya davrida; yurak-qon tomir kasalliklarining og'ir shakllarida (arterial gipertenziya, stenokardiya); tireotoksikoz va qandli diabetda ehtiyotkorlik bilan buyurish kerak.

Nazivin MAO blokatorlari yoki tritsiklik antidepressantlar bilan bir vaqtda qo‘llanilganda AB oshishi kuzatiladi.

Boshqa tomir toraytiruvchi dori vositalarini birga tayinlash nojo‘ya ta’sirlar rivojlanish xavfini oshiradi.

Nazivin^® tomchilari intranazal qo'llash uchun mo'ljallangan.

Kattalar va 6 yoshdan oshgan bolalarga 0,05% li tomchilar har bir burun teshigiga 1-2 tomchidan kuniga 2-3 marta buyurilishi kerak.

1 yoshdan 6 yoshgacha bo'lgan bolalarga 0,025% li tomchilar har bir burun teshigiga 1-2 tomchidan kuniga 2-3 marta buyurilishi kerak.

1 yoshgacha bo'lgan bolalarga 0,01% li tomchilar buyuriladi.

Yangi tug'ilgan chaqaloqlarga (4 haftagacha bo'lgan bolalarga) har bir burun teshigiga 1 tomchidan kuniga 2-3 marta yuboriladi.

1 oylikdan 1 yoshgacha bo'lgan bolalarga har bir burun teshigiga 1-2 tomchidan kuniga 2-3 marta buyuriladi.

Dozalashning aniqligini ta'minlash uchun 0,01% li tomchilar flakoni tomchilar miqdori belgilari bo'lgan darajalangan pipetkaga ega. Agar 1 tomchi tayinlangan bo'lsa, pipetkani 1 belgisigacha eritma bilan to'ldirish kerak.

Quyidagi muolajaning samaradorligi ham isbotlangan: yoshga qarab 1-2 tomchi 0,01% li eritma paxtaga tomiziladi va burun yo'llari artiladi.

Nazivin^® 3-5 kun davomida qo'llanilishi kerak. Tavsiya etilgandan yuqori dozalar shifokor ixtiyoriga ko'ra tayinlanadi.