AKVA MARIS

Burun bo’shlig’ida quruqlik va qichishishni yo’qotish uchun kattalar va 1 yoshdan katta bolalar: 3-4 marta purkashdan kuniga bir necha marta, zaruriyat bo’lganda yanada tez-tez qo’llash mumkin. 

Qo’llash davomiyligi cheklanmagan.

Qo'llanilishi bo'yicha ko'rsatmalar

Birinchi marta qo’llashdan avval himoya qopqoqchasi yechilsin va havoni chiqarib tashlash uchun purkagichni 2-3 marta bosilsin.

Dengiz suvi – 30 %;

Tozalangan suv – 70 %.

Adriatika dengizi suvining sterillangan izotonik eritmasi.

NaCl tarkibi 9 g/l dan kam emas.

Adriatika dengizining tabiiy suvi Cl^-, Na⁺, SO₄^2-, Mg²⁺, Ca²⁺, K⁺, HCO₃^-, Br^- ionlari, shuningdek rux, selen, yod, temir, marganes va boshqa mikroelementlarni saqlaydi.

Chiqarilish shakli va qadoqlanishi

30 ml eritma purkagichli moslama va himoya qopqoqcha bilan jihozlangan shisha flakonda (200 doza). Bitta flakon tibbiyotda qo’llanilishiga doir yo’riqnomasi bilan birga karton qutiga joylanadi.

Adriatika dengizi suvi mikroelementlari miltillovchi epiteliy funksiyasini yaxshilaydi, burun bo’shlig’ining shilliq qavatiga rag’batlantiruvchi, tiklovchi, tozalovchi, yallig’lanishga qarshi ta’sir ko’rsatadi, uni patogen mikroorganizmlar kirishiga chidamliligini oshiradi.

Kalsiy va magniy ionlari burun bo’shlig’idan mikroorganizmlar va yot zarrachalarni chiqarib tashlashga yordam beruvchi shilliq qavatning «kiprikchali hujayralar» harakatini rag’batlantiradi, va shilliqni reologik xususiyatlarini normallashtiradi.   

Yod, natriy ionlari va xlorid-ionlari antiseptik ta’sir ko’rsatadi, shuningdek himoya shillig’ini ishlab chiqarishni faollashtiradi.

Rux va selen ionlari burun va burun oldi bo’shliqlari shilliq qavatining mahalliy immunitetini rag’batlantiradi.

Kalsiy ionlari allergiyaga qarshi ta’sirga ega.

Karbonatlar, sulfatlar, xloridlar nazal shillig’ini ishlab chiqarilishini normallashtiradi.  

AKVA MARIS KLASSIK burun shilliq qavatidan viruslar, bakteriyalar, allergenlar va yot zarrachalarni yuvilishi va chiqib ketishiga, mahalliy yallig’lanish jarayonini kamaytirishga yordam beradi.

Yaroqlilik muddati

3 yil. Flakon ochilgandan so’ng 6 oy davomida ishlatilsin.

Yaroqlilik muddati tugagandan so’ng qo’llanilmasin.