Nazoneks

QO‘LLASH BO‘YICHA YO‘RIQNOMA

NAZONEKS

NASONEX

Preparatning savdo nomi: NAZONEKS

Ta‘sir etuvchi modda (XPN): mometazon

Dori shakli: dozalangan, burun spreyi

Tarkibi:

Spreyning 1 dozasi quyidagilarni saqlaydi:

Faol modda: 50 mkg mometazon furoatiga (suvsiz) ekvivalent miqdorda mometazon furoati monogidrati;

Yordamchi moddalar: dispersiyali sellyuloza, gliserin, natriy sitrati digidrati, limon kislotasi, polisorbat-80, benzalkoniy xloridi, tozalangan suv

Ta‘rifi: oq yoki deyarli oq rangli tiniq bo‘lmagan suspenziya;

Farmakoterapevtik guruhi: burun bo‘shlig‘i kasalliklarini davolash uchun dori vositasi, kortikosteroidlar.

ATX kodi: R01AD09.

Farmakologik xususiyatlari

Mometazon furoati – yaqqol yallig‘lanishga qarshi ta‘sirga ega bo‘lgan mahalliy qo‘llash uchun sintetik kortikosteroid. Mometazon furoatining mahalliy yallig‘lanishga qarshi ta‘siri tizimli ta‘sirlari yuz bermaydigan dozalarda namoyon bo‘ladi.

Mometazon furoatining yallig‘lanishga va allergiyaga qarshi ta‘sirining asosiy mexanizmi allergik reaksiyalarning mediatorlarini ajralib chiqishini susaytirish xususiyati bilan bog‘liq. Mometazon furoati allergik kasalliklari bo‘lgan bemorlarning leykositlaridan leykotrientlarning sintezini/ajralib chiqishini sezilarli kamaytiradi. Mometazon furoati hujayralar kulturasida boshqa steroidlarga, shu jumladan beklometazon dipronionati, betametazon, gidrokortizon va deksametazonga nisbatan IL-1, IL-6 va TNF6 ning sintezini/ajralib chiqishini susaytirishda 10 marta yuqori faollikni namoyish qilgan. U shuningdek, Th₂ sitokinlar, odam CD4⁺ T-hujayralaridan IL-4 va IL-5 ni ajralib chiqishining kuchli ingibitori hamdir. Mometazon furoati shuningdek IL-5 ni ishlab chiqarilishini susaytirishi bo‘yicha beklometazon dipropionati va betametazonga nisbatan 6 marta faolroqdir.

Burun shilliq qavatiga antigenni yuborish bilan o‘tkazilgan provokasion test tadqiqotlarida allergik reaksiyaning ham erta, ham kechki bosqichida NAZONEKS ning suvli burun spreyini yuqori yallig‘lanishga qarshi faolligi aniqlangan. Bu gistaminning darajasi va eozinofillarning faolligini (plaseboga nisbatan) pasayishi, shuningdek eozinofillar, neytrofillar va epitelial hujayralarning adgeziya oqsilini (dastlabki darajasiga nisbatan) kamayishi bilan tasdiqlangan.

NAZONEKS suvli nazal spreyni qo‘llashning birinchi 12 soati davomidagi yaqqol klinik samaraga mavsumiy allergik riniti bo‘lgan 28% bemorlarda erishilgan. O‘rtacha (50%) yengillashish 35,9 soat davomida yuz bergan. Bundan tashqari NAZONEKS mavsumiy allergik riniti bo‘lgan bemorlarda ko‘z simptomlari (qizarish, ko‘z yoshini oqishi, qichishish) ni susaytirishda ahamiyatli samaradorlikni namoyon qilgan.

Burun poliplari bo‘lgan bemorlarda o‘tkazilgan klinik tadqiqotlarda NAZONEKS burunni bitishini bartaraf qilishda, poliplarning o‘lchamlarini kamaytirishda, hid sezishni tiklanishida plaseboga nisbatan sezilarli klinik samaradorlikni namoyon qilgan.

12 yoshli bemorlar ishtirokidagi klinik tadqiqotlarda NAZONEKS 200 mkg dan kuniga ikki marta qo‘llanganida, rinosinusit simptomlarini susaytirishda plaseboga nisbatan yuqori samaradorlik namoyish etdi. 15 kun davolash davomida rinosinusit simptomlarning yaqqolligi bo‘yicha shkala (MSS – Major Symptom Score) (yuz sohasida og‘riq, burun bo‘shliqlarida bosimni his qilish, bosganda og‘riq, bo‘shliqlar sohasida og‘riq, rinoreya, xalqumning orqa devori bo‘ylab shilliqni oqib tushishi va burunni bitishi) bo‘yicha baholangan. Amoksisillinni 500 mg dan kuniga uch marta qo‘llash samaradorligi MSS shkalasi bo‘yicha rinosinusit simptomlarini susaytirishda plasebodan ahamiyatli farq qilmagan. Davolash tugaganidan keyingi kuzatuv davri davomida nazorat guruhida qaytalanishlar soni kam bo‘lgan va amoksisillin va plasebo guruhlari bilan bir xil bo‘lgan. O‘tkir sinusitlarni 15 kundan ortiq davolash davomiyligi baholanmagan.

Farmakokinetikasi

Mometazon furoati nazal sprey shaklida qo‘llanganida biokiraolishligi past bo‘lgan (<0,1%) va u xatto sezuvchanlik bo‘sag‘asi (LLOQ) 0,25 pg/ml bo‘lgan sezgir aniqlash usuli qo‘llanganida ham qon plazmasida amalda aniqlanmagan. Mometazon furoatining suspenziyasi me‘da-ichak yo‘llaridan juda sust so‘rilsada, yutilishi va so‘rilishi mumkin bo‘lgan uncha katta bo‘lmagan miqdori faol birlamchi metabolizmga uchraydi, asosan metabolitlari ko‘rinishida siydik bilan va qanchadir darajada – safro bilan chiqariladi.

Qo‘llanilishi

Kattalar va 2 yoshdan oshgan bolalarda mavsumiy yoki yil davomidagi allergik rinitni davolash. O‘rtacha va og‘ir kechuvchi allergik rinitni profilaktik davolashni changlanish mavsumini taxmin qilingan boshlanishidan 2-4 hafta oldin boshlash tavsiya qilinadi.

Kattalarda va 12 yoshdan boshlab bolalarda og‘ir bakterial infeksiyaning belgilari bo‘lmagan o‘tkir rinosinusit simptomlarini davolash.

18 yoshdan oshgan bemorlarda burun poliplari va ular bilan bog‘liq simptomlarni, shu jumladan burunni bitishi va hid bilishni yo‘qolishini davolash.

Qo‘llash usuli va dozalari

Ishlatishdan oldin: burun yo‘llarini tozalash uchun burun orqali ehtiyotlik bilan nafas oling; spreyli konteynerni yaxshilab chayqating.

Birinchi marta qo‘llashdan avval spreyni purkalishi yuz bermagunicha dozalovchi qurilmani 10 marta bosish yo‘li bilan NAZONEKS burun spreyini “kalibrovka” qilish lozim. Nazal applikatorni teshmang! Boshingizni orqaga tashlang, keyin shifokorning ko‘rsatmasiga binoan har bir burun yo‘liga sprey purkang. Agar nazal sprey 14 kun va undan ko‘proq ishlatilmagan bo‘lsa, takroran “kalibrovka” qilish lozim, u spreyning changlanishi paydo bo‘lmagunicha dozalovchi qurilmani 2 marta bosish yo‘li bilan amalga oshiriladi.

Dozalovchi qurilmani tozalash. Nazal spreyining dozalovchi qurilmasini muntazam ravishda tozalab turish juda muhimdir, aks holda u to‘g‘ri ishlamay qoladi. Changdan himoyalovchi qopqoqchani oling va ehtiyotkorlik bilan purkagichni chiqarib oling. Purkagich va changdan himoyalovchi qopqoqchani iliq suv bilan yuving va keyin oqar suvda chaying. Dozalovchi qurilmani igna yoki boshqa o‘tkir buyum yordamida tozalashga urinmang, chunki bu qurilmani shikastlashi va dori moddasining noto‘g‘ri dozalanishiga olib kelishi mumkin.

Issiq joyda quritgandan so‘ng purkagichni spreyli flakonga joylashtiring va changdan himoyalovchi qopqoqchani joylashtiring. Spreyni purkalishini ko‘rish uchun dozalovchi qurilmani 2 marta bosish yo‘li takroriy “kalibrovkani” tekshiring.

Har bir bosishda 50 mkg (bir doza) mometazon saqlovchi taxminan 100 mg suspenziyani otilib chiqishi yuz beradi.

Mavsumiy yoki yil davomidagi allergik rinitni davolash: kattalarga (shu jumladan keksalarga) va 12 yoshdan boshlab o‘smirlarga preparatning profilaktik va terapevtik dozasi har bir burun yo‘liga sutkada 1 marta 2 purkashni (50 mkg dan har biriga) (umumiy sutkalik doza – 200 mkg ni) tashkil qiladi. Davolovchi samaraga erishilgandan keyin tutib turuvchi davolash uchun dozani har bir burun yo‘liga sutkada 1 marta 1 purkashgacha (umumiy sutkalik dozaning – 100 mkg gacha) kamaytirish maqsadga muvofiqdir.

Agar preparatni tavsiya qilingan dozada qo‘llash bilan kasallik simptomlarini susaytirishga erishishning iloji bo‘lmasa, sutkalik doza maksimal dozagacha oshirilishi mumkin: 4 purkashdan har bir burun yo‘liga sutkada 1 marta (umumiy sutkalik doza – 400 mkg). Kasallik simptomlari susaygandan keyin dozani pasaytirish tavsiya qilinadi. Preparatning ta‘sirini boshlanishi klinik jihatdan dori vositasini birinchi marta qo‘llagandan keyin 12 soat davomida aniqlanadi. Klinik samaraga erishish uchun dori vositasini muntazam ishlatish muhimdir. Bemor samara darhol yuzaga chiqmasligi to‘g‘risida xabardor qilinishi kerak.

2-11 yoshli bolalar uchun tavsiya qilingan terapevtik doza har bir burun yo‘liga sutkada 1 marta 1 purkashni (50 mkg ni) (umumiy sutkalik doza – 100 mkg ni) tashkil qiladi.

O‘tkir rinosinusit. Kattalarga va 12 yoshdan oshgan bolalarga tavsiya qilingan terapevtik doza har bir burun yo‘liga sutkada 2 marta 2 purkashni (50 mkg dan har biriga) (umumiy sutkalik doza – 400 mkg ni) tashkil qiladi.

Burun poliplari. 18 yoshdan oshgan bemorlar (shu jumladan keksalar) uchun tavsiya qilingan doza har bir burun yo‘liga sutkada 2 marta 2 purkashni (50 mkg dan har biriga) (umumiy sutkalik doza – 400 mkg ni) tashkil qiladi. Klinik samaraga erishilgandan keyin dozani har bir burun yo‘liga sutkada 1 marta 2 purkashgacha (umumiy sutkalik doza – 200 mkg gacha) kamaytirish tavsiya qilinadi.

Agar 5-6 hafta davolagandan keyin kasallik simptomlarining yaxshilanishi kuzatilmasa, davolashning muqobil usullarini ko‘rib chiqish lozim.

Dori vositasini qabul qilish o‘tkazib yuborilgan hollarda, bu dozani iloji boricha tezroq qabul qilish kerak. Bemor uchun kunduzgi doza tavsiya qilingan dozadan ortiq bo‘lmasligi kerak.

Nojo‘ya ta‘sirlari

Klinik tadqiqotlar vaqtida mavsumiy va yil davomidagi allergik rinitlarda NAZONEKSni qo‘llash bilan bog‘liq bo‘lgan bosh og‘rig‘i (8%), burundan qon ketishi (ya‘ni yaqqol qon ketishi, shuningdek qon aralash shilliq yoki qon quyqasining chiqishi) (8%), faringit (4%), burunda achishish hissi (2%), ta‘sirlanish (2%) va burun shilliq qavatini yarali o‘zgarishlari (1%) kabi noxush holatlar aniqlangan. Bunga o‘xshash noxush holatlarni rivojlanishi, kortikosteroidlarni saqlovchi har qanday boshqa nazal sprey uchun xosdir. Burundan qon ketishlari o‘z-o‘zidan mustaqil to‘xtagan va o‘rtacha bo‘lgan, plasebo qo‘llanganiga nisbatan biroz ko‘proq yuz bergan (5%), lekin faol nazorat vositasi sifatida qo‘llangan va tekshirilgan boshqa intranazal kortikosteroidlarni qo‘llaganga qaraganda kamroq yuz bergan (ulardan ayrimlarida burundan qon ketishlarining chastotasi (tez-tezligi) 15% ni tashkil qilgan). Boshqa noxush holatlarni paydo bo‘lish tez-tezligi plasebo qo‘llangandagi bilan bir xil bo‘lgan.

Bolalarda noxush holatlarni, shu jumladan burundan qon ketishlari (6%), bosh og‘rig‘i (3%), burunda ta‘sirlanish hissi (2%) va aksirish (2%) plasebo qo‘llanganida yuz bergani (4%) bilan bir xil bo‘lgan.

Mometazon furoati intranazal qo‘llanganidan keyin darhol kechuvchi turdagi allergik reaksiya (masalan, bronxospazm, dispnoe) kuzatilishi mumkin. Juda kam hollarda anafilaktik shok va angionevrotik shish paydo bo‘lgan.

Ta‘m va hid sezishni buzilishining yakka hollari to‘g‘risida xabar berilgan.

NAZONEKS burun spreyi sinusitlarning o‘tkir epizodlarni davolashda yordamchi vosita sifatida qo‘llanganida paydo bo‘lish tez-tezligi plasebo qo‘llanganidagi bilan bir xil bo‘lgan bosh og‘rig‘i (2%), faringit (1%), burunda achishish hissi (1%) va burun shilliq qavatini ta‘sirlanishi (1%) kabi noxush ta‘sirlar aniqlangan. Burundan qon ketishlari o‘rtacha namoyon bo‘lgan va ularni paydo bo‘lish tez-tezligi NAZONEKS spreyi qo‘llanganida, plasebo qo‘llanganida yuz bergan burundan qon ketishlari bilan bir xil bo‘lgan (muvofiq 5% va 4%).

Burun poliplari, o‘tkir sinusitlari bo‘lgan bemorlarda NAZOREKS spreyi qo‘llanganida yuqorida keltirilgan noxush holatlarning umumiy soni plasebo qo‘llangani bilan bir xil bo‘lgan va allergik riniti bo‘lgan bemorlarda kuzatilgandagiga o‘xshash bo‘lgan.

Juda kam hollarda kortikosteroidlar qo‘llanganida burun to‘sig‘ini teshilishi yoki ko‘z ichki bosimini oshishi hollari aniqlangan.

Tizimli samaralar nazal kortikosteroidlar qo‘llanganida, ayniqsa yuqori dozalarda buyurilganda va uzoq vaqt qo‘llanganida paydo bo‘lishi mumkin. Bu samaralarning ehtimoli oral kortikosteroidlar qo‘llanganidagiga qaraganda kam va turli bemorlarda, shuningdek har xil kortikosteroid vositalar ishlatilganida farq qilishi mumkin. Potensial tizimli samaralari Kushing sindromi, buyrak usti bezlari faoliyatini susayishi, bolalar va o‘smirlarda o‘sishini kechikishi, katarakta, glaukoma va kam hollarda ruhiy yoki xulq buzilishlari, shu jumladan psixomotor qo‘zg‘alish, giperreaktivlik, uyquni buzilishi, xavotirlik, depressiya yoki agressiyani (ayniqsa bolalarda) o‘z ichiga olishi mumkin.

Yuqorida ko‘rsatilganlardan birortasi yoki ushbu yo‘riqnomada ko‘rsatilmagan boshqa har qanday reaksiyalar yuz bergan hollarda dori vositasining keyingi qo‘llanishi bo‘yicha shifokor bilan maslahatlashing!

Qo‘llash mumkin bo‘lmagan holatlar

Faol moddaga yoki qandaydir faol bo‘lmagan komponentiga yuqori sezuvchanlik.

Dorilarning o‘zaro ta‘siri

NAZONEKS loratadin bilan bir vaqtda qo‘llangan, bunda qon plazmasida loratadin yoki uning asosiy metabolitini konsentrasiyasiga hech qanday ta‘sir aniqlanmagan.

Ushbu tadqiqotlarda sezgirlik bo‘sag‘asi (LLOQ) 50 pg/ml bo‘lgan miqdoriy aniqlash usulidan foydalanilganda mometazon furoati qon plazmasida xatto minimal konsentrasiyada ham aniqlanmagan. Majmuaviy davolash bemorlar tomonidan yaxshi o‘zlashtirilgan.

Maxsus ko‘rsatmalar

Preparatni kichik yoshli bolalarda qo‘llashni kattalarning yordamida o‘tkazish kerak.

NAZONEKSni davolanmagan mahalliy infeksiya bo‘lganida bu jarayonga burun shilliq qavati qo‘shilgan hollarda qo‘llash mumkin emas.

Kortikosteroidlar jarohatlarning bitishini sekinlashtirishi tufayli, bunday preparatlarini yaqinda operativ aralashuv yoki burun jarohatini o‘tkazgan bemorlarga jarohat to‘liq bitmagunicha mahalliy intranazal qo‘llash uchun buyurish mumkin emas.

NAZONEKSni nafas yo‘llarining faol yoki latent (yashirin) tuberkulez infeksiyasi bo‘lgan bemorlarda, shuningdek davolanmagan zamburug‘li, bakterial, tizimli virusli infeksiyada yoki ko‘zni shikastlanishi bilan kechuvchi herpes simplex infeksiyasida ehtiyotkorlik bilan qo‘llash yoki umuman qo‘llamaslik kerak.

Mukovissidoz bilan bog‘liq bir tomonlama poliplarni davolashda yoki burun yo‘lini butunlay yopuvchi poliplarni davolashda NAZONEKS dori vositasini qo‘llash xavfsizligi va samaradorligi aniqlanmagan. G‘ayrioddiy joylashgan bir tomonlama poliplar, ayniqsa agarda ular yaralansa yoki qonasa, unda ular tekshirilishi lozim.

NAZONEKS bilan 12 oylik davolanishdan keyin burun shilliq qavatining atrofiyasini belgilari paydo bo‘lmagan; bundan tashqari, mometazon furoati burun shilliq qavatining gistologik manzarasini me‘yorlashishiga yordam bergan. Har qanday boshqa uzoq muddatli davolanishda bo‘lgani kabi, NAZONEKSni bir necha oy davomida va undan ortiq vaqt qo‘llayotgan bemorlar burun shilliq qavatida bo‘lishi mumkin bo‘lgan o‘zgarishlarni aniqlash yuzasidan vaqti-vaqti bilan ko‘rikdan o‘tib turishlari lozim. Burun yoki xalqumning lokal zamburug‘li infeksiyasi rivojlangan hollarda NAZONEKS bilan davolashni to‘xtatish yoki maxsus davolashni boshlash kerak bo‘lishi mumkin. Uzoq vaqt davomida saqlanib qoluvchi burun yoki xalqum shilliq qavatini ta‘sirlanishi ham NAZONEKS bilan davolashni to‘xtatishga ko‘rsatma bo‘lishi mumkin.

NAZONEKS bilan uzoq muddat davomida davolanganda gipotalamo-gipofizar-buyrak usti bezlari faoliyatini susayish belgilari kuzatilmagan. Tizimli ta‘sirga ega kortikosteroidlar bilan uzoq muddatli davolashdan keyin NAZONEKS nazal spreyi bilan davolanayotgan bemorlarni diqqat bilan kuzatish lozim. Bunday bemorlarda tizimli ta‘sirga ega kortikosteroidlarni qabul qilishni to‘xtatish, buyrak usti bezlari po‘stlog‘ining faoliyatini yetishmovchiligiga olib kelishi mumkin, bu holat tizimli ta‘sirga ega kortikosteroidlar bilan davolashni qaytadan boshlashni va boshqa muvofiq davolash usulini qo‘llashni talab qilishi mumkin.

Tizimli ta‘sirga ega kortikosteroidlar bilan davolashdan NAZONEKS bilan davolanishga o‘tish vaqtida ayrim bemorlarda burun bilan bog‘liq simptomlarni yengillashishi bilan bir qatorda, kortikosteroidlarni bekor qilish simptomlari (bo‘g‘imlarda va/yoki mushaklarda og‘riq, toliqish hissi va depressiya) paydo bo‘lishi mumkin. Bunday bemorlarni NAZONEKS spreyi bilan davolashni davom ettirish maqsadga muvofiqligiga ishontirish lozim. Davolashni almashtirish shuningdek, ilgari rivojlangan va tizimli ta‘sirga ega kortikosteroidlar bilan davolanish oqibatida niqoblangan allergik (allergik kon‘yunktivit, ekzema va hokazolar kabi) kasalliklarni keltirib chiqarishi mumkin.

Kortikosteroidlarni qo‘llayotgan bemorlarda immun rektivlik potensial susaygan bo‘lishi mumkin, shuning uchun ular ayrim infeksion kasalliklar (masalan, suvchechak, qizamiq) bo‘lgan bemorlar bilan muloqotda bo‘lgan hollarda kasallikni yuqish xavfini oshishi, shuningdek, agar bunday muloqot yuz bergan bo‘lsa, shifokorning maslahati zarurligi to‘g‘risida ogohlantirilgan bo‘lishlari lozim.

Bemorlarni tana haroratini oshishi, yuz sohasida bir tomonlama kuchli og‘riq yoki tish og‘rig‘i, orbital yoki periorbital shish yoki holatni avval biroz yaxshilanib keyin yomonlashishi kabi og‘ir bakterial infeksiyaning belgilari yoki simptomlari paydo bo‘lgan hollarda darhol shifokorga murojaat qilishlari kerakligi to‘g‘risida ogohlantirish kerak.

Bolalar. NAZONEKSni 100 mkg sutkalik dozada bir yil davomida qo‘llayotgan bolalarda plasebo-nazoratli klinik tadqiqotlar o‘tkazilganida bolalarning o‘sishini kechikishi aniqlanmagan. Shunday bo‘lsada, intranazal/ingalyasion steroidlarning uzoq muddatli samaralari oxirigacha tekshirilmagan. Shifokor glyukokortikosteroidlar bilan uzoq muddatli davolanayotgan bolalarni o‘sishi va rivojlanishini sinchiklab nazorat qilishi lozim.

Bolalarda va 18 yoshdan kichik o‘smirlarda burun poliplarini, 12 yoshgacha bo‘lgan bolalarda rinosinusit simptomlarini, 2 yoshgacha bo‘lgan bolalarda – mavsumiy yoki yil davomidagi allergik rinitlarni davolashda NAZONEKSning xavfsizligi va samaradorligi tekshirilmagan.

Glyukokortikosteroidlar bilan uzoq muddatli davolanish va yuqori dozalarni qo‘llash tizimli nojo‘ya samaralarni, shu jumladan bolalarda o‘sishni sekinlashining paydo bo‘lishiga olib kelishi mumkin. Intranazal/ingalyasion steroidlarning uzoq muddatli samaralari bolalarda to‘liq tekshirilmagan. Shifokor glyukokortikosteroidlar bilan uzoq vaqt davomida davolanayotgan bolalarni o‘sishi va rivojlanishini sinchiklab nazorat qilishi lozim. NAZONEKSni 100 mkg dan 1 yil davomida har kuni olgan 49 nafar bola ishtirokidagi tadqiqotda o‘sish tezligining pasayishi kuzatilmagan.

12 yoshgacha bo‘lgan bolalarda o‘tkir rinosinusit simptomlarini davolash uchun NAZONEKSni qo‘llash xavfsizligi va samaradorligi o‘rganilmagan.

Homiladorlik va emizish davrida qo‘llanilishi. Dori vositasining ta‘sirini homilador ayollarda o‘rganish bo‘yicha maxsus tadqiqotlar o‘tkazilmagan. Biroq, intranazal qo‘llanadigan boshqa kortikosteroidlar kabi, NAZONEKS ham homilador va emizikli ayollarda faqat, uni qo‘llashdan kutilayotgan foyda ona, homila yoki bola uchun potensial xavfdan ustun bo‘lgan hollardagina qo‘llanadi. Onalari homiladorlik vaqtida kortikosteroidlarni qo‘llagan chaqaloqlarni buyrak usti bezlarining gipofunksiyasini aniqlash yuzasidan sinchiklab tekshirish kerak.

Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

NAZONEKS preparatining tizimli biokiraolishligi past, ya‘ni (sezgirlik bo‘sag‘asi (LLOQ) 0,25 pg/ml bo‘lgan miqdoriy aniqlash usulidan foydalanilganda) <1% ni tashkil qilgani tufayli, doza oshirib yuborilganida bemorning holatini kuzatish, keyinchalik dori vositasini tavsiya qilingan dozada qo‘llashdan tashqari o‘zga chora-tadbirlar lozim bo‘lishi ehtimoli kam.

Chiqarilish shakli

18 g dan suspenziya polietilen flakonda (flakon og‘zida nasos-purkagich bilan) karton qutida.

Saqlash sharoiti

25^oS dan yuqori bo‘lmagan haroratda saqlansin. Muzlatilmasin.

Yaroqlilik muddati

3 yil.

Dorixonalardan berish tartibi

Resept bo‘yicha.

Preparatning faol moddasi, mometazon furoatga yoki biron-bir yordamchi moddalariga yuqori sezuvchanlikda qoʼllash mumkin emas.
NАZONEKS nazal spreyini burun boʼshligʼining shilliq qavatini qatnashishi bilan boʼlgan, masalan, oddiy gerpes kabi davolanmagan mahalliy infektsiyalar boʼlganida qoʼllamaslik kerak. 
Kortikosteroidlar yaralarni bitishini sekinlashtirishi tufayli, intranazal qoʼllash uchun kortikosteroidlarni yaqinda jarrohlik aralashuvini yoki burun jarohatini oʼtkazgan patsientlarga yaralar toʼliq bitmaganicha buyurish mumkin emas.

Taʼsir mexanizmi
Mometazon furoati – mahalliy qoʼllash uchun glkokortikosteroid boʼlib, tizimli samaralar paydo qilmaydigan lokal yalligʼlanishga qarshi taʼsirga ega.
Mometazon furoatining asosiy allergiyaga qarshi va yalligʼlanishga qarshi taʼsir mexanizmi uning allergik reaktsiyalarning mediatorlarini chiqarilishini susaytirish qobiliyati bilan bogʼliqligini ehtimoli yuqori. Mometazon furoati allergiya kasalligi bilan xastalangan patsientlarning leykotsitlaridan leykotrienlar ajralishini ahamiyatli darajada kamaytiradi. Mometazon furoati hujayra kulturasida IL-1, IL-5, IL-6, va TNFα sintezini susayishi/ajralishi nisbatida yuqori faollikni namoyon qilgan. Shuningdek u leykotrienlarning ishlab chiqarilishini kuchli ingibitori hisoblanadi. Qoʼshimcha ravishda u shuningdek CD4+ T-hujayralardan Th2 sitokinlar, IL-4 va IL-5 ni hosil boʼlishini kuchli ingibitori hisoblanadi.

Burun shilliq qavatiga antigenlarni surtish bilan qoʼzgʼatuvchi testli tadqiqotlarda allergik reaktsiyalarning ham erta, ham soʼngi bosqichlarida NАZONEKS nazal spreyi yalligʼlanishga qarshi faolligi aniqlangan. Bu gistamin darajasini va eozinofillar faolligini pasayishi (platsebo bilan solishtirganda), shuningdek eozinofillar, neytrofillar va epitelial hujayralar adgeziyasining oqsillari miqdorini kamayishi (boshlangʼich darajasi bilan solishtirganda) bilan tasdiqlangan. 
Mavsumiy allergik riniti boʼlgan patsientlarning 28% da NАZONEKS nazal spreyining birinchi dozalari qoʼllangandan keyin 12 soat mobaynida taʼsiri boshlanganini klinik ahamiyatini namoyon qilgan. Oʼrtacha yengillashishiga (50% patsientlarda) 35,9 soat davomida erishilgan. 
Bolalar
Bir yil mobaynida sutkada 100 mkg NАZONEKS nazal spreyini qabul qilgan bolalarda (n=49/guruhi) oʼtkazilgan platsebo-nazoratli klinik tadqiqitlarda bolalarni oʼsish tezligini sekinlashishi kuzatilmagan. NАZONEKS nazal spreyini 3 yoshdan 5 yoshgacha va muvofiq dozalar diapazoni aniqlanmagan bolalarda xavfsizligi va samaradorligi toʼgʼrisida cheklangan maʼlumotlar mavjud. 14 kun mobaynida sutkada 50, 100 yoki 200 mkg dan mometazon furoatini intranazal qoʼllash yoʼli bilan davolanayotan 3 yoshdan 5 yoshgacha boʼlgan 48 nafar bolalar ishtirok etgan tadqiqotda, tetrakozaktrin yordamida stimulyatsion sinamaga javobida plazmada kortizol darajasini oʼrtacha oʼzgarishi platsebo bilan solishtirganda ahamiyatli farqlar boʼlmagan.

Suvli nazal spreyi shaklida qoʼllanganda mometazon furoatining biokiraolishligi qon plazmasida 0,25 pg/ml sezuvchanlik boʼsagʼasini miqdoriy aniqlash usuli foydalanilganda ˂1% ni tashkil qiladi. 
Taqsimlanishi 
Preparatning taqsimlanishi kuzatilmaydi, chunki mometazon intranazal yuborilganda juda sekin soʼriladi. 
Metabolizmi 
Yutib yuborilgan va soʼrilgan preparatning unchalik katta boʼlmagan miqdori jigarda birlamchi faol metabolizmga uchraydi. 
Chiqarilishi 
Mometazon furoatini soʼrilgan miqdori faol metabolizmga uchraydi va metabolitlari siydik va oʼt-safro bilan chiqariladi.

Homiladorlik 
Mometazon furoatni homilador ayollarga qoʼllanishiga oid maʼlumotlar mavjud emas yoki chegaralangan. Hayvonlarda oʼtkazilgan tadqiqotlar preparatning reproduktiv toksikligi borligini koʼrsatgan. Intranazal qoʼllaniladigan boshqa kortikosteroidlar kabi NАZONEKS nazal spreyi homidorlarga faqat, agar preparatni qoʼllashdan kutilayotgan foyda ona, homila yoki chaqaloq uchun potentsial xavfdan ustun boʼlganida qoʼllaniladi. Homiladorlik davrida kortikosteroidlarni qoʼllagan onalarning chaqaloqlarini boʼlishi mumkin boʼlgan buyrak usti bezining disfunktsiyasiga tekshiruv oʼtkazish kerak.
Laktatsiya 
Odam koʼkrak sutiga mometazon furoatni chiqarilishi yoki chiqarilmasligi nomaʼlum. Intranazal qoʼllaniladigan boshqa kortikosteroidlar kabi holatda, bola uchun emizishni afzalligi va ayollar uchun davolashning afzalligini eʼtiborga olgan holda emizishni toʼxtatish yoki NАZONEKS nazal spreyi bilan davolashni bekor qilish/saqlanishga tegishli qaror qabul qilish kerak.

Simptomlari: kortikosteroidlarning haddan ziyod dozalari ingalyatsiyasi yoki peroral yuborish gipotalamo-gipofizar-buyrak usti bezlari tizimi funktsiyasini susayishiga olib keladi. 
Davolash: NАZONEKS nazal spreyining tizimli biokiraolishligi ˂1% ni tashkil qilganligi tufayli doza oshirib yuborilganda zaruriy boshqa choralarning ehtimoli kam, keyinchalik dozalash koʼrsatmalariga muvofiq ravishda preparatni qoʼllashni qayta tiklash bilan patsientning holatini kuzatib borish kerak.

Immunosupressiya
NАZONEKS nazal spreyini respirator yoʼllarini faol yoki latent tuberkulyoz infektsiyasi boʼlgan bemorlarda, shuningdek davolanmagan zamburugʼli, bakterial yoki tizimli virusli infektsiyalarda ehtiyotkorlik bilan qoʼllash yoki umuman qoʼllamaslik kerak. Kortikosteroidlarni qabul qilayotgan patsientlar immun qarshiligini potentsial pasayishiga ega boʼlishi mumkin, shuning uchun ayrim infektsion kasallik (masalan, suvchechak, qizamiq) bemorlari bilan muloqot (kontakt) da boʼlganida infektsiyani yuqishini yuqori xavfi, shuningdek agar bunday kontakt sodir boʼlganida shifokor maslahati zarurligi toʼgʼrisida ogohlantirilgan boʼlishlari kerak.
Mahalliy nazal samaralari
Yil davomida uchraydigan riniti boʼlgan patsientlar ishtirokida oʼtkazilgan tadqiqotlarda NАZONEKS nazal spreyi bilan 12-oylik davolashdan keyin burun shilliq qavatida atrofiya belgilari paydo boʼlgan; bundan tashqari, mometazon furoati burun shilliq qavatining gistologik manzarasini normallashishiga olib kelgan. Shu bilan birga, NАZONEKS nazal spreyini bir necha yoki undan ortiq oy davomida qoʼllayotgan patsientlar vaqti-vaqti bilan burun shilliq qavatida boʼlishi mumkin boʼlgan predmet borligi boʼyicha koʼrikdan oʼtib turishlari kerak. Burun yoki xalqumni lokal (mahalliy) zamburugʼli infektsiyasi rivojlangan holatda NАZONEKS nazal spreyi bilan davolashni toʼxtatish yoki maxsus davolashni oʼtkazish kerak boʼladi. Uzoq vaqt davomida saqlanayotgan burun va xalqum shilliq qavatining taʼsirlanishi ham NАZONEKS nazal spreyi bilan davolashni toʼxtatishga koʼrsatma boʼlishi mumkin. 
Burun devorining perforatsiyasida NАZONEKS preparatini qoʼllash tavsiya etilmaydi. Klinik tadqiqotlarda burundan qon ketishi platsebo qoʼllanganiga nisbatan yuqori tez-tezlik bilan kuzatilgan. Burundan qon ketishi oʼz-oʼzidan toʼxtagan va oʼrta darajada boʼlgan.
NАZONEKS nazal spreyi burun shilliq qavatini taʼsirlanishini chaqirishi mumkin boʼlgan benzalkoniy xloridini saqlaydi. 
Kortikosteroidlarning tizimli samaralari
Tizimli samaralari kortikosteroidlar nazal qoʼllanganida, ayniqsa katta dozalarda va uzoq muddat qoʼllanganida namoyon boʼlishi mumkin. Bu samaralarning, ogʼiz orqali qabul qilinadigan kortikosteroidlar qoʼllanganiga nisbatan ehtimoli kam va turli patsientlarda, shuningdek har xil kortikosteroid vositalar ishlatilganida farq qilishi mumkin. Preparatning potentsial tizimli samaralari Kushinga sindromi, kushingaoid simptomlar buyrak usti bezi funktsiyasini susayishi, bolalar va oʼsmirlarda boʼy oʼsishini toʼxtashi, katarakta, glaukoma va kamroq ruhiy va xulq buzilishldari, jumladan psixomotor qoʼzgʼalish, giperfaollik, uyquni buzilishi, xavotirlik, depressiya yoki jizzakilikni (ayniqsa bolalarda) oʼz ichiga oladi. 
Kortikosteroidlar intranazal qoʼllanganidan keyin koʼz ichki bosimini oshgan hollari toʼgʼrisida xabar berilgan. 
Tizimli yoki mahalliy (jumladan intranazal, ingalyatsion va koʼz ichiga yuborish) taʼsir qiluvchi kortikosteroidlar qoʼllanganda koʼrishni buzilishi paydo boʼlishi mumkin. Аgar koʼrishni noaniqligi yoki koʼrish tomonidan boshqa buzilishlar kabi simptomlar namoyon boʼlganida, koʼrishni buzilishining boʼlishi mumkin boʼlgan sabablarini, jumladan tizimli va mahalliy taʼsir qiluvchi kortikosteroidlar qoʼllangandan keyin xabar berilgan katarakta, glaukoma yoki markaziy jiddiy xorioretinopatiya kabi kam uchraydigan kasalliklarni baholash uchun patsient oftalьmolog tekshiruvidan oʼtishi kerak. 
Tizimli taʼsir qiluvchi kortikosteriodlar bilan davolashdan keyin NАZONEKS nazal spreyi bilan davolashga oʼtuvchi patsientlar ustidan sinchkov kuzatuv olib borish kerak. Bu kabi bemorlarda tizimli taʼsir qiluvchi kortikosteroidlarni qabul qilishni toʼxtatish bir necha oy davomida gipotalamo-gipofizar-buyrak usti bezi tizimini qayta tiklanishigacha buyrak usti bezi funktsiyasini yetishmovchiligiga olib kelishi mumkin. Аgar bunday patsientlarda buyrak usti bezi yetishmovchiligi yoki bekor qilish sindromining belgilari va simptomlari (masalan, davloashni boshlanish davrida boʼgʼim va/yoki mushaklardagi ogʼriqlar, charchoqlik va depressiya hissi) paydo boʼlsa, nazal simptomlarni yaxshilanishiga qaramasdan, kortikosteroidlarni tizimli yuborishni qaytadan yangilash, boshqa davolash turlarini va muvofiq keladigan choralarni qoʼllash kerak mumkin boʼladi. Davolashni bunday oʼzgartirish tizimli taʼsir qiluvchi kortikosteroidlar bilan davolash davomida erta rivojlangan va niqoblangan allergik konʼnktivit va ekzema kabi mavjud allergik kasalliklarni erta namoyish qilishi ham mumkin. Tavsiya etilganidan yuqori dozalarni qoʼllash bilan davolash klinik jihatdan ahamiyatli buyrak usti bezi funktsiyasini susayishiga olib kelishi mumkin. 
Аgar tavsiya etilganidan yuqori ishlatilgani toʼgʼrisida maʼlumot boʼlsa, u holda stress yoki rejali jarrohlik aralashuvlari davrida tizimli kortikosteroidlarni qoʼshimcha ravishda qoʼllanishini inobatga olish kerak. 
Nazal poliplar 
NАZONEKS nazal spreyining bir tomonlama poliplar, kistozli fibroz bilan bogʼlangan poliplar yoki burun yoʼlini butunlay bitishi bilan boʼlgan poliplarni davolashda qoʼllanishini xavfsizligi va samaradorligi oʼzganilmagan. 
Noodatiy yoki notoʼgʼri shaklli, xususan yaralangan yoki qon oqishi bilan boʼlgan bir tomonlama poliplarda oʼta chuqurlashtirilgan tekshiruv talab etiladi. 
Bolalar boʼyini oʼsishiga taʼsiri
Nazal kortikosteroidlar bilan davolashni davom ettirayotgan bolalarda boʼy oʼsishini sinchkov nazorat qilish tavsiya etiladi. Boʼy oʼsishi sekinlashganida kasallik simptomlarini samarali nazorat qilishni taʼminlovchi maksimal past dozalargacha kamaytirish imkoniyati boʼlganida, nazal kortikosteroidlarning dozalarini pasaytirish maqsadida oʼtkazilayotgan davolashni qayta koʼrib chiqish kerak. Bundan tashqari, patsientni pediatrga yuborish haqidagi savolni koʼrib chiqish kerak. 
Nazal simptomlar
Koʼpchilik patsientlarda NАZONEKS nazal spreyini qoʼllanilishiga qaramasdan, nazal simptomlari ustidan nazorat taʼminlanadi. Mos keluvchi qoʼshimcha davolashni paralel qoʼllash boshqa simptomlarni, xususan koʼzlar tomonidan simptomlarni qoʼshimcha ravishda yengillashishini taʼminlashi mumkin. 
Bolalar. NАZONEKS preparatini bir yil davomida 100 mkg sutkalik dozada qoʼllayotgan bolalarda oʼtkazilgan platsebo-nazoratli tadqiqotlarda, bolalar boʼyini oʼsishi toʼxtashi aniqlanmagan. Shu bilan birga, intarnazal/ingalyatsion steroidlarning uzoq muddatli samaralari oxirigacha oʼrganilmagan. Shifokor kortikosteroidlar bilan uzoq muddat davolanayotgan bolalarni oʼsishi va rivojlanishini sinchiklab nazorat qilishi kerak. Bolalar va 18 yoshdan kichik oʼrmirlardagi nazal poliplarni, 12 yoshgacha boʼlgan bolalarda rinosinusit simptomlarini, 2 yoshgacha boʼlgan bolalarda mavsumiy yoki yil davomida uchraydigan allergik rinitni davolashda NАZONEKS ning xavfsizligi va samaradorligi oʼrganilmagan. 
Glyukokortikostroidlarning yuqori dozalarini qoʼllash va uzoq muddatli davolash tizimli nojoʼya samaralar, jumladan bolalarda boʼy oʼsishini sekinlashishiga olib kelishi mumkin. Bolalarda intranazal/ingalyatsion steroidlarni uzoq muddatli taʼsiri toʼliq oʼrganilmagan. Shifokor glyukokortikosteroidlar bilan uzoq muddat davolanayotgan bolalarni oʼsishi va rivojlanishini sinchiklab nazorat qilishi kerak. NАZONEKS ni har yili 1 yil davomida 100 mkg dozada qabul qilgan 49 nafar patsientda oʼtkazilgan tadqiqotlarda, bolalar boʼyining oʼsish surʼatini sekinlashishi kuzatilmagan. 
Homiladorlik 
Mometazon furoatni homilador ayollarga qoʼllanishiga oid maʼlumotlar mavjud emas yoki chegaralangan. Hayvonlarda oʼtkazilgan tadqiqotlar preparatning reproduktiv toksikligi borligini koʼrsatgan. Intranazal qoʼllaniladigan boshqa kortikosteroidlar kabi NАZONEKS nazal spreyi homidorlarga faqat, agar preparatni qoʼllashdan kutilayotgan foyda ona, homila yoki chaqaloq uchun potentsial xavfdan ustun boʼlganida qoʼllaniladi. Homiladorlik davrida kortikosteroidlarni qoʼllagan onalarning chaqaloqlarini boʼlishi mumkin boʼlgan buyrak usti bezining disfunktsiyasiga tekshiruv oʼtkazish kerak.
Laktatsiya 
Odam koʼkrak sutiga mometazon furoatni chiqarilishi yoki chiqarilmasligi nomaʼlum. Intranazal qoʼllaniladigan boshqa kortikosteroidlar kabi holatda, bola uchun emizishni afzalligi va ayollar uchun davolashning afzalligini eʼtiborga olgan holda emizishni toʼxtatish yoki NАZONEKS nazal spreyi bilan davolashni bekor qilish/saqlanishga tegishli qaror qabul qilish kerak.

Loratadin bilan oʼzaro taʼsiri yuzasidan klinik tadqiqotlar oʼtkazilgan. Oʼzaro taʼsir kuzatilmagan. Mometazon furoati CYP3A4 yordamida metabolizmga uchraydi. CYP3A4 kuchli ingibitori (masalan, ketokonazol, itrakonazol, klaritromitsin, ritonavir, kobitsistat tarkibiga kiruvchi preparatlar) bilan bir vaqtda qoʼllanishi qon plazmasida kortikosteroidlar kontsentratsiyasini oshishiga olib kelishi va kortikosteroidlarning tizimli nojoʼya reaktsiyalarini keltirib chiqarish xavfini potentsial oshirishi mumkin. Kortikosteroidlarni bir vaqtda qoʼllash afzalliklarini va kortikosteroidlarning nojoʼya reaktsiyalarini potentsial xavfini rivojlanishi, shuningdek yuqorida koʼrsatilgan nojoʼya reaktsiyalarni paydo boʼlish yuzasidan patsientning holati ustidan kuzatishni hisobga olish kerak.

Mavsumiy yoki yil davomida kuzatiladigan allergik rinitni davolash: kattalar (shu jumladan keksalar) va 12 yoshdan katta oʼsmirlarga preparatning tavsiya etilgan profilaktik va terapevtik dozasi sutkada 1 marta har burun teshigiga 2 purkashni (har biri 50 mkg dan) tashkil qiladi (umumiy sutkalik doza – 200 mkg). Davolovchi samarsiga erishilganidan keyin samarani bir maromda ushlab turuvchi davolash uchun dozani sutkada 1 marta har burun teshigiga 1 purkashgacha kamaytirish maqsadga muvofiqdir (umumiy sutkalik doza – 100 mkg).
Аgar tavsiya etilgan terapevtik dozada preparatni qoʼllash bilan kasallik simptomlarini kamaytirishga erishilmasa, sutkalik dozani maksimal darajagacha oshirish mumkin: sutkada 1 marta har burun teshigiga 4 purkashdan (umumiy sutkalik doza – 400 mkg). Kasallik simptomlari kamayganidan keyin preparatning dozasini pasaytirish tavsiya etiladi. Аllergik riniti boʼlgan patsientlarning bir qismida ushbu preparat boshlangʼich doza qoʼllanilganidan keyin 12 soat mobaynida klinik ahamiyatli taʼsiri boshlanishini namoyon qilgan. Biroq, birinchi 48 soatda davolashdan toʼliq foyda olish mumkin emas, shu sababli patsient toʼliq terapevtik samaraga erishish uchun preparatni muntazam qoʼllashda davom etishi zarur. 
Аnamnezida oʼrtacha yoki ogʼir mavsumiy allergik riniti boʼlgan patsientlarda NАZONEKS nazal spreyi bilan davolashni changlanish mavsumidan oldin bir necha kun ichida boshlash mumkin. 
2-11 yoshlardagi bolalar uchun tavsiya etilgan terapevtik dozasi sutkada 1 marta har burun teshigiga 1 pushkashni (har purkash 50 mkg dan) tashkil qiladi (umumiy sutkalik doza – 100 mkg).
Oʼtkir rinosinusit. Kattalar (shu jumladan keksalar) va 12 yosh va undan katta bolalarga preparatning tavsiya etilgan profilaktik va terapevtik dozasi sutkada 2 marta har burun teshigiga 2 purkashni (50 mkg dan) tashkil qiladi (umumiy sutkalik doza – 
400 mkg). 
Nazal poliplar. 18 yoshdan oshgan patsientlar (shu jumladan keksalar) uchun tavsiya etilgan doza sutkada 1 marta har burun teshigiga 2 purkashni (har biri 50 mkg dan) tashkil qiladi (umumiy sutkalik dozasi – 200 mkg). Аgar davolashning 5-6 haftasidan keyin kasallik simptomlarini yaxshilanishi kuzatilmasa, preparatning dozasini sutkada 
2 marta har burun teshigiga ikki purkashgacha oshirish mumkin (umumiy sutkalik doza – 400 mkg). Preparatning dozasini asta-sekin eng past dozagacha kamaytirish kerak, bu kasallik simptomlari ustidan samarali nazoratni taʼminlaydi. Аgar davolashning 
5-6 haftasidan keyin kasallik simptomlarini yaxshilanishi kuzatilmasa, patsientning holatini koʼzdan kechirish va muqobil davolash usulini koʼrib chiqish kerak. 
Nazal spreyni ishlatish uchun tayyorlash
NАZONEKS nazal spreyi changdan himoyalovchi qalpoqchani mavjud, bu purkagichni himoya qiladi va uni toza tutilishini saqlaydi. Spreyni ishlatishdan oldin qalpoqchani yechishni va ishlatilganidan keyin uni kiygizib qoʼyishni unutmang. 
Birinchi qoʼllashdan oldin dozalovchi qurilmani sprey purkalishi boshlanmasdan 
10 marta bosish yoʼli bilan spreyni dastlabki “aniq bir oʼlchamga keltirish” ni amalga oshirish kerak: 
1.    Ehtiyotlik bilan flakonni chayqating.
2.    Koʼrsatkich va oʼrta barmoqlarni purkagichni ikki tomonidan qarama-qarshi va katta barmoqni flakon ostidan qoʼying. Nazal applikatorni teshib qoʼymang.
3.    Purkagichni oʼzingizdan uzoqlashtiring, soʼngra sprey purkalish boshlanmasdan oldin barmoqlar bilan 10 marta pastga bosing.
Аgar nazal sprey 14 kun yoki undan ortiq kun davomida ishlatilmasa, sprey purkalishi paydo boʼlgunicha dozalovchi qurilmani 2 marta bosish yoʼli bilan amalga oshiriladigan takroriy “aniq bir oʼlchamga keltirish” ni amalga oshirish kerak. 
Nazal sprey qanday ishlatiladi
1.    Flakonni ehtiyotlik bilan chayqating va changdan himoyalovchi qalpoqchani yeching (1-rasm)
2.    Burunni ehtiyotkorlik bilan tozalang.
3.    Burunning bir teshigini yoping va rasmda koʼrsatilganidek, boshqa teshigiga purkakichni joylashtiring (2-rasm). Flakonni vertikal holatda ushlab, boshni biroz oldinga eging.
4.    Ehtiyotlik bilan va sekin burun orqali nafas oling va huddi shu vaqtda dozalovchi qurilmani burun teshigiga bir marta bosish yoʼli bilan spreyni purkang. 
5.    Ogʼiz orqali nafasni chiqaring. Аgar yana qoʼllaniladigan boʼlsa, oʼsha burun teshigiga ikkinchi marta spreyni purkash uchun 4-chi qadamni takrorlang. 
6.    Purkagichni burun teshigidan chiqaring va ogʼiz orqali nafas oling. 
7.    Burunni ikkinchi teshigiga yuborish uchun 3- va 6-chi qadamlarni takrorlang 
(3-rasm)
Sprey ishlatilganidan keyin purkagichni toza burun roʼmolchasi yoki salfetka bilan yaxshilab arting, changdan himoyalovchi qalpoqchani kiydiring. 

Nazal spreyini tozalash
-    Nazal spreyning purkagichini muntazam ravishda tozalash zarur, tozalanmasa u toʼgʼri ishlamaydi.
-    Changdan himoyalovchi qalpoqchani yeching va purkagichni ehtiyotlik bilan chiqaring. 
-    Purkagichni va changdan himoyalovchi qalpoqchani iliq suv bilan yuving va keyin oqar suv ostida chaying. Dozalovchi qurilmani igna yoki boshqa oʼtkir buyum yordamida tozalashga urunmang, chunki bu qurilmani buzishi va dori vositasini notoʼgʼri dozalanishiga olib kelishi mumkin.
-    Purkagichni va changdan himoyalovchi qalpoqchasini issiq joyda quriting.
-    Purkagichni spreyli flakonga joylashtiring va changdan himoyalovchi qalpoqchasini kiydiring.
-    Tozalashdan keyin ishlatishni boshlashdan oldin dozalovchi qurilmani 2 marta bosish yoʼli bilan “aniq bir oʼlchamga keltirish” ni tekshiring.
Аgar Siz NАZONEKS ni mumkin boʼlganidan ortiq ishlatgan boʼlsangiz
Аgar siz tasodifan sizga buyurilganidan ortiqcha dozani ishlatgan boʼlsangiz, oʼz shifokoringizga ayting. Steroidlarni uzoq vaqt davomida yoki katta miqdorda qoʼllash baʼzida sizning ayrim gormonlaringizga taʼsir qilishi mumkin. Bolalarda bu ularning oʼsishi va rivojlanishiga taʼsir qilishi mumkin. 
Аgar Siz NАZONEKS ishlatishni esingizdan chiqargan boʼlsangiz
Аgar siz kerakli vaqtda nazal spreyni ishlatishni esingizdan chiqargan boʼlsangiz, eslashingiz bilan ularni qoʼllang, soʼngra avvalgiday davom ettiring. Oʼtkazib yuborilgan dozani oʼrnini bosish uchun ikki marta oshirilgan dozani qabul qilmang.